متلثمهـ بغترتهـ
New member
- إنضم
- 14 فبراير 2011
- المشاركات
- 11
مساء الخير
شخباركم؟!!
ما ادري ليش دشيت وما ادري ليش شاركت بالضبط وما ادري شوو اكتب لكم؟
كل انسان فهالدنيـــاا عنده قصه...
يمكن هدفي الوحيد فالمشاركه فهالمنتدى اني اطلع لكم اللى بداخلي اللى ف قلبي ....رغم انه عندي صديقه بالدنيا كلها الله لا يحرمني منهاا...
اقولها كل اللى بخاطري وتسمع لي
اقولها كل اللى بخاطري وتسمع لي
بس امممممممممم يمكن حبيتكم تشاركووني قصتي البسيطه لاني لاحظت معظم المشاركات يكتبوون اللى في خاطرهم...
وابي اشووف ردودكم رغم بساطتها بس مرات تكوون بلسم حلووو للى يكتب الموضوووع...
انا طالبه جامعيه ويمكن في البداية ما كنت حاطة في بالي ان بيي اليوم وبحب احد من الكلية وبشكل عااام اني احب انا صح اعترف بشي اسمه حب وانه الانسان ما يقدر يعيشه بدووونهـ بس دائما كنت اقووول انه الحب الحقيقي يجي بعد الزوواج هو الباقي الخالد لكن قدر الله وما شاء فعل في البدايه كانت مجرد صدفة وتكررت هالصدفه اكثر من مره لين صرت معجبه فيه شفته بممر الكليه... ياما قبله مرو قدامي واااااااايد من شباب الكلية واشكال وانواع بس ما كنت اهتم في ولا واحد فيهم بس هو مر من قبالي وجلست اشوووفه وما قدرت اشيل عيني عنه وقلت عاادي يعني بس جي يمكن شدني فيه شي معين سبحان الله
صدفة ومن بين كل الناس علّقني
من يوم شفته وعيني جات في عينه
حسيت شيء فيعيونه حيل يجذبني
ولما ابتسم بانت بوجهي تلاوينه
من يوم شفته وعيني جات في عينه
حسيت شيء فيعيونه حيل يجذبني
ولما ابتسم بانت بوجهي تلاوينه
لدرجة اني ما قلت لربيعتي واقرب شخص لي عنه وسكتت...
هالصدفة خلتني اطلع من كلاسي عشان احضر امسية شعريه وهو الي كان يلقي فيها شعر والصدفه انه هو اللى يقدم هالامسية شفتوو كيف سبحان الله...
ومر كورس واشوفه بين وبين والصدمه يتني فالكورس الثاني كانت ربيعتنا اتينا دوم تكلمنا عن شخص يرسل لها على اساس انه معجب فيها ومره من المرات كنت واقفه ويا ربيعاتي والصدفه انه هو وربعه كانو واقفين قريب منا وكان يسوولف ويبتسم ومره يضحك وانا اناظر في عيونه بس الصدمه لمن تاشر عليه ربيعتي على اساس انه هو الي يرسل لها الرسايل هو نفسه الي معجب بربيعتي يااااااااي ياكبر هالصدمه على راسي حسيت الدنيا تلف علي اممممممم شعوري فذيج اللحظه ما ينوصف ما اقدر اقولكم بشوو بالضبط كنت احس
بس كرهت كل شي حووولي وكرهت البنت اللى يرسل لها وكرهت حتى الاكل فذاك اليوووم وطوول وقتي واناا حاطه السماعه ع اذني واسمع اغنية راشد الماجد انا ضايق ولا اكلم احد والسبب ما اعرفه هل اناا حبيته ولا مجرد اعجاب مثل ما انا متخيلته انا ما ادري ليش كل هالشعور اللى ياني المشكلة انا هالولد ما كنت اعرف عنه اي شي حتى اسمه ما اعرفه …
بس كرهت كل شي حووولي وكرهت البنت اللى يرسل لها وكرهت حتى الاكل فذاك اليوووم وطوول وقتي واناا حاطه السماعه ع اذني واسمع اغنية راشد الماجد انا ضايق ولا اكلم احد والسبب ما اعرفه هل اناا حبيته ولا مجرد اعجاب مثل ما انا متخيلته انا ما ادري ليش كل هالشعور اللى ياني المشكلة انا هالولد ما كنت اعرف عنه اي شي حتى اسمه ما اعرفه …
مرت الاياام واعترفت لربيعتي وقلت لها عنه وحاولت اركز ف دراستي وانسى وجووده فالكليه واعتبره عاادي حاله حال اي شااب ويانا يدرس اااااااه عمري ما اتوقعت انه هالشي صعب صعب صعب اصلا مجرد ما اشووفه من بعيد المحه من بين الكل
وصدفه هالكوورس كنت واايد الاقيه لما يكون عندي بربك عكس الكورس اللى قبله اللى كنت نادرا ما الاقيه يمكن لاختلاف جداولنا …ربيعتي كانت تقوولي ما تشووفي شكلج لما بس تلمحيه اوو تشوفيه تقوولي اشووف فيج نظره غريبه تنسي اللى حوولج وبس تراقبيه…
وصدفه هالكوورس كنت واايد الاقيه لما يكون عندي بربك عكس الكورس اللى قبله اللى كنت نادرا ما الاقيه يمكن لاختلاف جداولنا …ربيعتي كانت تقوولي ما تشووفي شكلج لما بس تلمحيه اوو تشوفيه تقوولي اشووف فيج نظره غريبه تنسي اللى حوولج وبس تراقبيه…
طحت بهواه ياهلي سمو علي من شفته
وانا حالتي حاله وابيه
حبيت انا وانتهىمابيدي شي امر الهوا
ياهلي ما اقدر عليه
وانا حالتي حاله وابيه
حبيت انا وانتهىمابيدي شي امر الهوا
ياهلي ما اقدر عليه
اطورت علاقتهم وصارو يتواصلون بالفون وانا اشووف هذا كله جدامي حاولت ابتعد عنه قد ما اقدر واشيله من بالي ماقدرت بس اكتشفت عقب ان هالبنت تكلم ربيعه وتحبه من وراه ياما حاولت انصحها واقولها لا تسوي جي غلط وهو ما يستاهل منج كل هذا ... اهو مسكين وقف وياها وقفه يمكن لو انا مكانها ف حياتي ما راح انساله اياها وقف وياها وما تخلى عنها لما اهلها عرفو عن علاقتها وياه وقالها انا مستعد اكلم اهلج وكلمهم...
طبـــعا صح يات فتره حاولت انسااه او قصدي اتناساه بس ما قدرت وبدوون ما اشعر كنت اتتبع اخباره وسألت عن كل صغيره وكبيره عنه عرفت عنه كل شي يحبه ويكرهه عرفت عنه كـــــل شــي تقريبا يخصه
بس الي ماكان على البال ولا الخاطر انه في يوم ميلادي يتني هدية وكانت من اروع الهدايا اللى وصلتني ومستحيل انسااهاا ولا انسى هذاك اليووم ياني ايميله وبعد بالصدفه ضفته وياي بس اهو ماعطاني ويه ولا عطاني مجال اني اكلمه وقتله عقب اني اعرفك واعرف كل شي عنك بس عشان يكلمني بس كان اسلوبه جاف واااااااااايد ماتوقعت الصد منه ابدا يمكن لانه هو انسان طيووووب و اجتماعي حييييل مع الكل وما يرد أي انسان يجيه والكل يمدح فيه بس بداية محادثاتنا قالي شي مســـــــتحيل انســـااه كان يبي يعرف منو انا وكيف اعرف عنه كل المعلومات قالي ((كرهتج قبل لا اعرفج)) ياااااااه يا كبرها هالكلمه تضايقت وااايد فذاك اليوم وقلت خلاص راح احذفه بس الاقي نفسي ما اقدر ابدا اني مجرد اشيله من بالي هالفكره مجرد ما افكر فيها احس بخنقه ودموعي تتعلق ف عيووني
انا كنت قبلها ضايفه ربيعه لانه كان ع بالي ايميله وهذا ربيعه الروح بالروح علاقتهم مع بعض قوووويه ربع من 10 سنوات تقريبا وكان يرتاح لي ويقولي كل شي عنه ويوصل لي اخباره وكنت اعرف اخباره يوميا عن طريق ربيعه وهذا اللى كان مريحني
هذا الشي الي خلاه يلين ويرجع يكلمني احسن من قبل ربيعه كان له الدور الكبير وله فضل علي وانا ماراح انساله هالفضل في يوم وقفته وياي
هذا الشي الي خلاه يلين ويرجع يكلمني احسن من قبل ربيعه كان له الدور الكبير وله فضل علي وانا ماراح انساله هالفضل في يوم وقفته وياي
مــــــــرت شهور وتعلق فيني وحبني ليومنا هذا وانا متواصله وياه ع المسن بعد ثلاث اشهر بنكمل السنه ان شــاء اللهـ ....
الله لا يحـــرمنـي منهـ ... ويــخليهـ لأهلــه ياارب ويووفقهـ ويســعدهـ ف حيااتهـ ...
أبــــي رأيــكمـ ؟!!!
لا تحرمووني من ردودكمـ...
لا تحرمووني من ردودكمـ...
