قلة الماء حول الجنين .. من جربت هالشي ؟!!

[صدى صمتي]

السلام عليكم والرحمة ,,

متباركين بقدوم الشهر الفضيل مقدما ..

انا عرفت اني حامل وانا في الشهر الثالث ماكنت ادري اني حامل لاني كنت ارضع ولدي الي عمره 4 اشهر وكانت مو منتظمة الدورة عندي يعني كنت اركض وانط حبل واسوي رجيم كل شي ..

المهم لما رحت اول فحص لي في مستشفى خاص قالت لي ترى انتي صار لج 16 اسبوع بس في مشكلة قلة الماي حول الجنين وهذا معناته ان يمكن الحمل مايكمل واذا كمل بصير تشوهات في الجنين بس انتي شربي ماي وان شاء الله يزيد ..

تميت اشرب ماي وقلت بروح لدكتورة متخصصة في اشعة الاجنة هذي الدكتورة الي سمعت عنها شهر كاامل وهي مسافرة واعتقد للحين مايت عيزت وانا انتظرها .. رحت لدكتورة ثانية تسوي اشعة وتطلع التشوهات قالت لي ان كلش مافي ماي حول الجنين ومااعتقد ان راح يكمل نموه ويكتمل الحمل وحتى لو اكتمل في الولادة راح يموت لان رئته صغيره والسبب ان عنده تكيس في الكليتين !!

كان صدمة كبيرة لي وتعبت نفسيا كثييير وصرت ماقدر اعييش واموت ويتقطع قلبي لما احس بحركته !!

ورحت لنفس الدكتورة عقب سبوعين قالت ليي نفس الشي بس البيبي كبر ومافيه تشوهات يمكن ان للحين ما اثر فيه !!

رحت المستشفى الحكومي الي صار لي دهررر وانه انتظر الموعد قالوا لي الحجم طبيعي ونبضات القلب طبيعية وعطوني موعد حق الالتراساوند عقب ثلاث اسابيع ..

المشكلة اني احس بالحركة طبيعية يعني يتحرك اوووكي ! وهو ينمو كل شي طبيعي فيه شلون يقولون ان مابعيش !!

بلييييز احد صاده مثلي ياريت تعطيني من خبرتها ولاتنسوني من دعائكم ..

تحياتي

 

[ليليــــــــــا]

والله حبيبتي انا شفت اخوات زوجي الثنتين قالو لهم موية الجنين قليلة بس اظن بالشهور الاخيرة والحمد لله ولدوا وجابوا عيال وعيالهم الحين يركضون ماشاء الله
الله يتمم لك على خير واستمري وداومي على الاستغفاروالله يفرج عليك ويسهل لك حملك ويسلم اللي في بطنك يارب

 

[مها1111وي]

ماعندي خلفيه
بس حبيت ادعيلك
الله يتمم حملك ع خير ويحسن خلقه
وتقر عينك فيه ويطلعه سليم معافا
باذن الله

 

[خيوط ملونه]

توكلي على ربك ...و شربي ماء زمزم..
والله يتمم حملك ويسهل ولاتك..

 

[راجية عفوك]

ان شاء الله دام الحجم طبيعي والحركه طبيعيه انه طيب ومافيه الا العافيه والنط والحركه ماتاثر على الجنين ال في التسقيط اما نموه وصحته ماتتاثر باذن الله عليك بشرب زمزم والعصائر والمويه باذن الله مافيه غير العافيه ولدي بالشهر الاخير او الثامن ما اذكر نوموني من قلة المياه وقال اذا بتجلسين كذا بنولدك بدري لانه خطر عليه والحمد لله بيدخل المدرسه ذا السنه ان شاء الله وشيب راسي وعقله ماشاء الله وصحته ممتتتتتتتتتازه يارب لك الحمد وكلي امرك لله وادعي بسلامته وكمال خلقه وخلقه والله يفرج همك ويريح بالك ​

 

[nrnr]

ماعندي علم
بس نصيحه كثري من شرب ماء زمزم

والله يفرج همك

 

[منحشه]

الله يتمم لك حملك وتولدين بالسلامه ويجعله ربي تام الخلقه والصحه

 

[ام لموووو]

علاجك باذن الله مويه زمزم كثرررررررري منها لانها معروفه تكثر مويه الجنين

 

[حياتي بوجودك]

يا اختي توكلي على الله ومدام الحركه والنمو طبيعي يعني ربي كاتبله يعيش
وانا خالتي نفس حالتك تماما وكانت تسوي المسكينه رجيم وتشرب شاي اخضر للتضعيف وبعدها يله درت انها حامل
وقالت لها الدكتورة نفس كلامج
بس الي صار لها انها ولدت بشهر الثامن بعد الشر عنك
وحاليا ابنها عمره 4 سنوات بس ما شاء الله يركض وهو باحسن حال ولله الحمد


يا رب يارب يارب يارب يا رحيم انك ترزقها الحمل السليم والطفل المعافى عاجلا وغير اجلا
اكثري من شرب الماي والعصائر
واكثري من ترديد (الرحيم ) وربي يرحمك وينظر لحالك
ربي يتمم عليج

 

[صدى صمتي]

مشكوورة اخت ليلياا على الرد .. الله يخليهم ان شاء الله

المشكلة الاساسية من كليتين الجنين متكيستين عشان كذا الموية قليلة ..
لان الموية تنتجها المشيمة يشربها البيبي وبعدين يبولها بس مشكلته ان مايبول الي يشربه من الماء مثل ماقالت لي الدكتورة

 

[صدى صمتي]

مها1111وي
خيوط ملونه
راجية عفوك
nrnr
منحشه
ام لموووو
حياتي بوجودك

خواااتي الغاليات مشكورين والله يسمع منكم ,, وان شاء الله واحد من قرايبنا في العمرة ووصيناه اجيب لنه وياه ماء زمزم وببدي اشرب فيه وان شاء الله فيه الشفاء وتزيد الموية

مشكورين ولاتنسوني من دعواتكم

 

[فداك الجرح]

عليج بالدعاء سبحانه قادر على كل شي ربي يتمم لي ولج ولكل حامل حملها

 

[اميرة الفرس]

عزيزتي ،،

انا كمان على بنتي قالت الدكتورة نفس الشئ وولدتني في الشهر الثامن ولكن بعد البحث والسؤال اكتشفت ان الماء يتكون بسبب هرومون المرأة يمكن لأنك ترضعي علشان كذا الماي قليل وكمان شي ثاني ومجرب اشربي كثير ماء جوز الهند الطازج يكثر لك الماء في المشيمة،، وتمنياتي لك بحمل سليم ومعافي انشاء الله،،

 

[القاسية الحنونة]

حبيبتي ..اشربي موية زمزم دايم اسمع انها زينة لليموية الجنين عندها قليلة
ربييتمم لك على خير

 

[قشوووطه]

يارب يرزقك بطفل سليم معافى دون زياده ولا نقصان

 

[صدى صمتي]

وماقصرتوا وان شاء. الله الله يطمن قلبي يوم الاثنين بكون موعدي وايد خايفة اتمنى ان كليتين الجنين سليمة والماي يزيد وما يأثر عليه

عزيزتي اميرة الفرس حبيت استفسر عن صحة بنتك وهل صار لها اي مضاعفات وهل قالوا لك ان كان في مشكلة في الكليتين ؟؟؟

 

[حبيبه عدولها]

مويه زمززززززززززززززم باذن الله

 

[ساكبت العود]

انا نفس حالتك وقالولي حيولدوني بالثامن بس ما ادري ايش ايصير قدام الله يرزقنا الذريه السليمه المعافاه يارب العالمين

 

[فتاة الخير]

اشربي ماء زمزم بكثره واقرئي على الجنين وكثري الاستغفار والدعاء وان شاء الله ربي يبدل الحال الى حال احسن..
وترى ماء زمزم مناسب للجنين ويعوضه

 

[يالله رجيتك]

ياقلبي استودعيه الله كل يوم والله خير الحافظين والدكاتره احيان يخلونك توسوسين فانتي والله ما في يدك شي سوي الي قالوه شرب ماء وخاصه زمزم وسوايل وحطي يدك على بطنك وارقيه واستغفري كثير وتصدقي على نيته والله يفرحك بسلامته يااااااااااااارب