قررت الطلاق-هل انا على غلط؟

[صمتي بحر]

السلام اخواتي انا من اول زواجي وانا افكر بالطلاق بس عطيت نفسي مهله سسنه علشان تتغير حياتي الى الافضل والان كملت سسسنه واربع شهور وماتغير شي - مازلت الى الان بكر وزوجي الى الان مقصر في الصلاه بشكل كبير مافي تحسن ابد مومقصر وبس هو اصلا تاركها- يراجع عند طبيب بس مافي تحسن نهائي وهومايراجع الا اذا احد من اهله سئله هاه رحت وش سويت وش صار لدرجه ان اخوانه يحددون موعد الدكتور وموعد الذهاب للشيخ و000الخ هو مافي منه رجاء مايسوي شي عشاني اوعشان نفسه حتى محاولات الجماع قليله تنعد على الاصابع وفوق كذا يكذب عند اخوانه انا حاولت وسويت وهو ولاشي-- انا تعبت من الموضوع هذا كثير - فوق كذا انا من اول ليله بزواجنا ماحبيته مع العلم فتره الملكه استمرت 7 شهور لكن ماشفنا بعض ولاكلمنا بعض- صارلي سنه واربع شهور ماحبيته نهائي
انا ابي اتطلق اهلي مايدرون بششي اذا طلبت الطلاق من اهلي كيف اقولهم اني الى الان بكر؟؟اخاف ابوي ينصدم هومريض بنفس الوقت انا لازم اوضح السبب لان اذا ماقلت راح يحطون العيب مني واني انا السبب وفيني كذا وكذا000؟؟مابي اظلم نفسي
وهل لازم اذكر عند القاضي اني بكر؟؟اواتطلق واسكت
مافي محبه عشان اتحمل زوجي ونفس الوقت نفسي اكون ام انا عارفه ان فرص الزواج للمطلقه قليله لاكن اعيش مطلقه ولااعيش متزوجه فقط بالاسم ولااطفال ولاشي- والله يعيني على حلووق الناس وكلامهم الله المستعاااان

 

[..سارونا؟؟]

لاتفكرين بالناس ولا يهمونك ابد ابد ولازم تعلمين اهلك شوي شوي وتفكري بالطلاق حرام يضيع عمرك معاه لاتكذبين على نفسك وتقولين بيتعدل ولا احد يكذب عليك ويقول اصبري كفااايه صبرتي سنه خلااص فوقي اصحي لين متى تنتضرين لازم تتخذين القرار الحازم وتطلبين الطلاق وهذا من ابسط حقوقك وتوقعي انك بتسمعين كللام من الناس يمكن يكون جارح بس لا يهمونك ولاا تفكري فيهم


حراام يضيع اكثر من عمرك كفايه سنه واربع شهور كفاااايه

 

[صمتي بحر]

اختي سارونا الله يوفقك مشكوره فعلا العمر يمضي

 

[ميرور]

استخيري الله قبل كل شي ثم اقدمي على الخطوه الي انت مرتاحتلها اكثر

ولازم قبل كل شي تبلغين امك او اختك (فلا ندم من استخار ولا خاب من استشار )

واتمنى ان الله يسهل امورك لما فيه الخير

 

[صمتي بحر]

اختي ميرو - انا بين نارين البقاء والطلاق 0 لكن راح استخير مششكوره

 

[رائعه بحيائي]

حبيبتي وش تبغين بواحد مقصر بالصلاة وكمان مريض نفسي شفاه الله ليييه انتي فيك نقص تطلقي وبيعوضك الله بولد ماتزوج بس نصيحتي علمي اهلك انك لازلتي بكر

 

[الخط الفاصل]

في حال الطلاق لازم تثبتي في الصك إنك بكر

 

[نـــــونه]

يا قلبي ربي ييسر أمورك ويفرجها عليك,,,
إستخيري ثم إستخيري ثم إستخيري,,, أهم شئ الإستخارة بالطلاق أو البقاء,,,
وربي بيخيرك صدقيني,,, ودائمآ كرري اللهم ارني الحق حقآ وارزقني إتباعة,,,
ودامك ياقلبي ماحبيته ولا إرتحتيله بالوضع اللي بينكم والله بتتعبي ونفسيتك ببتعب,, ودمري نفسك,,
خصوصآ إنه مو مهتم ولا مبالي,,, والناس إعتبري كلامهم بضاعة رخيصة,,, ولازم الشيخ بصك الطلاق يكتب إنك بكر لانو فيه احكام تختلف,,وأهلك لازم الآن يعرفوا حتى لو ماتبغي تطلقي,,, صدقيني بترتاحي إدا قولتيلهم
وبيخففوا عنك اشياء كثير... وربي يعدي السالفة عليك كالماء العدب بأي قرار تتخدي.

 

[مربى جح]

الله يكون بعونك ويفرج همك
شوفي حبيببتي بقولك عن تجربه وربي ان حالتي وصلت لدرجه ماتتخيلينها بس كنت قبل مااسوي اي خطوه حتى لو تافهه اصلي استخاره وعلى طول اسويها يعني موتنتظرين ترتاحين او لاعلى طول ابدئي فيها والله يااختي اني لما استخير واسوي هالامر مع انه يصير شيء ماكنت اتوقعه يعني يتعقد الامر زياده بس اقسم بالله اني اكون مرتاحه بشكل مو طبيعي .,,
انا اقول اول شيء استخيري انك تعلمين امك اول لا وروحي علميها وخذي رأيها لاتستحين هذا حياتك ومستقبلك وبعدها سوي مثلي بعد كل صلاة مغرب او عشاء صلي ركعتين استخاره او قبل تنامين صلي الوتر واستخيري فيها بقرار الطلاق وابدئي فيه..ماتدرين وين الخيره فيه
وتذكري كلام حبيبنا محمد صلى الله عليه وسلم
عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له <؛<؛
واسأل الله العظيم ان كان في طلاقك خير ان ييسره لك ويعوضك بأحسن منه ياقادر ياكريم
ولاتنسين الدعاء وصلاة الوتر انتبهي تخلينها والله مفعولها عجيب تكفيك الراحه اللي تجي منها .,
طمنينا عنك يالغاليه
الله يفرج همك وكل مهموم وانا اولهم<<ههه
عذراً ع الاطاله.

 

[كسرني زماني]

ياحبيتي مدري وش أقولك بس أستخيري الله وأهلك أكيد مايهمهم غير راحتك لكن ترى اللي مقصر في حق ربه ماتدرين معك بعدين وش بسوي والناس بيتكلموا كذا ولا كذا خلك أكبلر منهم وماعليك من احد غير نفسك حرام تدفنينهامعاه

 

[انسه طفشانه]

اوما سنه واكثر وانتي بكر
لازم اهلك يدروو
لاتطلبي الطلاق قبل تسمعين راي اهلك
موفقه

 

[RAWABE 444]

الله يشرح صدرك ويفرج همك يارب
لكن من وجهة نظري قرارك صائب ولاتنتظرين انه يتعدل العمر يعدي
وصار والله هذا الموقف مع وحده قريبه لي وبعد صبرها عليه هواللي رماها

 

[بووسي]

استخيري ياقلبووو

واتوكلي على الله ... حبيبتي العمري يجري وانتي حقك شرعا تطلبي الطلاق

الحمدلله ما عندك شي يجبرك تتحملي الوضع خاصة انه ما يصلي ويكذب

عسى ان تكرهوا شيئا وهو خيرا لكم

ولازم تثبتي انك بكر ( وهذا لمصلحتك)

بعدين مين قالك انه فرصتك كمطلقة تصير اقل لا حبيبتي

انتي مازلت بكر يعني كأنك ما تزوجتي فما تحطي هذي الفكرة براسك

وما احد ياخذ اكثر من نصيبه

استخيري وتوكلي على الله واذا الطلاق خير بيتسهل واذا لا بيكون ربك اختار لك الخير​

 

[مامت ياسين]

استخيري ربنا وان شاء الله ربنا يصلح حالك وحالنا

 

[شماليه كووول]

انا مع الاخت ساروناااا

 

[حفيدة المجد]

اتوقع لو تسالين شيخ عن حكم جلوسك مع رجال مايصلي كان قالو لك لايجوز لان الي مايصلي كافر والمسلمة لايجوز تتزوج كافر
وبعدين رجال ماحصلتي منه منفعه وش تبين فيه وكارهته من اول ليله مافي شي يخليك ترتبطين طول العمر معه

لكن الاستخاره لازم في كل شي
استخيري واخبري اهلك انكي لزلتي بكرا ولازم يثبت في ورقة الطلاق انك بكر

 

[ورودي]

لا حبيبتي انتي مو غلط استخيري وكلمي اهلك وشوفي رايهم كمان
الله يعوضك باللي احسن منه
وحسبي الله علي الناس اللي ياخذو بنات الناس ويغشوهم

 

[عيوني مياسه]

أستخيري أولا...
وبعدها سوي اللي ترتاحين له..
وبقولك حاجه ..ولو إنتي اللي فيكي عيب .. أو مرض مارح يخليكي بعصمته يوم واحد..

 

[hadifa]

انت صبرت كثير وماذا تنتظرين احمدي ربك انك مازلت بكر
لازم تطلبي الطلاق وتصارحي أهلك والقاضي كي تحصلي على حقوقك كاملة
لو كنت أنت المريضة لما صبر عليك ليلة
كلام الناس ارميه وراء ظهرك وفكري في نفسك والله يعوضك خير

 

[nona--]

استخيري واستغفري ماتدري لعل الله يجعل بعد عسر يسرا لاتستعجلي والله ييسر لك اللي فية الخير