السلام عليكم .. صباح الخير ..
محتاره كنت كيف ابدا وشو اكتب بس لقيتكن تكتبن اللي في خواطركن بدون حواجز ..لقيت اللي ما تعرف ترد على الموضوع تدعو بصالح الدعاء .. فقررت اني اقول اللي في خاطري .. اكتب عن نفسي والمي ومعاناتي .. يمكن للبعض يشوف الموضوع تافه بس لي انا معورني وحاز في نفسي .. انا الزوجه الثانيه .. بعد قصة حب دامت قبل الزواج 5 سنوات اول ثلاث منهن والله العظيم اني ما كنت اعرف انه متزوج .. وبعدين اكتشفت ها الشي عن طريق الصدفه .. حبيبي من اماره ثانيه ودايم كان يلف ويدور عن شغله وعن بيته واهله .. الشي الوحيد اللي صدق فيه كلامه عن امه .. يحب امه مووت ودايم يسولف عنها وخلاني اكلمها .. وتمت تدعيلي اني اكون من نصيب ولدها .. اهلي من النوع اللي لو دروا اني احب مستحيل يوافقون عليه .. فسوينا فيلم وكان ها الشي في السنه الثالثه يعني كنت بعدني هبله ما اعرف انه متزوج لانه يكلمني 24\7 ما يخليني الا وقت ننام وكان ينام معاي على التلفون يعني نتكلم وتاخذنا السوالف لين ما نسكت مره وحده ونرقد ونتم نضحك على بعض ثاني يوم وكل واحد فينا يتهم الثاني انه هو اللي رقد قبل .. وما بجذب عليكم كنا نتلاقى صح ف اماكن عامه بس كنت ارد تعبانه من خوفي من الله وعقابه .. وكل مره نقول انها بتكون اخر مره نتلاقى فيها .. ونرد نشتاق لبعض ونتلاقى.. ولا مره سوى شي خلاني اخاف منه .. يخاف علي اكثر من خوفه ع نفسه.. لين يا اليوم اللي قرر فيه انه يخطبني .. وقالي بقولج شي .. انا من باب المزاح قلت له لا تقولي عقب ها العمر انك متزوج وعندك عيال .. فرد علي بجمله قالي فيها ليش المتزوج ما عنده احساس .. سكت انهرت صحت لعنته .. وقطعت علاقتي فيه .. ويوم شاف اني ما مني فايده تقدم لي رسمي .. يا هو وابوه بس وناس من معارفه وربعه من الدوام .. اهلي فرحو وانا قلت لهم ما ابا اعرس .. فرح اهلي لاني وصلت لعمر يخفون المعاريس عن بابنا كان عمري 28 ساعتها .. المهم كلمته وقالي ان زوجته متسلطه وما تخاف الله وكلام خلا قلبي يحن صبرت سنه .. وانا استخير وهو لا كل ولا مل كان يطرش كل مره حد علشان اهلي يعرفون انه جاد .. وبعد السنه وافقت .. بنات قالي انه هاجرنها من عرفني وما عنده منها الا ولد وبنت وما يباها يتريا عليها الزله علشان يطلقها .. وصدقته ... والسنه اللي كنت فيها خطيبته دقت علي اخته في يوم وقالت لي انه زادته بنت يعني عاشرها لما كنت زعلانه عليه هههههههههههههههه .. سامحوني تراني تعبانه صدق .. واجهته وتم يصيح ويحلف انه غلطان وانها كانت غلطه .... وبعدها بسنه رد تقدم لي .. لاني قلت لاهلي ان زوجتوني اياه بجتل عمري .... وصليت استخاره .. لاني حبيته هو اول ريال يدش قلبي واحبه ..ضاقت علي الدنيا من خليته بس هو ما خلاني .. في ها الفتره توفت امه رحمت الله عليها .. واصر انه ياخذني تم يدق لي الدوام وقالي كلمه من ايأس من رحمة ربي بسافر من البلاد ومن اسافر ما برد خلاص دام ودرتيني ..... والله اني حبيته واحبه واموت فيه بنات هاي مب قصه هذا اللي صار لي صدق .. تأكدت من خواته ومن ابوه اللي حلف انه واقف ويا ولده علشان يعرف ان الاولى شريه واستغفر الله ماسكين عليها شي الله اعلم شو بس حسيت انه سواد ويه .. وغير جي هي اكبر عنه .. تأكدت ان علاقته فيها العيال وبس .. وتزوجنا ... والحمدلله نحن الحين من 4 سنين والله رزقنا بولدين .. بس فيني عله انا احبه هيه بس مب قادره اوثق فيه .. يعني من يروح امارته علشان عياله يصيبني ينون اتخبل .. اتخيل انه وياها وانهم يضحكون .. مع انه يحلف لي الايمان انه مستحيل يروح لها وانهم ما يسلمون مول على بعض حتى انه بنى بيت امه اللي عدال بيته على اساس اكون هناك وياه بس انا ما اريد اكره امارته لان ها الانسانه فيها .. تمت تتصل فيه اول الايام تصيح وتصارخ وتدعي علينا .. ابوه بعد ما كان مايل لي صار يسير عندها وقلب الكلام وصار يتكلم علي انا اني ساحره ولده .. خواته ولا وحده منهن تقول كلمة الحق جدام ابوها ولا حتى جدام الناس ويردن يخبرني ان ابو زوجي يدعي علي دوووم .. لاني مغيره ولده عليه .. مع اني والله العظيم دوم اوصي زوجي اقوله ابوك يدخلك الجنه ولا النار مب انا .. بس الله يهدي زوجي كارهه ابوه والسبب زوجته الاولى اللي خربت علاقتهم .. الحين انا بقولكم شي يا بنات .. انا افكر افاتح زوجي بها الكلام .. اباه يطلقها .. الحين له فوق ال8 سنين هاجرها من عمر اصغر بنت عنده .. ابا ارتاح .. ابا اكون له بروحي مثل ما انا له بروحه شو رايكن .. شورن علي وسمحلي لاني طولت عليكن
محتاره كنت كيف ابدا وشو اكتب بس لقيتكن تكتبن اللي في خواطركن بدون حواجز ..لقيت اللي ما تعرف ترد على الموضوع تدعو بصالح الدعاء .. فقررت اني اقول اللي في خاطري .. اكتب عن نفسي والمي ومعاناتي .. يمكن للبعض يشوف الموضوع تافه بس لي انا معورني وحاز في نفسي .. انا الزوجه الثانيه .. بعد قصة حب دامت قبل الزواج 5 سنوات اول ثلاث منهن والله العظيم اني ما كنت اعرف انه متزوج .. وبعدين اكتشفت ها الشي عن طريق الصدفه .. حبيبي من اماره ثانيه ودايم كان يلف ويدور عن شغله وعن بيته واهله .. الشي الوحيد اللي صدق فيه كلامه عن امه .. يحب امه مووت ودايم يسولف عنها وخلاني اكلمها .. وتمت تدعيلي اني اكون من نصيب ولدها .. اهلي من النوع اللي لو دروا اني احب مستحيل يوافقون عليه .. فسوينا فيلم وكان ها الشي في السنه الثالثه يعني كنت بعدني هبله ما اعرف انه متزوج لانه يكلمني 24\7 ما يخليني الا وقت ننام وكان ينام معاي على التلفون يعني نتكلم وتاخذنا السوالف لين ما نسكت مره وحده ونرقد ونتم نضحك على بعض ثاني يوم وكل واحد فينا يتهم الثاني انه هو اللي رقد قبل .. وما بجذب عليكم كنا نتلاقى صح ف اماكن عامه بس كنت ارد تعبانه من خوفي من الله وعقابه .. وكل مره نقول انها بتكون اخر مره نتلاقى فيها .. ونرد نشتاق لبعض ونتلاقى.. ولا مره سوى شي خلاني اخاف منه .. يخاف علي اكثر من خوفه ع نفسه.. لين يا اليوم اللي قرر فيه انه يخطبني .. وقالي بقولج شي .. انا من باب المزاح قلت له لا تقولي عقب ها العمر انك متزوج وعندك عيال .. فرد علي بجمله قالي فيها ليش المتزوج ما عنده احساس .. سكت انهرت صحت لعنته .. وقطعت علاقتي فيه .. ويوم شاف اني ما مني فايده تقدم لي رسمي .. يا هو وابوه بس وناس من معارفه وربعه من الدوام .. اهلي فرحو وانا قلت لهم ما ابا اعرس .. فرح اهلي لاني وصلت لعمر يخفون المعاريس عن بابنا كان عمري 28 ساعتها .. المهم كلمته وقالي ان زوجته متسلطه وما تخاف الله وكلام خلا قلبي يحن صبرت سنه .. وانا استخير وهو لا كل ولا مل كان يطرش كل مره حد علشان اهلي يعرفون انه جاد .. وبعد السنه وافقت .. بنات قالي انه هاجرنها من عرفني وما عنده منها الا ولد وبنت وما يباها يتريا عليها الزله علشان يطلقها .. وصدقته ... والسنه اللي كنت فيها خطيبته دقت علي اخته في يوم وقالت لي انه زادته بنت يعني عاشرها لما كنت زعلانه عليه هههههههههههههههه .. سامحوني تراني تعبانه صدق .. واجهته وتم يصيح ويحلف انه غلطان وانها كانت غلطه .... وبعدها بسنه رد تقدم لي .. لاني قلت لاهلي ان زوجتوني اياه بجتل عمري .... وصليت استخاره .. لاني حبيته هو اول ريال يدش قلبي واحبه ..ضاقت علي الدنيا من خليته بس هو ما خلاني .. في ها الفتره توفت امه رحمت الله عليها .. واصر انه ياخذني تم يدق لي الدوام وقالي كلمه من ايأس من رحمة ربي بسافر من البلاد ومن اسافر ما برد خلاص دام ودرتيني ..... والله اني حبيته واحبه واموت فيه بنات هاي مب قصه هذا اللي صار لي صدق .. تأكدت من خواته ومن ابوه اللي حلف انه واقف ويا ولده علشان يعرف ان الاولى شريه واستغفر الله ماسكين عليها شي الله اعلم شو بس حسيت انه سواد ويه .. وغير جي هي اكبر عنه .. تأكدت ان علاقته فيها العيال وبس .. وتزوجنا ... والحمدلله نحن الحين من 4 سنين والله رزقنا بولدين .. بس فيني عله انا احبه هيه بس مب قادره اوثق فيه .. يعني من يروح امارته علشان عياله يصيبني ينون اتخبل .. اتخيل انه وياها وانهم يضحكون .. مع انه يحلف لي الايمان انه مستحيل يروح لها وانهم ما يسلمون مول على بعض حتى انه بنى بيت امه اللي عدال بيته على اساس اكون هناك وياه بس انا ما اريد اكره امارته لان ها الانسانه فيها .. تمت تتصل فيه اول الايام تصيح وتصارخ وتدعي علينا .. ابوه بعد ما كان مايل لي صار يسير عندها وقلب الكلام وصار يتكلم علي انا اني ساحره ولده .. خواته ولا وحده منهن تقول كلمة الحق جدام ابوها ولا حتى جدام الناس ويردن يخبرني ان ابو زوجي يدعي علي دوووم .. لاني مغيره ولده عليه .. مع اني والله العظيم دوم اوصي زوجي اقوله ابوك يدخلك الجنه ولا النار مب انا .. بس الله يهدي زوجي كارهه ابوه والسبب زوجته الاولى اللي خربت علاقتهم .. الحين انا بقولكم شي يا بنات .. انا افكر افاتح زوجي بها الكلام .. اباه يطلقها .. الحين له فوق ال8 سنين هاجرها من عمر اصغر بنت عنده .. ابا ارتاح .. ابا اكون له بروحي مثل ما انا له بروحه شو رايكن .. شورن علي وسمحلي لاني طولت عليكن