قلبي يعورني اكتشفت خيانته بالمسجات .. امنية حياتي ا.ناعمة ترد علي تكفون شسوي

[قطـــرية]

بنـاااات كنت اغير لولدي وشفت موبايل ريلي يااني فضوول قلت بشوف المسجات

ماادري ياني احسااس حد يقول لي قومي وافتحي الرسايل (وياليتني مافتحت)

شفت مسجين هو مطرشهم لوحده حتى مسجل اسمها بالموبايل مسج فيه صورته :icon28: ومسج كلام شعر

انا مادري شصار فيني مت من القهر ويوم طلع من الحمام تكرموون شافني مبوزه قال شفييج قلت له مافيني شي

وعصب علي وقال كله تزعلين بدون سبب والله شوي وبتكلم بس حد مسكني انربط لساني سكت عشان ولدي ..

ليش جذي .. ليش احنا اللي نسوي ونبادر وهم طنااااش؟ ليش اذا يبون الشي منا (كن فيكون) وهم تسفهه ع الآآخر

انا جميله حلووة واخلاقي عاليه واسولف واضحك .. وصراحه هو مايقصر معاي سفرني وشرالي ساعه الماس وشنطة بـ 5000 يوم طلعت من النفاس

احبه واشتاق له اذا رحت بيت ابوي بس هو مادري شلوون احسه مايهتم فيني .. ليش؟ فيني شي؟

حتى علاقتنا الحميمه يتحاشى ينام معااي .. يت له من كل صوب لبست وتعدلت وتمشيت جدامه

وهو ابد .. ماافيه فاايده .. كله انا اللي اباادر جني اطر منه وهو عاادي .. تكفون شسووي :icon1366:

استاذه ناعمه ياريت اوصل لج بس​

 

[سمراء وافتخر]

,والله ما ادري شنو اقول لج الله بفرج همك
وعليك بصلاة قيام الليل والدعاء وان شا ءالله خير

 

[قطـــرية]

الله يجزييج خير اختي

بس والله تعبت نفسياً .. ليش جي انا ماادري؟

هل هوايه لعاانه ؟الله العالم

تكفون بنات اللي عندها حل ولاخطه تقول لي شسووي

شلون ابعده عن هالطرييج .. الحين انا اعووده اني اطلبه كل يووم عشان يتعوود وبعدين هو اللي اييني من نفسه

يعني خبرتوا جي؟ اخبر العكس.. بس من لاحيله له.......

وانا صراحه أوءمن بالمثل اللي يقول: (ريلج على ماتعوديه و ولدج على ماتربييه) وانشالله خيير​

 

[ظبي]

الله يعينك اختي ويفرج لك كربتك​

 

[@ اسيرة الصمت @]

الله يعينك اختي انا بعد مثلك بس انا مو بس بالموبايل حتى في الايميل والمصيبه العظمى انه مقابلها ببيت ولابستله ومتكشخه لدرجه انها مشتاقه لصدرة ومدري ايش







صراحه بالمرة تعبانه


وقريب بنتطلق للمرة الثانيه وهو السبب والضحيه الاطفال

 

[رشا2004]

انا اقول اذا تقدري تعرفي عن هالوحده تفاصيل اكثر وانه بس هي اللي يعرفها ولا يعرف غيرها واتصلي فيها وهدديها انك تفضحيهاعشان زوجك يعرف انك مو هينه و اذا عرف زوجك قوليله انك تبي تخرب بيتنا بأيدك​

 

[princiess]

الله غاليتي انا نفسج يوم دريت اتخبلت انه يكلم بنات في الايميل بتلقين موضوعي في القسم هني

سبحان الله يوم يخونونا نحس مثل ماانتي حسيتي انا كنت احس انه في شي وانا من النوع اللي ابد كنت مااشك فيه

بس زين يوم سكتتي مثل ماقلتي مايقصر معاج يوديج يمشيج يصرف عليج بس يتحاشى في العلاقة الحميمة

واتحسين انتي مبادرة دايما وماشي فايده هم انا نفسج صار معاي

بس زين يوم سكتتي انا غبية سكتت فترة وانفجرت وقلت له ومع انه من اول بيننا مشاكل وعوار راس وايد

واهله مسوين له عمل ويوم قلت له اكتملت عصب واضارب وقال مااباج ووبودرج

ربي يسهل علي ويفرجها ويرد لي ويودر هالبنات الله ياخذهم اللي يدمرون بيوت الناس

لابارك الله فيهم لا الدنيا ولا الاخره لازم تفكرين عدل كيف تتصرفين وياليت الدكتورة ناعمة ترد علينا نحن

بامس حاجة لها والله وايد حاولت اوصل لها ماقدرت ربي يحفظ بيتي من الدمار ريلي ساير مطنشني على اخر

وهو مسافرر لايتصل لامسج ولاشي يارب ساعدنا

ربي يصبرنا ان لله وانه اليه لراجعون اللهم اجرني في مصيبتي واخلف لي خيرا منها

عليج بقراءة سورة البقرة واختميها كل يوم بتنحل كل مشاكلج باذن الله

 

[نواره99]

كل شي يبيله صبر
لازم تحاولين الحين تكسبينه عشانج وعشان عيالج الله يحفظهم
بالبدايه انسي سالفه الخيانه وركزي ع نفسج اوكي
غيري استايلج واسلوبج واهتمي بنفسج اكثر عشانج بتقولين صعبه ومااقدر واشلون
اقولج اصبررررري ترى المساله يبيلها صبر والله باذن الله بيرجعلج مع الدعاء والاستغفار
حاولي ماتكونين شكاكه ولاتسالينه وين رايح وين ياااي
تقدرين تشوفين وادورين من وراه اهم شي مايعرف طنشي يعني جدامه ولا كانه هامج بس من وراه دوري
شوفي نمط زوجج وحاول تعرفين كيفيه التعاامل معاه
في قسم الزوج والزواج راح تحصلين وايد مواضيع مهمه
اقري قصه ام الوليد وام بسمه ومواضيع الزوج الخائن وكيفيه التعامل معاه
كوني عشيقته يعني اعتقد تعرفين العشيقه اشلون تجر الريال سوي نفسها
ادلعي اكشخي اضحكي سويلج جلسات استرخاء عاادي ولا كانه هامج
جا البيت سويله عشا غدا عادي كلمج ردي عليه
صدقيني لوانتي تغيرتي هو بعد بيقول في نفسه هاي اشفيها وليش اظلمها والخ
بتقولين مافي فايده بقولج يبيله صبررر اهم شي ماتبينين ضعفج جدااامه
واذا خلاص بعد فتره مو بسيطه حسيتي لسه مستمر واجهيه بالادله هني مااح يقدر يطلع اعذار لانج ماكنتي مقصره وياه
صدقيني لازم تسوين جي عشان يعرف قيمتج ومايقدر يطلع اعذار ويقول انج مقصره
وخلج داايما مبتسمه عنده النكد والزعل ممنوع
وان شاء الله الخوات بعد يفيدونج

 

[عيون عزيز]

حبيبتي ليش ما تحاولين تاخذين رقم الي يكلمها ريلج وتعطينه حد من اخوانج يجيب قرارها؟؟؟ يعني اعرفي هي من وسجلي مكالماتها مع ريلج أو دوري أدلة عليها وأوصلي لأهلها وافضحيها .. الا افضحيها في كل مكان سواء شغلها أو مدرستها المهم افضحيها.. عشان تحرم تتعدى على حق غيرها.. الموضوع يبيله طوله بال منج وحرب بااااااااارده بدون لا ريلج يحس.. لأنج لو واجهتيه بينكر وبيحط جوال بالخش عشان يكلمها.. لازم يكون حد معاج يساعدج اخوج أو أختج بس المهم تكون السالفة سر بينكم.. وانتي شوفي شالتقصير منج وغيري نفسج كليا.. وكثري من الدعاء اخر الليل وادعي لزوجج ان الله يصرف قلبه عن بنات الحرام .. الله يسخره لج ويرده قريب يارب..

 

[نواره99]

واتبعي فكره عيون عزيز
والله يوفقج

 

[ام اشجان]

اللة يهدى اميييييييييييييييييييين

 

[دلع.دبي]

انا رايي وعن تجربه... خلج صبووره ليين ما تووصليين لها هااي الطفيليه.. ويووم بتكونيين عارفه الموضووع وماليه ايدج منه.. بعديين طلعي الاولي والتالي.. بس دايما خلييه يحس بتأنيب الضميير..
وحااربييه حرب بارده.. ولا تركضين ورااه واايد لانج بهاذي الطريقه تخلينه يحس انه مب مقصر يوم يسوي اللي تبينه ولو على قولتج كنج تطرين منه..
والله يبعد عنا بنات الحرام..

 

[قطـــرية]

تسلمووون خوااتي

والله يصبر قلووبنا ياارب

يابناات انا شفت اسمها مسجل فلانه الفلاني

وفي المكالمات وحده 2 ومسجل اسمها بعد فلانه الفلاني

ماادري هو اللي يدورهم ويغاازلهم المصيبه مب وحده لا اكتشفت 2

ويوم سألته من هاي بحكم انه موظف في البنك وعميلات يتصلون فييه قااال عميله عندنا

وانا سكت لانه مسجل اسمها معقوله يغازل عميلاته ؟ مادري مادري

بس اللي ذبحني صج مطرش لها صوورته ومسج بيت شعر

وانا يمكن آخر مسج طرشه في العيد .. آآآآآآآآهـ يالقهر

ياليت د.ناعمه تفتح موضوع عن خيانة الازواج واتناقشنا فييه ياريت والله​