قصتي غريبه نوعا ما - حبني اجنبي

[مملوحه سكر]

السلام عليكم ورحمة الله وبركاته

تاريخ الميلاد ؟ 1985
مكان الميلاد ؟ الكويت
الحاله " مخطوبه – مطلقه – عازبه " ؟ عازبه
الدرجه العلميه ؟ جامعية

درجة الإلتزام بالدين ؟ ضعيفه
هل انتي مداومه على الصلاة في وقتها ؟ لا

المستوى المادي للأسره ؟ ممتاز
الترتيب بين افراد الأسره ؟ 7
عدد الأخوه والأخوات ؟ 8
علاقة الوالدين ببعضهم ؟ جيده
علاقة صاحبة المشكله ببقية الأسره ؟ جيده
هل يوجد زوج ام و زوجة اب ؟ لا
علاقتك مع زملاء المدرسه / العمل ؟ ممتازه

هل تعاني من امراض عضويه او نفسيه ؟ لا
الحاله النفسيـه حاليا ً عند كتابة الإستشاره ؟ مهومه وحيرانه

مدة المشكله منذ بدايتها حتى الآن ؟ 4 شهور
نقاط ضعفك ؟ العاطفة
نقاط قــوتك ؟ الانتقام



مادري اذا الي يصير صدق او لعب
داومت من فتره وعندي في المكتب واجد من جنسية اجنبيه وهو اكبر مني بكم سنه
بدا اهتمامه فيني يزبد ونقلوني لقسم ثاني وكان دايما يطمن علي ويسألني عن اخباري ويقول اشتقتلج
وكل يوم يجي مكتبي اكثر من خمس مرات عشان يشوفني
ومره من المرات قالي لو خطبتج بتوافقين قلتله كل واجد ياخذ من بلده قال انا ماريد غير انتي قلتله يمكن اخذ واحد ثاني تم يترجاني اني ماتزوج غيره طنشته
ومره من المرات هاوشته على موضوع اتخيلوا صاح راح يصيح في المخزن علشان محد يشوفه واتصل على مكتبي يصيح يعتذر
انصدمت من ردت فعله وبديت اتا اتعلق فيه

عطوني حل وهل من صدق هو يحبني ؟؟

 

[ميس الريم]

طيب ايش فيها لو كان اجنبي ........ يعني اذا كويس وحيعيشك في نفس بلدك ..... اشوف انه ممكن

تفكري في الموضوع, وتصلي خيره .

 

[ليل الشتا]

أجنبي أو خليجي ؟؟
أختلطت عندي ..

 

[معاندة الحزن]

الله يفك حيرتك خيتي

 

[مملوحه سكر]

من دولة أجنبيه ( بدون تحديد )

ومب مسلم !!!!!

 

[}وردة{]

حبيبتي ما يجوز في الإسلام
مسلمة تاخذ واحد غير مسلم..
إمدحيه كشخص واعتذري له أنج ما خذتي كلامه بجدية
بعدين قوليله هذا ما يجوز بديننا!

والله يرزقج بولد الحلال عاجل غير آجل

 

[مصممه مختلفه]

فهميه ان الدين الاسلامي يمنع من زواج المسلمه بغير المسلم والله يرزقك ابن الحلال يستر عليك وابعدي عنه وطنشيه حتى يياس والله يفرج لك 00

 

[مملوحه سكر]

أدري انه مايجوز عشان جي بقوله اذا تباني اسلم واكيد بيبتعد عني

 

[}وردة{]

أدري انه مايجوز عشان جي بقوله اذا تباني اسلم واكيد بيبتعد عني

آآآخ..عورتي قلبي بهالجملة...<<< مشكلة الرومنسيين هههه

ما تعرفين! يمكن تكونين سبب في إسلامه!! خليج متفاءلة!!
شكله يحبج موت ما شاء الله
وحتى إذا ما أسلم...خليج متفاءلة بالمستقبل..
والقادم أحلى:39:

 

[nosa6-1]

هلا حبيبتى انا ما اشوف انه فيها اى شى من جنسية تانية كلنا بشر وربنا واحد فى الاول لازم يدخل الاسلام عشان تقدرى تتزوجيه وبعدين انتى حبيبتى ما صارلك فترة تعرفينه نصيحتى ليك انك ما تستعجلين باى شى ويارب يدخل الاسلام وتاخدين تواب فيه ويكون بيحبك بصدق يارب بس اهم شى تتاكدى انه يحبك ويخاف عليك ويحترمك والله يقدم ايلى فيه الخير ولو عندك نصيب فيه راح يدخل الاسلام وتتزوجينه بادن الله والله ايسهلك يارب بس نصيحة اختى ما تستعجلين والله يسعدك

 

[طيرشلوة]

بنت الديره حبيبتي
توج صغيره حيييييييل

يعني ممكن تحصلين حد يتزوجج,,,,,
الا اذا يستاهل واسلم غيرررر

ولازم تكونين عارفته

بس اقولج انتي ترى صغيره تو عمرج صغير

 

[مملوحه سكر]

شجعتوني فديتكم

ان شاء الله بكلمه لانه كل يوم يتعلق فيني زياده وانا اتعلق فيه

بس اتوقع مستحيل اهلي يرضون بواحد اجنبي حتى لو اسلم عشاني الموقف وايد صعب

الله يسهل الي فيه الخير

 

[بنت إب]

الله يكتب إللي فيه خير

 

[مملوحه سكر]

عطوني رايكم تعلقنا في بعض كل يوم يزيد

 

[Ms.RoZa]

لازم توضحين جنسيته وديانته بعد .. نحل الغاز حنا ولاتبينا نخمن لك حل !!

اجنبي يعني ايش .. خليجي , عربي , اسيوي , اوروبي , افريقي ..
كلامك مبهم صراحه وكذا مانقدر نفيدك

 

[بارونة القمر]

يمكن يسلم على يدك

قولي له الاسلام يحرم زواج المسلمه من غير المسلم واذا عندك استعداد تسلم بتزوجك...وتزوجيه الله يهنيك يكفي لقيتي احد يحبك بصدق حظك ماشاء الله...

 

[قموره كول]

الاســــــــــــــــــــــــلآم

اهم شئ

 

[مملوحه سكر]

ماقدر اقول من اي دوله بس من دولة اجنبيه يعني يتكلم انجليزي

الي اعرفه انه مب مسلم بس اي ديانه مادري



اليوم استوت سالفة

انا بديت في الموضوع قلت له لو عرست بتنساني

قالي لأ وشوي وقالي انا بتزوجج

قلت له انت تعرف انه ديانتي وجنسيتي وكل شي فيني مختلف عنك ومستحيل مجتمعي يقبل بهذا الشي

قالي شكرا وراح خنقتني العبره وصحت من القهر وبعدين شفته مضايج قلت له اضايقت من كلامي قالي لأ بس انتي من اعز البشر في حياتي !

 

[Ms.RoZa]

يتكلم انقلش يعني اوروبي ..
والله يا اختي ادعيه للإسلام ولو يهدي الله بك رجلا لكان خير لك من حمر النعم

وطبعا كوني حذره من الإنجراف معاه لإن بكل الاحوال اهلك مابيرضون فيه
وانتي ابخص بالتقاليد بعد .. !

واذا ماتقدرين خلاص تجنبي العلاقه واشرحي له ان الزواج عندنا قرار من الاهل
مش منك انتي .. لإن ارتباطنا هو ارتباط اسر مش افراد زي عندهم ..

لاتكوني غليظه معاه ولا تتهاوني .. كلميه بالتي هي احسن لعل وعسى محبته لك
كانت خيره له من رب العالمين عشان يهديه على ايدينك

اقنعه وكلميه عن الدين .. وعسى الله يسهل عليك ويوفقك

 

[مملوحه سكر]

ان شاء الله فديتج مع الوقت بكلمه عن الاسلام
كلامج عسل ماشاء الله تحمسين الواحد يسوي الخير
ان شاء الله مايصير الا كل خير وبخبركم بكل يديد