درس قاسي
New member
- إنضم
- 1 يوليو 2010
- المشاركات
- 2
السلام عليكم ورحمه الله وبركاته
اخواتي انا منتسبه هنا في اسم ثاني لكن سجلت بمعرف جديد عشان اقولكم قصه صارت معي انا شخصياً وكتبتها عشان كلكم اللي اخذين فكرة غلط
عن رجال هيئه الامر بالمعروف والنهي عن المنكر تتغير هالفكرة
ويعلم الله انا اعدكم بحسبه خواتي اللي اخاف على اعراضهم ولاارضى يصير فيها شي
بدايه بجاوب على الاسئله
تاريخ الميلاد ؟
1410
مكان الميلاد ؟
السعوديه
الحاله " مخطوبه – مطلقه – عازبه " ؟
عازبه
الدرجه العلميه ؟
جامعيه
درجة الإلتزام بالدين ؟
بالفترة الحاليه الحمدلله انا تائبه
هل انتي مداومه على الصلاة في وقتها ؟
الحمدلله
المستوى المادي للأسره ؟
الحمدلله ميسورة
الترتيب بين افراد الأسره ؟
4
عدد الأخوه والأخوات ؟
3 اخوان _5 اخوات
علاقة الوالدين ببعضهم ؟
مطلقين واعيش مع امي
علاقة صاحبة المشكله ببقية الأسره ؟
جيدة
هل يوجد زوج ام و زوجة اب ؟
زوجه اب
علاقتك مع زملاء المدرسه / العمل ؟
ممتازة
الحاله النفسيـه حاليا ً عند كتابة الإستشاره ؟
عاديه
مدة المشكله منذ بدايتها حتى الآن ؟
من سنه تقريبا
مالكم بالطويله وبدخل بالسالفه بسسرعه
من تقريبا سنه دخلت على الشات وتعرفت على واحد وهمني انه خلوق ومحترم وطيب ورجل خير وصالح ويخاف على الناس واعراضهم
طبعا ولاني كنت غبيه اجهل الرجال صدقته واعجبت بكرم اخلاقه ومعاملته <طبعا كان يطبق المثل اللي يقول اتمسكن حتى اتمكن ..!!
واعترف اني كنت غبيه ساذجه صدقته بكل شي
وضافني على المسن وبعد اسبوعين بالضبط قال لي انا حبيتك وانتي طيبه ومحترمه وماقدر اتركك وبلحظه ضعف كان الشيطان مخاويني فيها
قال لي عطيني رقمك وانا اوعدك مااحرجك بالاتصالات وقام يرفع بنفسه شوي وانا لمى كنت مغفله وافقت <لاحظو لمى كنت مغفله ,الحمدلله اني تعلمت من خطاي
وخلال فترة قصيرة حول لي فلوس <طبعا انا ماطلبته شي هو يقول هديه مني ويحلف علي ماردة ولارجعها
المهم انا الشيطان وهمني زيادة بأنه رجل ثقه ويخاف الله <طبعا الشيطان وهمني انه هو اللي يخاف الله مابعدة ولا يفوت فريضه
وبعدين طلب مني اتصور وارسل له صوري بالبدايه رفضت واصريت على موقفي , وحضرته زعل يقول ماتثقين فيني انا احبك ولايمكن اضرك
وربي راح امسحها اول ماشوفها<انتبهو يابنااااات ترا كلهم كذا بالبدايه وترا هم متهاونين بالحلف عندهم الاديان المغلظه زي شربه المويا والله متى مابغاك ماهمه اعراض ولاهم يحزنون اهم شي ينزل اللي براسه ولا انتي في ستين داهيه
وبعد جهد جهيد رسلت له 4 صور لي <وكانت غلطه عمري اللي لايمكن انساها ابدا واللي لحد الان اغض اصابع الندم
بعد ماظمن الحقير ان صوري عندة طلع لي بوجهه الحقيقي بنات تخيلو معاي الاخلاق العاليه والالتزام وحب الخير والخوف على اعراض الناس
طلع كله كذب x كذب تخيلو يابنات طلع انه قواااااد جرااااار حق مخدرات وبنات وفوق هاذا كله طلع متزوج وعندة عيال وبنات وهو قايل لي انه شاب.!!!!!!!!
وكان يقول لي بالفم المليان عن بنات اجبرهم على الزنا بافعاله
وعن بنات ابتزهم وعن حفلات جنسيه حظرها هنا وعن بنات ومتزوجات يعرفهم ماقدرو يتخلصون منه قال لي بالفم المليان ماحد يقدر يخلص مني بسهوله
( الفلوس اللي كان يرسلها محاوله اغراء يابنات عشان استسلم لنواياة الخبيثه واسلم نفسي له)طبعا لكم تتخيلون قد ايش انا كانت صدمتي شديدة لحد الان مستغربه كيف ماوقف قلبي وجالسه اتخيل صوري منتشرة ويتراسلونها بلوتوث واتخيل
لو ان صوري طاحت بيد واحد من اخواني ولابوي ولا جماعتي وش ردة فعلهم وكيف الطريقه اللي راح يقتلوني فيها واتخيل شماتت الحريم على امي الضعيفه المسكينه
اللي مدري وش بتسوي بعمرها من الصدمه كيف راح تتحمل واقول بتموت واموت مافيها كلام
صحيح انا عايشه مع امي بس ابوي له سمعته يابنات ومعروف وشديييد جدا فوق ماتتخيلون واخواني بعد حارين جدا
وعلى طول قفلت منه الخط وانا بحاله ذهول تام انششليت عن الحركه واقول انا اللي دايم اقرى قصص ابتزاز واقول يارب لاتبلانا وانا اللي استغرب من البنات
كيف يرسلون صورهم انا انحط بموقف مثل موقفهم (اقسم بالله العظيم امر واسوا شعور حسيته بحياتي حسيت اني بموت والعبرة خانقتني جاتي غصه فضيعه)
وصار يتصل ايام وايام وانا من الخوف ماقدرت ارد وكنت عايشه ومو عايشه معاهم ومو معاهم من الهم والخوف والقلق والحمدلله اني رجعت لربي هاذي الفترة وادعيه
واطلب منه يسامحني قبل لايستر علي لاني ارتكبت غلطه جدا عظيييمه بحق ديني قبل لاتكون بحق نفسي والحمدلله يابنات تبت توبه صادقه الله يثبتني ولايغير علي
وجاتني قوة مادري من فين بس حسيت انها الهام من ربي ورسلت له رساله وقلت (شوف ياابن الحلال انا ماشفت منك الا كل خير وانا الحمدلله اني صحيت من غفلتي قبل لااموت
وانا الحمدلله تائبه ,استر علي الله يستر على عرضك والوجه من الوجه ابيض)
بسسرعه رد لي برساله (وقال انا ماحد يتخلص مني بسهوله ,ولاتحاولين تغيرين رقم جوالك لان انا واصل جدا ولي اخويا بالاتصالات اخليهم
يحولون شريحتك باسمي وارد على كل الاتصالات اللي تجيك وافضحك عند اهلك وجماعتك .)
رسلت له (طيب ايش تستفيد يوم تفضح خلق الله , وايش تبي مني مالك شي عندي وماسويت فيك شي انا كنت محترمه معاك لاخر شي )
قال ( لا بس تحسبا لاي شي مابيك تغيرين رقم جوالك ولا ترا بفضحك )
طبعا انا عشت بخوف وهم مايعلمه الا الله وصار كل بعد فترة يتصل وانا مطنشه مارد وكل بعد فترة يرسل وبرضو مارد وكنت متوكله على الله
وبعدين صار يرسل لي رسايل ابتزاز صريح ابي 2000 بسسسرعه وكالعادة طنشت مارديت وبعد شهر يرسل ابي 5000 الاف وبرضو طنشته <اساليب تطفيش وقلق
الى حد قبل اسبوع جا هنا بنفس المدينه اللي انا ساكنه فيها (هو من منطقه غير منطقتنا)
وارسل لي (انا في ... وطفران مامعي فلوس بسرعه ابي 500 ) وطنشته مارديت
وارسل لي ( يا... ردي التفاهم مفتاح القلوب والتطنيش ماينفع وكلامي واضح)<هو ترك فيها قلوب اصلا.
وبرضو طنشته وطوووول هالفترة احسبه مسح صورتي لاني يابنات تركته في شهر رمضان السنه اللي فاتت ولحد الان يتصل كل بعد شهرين معيشني بجحيم حسبي الله عليه
وكانت الصدمه يابنات صدمه عمري قبل 4 ايام بالضبط رسل لي وسائط فيها صورتي يابنات وكاتب ردي <تخيلو يهدد بالصورة وانا اللي احسبه مسحها
وبصراحه هاذك اليوم مدري كيف انقضى كان اطول من سنه كله كنت ابكي واندب حظي واترجى ربي يرحمني
ودخلت النت على امل الاقي حل عند اي احد من صديقاتي او اي احد طبعا مالقيت احد متصل ولاعرفت لمين اروح ولمين اشكي ضايعه تعرفون شلون ضايعه
ماغير ابكي واتحسب الى ان دخلت منتدى بلقيس وبدون اي تردد شفت ms ROZA متصله ورسلت لها رساله بالخاص وشرحت لها اني ابيها بسالفه ولازم على المسن وماقصرت ظافتني وحكيت لها كل شي
وبصراحه انا ممتنه لها طول عمري قسم بالله ماراح انسى جميلها طول عمري كانت خايفه علي اكثر من خوفي لنفسي واهتمت لي مرة وسوت اللي
ماقدرت انا اسويه لنفسي (واكيد طبعا انها عاتبتني وتضايقت وذكرتني بالله ونصحتني) وبسسرعه عطتني رقم الشيخ عادل المقبل وقالت كلميه واشرحي له الوضع
وانا كنت مترددة وخايفه يعني قلت يمكن يقول لابوي ولاخواني وهي كانت تدعمني وتقويني وتقوي ثقتي بربي ثم برجال الهيئه
وفعلا اتصلت عليهم بكل حماس بعد كلامها الله يحفظها ويستر عليها ويسعدها بحياتها <تكفون قولو اميين وربي تستاهل
وكلمني الشيخ وتفاعل معاي جدا بس لمى عرف اني مو ساكنه بالرياض قال قضيتك مو هنا لكن ابشري مالك الا اللي يستر عليك وجلس يقول
عن سياستهم بالتعامل مع قضايا الابتزاز ويحلف لي انهم راح يسترون علي وعطاني رقم الهيئه اللي بنفس منطقه هاذا الحقير
والحمدلله الحمدلله الحمدلله ان الشيخ اللي تفاعل مع قضيتي كان راقي جدا ومحترم (كنت احسب ان كل رجال الهيئه اسلوبهم التعنيف والتخويف)
لكن اقسم بالله بمعامله هذا الشيخ انا ماشفت كان اخوف علي من نفسي وكان يقول انتي زي اختي اخاف على عرضك ويحلف لي يابنات انه يستر علي ويريحني من الهم اللي انا فيه
وفعلا يابنات هي بس 3 ايام على مااخذو مني الذاكرة اللي فيها رسايل التهديد وعلى ماوصلتهم بالبريد وعلى تجميع المعلومات
والحمدلله امس مسكو الحقير النذل واخذو منه صوري وجوالاته واللاب توب اللي كان يستخدمه لابتزاز البنات طبعا بحظور اخوانه وبعد الشيخ
الله يجزاة الخير هددة وتوعدة لو اتصل فيني ثاني او هددني او اكتشف انو باقي صور لي عندة راح يروح في ستين داهيه ويرفع عليه قضيه عند هيئه
التحقيق والادعاء العام اللي راح تحكم عليه سجن سنتين
و الحقير كان خايف لانه بحظور اخوانه اللي اعطو الشيخ وعد مايقرب صوبي ابد
والحمدلله امس اتصل فيني الشيخ وطمني ان كل الصور معاة واجهزته ونصحني الله يعطيه العافيه ويقويه يابنات تكفون ادعو له
وربي مو عارفه قد ايش اشكرة الله يستر عليه وعلى عرضه الله يجعله من اهل الجنه الله يجعلها بموازين حسناته الله ينصرهم الله ينصرهم جميع رجال الهيئه
يابنات الفكرة اللي انتو اخذينها عنهم لازم تتغير وربي واقسم بالله ماحد بيخاف على اعراضكم قد رجال الهيئه
واتمنى يابنات تكونو اخذتو عضه وعبرة من قصتي وكل وحدة يابنات يبتزها اي شاب ابدا لاتتردد وتبلغ عنه الهيئه فوراً وتثق ثقه تامه
انهم راح يساعدونها ويريحونها ويسترون عليها
* على فكرة انا ماعطيت الشيخ الا اسمي الاول فقط , ورقمي ماكان الا معاة هو فقط .
*ومافيه اي احد من اهلي عرف سالفه او حس في اي شي وحتى الشيخ سليمان كان مرة منبهني ماعلم احد من اهلي
تكفون يابنات تكفووون طالبتكم كلكم تدعون للشيخ سليمان الله يطول بعمرة ويحفظه ويحفظ له عياله وبناته ويجعلهم من البارين الصالحين
وتدعون لـ ms rozaاللي لولا الله ثم هي ماكان عرفت اتصرف ابدا
الله يستر على اعراض المسلمين جميعا ويفضح كل من حاول يهتك اعراض المسلمين .
اخواتي انا منتسبه هنا في اسم ثاني لكن سجلت بمعرف جديد عشان اقولكم قصه صارت معي انا شخصياً وكتبتها عشان كلكم اللي اخذين فكرة غلط
عن رجال هيئه الامر بالمعروف والنهي عن المنكر تتغير هالفكرة
ويعلم الله انا اعدكم بحسبه خواتي اللي اخاف على اعراضهم ولاارضى يصير فيها شي
بدايه بجاوب على الاسئله
تاريخ الميلاد ؟
1410
مكان الميلاد ؟
السعوديه
الحاله " مخطوبه – مطلقه – عازبه " ؟
عازبه
الدرجه العلميه ؟
جامعيه
درجة الإلتزام بالدين ؟
بالفترة الحاليه الحمدلله انا تائبه
هل انتي مداومه على الصلاة في وقتها ؟
الحمدلله
المستوى المادي للأسره ؟
الحمدلله ميسورة
الترتيب بين افراد الأسره ؟
4
عدد الأخوه والأخوات ؟
3 اخوان _5 اخوات
علاقة الوالدين ببعضهم ؟
مطلقين واعيش مع امي
علاقة صاحبة المشكله ببقية الأسره ؟
جيدة
هل يوجد زوج ام و زوجة اب ؟
زوجه اب
علاقتك مع زملاء المدرسه / العمل ؟
ممتازة
الحاله النفسيـه حاليا ً عند كتابة الإستشاره ؟
عاديه
مدة المشكله منذ بدايتها حتى الآن ؟
من سنه تقريبا
مالكم بالطويله وبدخل بالسالفه بسسرعه
من تقريبا سنه دخلت على الشات وتعرفت على واحد وهمني انه خلوق ومحترم وطيب ورجل خير وصالح ويخاف على الناس واعراضهم
طبعا ولاني كنت غبيه اجهل الرجال صدقته واعجبت بكرم اخلاقه ومعاملته <طبعا كان يطبق المثل اللي يقول اتمسكن حتى اتمكن ..!!
واعترف اني كنت غبيه ساذجه صدقته بكل شي
وضافني على المسن وبعد اسبوعين بالضبط قال لي انا حبيتك وانتي طيبه ومحترمه وماقدر اتركك وبلحظه ضعف كان الشيطان مخاويني فيها
قال لي عطيني رقمك وانا اوعدك مااحرجك بالاتصالات وقام يرفع بنفسه شوي وانا لمى كنت مغفله وافقت <لاحظو لمى كنت مغفله ,الحمدلله اني تعلمت من خطاي
وخلال فترة قصيرة حول لي فلوس <طبعا انا ماطلبته شي هو يقول هديه مني ويحلف علي ماردة ولارجعها
المهم انا الشيطان وهمني زيادة بأنه رجل ثقه ويخاف الله <طبعا الشيطان وهمني انه هو اللي يخاف الله مابعدة ولا يفوت فريضه
وبعدين طلب مني اتصور وارسل له صوري بالبدايه رفضت واصريت على موقفي , وحضرته زعل يقول ماتثقين فيني انا احبك ولايمكن اضرك
وربي راح امسحها اول ماشوفها<انتبهو يابنااااات ترا كلهم كذا بالبدايه وترا هم متهاونين بالحلف عندهم الاديان المغلظه زي شربه المويا والله متى مابغاك ماهمه اعراض ولاهم يحزنون اهم شي ينزل اللي براسه ولا انتي في ستين داهيه
وبعد جهد جهيد رسلت له 4 صور لي <وكانت غلطه عمري اللي لايمكن انساها ابدا واللي لحد الان اغض اصابع الندم
بعد ماظمن الحقير ان صوري عندة طلع لي بوجهه الحقيقي بنات تخيلو معاي الاخلاق العاليه والالتزام وحب الخير والخوف على اعراض الناس
طلع كله كذب x كذب تخيلو يابنات طلع انه قواااااد جرااااار حق مخدرات وبنات وفوق هاذا كله طلع متزوج وعندة عيال وبنات وهو قايل لي انه شاب.!!!!!!!!
وكان يقول لي بالفم المليان عن بنات اجبرهم على الزنا بافعاله
وعن بنات ابتزهم وعن حفلات جنسيه حظرها هنا وعن بنات ومتزوجات يعرفهم ماقدرو يتخلصون منه قال لي بالفم المليان ماحد يقدر يخلص مني بسهوله
( الفلوس اللي كان يرسلها محاوله اغراء يابنات عشان استسلم لنواياة الخبيثه واسلم نفسي له)طبعا لكم تتخيلون قد ايش انا كانت صدمتي شديدة لحد الان مستغربه كيف ماوقف قلبي وجالسه اتخيل صوري منتشرة ويتراسلونها بلوتوث واتخيل
لو ان صوري طاحت بيد واحد من اخواني ولابوي ولا جماعتي وش ردة فعلهم وكيف الطريقه اللي راح يقتلوني فيها واتخيل شماتت الحريم على امي الضعيفه المسكينه
اللي مدري وش بتسوي بعمرها من الصدمه كيف راح تتحمل واقول بتموت واموت مافيها كلام
صحيح انا عايشه مع امي بس ابوي له سمعته يابنات ومعروف وشديييد جدا فوق ماتتخيلون واخواني بعد حارين جدا
وعلى طول قفلت منه الخط وانا بحاله ذهول تام انششليت عن الحركه واقول انا اللي دايم اقرى قصص ابتزاز واقول يارب لاتبلانا وانا اللي استغرب من البنات
كيف يرسلون صورهم انا انحط بموقف مثل موقفهم (اقسم بالله العظيم امر واسوا شعور حسيته بحياتي حسيت اني بموت والعبرة خانقتني جاتي غصه فضيعه)
وصار يتصل ايام وايام وانا من الخوف ماقدرت ارد وكنت عايشه ومو عايشه معاهم ومو معاهم من الهم والخوف والقلق والحمدلله اني رجعت لربي هاذي الفترة وادعيه
واطلب منه يسامحني قبل لايستر علي لاني ارتكبت غلطه جدا عظيييمه بحق ديني قبل لاتكون بحق نفسي والحمدلله يابنات تبت توبه صادقه الله يثبتني ولايغير علي
وجاتني قوة مادري من فين بس حسيت انها الهام من ربي ورسلت له رساله وقلت (شوف ياابن الحلال انا ماشفت منك الا كل خير وانا الحمدلله اني صحيت من غفلتي قبل لااموت
وانا الحمدلله تائبه ,استر علي الله يستر على عرضك والوجه من الوجه ابيض)
بسسرعه رد لي برساله (وقال انا ماحد يتخلص مني بسهوله ,ولاتحاولين تغيرين رقم جوالك لان انا واصل جدا ولي اخويا بالاتصالات اخليهم
يحولون شريحتك باسمي وارد على كل الاتصالات اللي تجيك وافضحك عند اهلك وجماعتك .)
رسلت له (طيب ايش تستفيد يوم تفضح خلق الله , وايش تبي مني مالك شي عندي وماسويت فيك شي انا كنت محترمه معاك لاخر شي )
قال ( لا بس تحسبا لاي شي مابيك تغيرين رقم جوالك ولا ترا بفضحك )
طبعا انا عشت بخوف وهم مايعلمه الا الله وصار كل بعد فترة يتصل وانا مطنشه مارد وكل بعد فترة يرسل وبرضو مارد وكنت متوكله على الله
وبعدين صار يرسل لي رسايل ابتزاز صريح ابي 2000 بسسسرعه وكالعادة طنشت مارديت وبعد شهر يرسل ابي 5000 الاف وبرضو طنشته <اساليب تطفيش وقلق
الى حد قبل اسبوع جا هنا بنفس المدينه اللي انا ساكنه فيها (هو من منطقه غير منطقتنا)
وارسل لي (انا في ... وطفران مامعي فلوس بسرعه ابي 500 ) وطنشته مارديت
وارسل لي ( يا... ردي التفاهم مفتاح القلوب والتطنيش ماينفع وكلامي واضح)<هو ترك فيها قلوب اصلا.
وبرضو طنشته وطوووول هالفترة احسبه مسح صورتي لاني يابنات تركته في شهر رمضان السنه اللي فاتت ولحد الان يتصل كل بعد شهرين معيشني بجحيم حسبي الله عليه
وكانت الصدمه يابنات صدمه عمري قبل 4 ايام بالضبط رسل لي وسائط فيها صورتي يابنات وكاتب ردي <تخيلو يهدد بالصورة وانا اللي احسبه مسحها
وبصراحه هاذك اليوم مدري كيف انقضى كان اطول من سنه كله كنت ابكي واندب حظي واترجى ربي يرحمني
ودخلت النت على امل الاقي حل عند اي احد من صديقاتي او اي احد طبعا مالقيت احد متصل ولاعرفت لمين اروح ولمين اشكي ضايعه تعرفون شلون ضايعه
ماغير ابكي واتحسب الى ان دخلت منتدى بلقيس وبدون اي تردد شفت ms ROZA متصله ورسلت لها رساله بالخاص وشرحت لها اني ابيها بسالفه ولازم على المسن وماقصرت ظافتني وحكيت لها كل شي
وبصراحه انا ممتنه لها طول عمري قسم بالله ماراح انسى جميلها طول عمري كانت خايفه علي اكثر من خوفي لنفسي واهتمت لي مرة وسوت اللي
ماقدرت انا اسويه لنفسي (واكيد طبعا انها عاتبتني وتضايقت وذكرتني بالله ونصحتني) وبسسرعه عطتني رقم الشيخ عادل المقبل وقالت كلميه واشرحي له الوضع
وانا كنت مترددة وخايفه يعني قلت يمكن يقول لابوي ولاخواني وهي كانت تدعمني وتقويني وتقوي ثقتي بربي ثم برجال الهيئه
وفعلا اتصلت عليهم بكل حماس بعد كلامها الله يحفظها ويستر عليها ويسعدها بحياتها <تكفون قولو اميين وربي تستاهل
وكلمني الشيخ وتفاعل معاي جدا بس لمى عرف اني مو ساكنه بالرياض قال قضيتك مو هنا لكن ابشري مالك الا اللي يستر عليك وجلس يقول
عن سياستهم بالتعامل مع قضايا الابتزاز ويحلف لي انهم راح يسترون علي وعطاني رقم الهيئه اللي بنفس منطقه هاذا الحقير
والحمدلله الحمدلله الحمدلله ان الشيخ اللي تفاعل مع قضيتي كان راقي جدا ومحترم (كنت احسب ان كل رجال الهيئه اسلوبهم التعنيف والتخويف)
لكن اقسم بالله بمعامله هذا الشيخ انا ماشفت كان اخوف علي من نفسي وكان يقول انتي زي اختي اخاف على عرضك ويحلف لي يابنات انه يستر علي ويريحني من الهم اللي انا فيه
وفعلا يابنات هي بس 3 ايام على مااخذو مني الذاكرة اللي فيها رسايل التهديد وعلى ماوصلتهم بالبريد وعلى تجميع المعلومات
والحمدلله امس مسكو الحقير النذل واخذو منه صوري وجوالاته واللاب توب اللي كان يستخدمه لابتزاز البنات طبعا بحظور اخوانه وبعد الشيخ
الله يجزاة الخير هددة وتوعدة لو اتصل فيني ثاني او هددني او اكتشف انو باقي صور لي عندة راح يروح في ستين داهيه ويرفع عليه قضيه عند هيئه
التحقيق والادعاء العام اللي راح تحكم عليه سجن سنتين
و الحقير كان خايف لانه بحظور اخوانه اللي اعطو الشيخ وعد مايقرب صوبي ابد
والحمدلله امس اتصل فيني الشيخ وطمني ان كل الصور معاة واجهزته ونصحني الله يعطيه العافيه ويقويه يابنات تكفون ادعو له
وربي مو عارفه قد ايش اشكرة الله يستر عليه وعلى عرضه الله يجعله من اهل الجنه الله يجعلها بموازين حسناته الله ينصرهم الله ينصرهم جميع رجال الهيئه
يابنات الفكرة اللي انتو اخذينها عنهم لازم تتغير وربي واقسم بالله ماحد بيخاف على اعراضكم قد رجال الهيئه
واتمنى يابنات تكونو اخذتو عضه وعبرة من قصتي وكل وحدة يابنات يبتزها اي شاب ابدا لاتتردد وتبلغ عنه الهيئه فوراً وتثق ثقه تامه
انهم راح يساعدونها ويريحونها ويسترون عليها
* على فكرة انا ماعطيت الشيخ الا اسمي الاول فقط , ورقمي ماكان الا معاة هو فقط .
*ومافيه اي احد من اهلي عرف سالفه او حس في اي شي وحتى الشيخ سليمان كان مرة منبهني ماعلم احد من اهلي
تكفون يابنات تكفووون طالبتكم كلكم تدعون للشيخ سليمان الله يطول بعمرة ويحفظه ويحفظ له عياله وبناته ويجعلهم من البارين الصالحين
وتدعون لـ ms rozaاللي لولا الله ثم هي ماكان عرفت اتصرف ابدا
الله يستر على اعراض المسلمين جميعا ويفضح كل من حاول يهتك اعراض المسلمين .
