كل وحدة تحط نفسها مكاني قبل تقرؤ قصتي ؟؟

[قمه الروعه]

:sad_1: السلام عليكم ورحمته الله وبركاته

يابنات انا خلاااااااص وصل حدي وكرهت نفسي لي ابعد درجه ساعدوني وعطوني حـــــــــــــل يريحني ويريح زوجي

انا متزوجه وعندي ولد وادرس بالجامعه ام القرى طبعا في السكن وولدي عند اهل زوجي وزوجي ساكن في الجنوب عند اهله طبعا

بين بيتي وبيتهم باااااااااااااب وحوش وماادراك ما ورى هالباب من مشاكل وهموم

انا اجي بيتي في الشهر مرتين يوم الاربعاء واروح يوم الجمعه يعني مافي وقت نجلس انا وزوجي وولدنا لحالنا انا وزوجي نحب بعض بس الوضع اللي حنا فيه خلنا نبعد

اهله متدخلين في حيااااااااتي في الصغيرة والكبيرة وغير هذا مستحيل اخذ راحتي في بيتي لا لبس اقدر حتى اخذ راحتي في الكلام والاشي حتى ابسط حقوق زوجي مااقدر اسويها غرفه النوم تبعي صارت ملك لهم اسافر وارجع مااعاد القى اعطاري الا فاضيه والادراج مقلبه واذا كلمتهم يقولون وش قصدك احنا سراقين وكلمهم زوجي قالهم نبي ناخذ راحتنا وحربونا لمدة سته شهور او اكثريمكن
ولين ومرة لقيت السنتيانه حقتي معلقه في غرفتهم وحتى هنا ماقدرت اتحمل

ووصلت معي لما سمعت ام زوجي تقووووووول لبنتها روحي شيلي ولدك واكليه قدامي وقصدها على ولدي ولما قلت لها ياخاله ليش انا وين رحت هذا ولدي ردت وقالت انتي رحتي لجامعتك وخليته ........يعني انا خلاص انتهى دوري ماكاني تعبت وحملت وولدت الولد صار ولدهم

كفااااااااااااايه وزوجي مشاركني فيه حتى لما نخرج لازم كلكهم اخواته وامه معنا انا موقصدي اقطعهم من ولدهم بس ابي اخذ راحتي نفسي لها حق عليه تعبت من كثر مااكتم اذا شكيت لي اهلي يقولون شيلي ولدك وتعالي عندنا وخلي زوجك واهله ينطقون

وانا بصراحه مع زوجي احب زوجي وهو يحبني لكن الوضع منكد حياااااااااتي


تكفوووووووووون ساااااااعدوني

 

[حلوة النماص]

ياأختي الله يكون بعونك


من رأي بيتك وزوجك وولدك أهم من دراستك وان كنت مكانك تركت الدراسة من أجل بيتي

 

[حبيبة قلب أمها]

لا طبعا ماتسبين جامعتك جامعتك هى سلاحك اللى تدافعى بيه عن حياتك اذا جائك غدر الرجال
والمفروض تاخدى ولدك عند اهلك ما تتركيه لهم ولما تيجى اجازه تجبيه معى ومهما حاربوكى اصمدى وحاجتك لميها واغلقى عليها دولاب بمفتاح واللى يزعل يطق راسه بالحيط وزوجك هو اللى لازم يتكلم هو ماهايغضب ربه الا لازم يتكلم مهما حاربوه بس يكون كلامه بدون خناق وبالحسنى

 

[قمه الروعه]

بس انا متمسكه بدراستي اكثر من اي شي ولانه ماعاد بقلي الا سنه ونص واتخرج

حتى زوجي ماراح ينفعني مثل شهادتي حتى لو اني احبه .........

 

[نظرت المستقبل]

طبعا الوحده في هذا الزمن مالها الا دراستها اياكي ثم اياكي تتركي دراستك انتي اصلا باقيلك كم سنه وتتخرجي ؟؟؟ وبعدين اصبري والله لكي الاجر معليش كل ما حسيتي نفسك متضايقه الجئي الى الله وقولي داخل نفسك انه فترة وتعدي ....
لكن نصيحه اذا كان تخصصك ما منه فايده يعني ما راح تتوظفي فيه يعني بتكون شهادة وبس ... لا والله بيتك وزوجك وولدك اهم ؟؟؟؟ وابغى اعرف هل اقمتكم في بيت اهله مؤقته ولا دائمه ؟؟؟
والله يكون في عوانك ويسعدك وبعدين يا اختي لما تخرجي من بيتك اقفلي بابك بالمفتاح احسن للجميع ....

 

[حلوة النماص]

أختي دام ما بقلك شئ وتخلصي دراستك

سوي مثل ما قالت الاخت حبيبة أمها والله يعينك قفلي على أغراضك ووريهم العين الحمرا وولدك عند أهلك

 

[RE78EM]

حبيبتي الحل بعد الدعاء لله والتضرع ان ييسر امرك ويفرج كربك ويسخر اهل زوجك ان ينقل زوجك الى نفس المكان بحجة انه تعب من الحاله هذي وهو بعدك عن البيت وياخذ ولده معاه ويفهمهم انه حل مؤقت وبعدين بعد مايهدى الوضع عاد كيفكم تبون اتردون اوتقعدون هذا شيء راجعلكم مع انه في اعتقادي انه بترجع الحاله مثل اول والافضل انك تستقلين لانه لما اتخلصي الجامعه راح تقابلينهم ويزيد الطين بله وهذا حقك ومحد ايلومك ولازم زوجك ايتفهم قبل لاتنتهي حياتكم والسبب هالمشاكل واسأل الله ان يكون رأيي فيه خير وصلاح لا قطيعة رحم

 

[RENO]

صح حبيبتي انتبهي لدراستك وانشاءالله فتره وتعدي وبعد ما تتخرجي ضروري تستقلي بيب لوحدك كذا بتحسي بشي من الاستقرار

 

[قمه الروعه]

اقامتنا دايمه لن بيتنا ملك بس بيننا حوش وباب

ولما اقفل باب بيتي امه تزعل وتسوي لنا سالفه مالها اول ولا اخر

بحجه انه يمكن تحتاج شي من بيتي

والله لو تدرون اني لما اروح بيتي القاة زبااااااااااااله وانتوا بكرامه

 

[روعة احساااس]

الله يفررررررررررررررج عليك بصراحه جد رحمتك الحين انتي ركزي باختبارتك ووقت ما تخلصين غيري اسلوووبك معاهم لا تصيرين ضعيفة :busted_red: لان الحق معك شي يقهرررررررررر وربي ولا تنسين تلجأين لربك بالدعاء واله مافي مثل الدعاء يغير من حال الى حال ودعواتي لك

 

[ألماسة آسيه]

السلام عليكم ورحمة الله وبركاته
اختي الحبيبه اذا كنت تبيني اكون مكانك فانا تركت الدراسه ورحت مع زوجي لاحافظ على مملكتي واللى يقول الشهاده مالك غني عنها وما تنفعك الا شهادتك اقول بصدق شهادتي لن تدخل معي بقبري وطاعة زوجي وراحه واستقراره هي اللى ابلقاها في قبري الشهاده امر ثانوي بالحياه اما سعادة زوجي وابنائي هي امر واجب على بالدنيا والاخره لان كلكم واع وكلكم مسئول عن رعيته
** اما اذا كنت تبين الحل مني عليك التمسك بالصبر مع الحزم مع اهل زوجك تفاهمي مع زوجك واهله واقفلي الباب واذا احتاجوا شيء من البيت زوجك يجيبه لهم اليس هو موجود ؟؟!!
شوفي اذا زعلوا خليهم ايام وتقربي منهم مع الحزم باغلاق بيتك يعني البيت مقفول بس تقربي منهم بالكلمه الطيبه والدعاء بصدق لهم وعند مسامعهم
اما بالنسبه لابنك ليه ما توديه لاهلك ؟؟
وليه ما تخلى مره انت تجي ومره زوجك يجي مع ابنك لك ؟؟

والله اعلم

 

[غالية على الكل]

حسبي الله ونعم الوكيل
ايش هذا احنى وين عايشين في ناس بالاخلاق هذه

كانها عدوتهم
وانا استغرب من ام الزوج بالذات تصغر عقلها لاشياء تافهه

وماتبي راحت ولدها

الله يهديهم يارب
وانت يااختي الله يكون بعونك

 

[ام ريان الزهران]

حيبتى بعد التحيه انتى عشان موقفك ضعيف خليتهم يسيطرو عليك الا كان من اول يوم قفلتى بابك وكل شي له حدود لازم تكونى قويه بس مومتسلطه وكمان تحافظى لى خصوصيتك لانهم عشان حاجتك لهم مخذين حريتهم في بيتك واول واحد لازم يفهم زوجك والله انى مسافره خارج البلاد ومفقله بيتى كله وانا اعرف اهل الجنوب الله يهديهم بس برضه خلى ولدك عنداهلك لان الاهل مستحيل يمنو عليك والحموات الله يهديهن منه وتسلط
لكن لاتخلى شهادتك وتحملى وتسلحى بالصبر والدعاء
وزوجك خليه معك يعنى في صفك وذلك بان توصيه دائما على امه واهله والله يعينك

 

[بحر الجواهر]

اسمحيلي انت من تركتيهم برغبتك فالتعليم له حلول كوني منتسبه في الجامعه
حاولي تقديم عذر لترم وتقربي من ابنك وزوجك كأنه لم يتزوج ماهذا الاستهتار بالحياة الاسريه
هل ابنك يشعر بحنانك وتشعرين بشوق الاموة في قلبه من ناحيتك
قد تكون كلماتي قاسية عليك لكن مصلحتك واسرتك تحتم ان نقول لك اسرتك اوجب عليك من غيرها
ومصير زوجك يصارحك او يخيرك فلا تضعي نفسك في موقف اختيار

 

[shed_no_tears]

زوجك يجلس في بيتك و في بيتهم في غيابك؟
إذا كان في بيتهم فقفلي بيتك و لا تسمحي لهم بدخوله في غيابك...

حاولي تخلي زوجك ينقل لمكان دراستك ولو نقل مؤقت لحد ما تخلصي بعدين ترجعوا....
أو أدرسي بالإنتساب ..يعني ما راح تغيبي غير فترة الإختبارات فقط..

الله يعينك و يوفقك...

 

[قمه الروعه]

اشكرك جميع البلقيسات الرائعات

لي نصائكم يااحلى اخوات وواعدكم قبل نفسي

باارادة ربي بانني سوف اتغير واغير حياااااااااااااتي


اذا راد رب العزة والجلال بذلك

 

[ام عبدالرحمن@]

حبيبتي انتسبي بالجامعه ولاتبعدي زوجك وولدك عنك اذا زوجك يحبك لاتبعدي عنه بكره امه تقول خلي المراه ذي في جامعتها وروح انت شوف لك عروسه ثانيه واستقر بحياتك الله لايقوله بس
الله يوفقك ويسخرلك زوجك ويخليلك ولدك يااااااارب

 

[ام عبدالرحمن@]

اختي لاتشتكي لزوجك وتقوليله ابي اخذ راحتي معك ابي ابعد عن اهلك لاتبيني له كذا بيقول بعدين تبي تبعدني عن اهلي خذيه بالسياسه شوفي يوم عنده اجازه وارسليله رساله بالدوام انك نومتي ولدك وهاليله اتخيل اني مافي بالدنيا الا انا وانت وتعال الوقت الفلاني انا ملكك وسويله بالبيت شويات رومنسيه والبسي احلى شي من ملابسك واذا جاء قوليله من زمان وكنت اتمنى نكون لوحدنا ومن هالكلام انتي وشطارتك واسلوبك قربيه منك عوضي عن الايام اللي فاتت وبيني انك ندمانه عالايام اللي بعدته عنه وعن ولده وبين كل يومين سويله تغير وفترة تبغى تطلعي انتي وياه وولدك وماتبي اهله يطلعوا معاه اتفقي معاه قبلها بيومين او3 انك تبي تطلعي انتي وياه وولدك مثلا حديقه وقوليله باتكلـــــــم معاك في امورنا الخاصه وهو يفهمها وراح يحاول انه ماياخذ اهله معاه لازم تكون اذكي منهم عشان تتغلبي عليهم بالمكر وفتره استشيري ام زوجك انكم تطلعوا طلعه حلوه بر اوشاليه وقوليها انك بتسوي طبق اوحلى او معجنات صدقيني بعدين هي بتخف الروحه معكم وشوفي يوم قوليلها ليش مانطلع ويودينا ولدك المكان الفلاني اذا حست انك ماتتضايقي من الطلعه معاكم هي بتعطيك حريتك مع زوجك اختي مثل ماقلتلك انتسبي للجامعه وحاولي انك تتقربي للثلاث زوجك وولدك واهل زوجك حاولي تكسبيهم خاصة ام زوجك اذا كسبتي قلبها كسبتي قلب زوجك حتى لو الام من النوع المتسلطه عامليها كانها امك وذا شفتي منها كلام مسئ لاتردي عليها وحبيها على راسها في الدخله والطلعه والله بتحن عليك وتحبك مثل بنتها الكلام الحلو يلين الحجروالله اني اتمنى لك الخير والله يسعدك مع زوجك واسفه عالاطاله ^_^

 

[ربي رضاك]

ياختي انتي تجين اربع ايام في الشهر وتقضيها كلها مشاكل وشكاوي لزوجك من اهله وتذكري عنايتهم بولدك من تنظيف واكل
هذي ماتحسب لهم؛؛؛؟
تخيلي رمواعليك ولدك وقالوامالناشغل فيه وش بتسوين ساعتها
وبعدين امسكي اغراضك واقفلي عليهادولابك او وصي زوجك يقفل غرفة النوم

 

[لتوفي]

شوفي كل شي يعوض الا الدراسه اهم شي ان شاء لله لاتاخذين راحتك ابد بس بيجي يوم تقولين حمد لله صبرت ونلت شهادتي بيدي والباقي مايهم