أسطورة قمر
New member
- إنضم
- 6 ديسمبر 2010
- المشاركات
- 217
السلام عليكم بنات أحب أعلق على مواضيع القسم ،، بنات أبسألكن سؤال الحين بعضكن الله يهديهن تقول « أنا مالي غيركن يا بنات » يعني وين اللي خلقك ماله محل عندك مهوب أحق إنك تشتكيله أنا ما أقول لا تستشيرين ولا تفضفضين كلنا حريم وودنا نطلع اللي بقلوبنا بس توصل تعلقين قلبك للناس وتنسين ربك وتقولين عبارة شركية مثل اللي كتبته أو غيره ترى حنا مسؤولين عن كل كلمة نكتبه ،، وسبحان الله ترى المصائب دائماً تنبهنا عن شي غافلين عنه ألا وهو البعد عن الله سبحان الله الحين أنتي بمصيبة شوفي حياتك الدينية شوفي نفسك مع الصلاة تصلينه بوقته ، متى أخر مرة قريتي قرآن ، متى قمتي الليل ودعيتي الله يغفر لك معاصيك ، شوفي وش تشوفين ، وش تسمعين .... الخ ثم فكري بحل المشكلة ،، بعض الأيام ننغمس باللذات وننسى ليش الله خلقنا ونحتاج شي يفيقنا والهموم نعمة نغفل عنه ،، أنا قبل كم سنة كنت بهم الله لا يوريكم حاولت أنتحر تخيلوا أمسك الكلور أبشربه أبي أفتك من الدنيا بس الله بغيلي الخير أقعد أتذكر النار ثم أتركه وأتذكر ليش الله خلقنا وكنت بذاك الوقت نبي ندخل على الرمضان وقعدت أتعبد الله أغلب وقتي وأدعيه من قلب وأقراء القرآن بخشوووووووووووووووووووع وأكثر من الإستغفار و عرفت وين أجد اللذة والسعادة الحقيقة كنت غبية أدور السعادة بأمور تافه وتاركه كنز عظييييييييييييم بيد كل واحد فينا ألا وهو القرآن ،، قد تفكرتوا بهالآيات « إنه على كل شيء قدير » ، « أدعوني أستجب لكم » وغيرها الكثير الكثير بس ناقصنا التفكر بآياته ،،بعدها حسيت إن هموم الدنيا كله ماتهمن إلا اللي يمس ديني فقط ، راحة نفسية عجيبة ، عمري ماتمنيت شيء من قلبي ما دعيته إلا وحصلت عليه الحمدلله وماشاء الله ، أنفرج همي ،، أدعية تقال عند الهم والمصيبة « اللهم آجرني في مصيبتي وخلف لي خيراً منها » « لا حول ولا قوة إلا بالله » « لا إله إلا أنت سبحانك إني كنت من الظالمين » ... الله يهدي كل من تقرأ موضوعي وكل مسلم ومسلمة وتغفر لهم وترحمهم ولاتحرمهم يارب برحمتك جنتك جنة الفردوس الأعلى وتثبتن وتثبتهم على صراطك ألمستقيم وتفرج همومهم وتحقق أمانيهم وتنصرهم على اعدائهم نصر عزيز مقتدر اللهم صلي على محمد آمين والحمدلله رب العالمين
التعديل الأخير بواسطة المشرف:
