كسرت جناحي بخيانتك

[ملكني بطيبته]

هذي اول مرة اكتب مشكلتي في المنتدى ... كل يوم اقول ف نفسي لما اقرا مشاكل الخيانة الحمدلله اني واثقة ف زوجي و ايد ما راح يخذلني ... لان نحب نحب بعض او بلأحرى تزوجنا عن حب .. بداية 3 شهور من حياتي الزوجية كنت حلوين مع بعض كنت احبه بجنون و هو كمان كان يحبني بعدين اكتشفت بخيانته لما لقيت رقم متكرر في مبايله و غلطت اني صارحته لانه انكر و ظل يبكي و يترجاني ما اخليه و شفقت عليه و قلتله ما برجع مثل قبل و ظل يعتذر بكل انواع الاعتذار الى ما حن قلبي عليه و سامحته و وعدني و حط ايده على المصحف ان ما راح يخوني ابد و يخلص لي .. انا ما وثقت ب كلامه وثقت ف حلفانه انه ما راح يكررها و عقب عشنا احلى ايام مع بعض كنت احبه اكثر من قبل و اطبق كل اللي ينقال في المنتدى عن الزوج الجنوبي و اسوي له احلى الاكلات و ارتب السفرة و الغرفة و اكون نظيفة و دلوعة ... لين يوم واحد دمر كل تعبي....
صديقتي شوية منحرفة تحب تدخل الجات و تتعرف على شباب اتصلت لي هذاك اليوم و هي مرتبكة رديت عليها و خفت من صوتها كان متغير .. سألتها عسى ما شر قالتلي ان زوجي كان داخل الجات و خذت ايميله .. فالبداية ما صدقت قلتلها ممكن استخدم ايميلج .. قالت لي ماعندي مانع لان هذا ايميلي اضيف فيه شباب في بداية التعارف و اذا مارتحت لهم بلوك و دليت اما اذا ارتحت لهم اذيفهم في ايميلي الخاااص .. فتحت الايميل و لقيت زوجي داخل و اول صدمة حاط صورته ..
كلمته عساس اني صديقتي و سايرته لكن الصدمة انه قال امور والله اني صحت صياح من دم قلبي .. قال انه مب متقبلني و ابدا ما يميل لي عاطفيا و يبا يحب بنت رومانسية و تفهمه ... و قال ان هو مب مرتاح فحياته و هو ما يرتاح جنسيا معي ... و لما يتمشى معي كأنه يتمشى مع اخته .
يا بنات تهت والله مب قادرة اكمل اسفة كلامي مب مرتب لاني اصيح و الدموع تغطي عيوني و ايدي ترتجف
مب عارفة شو اسوي دخيلكم خبروني من اخر دردشة معه لين الحين انا اصيح و عيوني تعوني للعلم زوجي مب معي يداوم في منطقة بعيدة و ساكن بروحه في الشقة,,,...

 

[ملكني بطيبته]

بليز ابا حل

 

[em gogo]

الله يهديـــــــــــــــــــــــــــــــــه..... هذا الشي بدم الرجال ليش ما بعرف!!!!

 

[اماراتية دلع]

ما وثقت ب كلامه وثقت ف حلفانه انه ما راح يكررها و عقب عشنا احلى ايام مع بعض كنت احبه اكثر من قبل و اطبق كل اللي ينقال في المنتدى عن الزوج الجنوبي و اسوي له احلى الاكلات و ارتب السفرة و الغرفة و اكون نظيفة و دلوعة ... لين يوم واحد دمر كل تعبي....

هاي هي المشكلة الرياييل ما يحبو الي تلزق فيهم وايد و الي تعطيهم ويه اكثر من اللازم مافيها شي لو قصرتي مرات
مافيها شي لو اتصل ماتردي عليه
خلاص انتي شي موجود عنده و معروف انج تحبينه خلاص صرتي فمخباه مب محتاج يدور عليج الحين خليه و لا تردي و لا ترسلي لان الكلام الي قالج ياه قوي وااايد....

لا تخافي بيرجع بس لازم تخليه بسرعة و ما تساليه او تلوميه خليه خليه خليه اكثر من اسبوعين و بيرجع لج مثل ...

 

[om abad]

حبيبتي الحل تقربي اكثر من ربج ودوري رضا الله لانه اذا رضا ربج عنج رضا الناس عليج
الله يسخره لج يارب ويعمي عينه عن غيرج

 

[ملكني بطيبته]

كلامج صح غفلت وااااايد انصحوني دخيلكم مقهووووووورة

 

[ام خالد و يزن]

والله حزنتيني والله يعينك على زوجك لانو واضح انه حيتعبك كثير وعدك مره وحلفلك وخلف وعده وحلفانه لكن اشوف انك ماتسكتين وعلشان تحلين المشكله دخلي طرف ثالث من اهلك او من اهله او من الاثنين بس لازم يكون حكيم وتثقين فيه وفي كلامه والله يهدي زوجك لطريق الصواب

 

[al-rayyan]

سبحان الله حبيبتي اغلب مشاكل الحياه الزوجيه عن الخيانه وانا بعد نفسك زوجي جنوبي وكم مره خاني معنه سار لنا 8 شهور تخيلي وصارحته بس من دون اي جدوى اختي توكلي على ربك لانه هو الوحيد اللي بنصرك وبيفرج همك يمكن انا اكثر وحده حاسه فيك على طول استودعيه الله الذي لا تضيع ودائعه وان الله يباعد بينه وبين بنات الحرام وعيال لحرام ورفقاء السوء كما باعدت بين المشرق والمغرب ويسخر قلبه ويحننه لك ولا يبي حد غيرك .. زوجك كم عمره يمكن ما خلص سن المراهقه لين الحين ما خلص اللي في راسه ..!

 

[malakei]

اه يالجنوبي تعبتنا معك

الله يصلحه وعليك بالدعاء والاستغفار حبيبتي،،، حاسة فيك والله وبجد صدمة قوية
الله يعينك

 

[شنكوته العسل]

الله يسخرلك زوجك ويرده اليكي ردا جميلا بس في نقطة البعد هذه مرة مهمه تعطيهم فرصة حتى لو ماكانت الخيانه في دمهم يكونوا يبغوا يجربوا طالما مافي رقيب و لاحسيب غير ان مو شرط الكلام اللي قالوا يكون مضبوط من ناحية انه مو مرتاح معاكي بالعكس ممكن يكون اسعد انسان بس يقول كدا عشان يستعطف الثانيه 00حبيبتي انا اشوف انك تروحي معاه منطقة عمله وتعيشوا مع بعض حتى لو الظروف صعبه ولا الحاله دي وانتي اللي تطلبي منه هذا الطلب على اساس انك ماتقدري تجلسي بدونه لا تخليه يتعود بعدك 00كوني مع الله يكون الله معك

 

[لن انظر للوراء]

الله يكون في عونك هذا اولا ثاني شيء الجأي لواحد احد ماراح يفيدك الا هو عن تجربه سويت اي شيء ممكن يخطر على بالك عشان ارتاااح معاه بس ما فادني شيء لا طبخ ولا رومانسيه ولا بعد ولا لصقه ولا مساااج والليالي الحمراء والخضراء ولاشيء حتى نفسي طورتهاا دورااات واستشااارات وكل ماا تتخيلين 00وهو مستمتع في حياته رغم ان ثلاثه ارباااعهاا غلط00
ايش سويت 00فوضت امري لله واستوعته زوجي ونفسي وبيتي وااامنت ان الله ما راح يكتبلي الا شيء فيه الخير حتى المشااكل ظاااهرهاا الم وجرح وحقيقتهااا عبرة ودرس ونظرة صاادقة للواقع ودروس نستفيد منهاا
خلي الانسان هذاا جزء من عالمك مو كله 00
استمتعي بعمرك 00تاكدي ان اغلب الرجال كذااا ومو بس انتي اللي تعانين لحالك 00اقرأي في بلقيس واستفيدي شوفي المشاكل اللي تشبه مشكلتك عشان تهون عليك 000وحااااااااااجه مهمه جدااا جدااا مو شرط اللي قاله زوجك في الشات يكون صحيح هو تزوجك عن حب بيكون يقول كذااا عشااان يعطي الطرف الاخر الضوء الاخضر عشان ياخذ راحته معااه ويكسبه00
وشيء مهم غيري من تصرفااتك معااه ترى مو صعبه اعرفي ايش اللي غلط وطوريه عشانك مو عشااانه 000
ربي يسعدك ويسهل امورك والله اني حااااسه فيك وكثير ترى انجرحوااا من الخيااانه فيه رجااااال كثير يشوفونهاا وناااسه وسعه صدر موخيااانه لان قلبه معك انتي 000لا تخلينه يكسرك الموضوع يجرح بس قوي نفسك وخليك وااثقه منهااا وانك اقل شيء طااهرة ومخلصه وهو خاين وكذاااب
عن تجربه الموضوع راح يعدي 00وبيبرد قلبك بس صلي وادعي واستغفري وخليك وراه وكملي معه في الشااات عشان تعرفين في ايش يفكر وايش اللي مو عااجبه وترى مجرد احسااسك انك فاهمه اللي في خاااطرة ولو بهذي الطريقة يحسسك بالانتصااار عليه لا توااجهينه ابد وخليهاا لعبة استفيدي منهااا واحرقي اعصاابه تراه يحس بالذنب
طولت عليك بس ودي انك تستفيدين من كلامي واذاا بغيتي شيء اناا حااضرة
الله ينصرك عليه ويسهل امورك

 

[MNR2008]

الله يكون في عونك ,,,نفس المعاناة اللي اعيشها اللحين
مالك الا اااااااالله ,,,,, وزي ماقالوا الاخوات اتركيه لفترةعيشي لنفسك
دلعيها اهتمي فيها اشغلي نفسك بالتقرب الى الله والاشياء المفيدة وخليه يتفاجئ
شفيها وش اللي مشغلها الين يموت من القهر وادا سألك وش فيك متغيرة قولي مافيني شي
عااااادي ,,,ونصيحة صديقتك هدي اتوقع لو تبتعدين عنها افضل لان اللي مثلها ماراح تستفدين منه
بل ضررها اكبر والله يوفقك ,,,

 

[ام مقبل]

اختي ابقولك نصيحتي اولا زوجك وغير ممن يخونون زوجاتهم ودينهم قبل كل شي هم كاذبون بكل ما يقولون عن زوجاتهم فقط ليستعطفوا الوصخات عشان يقربون منهن بس لاتستنقصين نفسك وتضنين انه قال كذا هو مرتاح معك بس يبي يقرب منها على حسابك وصديقتك انصحيها لانها بكره بتتزوج وبيخونها زوجها مثل مارضت لنفسه تتعرف على الشباب

 

[قنوووعة]

والله مسرنا كلنا وما عارفة ايش اقولج فقط حسبي الله ونعم الوكيل فيهم

 

[حب عذري]

يااختى تاكدي ليكون صديقتك مسويه هذي الحركه ......ماادري لاتستعجلين

 

[ملكني بطيبته]

فديتكم والله نصايحكم كلكم من ذهب ...
بالنسبا لي صديقتي هي هدفها من دخول الجات تتعرف على انسان يعطيها الحب ويكون صادق و كرهت زوجي بعد هالحركة و عطتني ايميلها و انا حذفت كل اللي موجودين اللي عليهم بلوك
بنات زوجي كلمني قبل شوي والله كأن الاحداث خيالية
ماني مصدقة اني اكلم زوجي و هو يكلمني على اساس اني وحدة غريبة
بنات جالسة احببه فزوجته اللي هي انا بس هو مب راضي يقول قلبي ما يميل لها
بنات اللي عندها افكار او خطة بلييييييييييييييييييييز ما تبخل علي والله بدعيلها من قلبي
دلوعة و خواتي العضوات بليز ساعدو اختكم

 

[اماراتية دلع]

انا بعطيج خطة انتي امشي عليها بالعكس فايدج احسن خطة بتعجنيه و تخبزيه على مقاسج خخخخخخخ

 

[دلع النعيريه]

ياعمري الله يهون عليك مصيبتك من صدق مصيبه طيبانتي ماقلتي شي لخويتك يعني عادي انه تكلم زوجك الله المستعااان الله لا يجعل له حظ مع النساء غيررررك حبيبتي والله يكون بعونك

 

[ملكني بطيبته]

فديتج والله هههههه الله لا يحرمني من امثالج

 

[ملكني بطيبته]

بنات خبرتي قليلة فامور الحيل و الخطط الجهنمية ساااااااعدوني