قروب** رشاقتي سر سعادتي**( 80.... 89)

[اللؤلؤه البيضاء]

هلا يالرشاقه اخبارج وكيف حالكن بنات ... بسالج يالرشاقه شو اهم انى وزنى ينزل ولا الدهون لازم تنزل لان احس جسمى الحمد الله ينزل بس الوزن تقريبا ثابت يعنى احس جسمى رشيقه . هههه​

 

[الرشاقه هدفي]

هلا حبيبتي احرجتيني بسؤالك انا الحمدالله بخير حبيبتي اذا تحسي انك رشيقه هذا هو المطلوب لان انا اكثر جسمي دهون لازم اذوبها انا احس كل شي قاعد ينحف فيني الا سيقاني يارب تنحف كلها شحم ودهون وسولوليت ودبا دبا لدرجة اذا جيت اشتري بوت ولا بوت يقدلي من سمنها مايتسكر علي البوت لا البوت الطويل ولا القصير اللؤلؤه ذكريني كم وزنج

 

[اللؤلؤه البيضاء]

وزنى 79​

 

[الرشاقه هدفي]

وطولك كم شكلك من النوع الي ثقلها بعظمها اذا كنتي تحسين انك رشيقه يعني الدهون عندك مهب كثيره ووزنك اغلبه عظم اتوقع طبعا ماادري

 

[اللؤلؤه البيضاء]

هلا طولى 162​

 

[الرشاقه هدفي]

ايه قولي كذا مشاءالله طويله واذا كان وزنك ماينزل وانتي تسوين تمارين يمكن عندك عضل عشان كذا ثابت وزنك فتره ويروح العضل وينزل وزنك

 

[زهور خجلانه]

السلام عليكم ورحمة الله وبركاته

اخباركم حبوبات

انا مشتركه جديده وحابه انضم معاكم

ياليت تقولون كيف البرنامج الي ماشين عليه

وانا بعد عندي مشكله وزني ثابت في البدايه نزلت يمكن 8 كيلو ماشاء الله بعدين ثبت مو راضي يتحرك وش اسوي

وكمان كيف احط الشريط حق الوزن الي موجود بتواقيع البنات

واخر شئ بياناتي

الاسم / زهور خجلانه

الوزن السابق/ 89

الوزن الحالي /82

ودمتم بحفظ المولى

 

[الوردة الزكية]

مساء الخير رشيقات كيفكم

 

[الوردة الزكية]

صباح الخير
حي الله من رجع
الورده واسيره وعيون والرشاقه والبنات الجدد منوراااااااااااااااااااااااااااااااااااااااااات

منور المنتدى بنورك ياروح القروب معليش غيرت باسمك

 

[انديانا]

انديانا
وزني الان 85 وهو اعلى وزن وصلت له
الهدف الاول اوصل 80
ماامشي على نظام معين
مقاسي 48 هئ هئ هئ
ماامشي ولا اسوي رياضه لان طول وقتي صايرة اركض وبس بنت صغيرة سنه وتسع شهور وولد عمره 3 شهور :7:وحموووله مااصدق القى وقت يركدون فيه علشان انااااااااام:29:
مااقول الا يارب ساعدني:39:

 

[الوردة الزكية]

بنات اشوفكم السبت باذن الله
استودعكم الله الذي لا تضيع ودائعه

الله معاك ياروح وان شاء الله تكون اجازه سعيده وحلوه ونستناك السبت

 

[الوردة الزكية]

هلا انديانا منوره ومرحبا بك في القروب والله يعينك ويصبرك

 

[الوردة الزكية]

السلام عليكم ورحمة الله وبركاته

اخباركم حبوبات

انا مشتركه جديده وحابه انضم معاكم

ياليت تقولون كيف البرنامج الي ماشين عليه

وانا بعد عندي مشكله وزني ثابت في البدايه نزلت يمكن 8 كيلو ماشاء الله بعدين ثبت مو راضي يتحرك وش اسوي

وكمان كيف احط الشريط حق الوزن الي موجود بتواقيع البنات

واخر شئ بياناتي

الاسم / زهور خجلانه

الوزن السابق/ 89

الوزن الحالي /82

ودمتم بحفظ المولى

اهلا وسهلا فيك نورتي القروب روحي الصفحه الاولى واقرائيها
وبالنسبه للوزن ثابت هو لازم يصير كذا في بعض الاحيان ثبات للوزن بس لاتسيبين الحميه وبعد فتره تلاقين وزنك نزل
وبالنسبه للشريط اللي في التوقيع ان شاء الله البنات يفيدونك

 

[الرشاقه هدفي]

الورده الزكيه كيفك حبيبتى

 

[الرشاقه هدفي]

زهور خجلانه حياك حبيبتي بوجودك بتنورينا وشدي الهمه والله يعينك وعلى التوقع انا مثلك ماطاع يظبط معي ويالله شدي الهمه والتزمي معنا كل يوم ادخلي

 

[الوردة الزكية]

هلا بالرشاقه الحمد لله طيبه كيفك انت

 

[الرشاقه هدفي]

انديانا حبيبتي يووووووووووووه الله يعينك مع الصغير بتكون حياتك جديده عليك وملخبطه وتعب تعب تعب الله يعينك ذكرتيني يوم ولدي بالاشهر من التعب اذا رحت لاهلي اقطه على اختى وهى تتولاه امي تضيق على تقول منتب يم ولدك واقولها تعبانه وماله منه احس اول سنه مسكين مالي خلق له من التعب بس يوم سار عمره سنه وانا بديت اتعود على النظام مع اخته الي اكبر منه ومعه وصرت احبه واموت عليه واتحسف انى ماكنت يمه يومه صغير بس غصب عنى الحين فديته عمره سنتين حنون على بس يجي يبوس فيني ويروح واذا زعلت عليه عالطول يجي يراضينى ويقعد يبكي لين ابوسه عاد يفرح فديته ويا اخته الله يحفظهم وان شالله يبرون فينا عيالنا قولو امين

 

[الوردة الزكية]

تصدقين يالرشاقه كتبت موضوع كنت بنزله وبنتي الله يهديها جات جنبي وحطت رجلها على اللاب وحذفته كله وخلاص مافيه اكتبه مره ثانيه بكره ان شاء الله انزله

 

[الرشاقه هدفي]

انا الحمدالله حبيبتي كم وزنك وطولك اذا مافيه احراج

 

[الرشاقه هدفي]

يووووووووووووووه الله يعينك تصير في احسن العائلات ههههه كم مره صارت لى عاد تونى بسألك متزوجه ولا لا فديتهم عيالنا الله يحفظهم