قررت اخون زوجي وابحث عن الحب والحنان عند غيره واللي يصير يصير..؟؟

[K i n d я]

السلام عليكم ورحمة الله وبركاته
كيفكم بنااااات
انا ماكتبت موضوعي هذا واللي راح تستغربون منه وتستحقروني الا بعد ماتعبت
انا باختصار زوجي
خاين كذااااااااب حرامي كافر مايصلي طبعا نجس مايغتسل من الجنابه بالشهر يدخن وريحته مررره مضايقتني جبته بالطيب بالاحترام مانفع
زوجي من اول اسبوع زواج وهو خايني مع عشيقته القديمه رغم انها تزوجت لكن لازال يحبها ويعشقها وماقدر ينساها اشوف هذا الشي لمن اكشفه في محادثاته بالمسن الحين ماني فاهمته مرره اكشفه يقول ماقدرت تنساني بدليل تتصل وتقفل بس تسمع صوتي ومراات يقول اكلمها واشوفها في اقسام الشرطه تشتكي زوجها المهم يبين من كلامه انو مانسيها ولازال عايش على ذكراها ويحب هاني شاكر عشان هاني بس للمحبين وللمجروحين ومحتفظ باوراق اشعارها اللي فوق خمسين ورقه وكلما كشفتها رميتها ويجيب غيرها بالله ايش رايكم فعلا لسه يحبها والا لا ..؟؟؟؟؟
والمشكله يفتخر انو من كثر حبه لها ماعمره لمسها عالرغم من انو يستاجر استراحات وشقق عشانها ولايلمسها حبا فيها عشان بس تعرف انو حبها من دون جنس مع اني خلصت منها قبل 3 سنوات لكن زي ماقلت لكم كلما كشفته الاقيه يتكلم عن حبه وعن ايامه الحلوة معها يمكن بس يتفاخر معقووله لاني لمن اكشفه يقول بس كذا اتكلم ماقصدي شي
وفوووووووق هذا كله يكلم بنات ويقابل بنات عن طريق عمله عن طريق النت في البلياردو في الفيس بوك في الترفيان في البلوت في كل مكان حياته ضياع في ضياع من بنت لبنت ماعمري شفت مع اصحاب وان شفت يجلسوا معه فتره بسيطه ويتركوه لييييييش يمكن لانو مو متعود الا على بنات مدري ..؟؟
نفسي افههم.
ماقدر انسى خياناته لي كلما رحت مكان اتذكر خياناته لي تعبت احيانا لمن اتزاعل معه وارسل له رسايل تلين حجر يطنشني ويقول مايحب اسلوب الرسايل مايحب القلق كيف اتفاهم معه يانت يانوم ياتلفزيون وان جلسنا صح جلس يلعب مع اولاده كلام الحب لغيري اشوف منه رسايل سواء عن طريق الجوال او على المسن كله حب عتاب لها اذا زعلت يراضيها وانا اذا زعلت ماصدق يبي الفكه يقولهن كلام حب يترجاهن لمن يزعلن عليه يترجاهن يقابلهن احيانا اشوف رسايل منهن محتاجات له ويفرح يكلمهن ويحل مشاكلهن وياعدهن واناعندي فاااشل وانا ماعمره جبر خاطري بكلمه بس اشحده كلام حب اهتمام تعبت
ارسلت له قبل يومين عالمسنجر رسالتين مارد علي قمت ارسلت له مره ثانيه واقول فيها ليش ماتررررد علي.. هذي حياتنا كلها مشاكل تعب تتوتر زفت ارهاق ومع ذلك طنشني جيت اليوم الثاني الاقيه مرسل رسايل عاديه مكررررره مية مره قلت وبعدين معاك انا مااقصد رسايل هذي انا في مشكله ابغى اتعاون معك ونحلها ليش انت كذا انا ناقصني حب حنان اهتمام والله لانتقم منك وادورها عند غيرك حلفت فعلا وجلست ابكي قلت والله لانتقم منه واذاا على الناس ماهد حيلي الا الناس واذا على اهلي فهم عارفين الوضع واذا عالطلاق فاحسن..
نفسي اقهره زي ماهو قاهرني نفسي انتقم منه نفسي اخليه ذليل مكسور حقير نفسي اسوي له شي يندم طوووووووول عمره نفسي اخليه باله وتفكيره مشغوول بجرح مني زي ماخلاني بهم وجررح وحزن طول الوقت والله تعبتتت
حسبي الله ونعم الوكيل فيه ​

 

[زمن الغدر]

ياحبيبتي انتي لآ وآلف لآ واضح عليك القهر بس تضيعين شرفك عشانه ليه
تقدرين بدون تورطين نفسك وتفضحين نفسك تطلبين الطلآق منه وينتهي الموضوع

إذا خنتيه ياغاليه ماراح تقهرين غير نفسك .. وربي حرام نرد الغلط بغلط ..

حسبي الله ونعم الوكيل بكل إمرآءه تأخذ رجل متزوج من زوجته ياحبيبتي ادعي وفكري وتوجهي لله..
وشكل زوجك مايخاف الله ,, خليك جديه معه إذآ ارخصك ارخصيه بس مو انك تخونين دينك ونفسك وتسوينها وتخونينه لآ بل اطلبي الطلآق .. لآتغضبين ربي عليك عشااان ولآ شي ..

هذا رأي واتمنى بس تروحين تصلين لك ركعتين تشكين لله حآلك وتدعينه ييسر لك كل عسير ويريحك
ويلين قلب زوجك ويهديه ..

قولي يااارب

آدعي ان الله يثبتني على الحق ويبعد عني كل شر ​

 

[دانة الشام]

لاء اذا موصلي لهون اطلقي أحسن "وإن يتفرقا يغن الله كلا من سعته وكان الله واسعا حكيما" الله يفرج همك ويفك كربتك ويلهمك الصواب وينور بصيرتك.

 

[وحشتوني]

اختي انتي لم تخونينه انتي الي راح تكونين خساره خسرتي دنيتك واخرتك
ولا تحصرين حياتك عليه انا اقول روحي لبيت اهلك ازعلي عليه
يمكن لم يفقدك يحس بقيمتك ويتغير وزوجك شكله يحب الي تطنشيه
واعرفي نمطه وتعملي معه​

 

[ازهااااار]

انا رايي من راي الاخت زمن الغدر
اله يفرج كربتك يارب ويعوضك خير

 

[دنيا الأمومه]

ياحبيتي اذكري الله وفي البدايه ليه جالسه على ذمته وهو بالأساس مايصلي (((اذا مايصلي ابدا ابدا حرام تكونين على ذمته )))واذا مايصلي لا تستغربين كل هالفعايل
وبعدين ياأختي اذا زوجك اخطئ في حق ربه أول ولا أستحى من رب العالمين تبينه يستحي منك يازوجته ماعليش كلامي يمكن يكون قاسي عليك بس ابغى اكون صريحه معك
وليه انتي تخطين وتقولين بدور الحنان عند غيره يعني اذا طب النار بتطبين معه ماعليك منه وكلا محاسب على عمله
الله يثبتك ويهدي زوجك وأكثري من الدعاء له وأستعيني بشيخ الله يسعدك وينور لك دربك وان شاء الله البنات يدلونك على الصواااب

 

[قصيدة غزل]

لاحول ولا قوة الا بالله

أطلبي الطلاق وأرتاحي

كيف هالانسان والله أنه أقرفني وأنا أقرى

مايغسل من الجنابه ولا يصلي
لوحدهم هذولا كفايه

ربي يفرج أمرك

 

[تؤام روحي وقلبي]

الله يعينك ويفرج همك

 

[خوخة خجولة]

يا اختي لا تصلحين الغلط بغلط.....وبعدين اذا سويتي اللي تقولين ما راح تعصين الا رب العالمين تبين الحل بالرجوع لله مو بالخيانه ورد الخطأ بالخطأ. انا ادري انك ما راح تسوينها بس تقولين من قهر فيك لاكن قومي الليل واشكي همك لربك والله يكشف الهم والغم ويرد زوجك لك ردا جميلا.....

 

[لمسة حنين]

هذه النوعيه اعطيها اكبر طاف واذا هو انسان ما يصلي ولا يغتسل من الجنابه كيف تريديه يكون اللي ما يخاف الله توقعي منه كل شي وبذات انه ما يصلي

طنشيه هذه النوعيه لا تزعلي علي افعاله لانه ما يخاف الله واللي ما يخاف الله شوه تتوقعي منه حاولي تنسيه ولا تضعفي وتقولي بخونه انتي تخسري سمعتك واهم شي سمعتك ما مهمين الناس صح ولكن لنا رب اهم شي رضاه
عليك بالدعاء وقيام اللي واكثري من الاستغفار وخلي احد يتدخل بينكم واخر شي هو الطلاق بعد ما تنفذ كل الحلول اهم شي تدخلي وسيط بينكم الله يهديه ويصلح شانه

 

[قلبي حساس]

اختي لاتدعي الشيطان يدخل عليك بهذا المدخل عشان تحلي مشاكلك وهذا الاسلوب بيخليك في عذاب اعظم من عذابك الي انتي فيه
الجاي الى رب العالمين
وكثري من الدعاء والاستغفارولاتدوري من ورا زوجك عشان مايزيدك قهر
واذا كان حياتك ميؤسه معه اطلبي الطلاق ولا تنتقمي ولا شي وربي ان شاء الله يآخذ حقك منه مادام انتي قريبه من ربك
والله بيسر امورك ان شاء الله ويبدل حالك الى الحال الافضل ..
دمتٍ سالمه,,​

 

[ملكه الاغراء]

السلام عليكم
اولا اختي انا والله ما رديت عليك الا لاني نفس حالتك من خيانه لخيانه وما يصلي وريحته اذبحتني وقلتله كذا مره عالج اذنك وطنااااااااااااااااش وانا اشوف اسوالفه بالمسن حبيب وكلامه عسل ودفيع فلوس وانا وعيالي طاف عطينا بس الله حسيبه كل مره يقول خلاص انا اسفه شوفي من اسبوع عرسي ليومج هذا صارلي ثلاث سنين واهو على هالحال وتعبت وذبلت وطفيت كل الناس تقول فيك شي اقول لا اخفي عل ربي يصلحه شكيت لاهلي قالولي اصبري ومن يومها انا صابره وصار مايهمني اذا تضايقت رحت اسوي مساج بالصالون والا حمام ملكي لاني توني شباب 23كبرت عشرين سنه قدام ادري بتقولين ياهنيها بقلبها بس والله صار ما يهمني وحاطني شماعه كل ما طحت عليه يخون يقول مالقيت الراحه عندج من اول اسبوع شلون بس ما اقول الا الله كريم واسمحيلي علاطاله بس ذكرتيني بنفسي قبل مالج شغل فيه وحبي نفسج ولا ترحمينه حتى لو يقول ماعندي هم جذي عند حريمهم ماعندهم وعند (((((((’’’’)))))))))))))))))عندهم

 

[حلم احلامي]

انا اقول خليه يعاكس للصبح ماعليك منه اصلا لو البنات إلي يكلمهم يشوفو شكلو ولا يشمو ريحته ولا يعرفو انو مايصلي ولا يغتسل

ولا حبيبته هذي كان كرهو اليوم الي كلموه فيه..

لا تضيعي شبابك وعمرك معاه انشغلي بعيالك وربيهم بعيد عن ابوهم..

والله حيجي اليوم الي يعرف فيه قدرك وانو محد حيتحملو غيرك

 

[رازيا]

الله يهديكي ويصلح حالك شو قصتك انجنيتي
كل المشاكل يلي ذكرتيها الها حل خليكي عاقلة واتعوذي من الشيطان
اتذكري قبل تخوني زوجك انك تخوني ربك ونفسك واهلك
لي رجعة للرد عليكي

 

[خيالة الشرق]

حبيبتى الله يبرد على قلبك وترى هذا ابتلاء بس انا ابى اهم شى تسالين شيخ ثقه عن حكم علاقتكم لانك تقولين ما يصلى اذا ما يجوز الطلاق ابرك والحمدلله عيالك غصبا عن خشمه يصرف عليهم اصلا هو غير مؤهل شرعا انه يكون وصى عليهم
كل اللى عليك الحين تجمعين ادله تدينه من المحادثات من تسجيل اعترافه بلسانه عن عشيقته خليك ذكيه واجمع الادله عقبها ارفعى عليه قضيه طلاق عشان القاضى يحكم لك بالحضانه
اما تعصين اللى خلقك عشان تنتصرين لنفسك وتقهرين زوجك صدقينى لو سويتى كذا اول من يتقرف منك زوجك وبيطلقك ويقول انها خاينه وتنكسر صورتك قدام اهلك وعيالك
انسى الموضوع واطلبى من ربى يدبرك وقولى(ياربى دبرنى فانى لااحسن التدبير)

 

[أمة البارئ]

الله يفرج همك

خلينا نبدأ من الصلاة جاهدي معه بها........وإذا صلحت صلاته سيصلح بإذن واحد أحد كل وضعه

تذكري.أنت بقبر وهو بقبر...أختي تراك تنتقمين من نفسك.
​

 

[زوجةاسير]

ربي ابتلاك بهاالزوج ليشوف قدرة صبرك وتحملك المفروض انك تلجئين لربك بالدعاء والاستغفار والدعاء لزوجك
بالهدايه ولا استخيري ربك في حياتك معه , وشيلي التفكير بالخيانه راقبي ربك قبل كل احد

 

[انثى تعشق رجل]

غاليتي انت مارح تخونيه
انت رح تخوني امانة ربنا
رح تخوني نفسك رح تخوني اهلك
رح تخوني كل شيء جميل ممكن تعيشيه بيوم من الايام ورح تلوثيه بفعل عمرك مارح تنسيه حتى لو كا ن مجرد مكالمات
الجئي لله واستخيري امامك حلين بالحلال اما محاولتك اصلاح زوجك
او الطلاق وبدء حياة جديدة بامل جديد

 

[استديو اضواء]

تطلقي منه والله يرزقك رجال يقدرك ويحترمك افضل من هذاااااااااااااااااااااااااااااااااااااااااااااااا

لا تضيعي عمرك وشبابك معاه ما يستاهل

 

["حورية الأرض"]

اطلقي وارتاحي قلبوووووووو " مافي امل يتصلح

كيف عايشة مع واحد مايصلي لاحول ولاقوة الا بالله

الله يصبرك ويفرج كربك وهمك ويكتب لك مافيه الخير

وربي ارحم لي اتطلق واتشرد ولا اعيش مع واحد مايصلي ونتن بعد