كنت وردة وذبلت :(

[GirLysh]

السلام عليكم ورحمة الله وبركاته

خواتي ماعرف كيف أبدا ~

أنا صارلي 4 شهور متزوجه ,, وكنت عايشه حياتي من أحلى مايكون
والكل يحسدني على سعادتي مع زوجي
بس بعد حملي تغير كل شي

في بداية حملي ماكنت احس بشي بعدني كان معميني حب زوجي
بس بعد فتره لاحظت على زوجي تحركات غريبه

وبدا الشك يلعب بي .. بس تعوذت من الابليس
لكن مازالت الشكوك تعذبني ..

ودوم أشوف في تلفونه ارقااام تتكرر أكثر عن مره
وبعضها مكالمات فيديو في وقت متأخر من الليل ؟!

قلت الا اعرف من اصحاب الارقام هذي
وليتني ماعرفت !!!

طلعو بنات .. إنصدمت وتحطمت وماكنت اتوقع ابدااااا انه في يوم بيخوني
بيخون العشره والحب اللي بينا !!

والمشكله انه يعاملني بحب وحنااان ومش مقصر علي بأي شي
ودوم يقول لي انتي أحلى حب في حياتي ومستحيل اتخلى عنج بدونج حياتي ولا شي
وانا ابادله الحب بس من اتذكر خيانته لي يعتفس مزاجي
واعامله بجفا وانا طبعي ماحب انافق ابداااا !

بس معاملته لي تقهر لدرجه فظيعه يعني كيف يكلم غيري وفي نفس الوقت
يقول انه يحبني ؟! اي حب هذا !!

بس مره من القهر اللي فيني طلعت حرتي فيه
وقلت له والله لو بس عرفت انك تكلم بنات من وراي
مابيلس عندك ولا دقيقه وحده عسب تحس بقيمتي

قام وقرب وحسيت دموعه في عيونه وقال لا تخليني !!
انزين حافظ علي لا تلعب بي وتخون .. وقال بعد انتي شو تبين فيهم
دام اني عندج !! << هذا يدل على انه يكلم غيري ويعترف بعد

مشكلته مايعرف يجذب ولو جذب اكشفه

وعلى فكره ريلي جنوبي وانا شماليه
وشخصية الجنوبي تميل لمساعدة الكل
سواء رجل أو إمرأة وقلبه كبير
بس هذا مب معناته يساعد غيري على حسابي

ويشهد الله اني مش مقصره وياه في أي شي
بس شو سبب خيانته لي !!

وقبل الملجه اعترفلي انه كان يرمس بنات
بس تركهم وقال لهم بالمختصر انا الحينه ريال متزوج
ومابي ارمس حد منكن !!


ارجووووووكم بنصايحكم لي بستعيد قوتي
لاني احس اني ضايعه ومحطمه والله

 

[حنين احمد]

لا حول ولا قوة الا بالله العلي العظيم
اكثري من الدعاء و الاستغفار و اقراي القصص الموجودة بالمنتدى و انشاء الله تستفيدي
لاني اظن انه صعب يبطل يتكلم مع بنات خصوصا انه جنوبي لانه يحب يكون مرغوب و محور اهتمام اكثر عددد من البنات بس مافي شي مستحيل و شوفي انتي الشخصيات و كيف تقدري تكسبيه بس لا تكدري خاطرك و لا تدققي عشان ما تتعبي
الله يهدي لك زوجك و ييسر لك اللي فيه الخير

 

[قمرهمك]

بسم الله الرحمن الرحيم
اختي العزيزه انتي لسا بدايت حياتك الزوجيه والحياه ماتخلى من المنغصات وهذي وحده من المنغصات لاتستسلمين من اول هبت ريح لازم تكونين اقوي من كذ لازم ادفعين عن مملكتك الصغيره ولازم تكسبين زوجك دلعيه اشغليه خليه يسأل نفسه ليش اسوي فيها جذي ولاتبيني انك عارفه ترمو لصالحك :icon30:وتمسكني قدام زوجك وذبولك ماله داعي الورده عطيهاامل تفائل بانك اقوى من كذا وبنسبه للأرقام عندي حل لهن بس ماادري ينفع اولا بس لازم تنتقمين بخفا دون معرفه الزوج<<
(اذا بغيتي الحل قوليلي عشان اعلمك الطريقه)
هذا الكلام نابع من قلبي الأني حاسه فيك ومريت بتجربه اقوي منها

 

[GirLysh]

حنين احمد

أشكرج على ردج حبيبتي ~ بس ابغي اقولج والله اني مدلعتنه ومش مقصره فيه ابدا
وساعات احسه انه دنيتي كله وساعات اتغلى ,, بس ماشي فايده مازال يخون
واليوم الصبح اكتشفت انه مغير اسم البنات اللي عنده لاسامي شباب
يعني قبل كانو ارقام من دون اسامي بس الحينه سماعم بأرقام شباب !!!


~
قمرهمك

ذبولي هذا غصبن عني والله ~ ماعرف شو اسوي
وانا عاطفيه لأبعد الحدود واخاف ادمر بسبة هالشي
وادمر حياتي !
قوليلي الحل يمكن ارتاح والله ~ لاني يوم عن يوم وانا انقهر
واحس قلبي خلاص ماباقي شي فيه من كثر الجروح اللي فيه

 

[قمرهمك]

لا ما احب النغمه الحزينه هذي احب الناس القويه الي تاخذ حقها وياجبل مايهزك ريح تعالي نتساعد علئ حل المشكله والله يا اختي حنا الان في
فتن الله يحمينا منها
(صرحه مااقدر اطرح علي المنتدي اخاف ان احد يستعملها بشكل خطاء ويصير الذنب علي
:icon1366:اذ عندك اميل ممكن اساعدك

 

[GirLysh]

:sadwalk:

ان شاء الله أكون أقوا من جيه الايام اللي يايه

 

[قمرهمك]

هلا حبيبتي انا ضفتك عندي خلاص ياليت نتواصل عشان نستفيد من الوقت
شكرا علئ ثقتك فيني

 

[GirLysh]

مشكوره ياقمرهم ~
بنات بليز كل وحده تحط الحل اللي عندها لا تقرون وبس

 

[حبك بعثر الدنيا]

الله يكون بعونج اختي وعليجبلصبروالدعاء والاستغفار

 

[متفاائله بالخير]

الله يعينك وعليكي بالدعاء والصبر

 

[GirLysh]

تسلمون ع المرور

أبغي نصايح =(

 

[شماليهje شرقيه]

يعني علشانك حملتِ قام يلعب بذيله من وراك ؟ اجل لو ولدتي ورحتِ عند اهلك للنفاس شو بيسوي ؟

وانا اشوف مرة اخوي عمرها ماجلست عند اهلها حتى بعد الولاده تقعد عند زوجها وتقوله يجيب لها شغاله عشان ماتعطيه الفرصه انه يلعب بذيله او ينساها دقيقه ّّ!!

المهم نرجع لموضوعك عزيزتي

انا كثير أؤمن وليس في كل الحالات بالمثل الي يقول من شب على شي شاب عليه وابو طبيع مايوز عن طبعه

لكن شوفي عزيزتي

دام انك تقولين ان زوجك جنوبي فما راح يجي بالعين الحمرا ابدا بالعكس راح ينفر منك واساسا حتى لو عصبتِ الحين هذا مضر بصحة جنينك ..

احلا شي وبما انك شماليه وانا اعرف الشماليات الجانب الفعلي بالرومنسيه عندهم قليل الا اذا عرفوا شلون يستغلونه بذكاء

عوديه على نفسك حتى الاكل وكليه بيدينك ضميه كثير واحظنيه المهم خليه يتعلق فيك اكثر واكثر بس خليك بنفس الوقت قويه فاهمه شلون ّّ!! خبريه انه هذا كله لازم يوقف عساس مايتطور الوضع للأسوأ وذكريه صحة البيبي الي في بطنك لان يوم هو يسوي هالشي انتي توترين وهذا ياثر على الي في بطنج فهمتي علي ؟!! ومثلي عليه بكم حركه لانه عاطفي مثلا يوم تتكلمين في هالموضوع سوي كأن جا نغزه في بطنك وامسكي بطنك وابدي صيحي شوي وشويات وقولي حبيبي بليييز انا مابي نخسر بعض ولا انت يرضيك هالشي فلا تدمر حياتنا وحبنا وسعادتنا من شان شي يخالف الدين اولا و يعتبر خيانه لي ثانيا الا اذا ماتهمك صحتي ولا صحة البيبي فهذا شي ثاني وانتي طبعا تتألمين ( بسم الله عليج بس شنسوي من كان له حيلة فليحتال )

هو طبعا بيتعاطف معك وصدقيييييييييييني كل ماحاول يكلم بيتذكر المك وصياحك والمغص الي جاك وانه هو كان السبب سوي هالحركه وخبريني

واهم شي الدعاء والاستغفار

موفقه عزيزتي

 

[GirLysh]

فديتح والله ياقلبي ~
كلامج لي حسسني بشي غريب ,, واشتقت لزوجي الصراحه هههه ,, صحيح اني احبه واموت فيه بس حركاته ولعبه من وراي يقهر .. انا فهمت انه واقف مع البنت هذي لانها تحتايه وهو يحس انه دون جوان زماانه مثل مايقولون ,, يحب اللي يحتاجه بشي ,, ويعطيه كل ماعنده عشان يعينه ,, يعني بالمعنى الأصح يشفق عليها.

انا اللي يقهرني مكالماته لي انا ماتتعدا العشر دقايق وهي توصل للـ45 دقيقه ويمكن اكثر على شو مالت عليج
صدق مب متربيه ابدا لا ادب ولا اخلاق بنت شوارع عفانا الله .

لكن زوجي بين يديني وراح ارده لي بإذن الله.
وراح تشوووف النذله (( سامحوني على الألفاظ المب زينه ))

وأشكرج من قلبي والله على كلامج عطيتيني دافع اني ابدا وياه مشوار جديد
ومن دون لا أحسسه بأني كاشفتنه .