كارهة حياتي
New member
- إنضم
- 20 مايو 2010
- المشاركات
- 1
اول شي مادري اذا القسم مناسب للطرح هذا ام لأ
بس بكتب الي ربي يسهل علي كتابته واتمنى الاقي الي يفهمني ويقدر
مشكلتي صارلها ست سنوات تقريباً
فالبداية بخبركم عني,انا بنت اماراتية من عايلة محترمة وجداً معروفة فالبلاد وهذا الشي الي بيخليكم تستغربون من قصتي ولا بتصدقونها,بس هذا الواقع وهاذي الدنيا الحقيرة وما اتسوي,,بنت عايلة تنتمي لأحد جبايل شيوخ الامارات وهذا سبب عذابي في هالدنيا الكريهة والبغيضة,ليتني ما انولدت وانا بنت فلان من الناس ولا كنت بنت الشيخ ,ماظيعني غير كلمة بنت الشيوخ وما تاخذ الا من قدها,,ادري مب فاهمين السالفة بس ببدى معاكم معاناتي وبحاول اختصرها قد ما اقدر,كنت قبل 6سنوات من الحين البنت الوسطى في العايلة الكريمة,كنت بنت محافظة ومثل ما يقولون مطوعة البيت ,كنت ما ارظى بالغلط فبيتنا,لا أغاني ولا حف حواجب ولا ميكب ولا غيره,وانا اكتبها بصيغة الماضي لأني الحينه انسانة عكس الاولية تماماً,قبل 6سنوات واااااااه من هال6سنوات,لمن كنت فالثنوية العامة تعرفت علي شاب بطريقة من الطرق ,بعيدة كل البعد عن لمغازل ,كان هالشخص من بينلي امور كثيرة في حياتي كنت مخدووعة فيها وكانت اتخص احدى قريباتي وعرفت انها انسانة مب زينة وعليها حركات وانا خبر خير ,وكانت تستخدم تيلفوني الخاص بأمورها الرخيصة لين يا هاك اليوم واتصل فيني هالشخص وقال ترى فلانة كذا وكذا وبديت اصيح اصياح ما بعده اصياح,,بعدها قعد يهديني وخذنا وعطينا فالكلام وكانت هاذي المرة الاولى الي ارمس فيها شاب فحياتي,انا ارتحت له وهو نفس الشي ,خصوصاً اني من النوع العفوي وجداً حساسة وعلى نياتي بشكل فظيع مثل ما يقولون كل الناس عني وهو كذلك ,كنت فالبيت اساساً انسانة مش محبوبة وهالاحساس عندي من وانا صغيرة ,كنت دايماً احس بالنقص من خواتي لأنهم احلى عني وكنت احس انه اخواني كلهم مع بعض عداي انا,ما يستحملون مني كلمة ومن هالباب دخلت مع هالشخص وحسيته الشخص الوحيد الي فهمني وعرف شخصيتي ,ولأنه اول حب فحياتي واول شخص اتعرف عليه ظنيت اني ملكت الدنيا وما فيها وعبالي هو حبي الابدي وهو الي لازم ياخذني لأنه الوحيد الي فهمني وعرف طبعي وصار يعرف الكلمة الي بقولها من قبل لا انطقها,بعد مرور شهر من علاقتنا الوالدة عرفت بالموضوع وكلمت هالشخص ووقتها قال :خالتي انا اباها وبخطبها رسمي,,اهنا الوالدة عصبت ,اماية من النوع الحكيم و عارفة رد الوالد مسبقاً ,قالتله يا ولدي انت عارف انت منو ونحن منو ,,وابوها مستحيل يوافق عليك ومن غير انه امك مب مواطنه وهذا من سابع المستحيلات,,رد عليها:خالتي الرسول قال:من ترضون دينه وخلقه زوجوه..قالتله وانت اتشوف نفسك على خلق وانت اترمس بنت الناس من ورى اهلها؟؟سكت فالبداية ورد عليها :خالتي بس انا احبها ودشت خاطري واباها وصدقيني الي تبونه انا راظي فيه ولو مهرها مليون انا مستعد ادفع بس ترظون ,,قالتله:يا ولدي نحن ما انبيع بناتنا ونحن نشتري الريال,,قال: وانا مب ريال؟؟قالتله:والنعم فيك ريال بس خذ من قدك ,واحينه خلني ما بطول وياك اكثر..ومن هاااك اليوم وانا تحت المراقبة من جانب اهلي ,,وكانوا امخلين شخص من اتصالات يراقب كل مكالماتي ورسايلي وانا ما عندي خبر ,,فالبداية ما كان عندي تيلفون لأنهم خذوه عني بس تمت المراقبة عتيلفون هاك الشخص و ما كنا ندري لا انا ولا هو,,يابلي اكثر من تيلفون وكنت كل مرة انزخ ,,تميت على هالموال اكثر من 5سنوات واكثر من 5تيلفونات يابلي ,,منهم انا انزخيت فيهم ومنهم انا روحي كنت اردهم له ,كنت اقوله:يا فلان والله ضميري يأنبني ماروم استمر بلي انا فيه وهو كان امقدر هالشي فيني (كانت النزعة الايمانية بعدها فصدري وان كانت قليلة),,اكثر من مرة طاح بالمستشفى بسبتي واول طيحة له كانت لمن الوالدة رمسته وقالتله انه ماشي نصيب,,والي كان يذبحني انه انسان مريض بالقلب والسكري والضغط وهذا الي الشي كان يخوفني عليه وهو السبب الرئيسي الي خلاني اتعلق فيه وما كنت ارظى بالحال الي اهلي فارظينه علي وعليه,,الوالدة رمسته اكثر من مرة وشافته اكثر من مرة بالصدفة وكانت تحتشر علي واتقولي :انتي ما عندج ذووق؟؟هذا ياخذج واحد سبال امه هندية وهو غادي شرات الدب,,اسمر ومتين وطويل وعريض وخشمه كذا وويه كذاوووووو ,,وعقب ما عقت هالكلام الي شرات السم عنه انا كنت ادافع عنه بكل مرة واصيح ,, المهم من بعد 4سنوات حب بدى الغلط الي والله اني اعظ اصابع الندم عليه ,,كنت اطلع معاه بس والله ما يلمس مني شعره ولا حتى كان يرظى اني افصخ نقابي جدامه,, وانا روحي كنت استغرب واقوله:غريبة ما تبا اتشوف ويهي او حتى تلمس ايدي مثل باجي العشاق ؟؟!!كان يقولي :انا ما اغصبج على شي انتي ما تبينه ولا ودي اسوي شي انتي تكرهيني من وراه,,كنا سنتين نظهر ويا بعض ولا فكر انه يظايقني او يحرجني معاه.. بعده خف حيائي اشوي اشوي كنا نطلع بالموتر نتمشي نتغدى ولا ناكل اسكريم ,,القمه ويلقمني ومن هالخرابيط الي ماودي اذكرها.. .لين يانا هاك اليوم المشؤووم,,كان يوم الفلانتاين لا ابركة فيه من يوم والله ما انسى هاك اليوم بكل تفاصيله اذكره جنه احينه وجنه احداثه اتصير جدامي ,,والله يا بنات كنا نروح شقق فندقية بس والله ماكنا انفكر انسوي شي ويا بعض,,بس كان يقولي اهنا احسن ناخذ راحتنا بالاكل والسوالف بدل ما انتم انفرفر بالموتر عالبحر ولا فالشوارع واناا كنت اموافقة.. وكان دايماً في كل مرة نحجز فيها يؤشر على حجرة النوم ويظحك ويقول هالحجرة ممنوع ندخلها وانا كنت اظحك لأني عارفة قصده..معنه كان خاطري فيه بس كان يحرمني منه وما يرظى ابهالشي ,,كنا بس انلوي على بعض وهالامور الخايسة,,فهاك اليوم كان يقولي عندي لج مفاجئة وانا اقوله:شوهي؟؟قال نتغدى وانخلص عقب اراويج,,وافقت ومن عقب ما خلصنا الغدى قال غمضي عينج,,وخذ اوقايتي وربط راسي وحط ايده عويهي عسب يتأكد اني ما اشوف ,,كان امحطي ايده على ويهي والثانية يمشيني فيها وانا مب عارفة وين يوديني,,بعدها قال افتحي..من فتحت عيني الا اشوف نفسي فحجرة النوم وكان تارسنها ورد جوري وبتلات وشموع ودباديب وهدايا على التسريحة وكانت امدخنه وامعطره ومن لفيت صوبه نثر الورد على راسي ,,حزتها صحت من خاطر ولويت عليه قتله احبك والله احبك والله حرام الي يسوونه فينا والله حرام ,,عقب يلست على الارض وانا اصيح فشلني ويلسني على طرف الشبرية,,سكتنا اشوي وعقب صديت صوبه,,قتله عندي رجا منك قول تم؟؟قال:شو؟؟قتله بنحط اهلي جدام الامر الواقع وخلاص ,,قام عني قال :انتي مينونة ؟؟مستحيل اسويبج جذا..قتله اباك ومافي طريقة غير هاذي عسب يرظون,,قال:وكيف يتخبرينهم انج جذا؟؟والله بيجتلونج انتي ما اتعرفين اهلج؟؟قتله :امبلا بس مالي خص الي فيها فيها ,محد قالهم يحرمونا من بعض وخل يتحمل ابوي فشارته وينكسر خشمه اشوي,,سكت لأنه ماعرف شيسوي وعقبها حظني وقال والله حرام الي يصير وصحت وياه قتله:والله اتسوي الي قتلك اياه,,وآخرتها صار الي صار ,,والله يا بنات انه يصيح على صدري ودموعه اربع اربع ما كان امصدق الي صار ولا حتى انا,,نحن عقينا عمرنا بالزنا!!!!!!ليش؟؟وكيف؟؟ماعرفنا الي صار,,وتمينا على هالموال سنة واشوي,,وكل مالها اتزيد مشاكلنا وكله بسببي انا,,كنت اقوله :يالله متى بتي ؟متى بتي؟؟والمشكلة هو كان امحطي سلفية كبيرة على ظهره ودخل الاسهم وخسر في اعمار وصار على ظهره اكثر عن مليون ,,واشتغل بالتجارة عسب يمشي اموره ,بس كان يصرف اكثر مما يدخل لين طفرت من الوضع وقمت ادخل الجات واتعرفت على واحد وهو عرف بالموضوع معنه ماصارلي نص يوم من عرفت هالشخص بس قلبه نغزه..((والله يا بنات الي يحب من قلبه يحس بجذا واكثر وانا جربت هالشي مع اكثر من شخص حبوني من قلبهم)) ,,المهم قامت اتزيد المشاكل لين اتخليت عنه وهو نفس الشي انصدم مني وانا انصدمت اكثر لمن عرفت انه اتزوج على طول من وحدة عربية كانت تشتغل فملهى ليلي (الله يعزكم) واتزوجها عسب يستر عليها واتحجبت على ايده وكل هذا عسب يكفر عن ذنبه عقولته ,,ومن اهنا بديت رحلة عذابي المر من بعد ما كان عذااب هين ,,صرت شرات الخبلة اتعرف على الرياييل بالبهل ,,وانا من غبائي كنت ارمس عن ماضيي لعل وعسى حد فيهم يرظى ياخذني لكن للأسف كل الي اعرفهم واطلع وياهم كانوا يبوني لهدف واحد ,,حسيت عمري رخصيييييييييييييييييييييييييييييييييييييييييييييييية مادري ليش كنت اسوي جذا ابعمري,,والله انه هدفي بس اطلع وياهم لأنه اهلي من النوع الي يقيدونا بطلعاتنا والله انه عدنا مولات وامور اتصير في الامارة ونحن خبر خير,,يقولون بنات لشيوخ ما يهايتون ومن هالرمسة المخبقة,,كنت احسد الي حوالي كل البنات كل الشباب كل الحريم كل الرياييل على طلعاتهم ودخلاتهم ويا اهلهم,,كان عندي التيلفزون هو الوسيلة الوحيدة الي اسليبها عمري والتيلفون طبعاً ,,كنت اموت على شي اسمه تيلفون صرت مدمنة تيلفون,,اهلي كل من طلعولي تيلفون يزخوني وانكشف بسبب هاك الشخص الموكل بمراقبتي,,تعبت والله تعبت ,,عرفت كل من هب ودب على هالدنيا,,والله والله ثم والله هدفي اني اطلع واونس نفسي بس بعدها ماعرف ليش هم جذا يسوون,,يمشوني اشوي وعقب يحجزولي بفندق ويخلصون شغلهم ,,ابا اصيييييييييييييييييييييييييييييييييييييييييييييييييييييييييييييييييييييييييييييييييييح الله وحده العالم بلي فيني,,اتعرفوا علي امطاوعه يبون ينصحوني ,,وللأسف انا الي جريتهم على دربي وهذا الي يموووتني اكثر,,الي حبوني من قلبهم للأسف يكونون متزوجين والباجين بس هدفهم التسلية,,طبعاً محد فيهم يروم يتقدم ,,الي يطلع بلوشي ولا عيمي ولا امه من جنسية اسيوية ولا عربية واهلي مستحيل يوافقون,,آخرهم شخص حبني وحبيته بس كان يقوولي والله اني احبج بس حرام ليتج ما سويتي الي سويتيه,,وانا من احب شخص اودر الباجين ولمن احس هالشخص مستحيل ياخذني ابدى ارمس غيره وارجع للأوليين معني ادري انه مالي نصيب ويا ولا واحد فيهم بس ماعرف شو الي فيني؟؟!!!!!بس ابا ارمس ويا أي ريال,,اعشق شي فهالدنيا اسمه ريال,,والله المتزوجين يذبحوني ,,وابا اودرهم واقول والله حرام الي يستوي ,,لو اني متزوجة مابرظى ريلي يرمس أي حرمة وانا احينه ارمسك ويصير بينا الي يصير؟؟والله حرام..يردون علي :يا سلام يعني عادي لو كنت مب امعرس اتسوين الي تبينه ويايه؟؟اقوله مب القصد جذا وارد اقوله ما اتعرف شو عقوبة المحصن الزاني؟؟الرجم حتى الموت؟؟!!يعني والله انا عارفة بأمور الدين صح بس مادري ليش هالعذاب ..كل من تعرفت عليه كان ينصدم بطريقة كلامي واصياحي الهستيري من عقب ما اخلص هاك الشي واحياناً حتى لو كان بالتيلفون؟؟ كل الي طلعت وياهم كانوا يستغرون من طريقتي وياهم فالكلام وشدتي خاصة عموضوع الصلاة,,يعني مثلاً يؤذن علينا العصر ,,اقوله يا فلان يالله عالمسيد وحاول ادور مسيد في مصلى حريم,,وانزل انا والشخص الي وياي غصباً عنه اخليه يصلي ,,ويستغربون مني يوم ايردون يرمسوني فليل,,يقولولي انتي حالة اول مرة اتمر علينا جذا..كيف يجتمع الخير والشر مع بعض؟؟والله توصل فيني الدناءة اني ساعات وانا عالفراش من يؤذن اقوم عن الشخص اقوله خلنا انصلي عقب انكمل ......ادري لا تعليق والله ابا اصيح ,,,احس ساعات عمري مب صاحية..ساعات ارمس عمري واتخيل عمري متزوجة وساعات احس اني اتظارب ويا ابويه ولا اماية ,,ااااااااااااااااااه ثم ااااااااااااااه انا خفيت وااايد عن هالامور وكله بسبب مراقبة هالشخص لي الي فانصالات ,,والله الحياة كريهة يوم اتحسين انج ما اترومين اتقولين شي او تطلعين او اتسوين شي ,,كل كلمة يا بنات اقولها لربيعاتي توصل لاماية ,,كرهت مراقبة اهلي ,,اكثر من مرة اتظاربت ويا الوالدة والوالد ,,ومن فترة شهر تقريباً عليت صوتي واماية استغربت من جرئتي ويا ابويه ,,يوم قتله انا بعرس وحرام عليك الي اتسويه فينا وفخواتي..عندك 8بنات وفيهن الي عمرها صك 36وانت قابظلنا لأولأ وهذا مب من قدنا ولا هذا من اصلنا ولا فصلنا,,قتله المهم ريال يستر علينا..عصب وطلع من عقب ما حشر البقعه وقال حق اماية رمسه خايسة ماودي اقولها,,بس بما معناه اذا بناتج شريانات سيري ختنيهم!!!!!!لهالدرجة وصلت فيه درجة تفكيره المنحط,,ومرت ايام وانا ما ارمس ابويه واحاول اتجبنه عسب احسسه فغلطه ويانا,,المهم انا بعد فترة عرفت بطريقة انه امايه استانست من موقفي فإني رمست ابوي ابهالطريقة وواجهته فويهه وما خفت منه بس ما بينت هالشي جدامي ..ومن فترة يومين ردينا فتحنا الموضوع بسبب اخويه الي يبا يعرس,,اخوي كمل الثلاثين وزود ويبا ياخذ وحدة مب من اهلنا بس بنت عرب وناس محترمين والبنت متدينة ولها من المواصفات الي يدورها اخويه فحرمة المستقبل واخواني كلهم عنفس الموال ما يبون من الاهل ,,عندي اخويه العود بس هو الي عرس وخذ وحده من اهلنا من جذا الوالد متمسك برايه ,,يقول عيال العايلة حق بنات العايلة ونفس الشي بخصوص البنات(للأسف ابوويه واايد يحاتي بنات العايلة يباهن لعيال العايلة وهو مايدري انه باجي اهليته همهم بأكبر من جذا وهذا الي لاحظناه انا وامايه في اكثر من موقف,,وهم ما يبون بناته) ,,اهنا اماية ادخلت قالته:واذا عيال العايلة رواحهم ما يو اتقدموا لبناتك !!!!تبانا نحن اندق بيبانهم؟؟!!!اهنا رد قال:يوم الله بيريد بيصير كل شي,,ولا تبين بناتج اليوم يعرسن وباجر يطلقن؟؟ (مادري شو هالتفكير الغبي الي عنده,,عباله لو خذت من اهلي ما بيطلقني والغريب بيطلقني..وانه الناس كلهم لوث ونحن بس الاوادم !!!!)والله كرهت ابوي وكرهت هالعيشة وكرهت هالعايلة الي انا عايشة فيها,,عالعموم ما بطول عليكم زود فمشاكل اهلي ,,برد لموضوعي الي يخصني ,,اناحالياً مستمرة مع شخص واحد مطوع ومتزوج وطبعاً مستحيل ياخذني لأنه بلوشي وما عنده جواز بس والله نعم الريال,,وما وده الا انه يحافظ علي ,,والوالدة اتعرف انه يرمسني بس تعبت مني خلاص ,,وعرفت انها قالت عني: اترمس هالمطوع ولا اترمس غيره ,,, بس بعد مب سلمانه من الرمسة ,,لأني دخلت مواقع زواج والبعض منهم حبوا يتقدمون لي ,,ورمستهم وعرفوا عن اهلي وعني وهالمرة ما ذكرت الماضي لهم ,,اتعلمت من خطاي واني لازم ما ارمس والحل الوحيد في اني اعرس اني اسكت عن الموضوع واتوكل على الله,,بس المشكلة من الي يراقب تيلفوني ,وكل من رمست حد قام وخبر الوالدة واتييني الوالدة امعصبه وتحتشر . اتقولي :انتي شو مستوي عليج:سايرة ادورين لنا ملوثة من النت وتبينهم يناسبونا؟؟!!! واهنا الصدمات تتوالى علي لغاية هاليوم الي اكتب فيه,,.والله اني تعباااانة ,,صح ارمس المطوع ويحاول يهديني بأي طريقة ,,صرت كل من اظايق اتصلبه وهو الوحيد الي يسمعلي وينصحني من قلبه ,,وادريبه يحبني ويموت فيني ,,والله العظيم يا بنات من فترة طحت فمشكلة كبيرة قعدت اصارخ شرات الخبلة واطرطر اثيابي جدام امايه ,,كنت اقوله بسني بسني مليت من المراقبة ,تعبت من كثر ماحس عمري فسجن ..النت ممنوع فليل التيلفون ممنوع فليل البيبان كلها تنقفل,,ابا اعرس ابا افتك منكم,ابا اطلع من هالعايلة الي ربي مب راظي عليها لا فالدنيا ولا فالاخرة,, ,,اكثر من مرة حاولت اشرد من البيت بس اتعوذ من ابليس وارد اتذكر اخواني وابوي وخواتي شو بيكون موقفهم من الناس الي مالهم الا يرمسون بس فالباطل,,نحن مشكلتنا عايلة بيتوتية بدرجة فظيييييييييييييييييييييييييييييييييييييييييييييييييييييييييييييعه عمامي وعيال عمي ما عرفهم ولو مروا حذالي بعد ما بعرفهم ,,كيف بنعرس ونحن منخشين فحجرنا؟!!!ادري بتقوليلي كل شي نصيب بس ما عدت اصدق هالشي,,صرت ساعات استغفر الله اقول انا ربي ما يحبني ويكرهني,,يرد علي المطوع بكل حنية والله انه شراااات الابو فمعاملته لي: يقولي لا اتقولين هالكلام..انتي لو ربج ما يحبج الجان خذ روحج وانتي راكبة مع فلان ولا راقده مع علان وصارلج اكثر من موقف انا روحي مستغرب شقى تطلعين منه شرات الشعره من العيين!!! بالفعل خواتي هذا الي يصير ياما مشاكل مرت علي احس اني لازم اروح فيها واستغرب انها اتعدي على خير بدووون أي مشاكل وساعات تستوي المشكلة بس مب بالحجم الي انا اتوقعه ,ومن هالمواقف احيده انه مسكتني الدورية وانا مع شخص(هو نفسه الشخص الي قال والله احبج واباج لو ما سويتي الي سويتيه) وخذوا بطاقته وحاولوا ياخذون بطاقتي بس ما طعت عسب ما افظح نفسي وافظح اهلي وقعد هاك الشخص يترجى فالشرطي ويبوس راسه ويصيح ويقول هاذي بنت عرب وناس واستر عليها ولا تفظحها ,اذا تباني شلني انا بس هي ميخصها انا الي ركبتها ويايه وكل اشوي الشرطي يصارخ ويقول اركبوا الدورية وهاك الولد حسيته بينهار من كثر ما يصيح وخايف علي وعلى عمره ويلس على الارض يترجى بالشرطي ,,انا اهنا طلعت من الموتر ولويت عليه واصيح اقوله:يا فلان لا اتسوي بعمرك جذا انا ما استاهل الي اتسويه عشاني ,,انا وحدة لوث انته ميخصك انا الي خايسة وانا الي قتلك طلعني وقعدت ابووسه شرات الياهل عسب يسكت وما همني شرطي ولا غيره انا رووحي كنت فعالم ثاني حسيت عمري جني ففلم ولا مسلسل ,,وتمينا عهالموال لييين سامحنا الشرطي وروح عنا,,((فظنكم ممكن ايصير هالشي مع أي وحده؟؟!!!!)),ما علينا انا اموري لو اكتبها ما بخلص منها,,في شي احب اذكره اهنا وهو من الامور الي اتظايقني,, صاروا بنات من العايلة حتى يطرشن لي مسجات وانا عارفة المقصد من وراهم ,,بس والله ما لومهم على الي يسوونه,,هم بنات وبعد يبن الستر ,,الوحدة فيهم تتقرب مني لرغبة فيها اني ازوجها اخويه ,,معني ماعرف اشكالهن حتى..وبالصدف اعرف ارقامهم ,,شو رايكم انه البعض منهم عرفتهم من هالموقع وانا خبر خير فهالدنيا؟؟من ضمن الامور الي امتعبتني فالوقت الحالي ,,آخر شخص اتعرفت عليه وحبيته(( وهو نفسه الي خبرتكم عنه توا يوم سالفتي ويالدورية)) الاخ منبهر بجمالي وبأسلوبي وكل شي عدى عالعيب الي محد يروم يتحمله,,المهم هالشخص عرف اني خنته واتحطم قلبه بمعنى الكلمة ,,,والله والله والله العظيم ماحب اجرح ولا ودي اخونه بس هو السبب,,ادري الي رمستهم ما بياخذوني بس بعد,,احس اني ابا اعوض عمري عن الايام الي قضيتها وياه عالفاظي وانا اصونه على ولا شي,,ادري بتستحقرون اسلوبي بس انا جذا ,,خبلة غبية عبيطة قولوا الي بتقولونه,,انا تعبت من هالدنيا وما فيها,,والي كمل الجرح عليه,,انه هالشخص ياني لي بيتي وعطاني كل الهدايا الي عطيتهم اياه وكتب لي رسالة وفيها دموعه الي لاحظتها على الورقة والحبر الي سايح عليها,,وراح رمس وحدة زلمة وهالانسانة معروووفة عند الكل انها بايعه عمرها ,,وعباله بنقهر يوم انه بيرمسها,,وهو بالاساس كان يكرهها ,,قامت تتصلبي هالبنت وانا حاقرتنها ,,واتعق رمسة جدام البنات عني وانا امطنشة واكبر طاف عاطتنها,,لين يولها البنات وسكتوها وبعدوها عن دربي,,كانت اطرش مسجات واتقولي بعدي عن فلان وهذا حبيبي وانا اظحك على مسجاتها ظحكات هستيرية وبنفس الوقت اصيح مادري عشووو؟؟!!!والله مادري شبلاي؟؟شكلي اتخبلت والله مادري ,,انا بالاساس ما ارمسه ولا اطرشله بالعكس هو الي يلحقني واييني من امارة ثانية لي امارتي بس عسب يشوفني وانا أكبر طاف عاطتنه,,عسب ما اعطيه مجال يعذبني ,,معني فخاطري احبه واموووت فيه بس ماعرف ليش سويت به جذا,,يالسه ابينله اني مب مهتمه فيه ولازال يطرشلي ايميلات ساعات عن الخيانة وساعات عن قصص التوبة وهالامور ,,الحين انا امودره الكل مثل ما قلت لكم بس بعدني ويا المطوع الي صابر عليه صبر ايووب على بلواه ,,في اموووور كثيرة من جوانب حياتي ما ذكرتها عسب ما اطول اكثر,,ابحتفظ فيها لنفسي,,خواتي انا ما بلوم اهلي على الي صارلي بس جزء من مشكلتي متعلق فيهم,,ابويه من النوع الي :ماشي عندي بنات يروحن اعراس ماشي روحة ورده شرات الاوادم,,بينا وبين بعض(اخوان وخوات)مابينا محبة ,مانتغدى مع بعض ولا قلوبنا على بعض,,2من اخواني الخدم ايودولهم الاكل لي حجرهم واختي العودة منطوية فحجرتها ما اترمس حد,,مسكينة هي الثانية حست القطار فاتها ومحد يسأل عنها لو تمت فحجرتها شهر لا اماية ولا ابوي لأنهم اتعودوا على طبعها الشراني,,وعفكرة تراها ما اترمسني بعد وكل اخواني وخواتي ما يرمسوني عدى اختي الي اصغر عني بكمن سنة,,ولا الباجي محد فيهم يرمسني وانا ما لومهم ,,احساسي بالوحدة من وانا صغيره استمر وياي وانا كبيرة لين انجرفت لهالدرب الوصخ..اماية ماحب اسلوبها,,من النوع الي يصارخ وايد فكلامها,تدخل حجرتي بدون استئذان,,واذا اتأخرت بالنوم قامت تسألني ليش سهرانة؟؟وليش متأخرة بالنوم؟؟اكيد عندج تيلفون ويبتدي التفتيش من يديد فالحجرة ,,اماية المسكينة ما تنلام ياما اسكتت وماخبرت ابويه ولا جان انا مذبوحة من زمااان ,,بس والله موتي ارحم من عيشتي الخايسة والي مالها طعم..بعدني بنت مثل ما يقولون الناس فالعشرينات ونصيبي بييني ,,بس انا عندي قناعة كبيرة بإني ماراح اعرس خلاص ودربي من درب خواتي ومصيري شرات مصيرهم,,حسبي الله ونعم الوكيل حسبي الله ونعم الوكيل ,,تعبت من الكتابة وتعبت من شكواي ,,هذا شي من لاشي ..هذا غيض من فيض ..هذا ولا شي من الي اعانيه,,خواتي في الله اغيثووني بالله عليكم,,مليت درب المشاكل مليت درب الوصاخة ابا الستر ابا ريل يطلعني من الي انا فيه ,,محتاجة شوركم الله يستر عليكم دنيا وآخره
بس بكتب الي ربي يسهل علي كتابته واتمنى الاقي الي يفهمني ويقدر
مشكلتي صارلها ست سنوات تقريباً
فالبداية بخبركم عني,انا بنت اماراتية من عايلة محترمة وجداً معروفة فالبلاد وهذا الشي الي بيخليكم تستغربون من قصتي ولا بتصدقونها,بس هذا الواقع وهاذي الدنيا الحقيرة وما اتسوي,,بنت عايلة تنتمي لأحد جبايل شيوخ الامارات وهذا سبب عذابي في هالدنيا الكريهة والبغيضة,ليتني ما انولدت وانا بنت فلان من الناس ولا كنت بنت الشيخ ,ماظيعني غير كلمة بنت الشيوخ وما تاخذ الا من قدها,,ادري مب فاهمين السالفة بس ببدى معاكم معاناتي وبحاول اختصرها قد ما اقدر,كنت قبل 6سنوات من الحين البنت الوسطى في العايلة الكريمة,كنت بنت محافظة ومثل ما يقولون مطوعة البيت ,كنت ما ارظى بالغلط فبيتنا,لا أغاني ولا حف حواجب ولا ميكب ولا غيره,وانا اكتبها بصيغة الماضي لأني الحينه انسانة عكس الاولية تماماً,قبل 6سنوات واااااااه من هال6سنوات,لمن كنت فالثنوية العامة تعرفت علي شاب بطريقة من الطرق ,بعيدة كل البعد عن لمغازل ,كان هالشخص من بينلي امور كثيرة في حياتي كنت مخدووعة فيها وكانت اتخص احدى قريباتي وعرفت انها انسانة مب زينة وعليها حركات وانا خبر خير ,وكانت تستخدم تيلفوني الخاص بأمورها الرخيصة لين يا هاك اليوم واتصل فيني هالشخص وقال ترى فلانة كذا وكذا وبديت اصيح اصياح ما بعده اصياح,,بعدها قعد يهديني وخذنا وعطينا فالكلام وكانت هاذي المرة الاولى الي ارمس فيها شاب فحياتي,انا ارتحت له وهو نفس الشي ,خصوصاً اني من النوع العفوي وجداً حساسة وعلى نياتي بشكل فظيع مثل ما يقولون كل الناس عني وهو كذلك ,كنت فالبيت اساساً انسانة مش محبوبة وهالاحساس عندي من وانا صغيرة ,كنت دايماً احس بالنقص من خواتي لأنهم احلى عني وكنت احس انه اخواني كلهم مع بعض عداي انا,ما يستحملون مني كلمة ومن هالباب دخلت مع هالشخص وحسيته الشخص الوحيد الي فهمني وعرف شخصيتي ,ولأنه اول حب فحياتي واول شخص اتعرف عليه ظنيت اني ملكت الدنيا وما فيها وعبالي هو حبي الابدي وهو الي لازم ياخذني لأنه الوحيد الي فهمني وعرف طبعي وصار يعرف الكلمة الي بقولها من قبل لا انطقها,بعد مرور شهر من علاقتنا الوالدة عرفت بالموضوع وكلمت هالشخص ووقتها قال :خالتي انا اباها وبخطبها رسمي,,اهنا الوالدة عصبت ,اماية من النوع الحكيم و عارفة رد الوالد مسبقاً ,قالتله يا ولدي انت عارف انت منو ونحن منو ,,وابوها مستحيل يوافق عليك ومن غير انه امك مب مواطنه وهذا من سابع المستحيلات,,رد عليها:خالتي الرسول قال:من ترضون دينه وخلقه زوجوه..قالتله وانت اتشوف نفسك على خلق وانت اترمس بنت الناس من ورى اهلها؟؟سكت فالبداية ورد عليها :خالتي بس انا احبها ودشت خاطري واباها وصدقيني الي تبونه انا راظي فيه ولو مهرها مليون انا مستعد ادفع بس ترظون ,,قالتله:يا ولدي نحن ما انبيع بناتنا ونحن نشتري الريال,,قال: وانا مب ريال؟؟قالتله:والنعم فيك ريال بس خذ من قدك ,واحينه خلني ما بطول وياك اكثر..ومن هاااك اليوم وانا تحت المراقبة من جانب اهلي ,,وكانوا امخلين شخص من اتصالات يراقب كل مكالماتي ورسايلي وانا ما عندي خبر ,,فالبداية ما كان عندي تيلفون لأنهم خذوه عني بس تمت المراقبة عتيلفون هاك الشخص و ما كنا ندري لا انا ولا هو,,يابلي اكثر من تيلفون وكنت كل مرة انزخ ,,تميت على هالموال اكثر من 5سنوات واكثر من 5تيلفونات يابلي ,,منهم انا انزخيت فيهم ومنهم انا روحي كنت اردهم له ,كنت اقوله:يا فلان والله ضميري يأنبني ماروم استمر بلي انا فيه وهو كان امقدر هالشي فيني (كانت النزعة الايمانية بعدها فصدري وان كانت قليلة),,اكثر من مرة طاح بالمستشفى بسبتي واول طيحة له كانت لمن الوالدة رمسته وقالتله انه ماشي نصيب,,والي كان يذبحني انه انسان مريض بالقلب والسكري والضغط وهذا الي الشي كان يخوفني عليه وهو السبب الرئيسي الي خلاني اتعلق فيه وما كنت ارظى بالحال الي اهلي فارظينه علي وعليه,,الوالدة رمسته اكثر من مرة وشافته اكثر من مرة بالصدفة وكانت تحتشر علي واتقولي :انتي ما عندج ذووق؟؟هذا ياخذج واحد سبال امه هندية وهو غادي شرات الدب,,اسمر ومتين وطويل وعريض وخشمه كذا وويه كذاوووووو ,,وعقب ما عقت هالكلام الي شرات السم عنه انا كنت ادافع عنه بكل مرة واصيح ,, المهم من بعد 4سنوات حب بدى الغلط الي والله اني اعظ اصابع الندم عليه ,,كنت اطلع معاه بس والله ما يلمس مني شعره ولا حتى كان يرظى اني افصخ نقابي جدامه,, وانا روحي كنت استغرب واقوله:غريبة ما تبا اتشوف ويهي او حتى تلمس ايدي مثل باجي العشاق ؟؟!!كان يقولي :انا ما اغصبج على شي انتي ما تبينه ولا ودي اسوي شي انتي تكرهيني من وراه,,كنا سنتين نظهر ويا بعض ولا فكر انه يظايقني او يحرجني معاه.. بعده خف حيائي اشوي اشوي كنا نطلع بالموتر نتمشي نتغدى ولا ناكل اسكريم ,,القمه ويلقمني ومن هالخرابيط الي ماودي اذكرها.. .لين يانا هاك اليوم المشؤووم,,كان يوم الفلانتاين لا ابركة فيه من يوم والله ما انسى هاك اليوم بكل تفاصيله اذكره جنه احينه وجنه احداثه اتصير جدامي ,,والله يا بنات كنا نروح شقق فندقية بس والله ماكنا انفكر انسوي شي ويا بعض,,بس كان يقولي اهنا احسن ناخذ راحتنا بالاكل والسوالف بدل ما انتم انفرفر بالموتر عالبحر ولا فالشوارع واناا كنت اموافقة.. وكان دايماً في كل مرة نحجز فيها يؤشر على حجرة النوم ويظحك ويقول هالحجرة ممنوع ندخلها وانا كنت اظحك لأني عارفة قصده..معنه كان خاطري فيه بس كان يحرمني منه وما يرظى ابهالشي ,,كنا بس انلوي على بعض وهالامور الخايسة,,فهاك اليوم كان يقولي عندي لج مفاجئة وانا اقوله:شوهي؟؟قال نتغدى وانخلص عقب اراويج,,وافقت ومن عقب ما خلصنا الغدى قال غمضي عينج,,وخذ اوقايتي وربط راسي وحط ايده عويهي عسب يتأكد اني ما اشوف ,,كان امحطي ايده على ويهي والثانية يمشيني فيها وانا مب عارفة وين يوديني,,بعدها قال افتحي..من فتحت عيني الا اشوف نفسي فحجرة النوم وكان تارسنها ورد جوري وبتلات وشموع ودباديب وهدايا على التسريحة وكانت امدخنه وامعطره ومن لفيت صوبه نثر الورد على راسي ,,حزتها صحت من خاطر ولويت عليه قتله احبك والله احبك والله حرام الي يسوونه فينا والله حرام ,,عقب يلست على الارض وانا اصيح فشلني ويلسني على طرف الشبرية,,سكتنا اشوي وعقب صديت صوبه,,قتله عندي رجا منك قول تم؟؟قال:شو؟؟قتله بنحط اهلي جدام الامر الواقع وخلاص ,,قام عني قال :انتي مينونة ؟؟مستحيل اسويبج جذا..قتله اباك ومافي طريقة غير هاذي عسب يرظون,,قال:وكيف يتخبرينهم انج جذا؟؟والله بيجتلونج انتي ما اتعرفين اهلج؟؟قتله :امبلا بس مالي خص الي فيها فيها ,محد قالهم يحرمونا من بعض وخل يتحمل ابوي فشارته وينكسر خشمه اشوي,,سكت لأنه ماعرف شيسوي وعقبها حظني وقال والله حرام الي يصير وصحت وياه قتله:والله اتسوي الي قتلك اياه,,وآخرتها صار الي صار ,,والله يا بنات انه يصيح على صدري ودموعه اربع اربع ما كان امصدق الي صار ولا حتى انا,,نحن عقينا عمرنا بالزنا!!!!!!ليش؟؟وكيف؟؟ماعرفنا الي صار,,وتمينا على هالموال سنة واشوي,,وكل مالها اتزيد مشاكلنا وكله بسببي انا,,كنت اقوله :يالله متى بتي ؟متى بتي؟؟والمشكلة هو كان امحطي سلفية كبيرة على ظهره ودخل الاسهم وخسر في اعمار وصار على ظهره اكثر عن مليون ,,واشتغل بالتجارة عسب يمشي اموره ,بس كان يصرف اكثر مما يدخل لين طفرت من الوضع وقمت ادخل الجات واتعرفت على واحد وهو عرف بالموضوع معنه ماصارلي نص يوم من عرفت هالشخص بس قلبه نغزه..((والله يا بنات الي يحب من قلبه يحس بجذا واكثر وانا جربت هالشي مع اكثر من شخص حبوني من قلبهم)) ,,المهم قامت اتزيد المشاكل لين اتخليت عنه وهو نفس الشي انصدم مني وانا انصدمت اكثر لمن عرفت انه اتزوج على طول من وحدة عربية كانت تشتغل فملهى ليلي (الله يعزكم) واتزوجها عسب يستر عليها واتحجبت على ايده وكل هذا عسب يكفر عن ذنبه عقولته ,,ومن اهنا بديت رحلة عذابي المر من بعد ما كان عذااب هين ,,صرت شرات الخبلة اتعرف على الرياييل بالبهل ,,وانا من غبائي كنت ارمس عن ماضيي لعل وعسى حد فيهم يرظى ياخذني لكن للأسف كل الي اعرفهم واطلع وياهم كانوا يبوني لهدف واحد ,,حسيت عمري رخصيييييييييييييييييييييييييييييييييييييييييييييييية مادري ليش كنت اسوي جذا ابعمري,,والله انه هدفي بس اطلع وياهم لأنه اهلي من النوع الي يقيدونا بطلعاتنا والله انه عدنا مولات وامور اتصير في الامارة ونحن خبر خير,,يقولون بنات لشيوخ ما يهايتون ومن هالرمسة المخبقة,,كنت احسد الي حوالي كل البنات كل الشباب كل الحريم كل الرياييل على طلعاتهم ودخلاتهم ويا اهلهم,,كان عندي التيلفزون هو الوسيلة الوحيدة الي اسليبها عمري والتيلفون طبعاً ,,كنت اموت على شي اسمه تيلفون صرت مدمنة تيلفون,,اهلي كل من طلعولي تيلفون يزخوني وانكشف بسبب هاك الشخص الموكل بمراقبتي,,تعبت والله تعبت ,,عرفت كل من هب ودب على هالدنيا,,والله والله ثم والله هدفي اني اطلع واونس نفسي بس بعدها ماعرف ليش هم جذا يسوون,,يمشوني اشوي وعقب يحجزولي بفندق ويخلصون شغلهم ,,ابا اصيييييييييييييييييييييييييييييييييييييييييييييييييييييييييييييييييييييييييييييييييييح الله وحده العالم بلي فيني,,اتعرفوا علي امطاوعه يبون ينصحوني ,,وللأسف انا الي جريتهم على دربي وهذا الي يموووتني اكثر,,الي حبوني من قلبهم للأسف يكونون متزوجين والباجين بس هدفهم التسلية,,طبعاً محد فيهم يروم يتقدم ,,الي يطلع بلوشي ولا عيمي ولا امه من جنسية اسيوية ولا عربية واهلي مستحيل يوافقون,,آخرهم شخص حبني وحبيته بس كان يقوولي والله اني احبج بس حرام ليتج ما سويتي الي سويتيه,,وانا من احب شخص اودر الباجين ولمن احس هالشخص مستحيل ياخذني ابدى ارمس غيره وارجع للأوليين معني ادري انه مالي نصيب ويا ولا واحد فيهم بس ماعرف شو الي فيني؟؟!!!!!بس ابا ارمس ويا أي ريال,,اعشق شي فهالدنيا اسمه ريال,,والله المتزوجين يذبحوني ,,وابا اودرهم واقول والله حرام الي يستوي ,,لو اني متزوجة مابرظى ريلي يرمس أي حرمة وانا احينه ارمسك ويصير بينا الي يصير؟؟والله حرام..يردون علي :يا سلام يعني عادي لو كنت مب امعرس اتسوين الي تبينه ويايه؟؟اقوله مب القصد جذا وارد اقوله ما اتعرف شو عقوبة المحصن الزاني؟؟الرجم حتى الموت؟؟!!يعني والله انا عارفة بأمور الدين صح بس مادري ليش هالعذاب ..كل من تعرفت عليه كان ينصدم بطريقة كلامي واصياحي الهستيري من عقب ما اخلص هاك الشي واحياناً حتى لو كان بالتيلفون؟؟ كل الي طلعت وياهم كانوا يستغرون من طريقتي وياهم فالكلام وشدتي خاصة عموضوع الصلاة,,يعني مثلاً يؤذن علينا العصر ,,اقوله يا فلان يالله عالمسيد وحاول ادور مسيد في مصلى حريم,,وانزل انا والشخص الي وياي غصباً عنه اخليه يصلي ,,ويستغربون مني يوم ايردون يرمسوني فليل,,يقولولي انتي حالة اول مرة اتمر علينا جذا..كيف يجتمع الخير والشر مع بعض؟؟والله توصل فيني الدناءة اني ساعات وانا عالفراش من يؤذن اقوم عن الشخص اقوله خلنا انصلي عقب انكمل ......ادري لا تعليق والله ابا اصيح ,,,احس ساعات عمري مب صاحية..ساعات ارمس عمري واتخيل عمري متزوجة وساعات احس اني اتظارب ويا ابويه ولا اماية ,,ااااااااااااااااااه ثم ااااااااااااااه انا خفيت وااايد عن هالامور وكله بسبب مراقبة هالشخص لي الي فانصالات ,,والله الحياة كريهة يوم اتحسين انج ما اترومين اتقولين شي او تطلعين او اتسوين شي ,,كل كلمة يا بنات اقولها لربيعاتي توصل لاماية ,,كرهت مراقبة اهلي ,,اكثر من مرة اتظاربت ويا الوالدة والوالد ,,ومن فترة شهر تقريباً عليت صوتي واماية استغربت من جرئتي ويا ابويه ,,يوم قتله انا بعرس وحرام عليك الي اتسويه فينا وفخواتي..عندك 8بنات وفيهن الي عمرها صك 36وانت قابظلنا لأولأ وهذا مب من قدنا ولا هذا من اصلنا ولا فصلنا,,قتله المهم ريال يستر علينا..عصب وطلع من عقب ما حشر البقعه وقال حق اماية رمسه خايسة ماودي اقولها,,بس بما معناه اذا بناتج شريانات سيري ختنيهم!!!!!!لهالدرجة وصلت فيه درجة تفكيره المنحط,,ومرت ايام وانا ما ارمس ابويه واحاول اتجبنه عسب احسسه فغلطه ويانا,,المهم انا بعد فترة عرفت بطريقة انه امايه استانست من موقفي فإني رمست ابوي ابهالطريقة وواجهته فويهه وما خفت منه بس ما بينت هالشي جدامي ..ومن فترة يومين ردينا فتحنا الموضوع بسبب اخويه الي يبا يعرس,,اخوي كمل الثلاثين وزود ويبا ياخذ وحدة مب من اهلنا بس بنت عرب وناس محترمين والبنت متدينة ولها من المواصفات الي يدورها اخويه فحرمة المستقبل واخواني كلهم عنفس الموال ما يبون من الاهل ,,عندي اخويه العود بس هو الي عرس وخذ وحده من اهلنا من جذا الوالد متمسك برايه ,,يقول عيال العايلة حق بنات العايلة ونفس الشي بخصوص البنات(للأسف ابوويه واايد يحاتي بنات العايلة يباهن لعيال العايلة وهو مايدري انه باجي اهليته همهم بأكبر من جذا وهذا الي لاحظناه انا وامايه في اكثر من موقف,,وهم ما يبون بناته) ,,اهنا اماية ادخلت قالته:واذا عيال العايلة رواحهم ما يو اتقدموا لبناتك !!!!تبانا نحن اندق بيبانهم؟؟!!!اهنا رد قال:يوم الله بيريد بيصير كل شي,,ولا تبين بناتج اليوم يعرسن وباجر يطلقن؟؟ (مادري شو هالتفكير الغبي الي عنده,,عباله لو خذت من اهلي ما بيطلقني والغريب بيطلقني..وانه الناس كلهم لوث ونحن بس الاوادم !!!!)والله كرهت ابوي وكرهت هالعيشة وكرهت هالعايلة الي انا عايشة فيها,,عالعموم ما بطول عليكم زود فمشاكل اهلي ,,برد لموضوعي الي يخصني ,,اناحالياً مستمرة مع شخص واحد مطوع ومتزوج وطبعاً مستحيل ياخذني لأنه بلوشي وما عنده جواز بس والله نعم الريال,,وما وده الا انه يحافظ علي ,,والوالدة اتعرف انه يرمسني بس تعبت مني خلاص ,,وعرفت انها قالت عني: اترمس هالمطوع ولا اترمس غيره ,,, بس بعد مب سلمانه من الرمسة ,,لأني دخلت مواقع زواج والبعض منهم حبوا يتقدمون لي ,,ورمستهم وعرفوا عن اهلي وعني وهالمرة ما ذكرت الماضي لهم ,,اتعلمت من خطاي واني لازم ما ارمس والحل الوحيد في اني اعرس اني اسكت عن الموضوع واتوكل على الله,,بس المشكلة من الي يراقب تيلفوني ,وكل من رمست حد قام وخبر الوالدة واتييني الوالدة امعصبه وتحتشر . اتقولي :انتي شو مستوي عليج:سايرة ادورين لنا ملوثة من النت وتبينهم يناسبونا؟؟!!! واهنا الصدمات تتوالى علي لغاية هاليوم الي اكتب فيه,,.والله اني تعباااانة ,,صح ارمس المطوع ويحاول يهديني بأي طريقة ,,صرت كل من اظايق اتصلبه وهو الوحيد الي يسمعلي وينصحني من قلبه ,,وادريبه يحبني ويموت فيني ,,والله العظيم يا بنات من فترة طحت فمشكلة كبيرة قعدت اصارخ شرات الخبلة واطرطر اثيابي جدام امايه ,,كنت اقوله بسني بسني مليت من المراقبة ,تعبت من كثر ماحس عمري فسجن ..النت ممنوع فليل التيلفون ممنوع فليل البيبان كلها تنقفل,,ابا اعرس ابا افتك منكم,ابا اطلع من هالعايلة الي ربي مب راظي عليها لا فالدنيا ولا فالاخرة,, ,,اكثر من مرة حاولت اشرد من البيت بس اتعوذ من ابليس وارد اتذكر اخواني وابوي وخواتي شو بيكون موقفهم من الناس الي مالهم الا يرمسون بس فالباطل,,نحن مشكلتنا عايلة بيتوتية بدرجة فظيييييييييييييييييييييييييييييييييييييييييييييييييييييييييييييعه عمامي وعيال عمي ما عرفهم ولو مروا حذالي بعد ما بعرفهم ,,كيف بنعرس ونحن منخشين فحجرنا؟!!!ادري بتقوليلي كل شي نصيب بس ما عدت اصدق هالشي,,صرت ساعات استغفر الله اقول انا ربي ما يحبني ويكرهني,,يرد علي المطوع بكل حنية والله انه شراااات الابو فمعاملته لي: يقولي لا اتقولين هالكلام..انتي لو ربج ما يحبج الجان خذ روحج وانتي راكبة مع فلان ولا راقده مع علان وصارلج اكثر من موقف انا روحي مستغرب شقى تطلعين منه شرات الشعره من العيين!!! بالفعل خواتي هذا الي يصير ياما مشاكل مرت علي احس اني لازم اروح فيها واستغرب انها اتعدي على خير بدووون أي مشاكل وساعات تستوي المشكلة بس مب بالحجم الي انا اتوقعه ,ومن هالمواقف احيده انه مسكتني الدورية وانا مع شخص(هو نفسه الشخص الي قال والله احبج واباج لو ما سويتي الي سويتيه) وخذوا بطاقته وحاولوا ياخذون بطاقتي بس ما طعت عسب ما افظح نفسي وافظح اهلي وقعد هاك الشخص يترجى فالشرطي ويبوس راسه ويصيح ويقول هاذي بنت عرب وناس واستر عليها ولا تفظحها ,اذا تباني شلني انا بس هي ميخصها انا الي ركبتها ويايه وكل اشوي الشرطي يصارخ ويقول اركبوا الدورية وهاك الولد حسيته بينهار من كثر ما يصيح وخايف علي وعلى عمره ويلس على الارض يترجى بالشرطي ,,انا اهنا طلعت من الموتر ولويت عليه واصيح اقوله:يا فلان لا اتسوي بعمرك جذا انا ما استاهل الي اتسويه عشاني ,,انا وحدة لوث انته ميخصك انا الي خايسة وانا الي قتلك طلعني وقعدت ابووسه شرات الياهل عسب يسكت وما همني شرطي ولا غيره انا رووحي كنت فعالم ثاني حسيت عمري جني ففلم ولا مسلسل ,,وتمينا عهالموال لييين سامحنا الشرطي وروح عنا,,((فظنكم ممكن ايصير هالشي مع أي وحده؟؟!!!!)),ما علينا انا اموري لو اكتبها ما بخلص منها,,في شي احب اذكره اهنا وهو من الامور الي اتظايقني,, صاروا بنات من العايلة حتى يطرشن لي مسجات وانا عارفة المقصد من وراهم ,,بس والله ما لومهم على الي يسوونه,,هم بنات وبعد يبن الستر ,,الوحدة فيهم تتقرب مني لرغبة فيها اني ازوجها اخويه ,,معني ماعرف اشكالهن حتى..وبالصدف اعرف ارقامهم ,,شو رايكم انه البعض منهم عرفتهم من هالموقع وانا خبر خير فهالدنيا؟؟من ضمن الامور الي امتعبتني فالوقت الحالي ,,آخر شخص اتعرفت عليه وحبيته(( وهو نفسه الي خبرتكم عنه توا يوم سالفتي ويالدورية)) الاخ منبهر بجمالي وبأسلوبي وكل شي عدى عالعيب الي محد يروم يتحمله,,المهم هالشخص عرف اني خنته واتحطم قلبه بمعنى الكلمة ,,,والله والله والله العظيم ماحب اجرح ولا ودي اخونه بس هو السبب,,ادري الي رمستهم ما بياخذوني بس بعد,,احس اني ابا اعوض عمري عن الايام الي قضيتها وياه عالفاظي وانا اصونه على ولا شي,,ادري بتستحقرون اسلوبي بس انا جذا ,,خبلة غبية عبيطة قولوا الي بتقولونه,,انا تعبت من هالدنيا وما فيها,,والي كمل الجرح عليه,,انه هالشخص ياني لي بيتي وعطاني كل الهدايا الي عطيتهم اياه وكتب لي رسالة وفيها دموعه الي لاحظتها على الورقة والحبر الي سايح عليها,,وراح رمس وحدة زلمة وهالانسانة معروووفة عند الكل انها بايعه عمرها ,,وعباله بنقهر يوم انه بيرمسها,,وهو بالاساس كان يكرهها ,,قامت تتصلبي هالبنت وانا حاقرتنها ,,واتعق رمسة جدام البنات عني وانا امطنشة واكبر طاف عاطتنها,,لين يولها البنات وسكتوها وبعدوها عن دربي,,كانت اطرش مسجات واتقولي بعدي عن فلان وهذا حبيبي وانا اظحك على مسجاتها ظحكات هستيرية وبنفس الوقت اصيح مادري عشووو؟؟!!!والله مادري شبلاي؟؟شكلي اتخبلت والله مادري ,,انا بالاساس ما ارمسه ولا اطرشله بالعكس هو الي يلحقني واييني من امارة ثانية لي امارتي بس عسب يشوفني وانا أكبر طاف عاطتنه,,عسب ما اعطيه مجال يعذبني ,,معني فخاطري احبه واموووت فيه بس ماعرف ليش سويت به جذا,,يالسه ابينله اني مب مهتمه فيه ولازال يطرشلي ايميلات ساعات عن الخيانة وساعات عن قصص التوبة وهالامور ,,الحين انا امودره الكل مثل ما قلت لكم بس بعدني ويا المطوع الي صابر عليه صبر ايووب على بلواه ,,في اموووور كثيرة من جوانب حياتي ما ذكرتها عسب ما اطول اكثر,,ابحتفظ فيها لنفسي,,خواتي انا ما بلوم اهلي على الي صارلي بس جزء من مشكلتي متعلق فيهم,,ابويه من النوع الي :ماشي عندي بنات يروحن اعراس ماشي روحة ورده شرات الاوادم,,بينا وبين بعض(اخوان وخوات)مابينا محبة ,مانتغدى مع بعض ولا قلوبنا على بعض,,2من اخواني الخدم ايودولهم الاكل لي حجرهم واختي العودة منطوية فحجرتها ما اترمس حد,,مسكينة هي الثانية حست القطار فاتها ومحد يسأل عنها لو تمت فحجرتها شهر لا اماية ولا ابوي لأنهم اتعودوا على طبعها الشراني,,وعفكرة تراها ما اترمسني بعد وكل اخواني وخواتي ما يرمسوني عدى اختي الي اصغر عني بكمن سنة,,ولا الباجي محد فيهم يرمسني وانا ما لومهم ,,احساسي بالوحدة من وانا صغيره استمر وياي وانا كبيرة لين انجرفت لهالدرب الوصخ..اماية ماحب اسلوبها,,من النوع الي يصارخ وايد فكلامها,تدخل حجرتي بدون استئذان,,واذا اتأخرت بالنوم قامت تسألني ليش سهرانة؟؟وليش متأخرة بالنوم؟؟اكيد عندج تيلفون ويبتدي التفتيش من يديد فالحجرة ,,اماية المسكينة ما تنلام ياما اسكتت وماخبرت ابويه ولا جان انا مذبوحة من زمااان ,,بس والله موتي ارحم من عيشتي الخايسة والي مالها طعم..بعدني بنت مثل ما يقولون الناس فالعشرينات ونصيبي بييني ,,بس انا عندي قناعة كبيرة بإني ماراح اعرس خلاص ودربي من درب خواتي ومصيري شرات مصيرهم,,حسبي الله ونعم الوكيل حسبي الله ونعم الوكيل ,,تعبت من الكتابة وتعبت من شكواي ,,هذا شي من لاشي ..هذا غيض من فيض ..هذا ولا شي من الي اعانيه,,خواتي في الله اغيثووني بالله عليكم,,مليت درب المشاكل مليت درب الوصاخة ابا الستر ابا ريل يطلعني من الي انا فيه ,,محتاجة شوركم الله يستر عليكم دنيا وآخره
