كل سيدة اعمال ذكيه تدخل وتقول رايها

[اكبر من عمري]

السلام عليكم اخواتي سيدات الاعمال
انا ارجوكم تعطوني راي ذكي وسريع في فكرتي التجاريه
انا احب الازياء والملبوسات بشكل هستيري فكرت اسوي لي محل بس للاسف مافي راس مال :sadwalk:
المهم ذاك اليوم كنت بمحل لانجري محل صغير وماحد مهتم له
لقيت عندهم بجايم رووووعه لكل بيجامه صندوق وهي بداخله ملفوفه بورق شفاف ومعاه صوره لممثله معروفه عارضتها
وبحثت فالنت طلعت ماركه ممتازه بس مومشهوره المهم حاجه خيال
انافكرت اشتري كميه وابيعها على صديقاتي والمقربين وبعدين اتوسع اذا اشتهرت بس خايفه افشل:blow:
مدري ساعدوني الله يخليكم خصوصا اني بابيع ذهبي واشتري كميه

 

[رزقي على الله]

فكره رائعه

بس ابدئي بكميه بسيطه وحربي حظك واللي تكسبيه اشتري فيه وهكذا

ام ذهبك حاولي ماتبيعي منه الا شي بسيط عشان ماتدرين وش اللي ناطرك

وموفقه

 

[الفرح دنيتي]

الله يوفقك اختي

انا من رأيي تبدأي بكميه بسيطه وتكون متنوعه خصوصا انك مبتدئه بهالمجال

ومجال البيع مره يحتاج اشياء كثير من ناحيه الشخصيه والاسلوب

لان اسلوبك بيختلف من زبونه لاخرى على حسب نوعية الناس وطرق اقناعهم

وحطي لك برستيج خاص فيكي عشان الناس شوي تحب المظاهر هههههه

اذا شافو البرستيج عالي بيشترو منك

موفقه يرب

عاد قولي لنا شنو يصير معاك

 

[(شمس النور)]

مادام راس المال لايمكن المجازفة فيه

اقترح عليج هالفكره .. ومنها راح تعرفين فيه اقبال او لا .. بدون ما تجازفين براس المال

الفكرة :
تاخذين الصور من النت .. وترقمينهم وتحطين عليهم الاسعار وتسوينهم ككتلوج
وتعرضينهم بطريقة مرتبة ..
مثلا اذا القطعة لها الوان ثانية تضيفينها بس بصور اصغر
وتوزعينهم مجموعات .. يعني قسم البجايم .. و قسم القمصان و قسم ... الى اخره

بهالطريقه ما راح تتكلفين غير قيمة الكتلوج

واعرضي الكتوج على صديقاتج .. والي حابب يشتري يعطيج رقم القطعة واللون والمقاس

اذا شفتي فيه اقبال اطلبي لهم ... اذا ما فيه اقبال على الاقل ما خسرتي شي

ملاحظة :

ممكن مع الكتلوج تجيبين عينة من البجايم مثلا ( تكون مقاسج علشان لو ما احد شراها تستخدمينها)
والهدف علشان الحريم يعرفون نوع القماش .. والالوان

اتمنى فكرتي تعجبج ... وموفقة ان شاء الله

 

[اكبر من عمري]

مشكورييين ردودكم حلوه لله يسعدكم
طيب ليش ماروح للمحل واطلب منه صور البجايم وعلى قولتك افرج الناس عليهم
قولتك بيوافق ؟

 

[الريم**]

فكرتك رووووعه
الله يوفقك..............