قصتي المؤلمــــــــة،، قصة واقعية

[القلب الحاني]

قصتي المؤلمــــــــة،، قصة واقعية
--------------------------------------------------------------------------------
السلام عليكم ورحمة الله وبركاته
هذه قصة واقعية روتها لي شخصيا اللي حصل لها الموقف
وطلبت مني أن أنشرها .. حتى ينتهبوا البنات على نفسهم
ولا يثقوا أبدا بأي أحد مهما كان .. غير أمك وأيوك طبعا
قصتي المؤلمــــــــة،،
كنت أنا وصاحبتي ( الروح بالروح ) في المتوسط 24 ساعه مع بعض او نكلم بعض.. أعمالنا مع بعض واتمنى لها اكثر مما اتمنى لنفسي.. بس الشئ الوحيد اللي كنا نتنافس فيه (عمل الخير) نتنافس مين تعمل محاضرات في المصلى أكثر.. مين تشتري اشرطة اكثر وتوزعها.. من تحافظ على صلاة الوتر والضحى.. مين تحفظ قرآن أكثـــر..
مين ومين ومين؟؟؟؟
قدّر الله افترقنا في الثانوي.. كل وحده بمدرسة لكن مازلنا مستمرين وكل وحده تقتبس أفكار من الثانية عشان تعملها في مدرستها.. كنا نجتمع بالمخيمات والنوادي ..
وسبحان الله.. كمان بالجامعه ما اجتمعنا..
بعدنــآ عن بعض.. كل وحده انشغلت بدراستها وصداقات جديدة..
لكـــن مازلنا على اتصال من فترة لأخرى..
في يوم من الأيام كان عندي تكليف لأحدى المواد في الجامعه مطالبين بتوزيع استبانات لطالبات المتوسط والثانوي.. عرضت على صاحبتي نروح مع بعض مدرستنا المتوسط.. منها نغير جوو..ومنها نوزع الاستبانات..
اتفقنـــــــآ على يوم ووقت معين..
وأخيــــــــراً تقــــــــآبلـــــــــنــــآآآ
بعد مرور عامين أو أكـــــــــــــثر بدون لقاء..
كانت ساعات جميله قضيناها في مدرستنا الحبيبة..
وفي موعـــــــــد الانصـــــــــرآف.. قالت ان سيارتها تنتظرها..
أتصلت على بآبآ أسأله متى جـــآي.. قالي للأسف أنــآ بعيد والدنيا زحمة.. يمكن بعد سآعه ..
تضايقت .. وقلت لصاحبتي اللي حصل..
قالت وانتي تضمني الى بعد ساعه احد يجلس معاكِ بالمدرسة؟؟
قلت هذا اللي خايفة منه..
قالت طيب ايش رايك اوصلك؟؟
قلتلها مع مين رايحه؟؟
قالت مع اخويا..
قلتلها طيب لحظات أقول لبآبآ.. كلمت بابا.. قلتله بروح مع صاحبتي (طبعاً أهلي يعرفوها) رايحه مع اخوها..
قال طيب مو مشكله روحي عشان ماتتأخري.. ( وياريته ماوافق )
أول ماركبت السيارة قال اللي معاها :: (أخيراً شفنا صاحبتك ........ ) مع نظرته ليا..
قالت له خلاص عيب لاتطالع..
قال طيب ابشري..
ونظره ع الطريق وعشرة عليا.. مرررررة خفت (قلت اكيد بيسوي حادث)
وحاول يتكلم معايا وطبعاً ما ارد.. يسأل وين البيت وترد عليه صاحبتي..
فجآة أحس ان الطريق أول مرة أشوفه وأنا أعرف كل الطرق لبيتنا..
<<أعطتني صاحبتي جوالها ولقيتها كاتبة ليا رسالة..
^
^
^
^
^
(( ترى هذا صاحبي تعرفت عليه من فترة وأول مرة أخرج معاه ))
.
.
.
قــــــــمة الصدمة والتوتر..
قمة الخوف والقلق..
أنا مع شخص غريب وفي مكـــــــآن ما اعرفه..
يـــــــــــــــــــــــآرب..
يــــــــــــــــــــــــــــــــــــــآرب..
يـــــــــــــــــــــــــــــــــــــــــــــــــ ــــآرب..
حاول يلمسني أكثر من مرة وانا احاول ابعد واتجنبه ..
كـــــــآن الطريق تقريباً 10 دقائق لكــــــــن..
كأنهــــــــــآ عشر ساعات..
وحــــــــآنت اللحظة ..

وصلــــــــــت بيــــــــــتنا..
سليــــــــــــــــــــــــــــــــــــــــــــمة ولله الحمد..
أعجز عن شكرك ربي..

دخلت بسرعه على غرفتي.. ورميت نفسي على الأرض ساجده لله سجود شكــــر..
وبكيت..
بكيت..
بكيت..

وجلست يومين بغرفتي دموع ودعاء وشكر لله..
وفي اليوم الثالث.. اتصلت صاحبتي..
تفآجأت من جرأتها.. رديت عليها بكل جمود..
السلام عليكم..
وعليكم السلام ورحمة الله وبركاته..
كيفك؟
الحمدلله..
صراحه انا مرة خجلانه منك على اللي سار يوم الأحد..
طيب؟؟!!
أتمنى انك تسامحيني..
انتي شايفة اللي عملتيه قليل؟؟
لا.. بس كل انسان يغلط..
انتي لو تعرفي أنــآ مين ماكان عملتي اللي عملتيه..
أصلاً انتي ماتستاهلي انك تكوني صاحبتي.. لأنك ماقدرتي صداقتنا..
صاحبتك اللي تتمنالك كل خير..
صاحبتك اللي بتدعيلك بنص الليل..
صاحبتك اللي تتمنى عمرها ماتركتك ولا بلحظه.. لابفرح ولابحزن..
كـــــذا تعملي فيـــــــها؟؟!!
ليــــــــــــــــــــــــــــش؟؟ ليـــــــــــــــــــــــــش؟؟
قوليلي مرة اني غلطت بحقك..
بس مرة؟؟
بس انا اعترفت بخطئي واعتذرت.. خلاص..
لا مو خلاص..
أنسي انو لكِ صاحبه بهذا الاسم..
امسحي رقمي من جوآآآلك..
لا كدا كثير.. حرآم عليكي..
بالعكس مرة قليل بحقك.. انسيني..
مع السلامة..
اشبك؟ من جدك تتكملي؟؟ بلاهبل..
هذا اللي عندي.. مع السلامة..
لحظة طيب نتفاهم..
مع السلامة..
وقفلت السماعه..
حاولت تتصل بعد كم يوم..
وجلست فترة تتصل وترسل..
وأنا ولا كأنه أحد بيتصل..
أرسلتلها رسالة::
(( اذا توعديني انك تتركي هذا الطريق أوعدك يدي تكون بيدك، انتي اختاري أنا ولا هما؟؟ ))
ارسلت::
(( كلهم اتركهم الا حبيبي،، كلهم تسلية الا واحد.. حبيته من قلب..))
بعدها ما ارسلت ولا اتصلت.. والحمدلله

بعد شهرين تقريباً..
حسيت بتأنيب الضمير..
حق الصداقة..
وحسيت اني محاسبة.. اذا سكتت..
بس طبعاً كل اهلها عندهم رقمي وهيا عندها ارقام كل اهلي..
فجا على بالي اشتري بطاقة وارسل لأمها منها (لأنها تعرف صوتي)
وفعلاً..
اشتريت شريحه وارسلت لأمها..
انتبهي على بنتك.. قبل لاتضيع.. كل يوم مع شاب..
فارسلت:: ايش دليلك؟؟
ارسلتلها:: بكل بساطة.. راقبي اتصالاتها وخروجها ودخولها مع مين؟!
ارسلت:: اشكرك على حرصك ومحبتك..
..
بعدها بــ 6 ساعات تقريباً..
صاحبتي تتصل باصرار.. تقريباً.. 10 اتصالات او اكثر..
مارديت..
فارسلت::
(( ما أتوقعتك كدا.. الصراحة إنتي انسانة واطيه بمعنى الكلمة جزاتي عشان وثقت فيكي ))
..
بس دام انا عملت اللي يرضي ربنا ماهمني ايش تقول..
المهم ريحت نفسي وضميري..
بعـــــــــــــد اليوم مستحيــــــــــل أثق في أي صديقة أو قريبة..
الدنيــــــآ بجد سايرة تخوف..

أتمنى الكل يستفيد من قصتي.. عشان يحذر من كل اللي حوله..

دعــــــآئي دآئــــــــماً لكل الناس أنو مايسير لهم زي اللي سار لي..
منقول

 

[بيعجبني ستايلي]

يسلمووووعلى النقـــل الرائع

فــــــــــعلا أزمن هــــذا جدا يخووف
والله نااااادر جـدا تلقين صديقة بمعنى الصدااااقة الحقيقية....
لاحول ولا قوة إلا بالله

 

[بنت ابوظبي 3]

الله يهديها ان شالله

مشكووره ع القصه والايام هاذي كثرت صداقات المصالح وفي هالزمن ما قى شي اسمه الصداقه الحقيقيه

 

[النجمه الامعه]

جزاك الله خيرعلى هذي القصه انشاءالله البنات يستفيدوا منها

 

[(قطر الندى)]

يسلمووووووو

 

[ليدي نجد]

يا الله زمن عجيب

 

[عطر الغلآ]

رائع ~تسلمي ياالفلب الحاني

 

[~ النآعسآت]

طبعآ لأنها من جدهـ هع

من جد بنات جده مايستحن كل يوم نشوف منهن مصيبه

الله لا يفضحنا يارب .. والله يستر على بنات المسلمين

تشكرين على هذا الموضوع وآتمنى البنات يآخذونه درس وعبره

دمتم بخير

 

[استفاقة عطر]

مرره اتاثرت الله يستر على بناتنا وبنات المسلمين
يسلمووووووو ع النقل

 

[وضوح القمر]

طبعآ لأنها من جدهـ هع

من جد بنات جده مايستحن كل يوم نشوف منهن مصيبه

الله لا يفضحنا يارب .. والله يستر على بنات المسلمين

تشكرين على هذا الموضوع وآتمنى البنات يآخذونه درس وعبره

دمتم بخير

ياشيخه حرام عليك اخذتي وزر كل بنات جده وقذفتيهم بهتان وظلم
في كل مكان الشر يصير انا في الشرقيه وبلاوي تصير ومصايب مو بس في جده
وفي كل منطقه تسمعي بلاوي

الله يهديك من جد استوقفني ردك

 

[مروووم القلب]

اللهم احفظنا وذريتنا من رفقة السوء ............................آآآآآآآآآآآآآآآآآآآآآآآآآآآآآميييييييييييين

 

[الورده السمرونه]

مشكوره أختي ع القصه والله يهدي الجميع والشر والفساد في كل مكان

 

[بنت رحيمة]

الله يجزك خير

 

[احساس ماقدروه]

اشكرك على القصه مررررره تاثرت

ةالله ذكرتيني بوحده خانت العشره والصداقه

 

[Lena Dareen]

مشكورة على الموضوع حياتي والله صداقة ما في أمان إلا الغدر و الخيانة إلا القليل وين تجدين الصداقة بجد

 

[ماجدة العلي]

مشكورة حبيبتي