كـــ هموم ــلي
New member
- إنضم
- 4 يوليو 2009
- المشاركات
- 19
السلام عليكم ورحمة الله وبركاته
بقول لكم عن حياتي لانني طمعانه بكرمكم انكم تلاقون لي حل ...
انا متزوجه من سبع سنوات وعندي بنت وولد والحمدلله ببداية زواجنا كانت امورنا الحمدلله حلوة انا وريلي بس بعد سنتين وخاصة بعد ولادتي لبنتي ريلي صار يتغير علي شوي شوي يعني بداية تغيره علي ,ولكن بعد ولادتي لولدي تغير علي بشكل كبيير جدا لدرجه ان عياله مايهتم فيهم إذا مرضوا ولا صحوا واذا مرضوا ما يرضى يوديهم ع المستشفى يتحجج لي انه مايحب يشوف عياله يوم انهم يصيحون عند الدكتور وهو يكشف عليهم حتى انه مايوصلني للمستشفى ويروح عني لا يخليني اروح مع الدريول والخدامة .....((( انا اماقول لكم انه مايحب عياله ابدا لا !! هو يهتم فيهم يشتري لهم اللي يبونه بس انه ما يوديهم المستشفى او حدائق او أي مكان ثاني )))
ووللعلم انه مايجي بدري للبيت يعني اذا رجع البيت بدري تكون الساعه 11 او 12 وانا اتم سهراانه لين ماهو يجي للبيت ....فوق هذا كله القهر انه يخونني مع (( بنات الحراام)) طوول الليل يكلمهن بالتلفون بس للأمانه انه مايكلمهن قدامي يعني مثلا مرة كنت اتعشى معاه وجاه تلفون وطلع برا وتم يتكلم لين ما خلص وشبع من الكلام مع بنت السوء وبعدين رجع يكمل عشاه ..وإذا سألته من تكلم بهالليل يجاوبني انه واحد من الشباب ..
وانا مالاقي فرصة وهو برا البيت اني اكلمه لو دقيقة وحده واذا انا دقيت عليه اريد اسأل عن احواله يكلمني بجفاء ومايعطيني فرصه ابدا ..حتى انه في يوم من الايام اتصل له عشان اتطمن عليهصار يقول لي اني اصدعه باتصالاتي وازعجه وانا خذت بطاقة التلفون طلعتها من التلفون واعطيته له وقلت له اني مااريدها عشان ما ازعجك وللعلم ان باليوم كله ما ادق له اكثر من مرة وحده يوم انه يتأخر ع البيت عشان اتطمن ((تشوفون اني سويت غلط او غلطت بحقه ؟؟))
.. اما لغيري مسجات حلوة واتصالات تتم لساعات طويله (( يعني حراام علي وحلاال ع الغير))...وتجيه ايااام كثيره يبات برا البيت مايرجع البيت ..
ومراات يوم اني اسأله وين نمت يتحججلي انه بايت في دبي على اساس انه عنده شغل هناك ((شغل نص الليل))...
اما طريقة تعامله معاي واايد تغيرت للأسوأ مثلا يشك فيني بشكل كبير والشتم دايما على لسانه يشتمني ويشتم اهلي وويمنعني اني ارووح لاهلي يعني مراات اقعد بالاشهر بدون ما اشوفهم ولا اروح لهم ...ولا يرضى انه يحوطني ولا حتى ان هو يوديني لبيت اهلي ولما اقول له اني اريد اروح مع اخواني احاوط معاهم مايخليني ...
حتى ان العلاقة الزوجية اللي بيننا قلت بشكل كبير لدرجة اننا نقعد بالاشهر بدون ما يجيني او يعاملني كزوجه ,وحتى إذا جاني يخلص اللي جايني عشانه ومايهتم فيني ((يعني يخلص رغبته هو وما يهتم اذا انا ارتحت ولا لاء)) لدرجة حتى انه واحنا بالعلاقة ما يبادر هو بالملاطفة او او بالقبل انا اللي دايما ابادر بهالشي وابدا ما الاقي هالاشياء منه انا اسوي له كل سبل الراحه اللي هو يريدها بس انا !!! للأسف ما الاقي اي شيء منه ....
هذي حياتي وعرضتها لكم واريد منكم الحل للعلم اني والله احبه من خاطري وما اريد مستقبل عيالي يضيع بدون ابوهم ..اريد حل يريحني من هالحياة اللي عايشتنها ويعدل اوضاعي مع ريلي الغالي .
.لاني بإختصاااار عايشة مع همووومي...
مع تحيااااتي : كــــ هموم ـــــلي
