السلام عليكم
اخواتى العزيزات
والله ما كتبت هالموضوع لانى ابي حل لا لانه الموضوع انتهى
بس حبيت افضفض واشكى همى للي يفهمنى انا بنت حالى حال كل البنات احب واعشق
ايام المراهقه يوم كان عمري تقريبا 15 او 16 كنت دايم الاحظ رفيج اخوى
اشوفه صدفه براا او ارد على التلفون ويكون اهو على الخط صرت احس فيه قبل لا يتصل
واعرف ان هالمكالمه بتكون منه واسابق كل من فالبيت عشان انا ارد واذوب من صوته
بعد ما خلص اخوى من الثانويه سافر يدرس برا ورفيجه اللى تم بالكويت يشتغل ويهتم بأهله لانه اكبر اخوانه
خطبنى وكنت انا بالثانويه واهلي رفضووا لانى صغيره
بس ما تتصورون شلون فرحتى كانت بس كان عندى احساس انه بيكون من نصيبي
وكنت اذا شفته براا بمكان عام وعرفناا احس بنظرات الاعجاب منه
مرت سنين وانا ما افكر الا فيه اهو ويما انخطبت بس ارفض على امل انى بيوم اكون من نصيبه
وماشاء الله عليه صار بالتجاره وايد شاطر ومرتاح ماديا وبعد فتره رد اخوى وتكلم رفيجه وقاله انه بيخطب من عايلتنا
والا قاله اخوى ابشر بخلي امى تدور لك وحده قال انا ابي من خواتك اخوى حزتها سكت
وثاني يوم اخوى قال انه رفيجه متقدم يخطب وانه خوش ريال ومحترم ونفس اللحظه كان في شخص ثاني متقدم اخوى قال لا
رفيجى احسن واعرفه ونعرف اخلاقه
وافقنا وقالنا خلاص خل ام رفيجك تجى تزورنا
مر يوم يومين اسبوع اخوى ما تكلم ولما سألته امى شنو السبب قال
ان رفيجه يوم كلمه بالموضوع اخوى ما رد انحرج والحين
اهو منحرج زياده شلون يرد على رفيجه يقوله احنا موافقين خل الوالده تجى تخطب رسمي
ورفض اخوى انه يرد يكلمه الا اذا رفيجه سأله عن الموضوع
سافر اخوى وخلص اخر سنه دراسيه له
الحين انا عمري 24 سنه ومن بعد حب تسع سنين
وحب من طرف واحد لانى متربيه مستحيل اخون اهلي واكلمه او ابين له اي شي
ولانه سمعتى وسمعه اخوانى اهم ما عندى
بس اليوم اكتشفت خطبته لوحده من البنات
بصراحه كانت كلمه صدمه شوي على قمت ابجي لا شعوريا
واحاول اتمالك نفسي مو قادره وبديت احس بألم بايدي اليسار وفي قلبي
تمنيت انى اموت قبل لا اسمع هالخبر
شعوري لا كتب او اشعار تقدر توصفه
صليت ودعيت ربي انه اتحمل واصبر بس مو قادره
ادري انى انا السبب باللي صارلي حب من طرف واحد هذا اللى اخذته منه بس العذاب والقهر
ابي بس تدعولي ان الله يصبرني ويرزقنى بالزوج الصالح اللي يسعدنى
اخواتى العزيزات
والله ما كتبت هالموضوع لانى ابي حل لا لانه الموضوع انتهى
بس حبيت افضفض واشكى همى للي يفهمنى انا بنت حالى حال كل البنات احب واعشق
ايام المراهقه يوم كان عمري تقريبا 15 او 16 كنت دايم الاحظ رفيج اخوى
اشوفه صدفه براا او ارد على التلفون ويكون اهو على الخط صرت احس فيه قبل لا يتصل
واعرف ان هالمكالمه بتكون منه واسابق كل من فالبيت عشان انا ارد واذوب من صوته
بعد ما خلص اخوى من الثانويه سافر يدرس برا ورفيجه اللى تم بالكويت يشتغل ويهتم بأهله لانه اكبر اخوانه
خطبنى وكنت انا بالثانويه واهلي رفضووا لانى صغيره
بس ما تتصورون شلون فرحتى كانت بس كان عندى احساس انه بيكون من نصيبي
وكنت اذا شفته براا بمكان عام وعرفناا احس بنظرات الاعجاب منه
مرت سنين وانا ما افكر الا فيه اهو ويما انخطبت بس ارفض على امل انى بيوم اكون من نصيبه
وماشاء الله عليه صار بالتجاره وايد شاطر ومرتاح ماديا وبعد فتره رد اخوى وتكلم رفيجه وقاله انه بيخطب من عايلتنا
والا قاله اخوى ابشر بخلي امى تدور لك وحده قال انا ابي من خواتك اخوى حزتها سكت
وثاني يوم اخوى قال انه رفيجه متقدم يخطب وانه خوش ريال ومحترم ونفس اللحظه كان في شخص ثاني متقدم اخوى قال لا
رفيجى احسن واعرفه ونعرف اخلاقه
وافقنا وقالنا خلاص خل ام رفيجك تجى تزورنا
مر يوم يومين اسبوع اخوى ما تكلم ولما سألته امى شنو السبب قال
ان رفيجه يوم كلمه بالموضوع اخوى ما رد انحرج والحين
اهو منحرج زياده شلون يرد على رفيجه يقوله احنا موافقين خل الوالده تجى تخطب رسمي
ورفض اخوى انه يرد يكلمه الا اذا رفيجه سأله عن الموضوع
سافر اخوى وخلص اخر سنه دراسيه له
الحين انا عمري 24 سنه ومن بعد حب تسع سنين
وحب من طرف واحد لانى متربيه مستحيل اخون اهلي واكلمه او ابين له اي شي
ولانه سمعتى وسمعه اخوانى اهم ما عندى
بس اليوم اكتشفت خطبته لوحده من البنات
بصراحه كانت كلمه صدمه شوي على قمت ابجي لا شعوريا
واحاول اتمالك نفسي مو قادره وبديت احس بألم بايدي اليسار وفي قلبي
تمنيت انى اموت قبل لا اسمع هالخبر
شعوري لا كتب او اشعار تقدر توصفه
صليت ودعيت ربي انه اتحمل واصبر بس مو قادره
ادري انى انا السبب باللي صارلي حب من طرف واحد هذا اللى اخذته منه بس العذاب والقهر
ابي بس تدعولي ان الله يصبرني ويرزقنى بالزوج الصالح اللي يسعدنى