السلام عليكن و رحمة الله و بركاته ...
خواتي ..
أنا متزوجية من حوالي السنة و النص .. عمري 23 سنة .. بس فهالسنة السنة و النص ما عشت مع ريلي (عمره 30) غير شهرين !! .. طول الوقت كنت عايشة اروحي ف بيت أهلي .. يعني معلقة .. ما كان بيننا أي اتصال ..
باختصار السبب انه زوجي راعي مشاكل و عنده ديون و بنات و هالسوالف .. المهم يوم حاصرته المشاكل تهرب منها و مني ..هو طبعه جيه .. يتهرب من المشاكل و يخاف من المواجهة .. ما كان يكلمني و لا ايي صوبي ابد خلال هالشهرين حتى !! ما حسيت أبدن أني متزوجة بمعنى الكلمة .. كل ما اقرب منه سواء عشان أرمسه أو أحضنه يقولي لا تعورين راسي و من هالكلام ..
المهم ..
ف يوم من الأيام كنت توني رادة من بيت اهلي و ما ياه صوبي و طردني و طرشني ببساطة بيت أهلي .. عاد لا تسألوني ليش لأني اروحي ماعرف .. و كان أسوأ يوم ف حياتي و مب حابة أقول الطريقة ..
الله يسلمكن صبرت عليه بعد هجره لي لمدة طويلة .. بس بعدين تعبت .. أنا أصبر و عيوني جفت من كثر ما اصيح و هو مب حاس .. سرت المحكمة و طلبت الطلاق .. وهو طبعن ما حضر الجلسات .. قتلهم طلقوني غيابي بس قالولي بطولين .. جان أدق ع أمه و اقولها ييبي ولدج غصب ..
المهم هو يا عقب .. المهم قالي بطلقج و بريحج مني .. الموجه الأسري حاول وياه و قاله هاي حرمتك و تفاهم وياها و من هالكلام .. ف الجلسة اللي عقبها قاللي أنا تغيرت و ودرت البنات و بشتغل و بحسن و ضعي .. قتله يمكن ها كلام ما بيتطبق .. فأجلت موضوع الطلاق عشان اتأكد من كلامه .. صرت أرمسه ف الفون كم يوم و كان يحاول يكون طيوب و مهتم و يسأل عني اونة .. حسيته يباني .. وقاللي ردي البيت .. المهم من يبت طاري المواضيع المهمة مثل موضوع ربيعاته وانه لازم يوقفهن عند حدهن .. قالي لا تعورين راسي .. قتله تعبت منك ومن هالكلمة .. لا تعيدها وقتله بخليك و بندت .. تخيلن عقبها ما اتصل ابد !! ولا حضر الجلسة اللي عقبها .. اذا انا غلطانه لأني ناقشت هالموضوع فخبروني ..
يمكن رمست طول الوقت عن سلبياته هو حنون بس عيوبه أكثر من ايجابياته .. يوم يكون ف وضعه الطبيعي يهتم فيني و يحن علي ويكون حبوب و مبتسم ..بس هو ما يكون ف وضعه الطبيعي الا يوم يكون باله مرتاح .. و الحين مشاكله وايد .. وهو مضايق .. ما عطاني فرصة أساعده من كثر ما يهرب مني .. يتم طول الوقت بره البيت لأني موجودة و يوم تركت البيت صار مبركن ف البيت ..أعرف انه ما يبا أي علاقة تصير بيننا بس أنا كنت عروس وقتها و كنت اتلبس و اكشخ و هاللي علموني عليه .. انا لو تطلقت فبنهي شي ما كان موجود أساسا .. ما كنت متزوجة عشان اتطلق .. الموضوع بس ورق .. أنا أحبه واااايد و هاللي صبرني .. بس للصبر حدود ..
ريلي من النوع اللي ما يحب حد يناقشه ف أي موضوع .. و رده يوم تناقشينه معروف .. لا تعورين راسي !! .. عاد أحس الحياة الزوجية فيه أشيا مهمة وااايد و يبالها مناقشة و قعدة .. يوم كنت مالجة كنت أسايره بس الحين ماقدر .. غير عن هذا هو ما يتحمل المسؤولية .. عاد ها نتيجة تربية أهله ..
خواتي .. تحسن هالريال فيه أمل انه يتعدل ؟!؟!؟!.. و لو ذرة أمل ؟!؟! .. لاني تعبت منه و خلاص كنت بطلق بس هو ما حضر .. قلت يمكن خيرة فحبيت استشيركن .. سوري لأنه افكاري مكركبة بس من كثر التفكير راسي تلخبط .. حاولت اختصر لانه سالفتي طويلة و لو اقول التفاصيل ما بخلص ..
و السلام ختام
خواتي ..
أنا متزوجية من حوالي السنة و النص .. عمري 23 سنة .. بس فهالسنة السنة و النص ما عشت مع ريلي (عمره 30) غير شهرين !! .. طول الوقت كنت عايشة اروحي ف بيت أهلي .. يعني معلقة .. ما كان بيننا أي اتصال ..
باختصار السبب انه زوجي راعي مشاكل و عنده ديون و بنات و هالسوالف .. المهم يوم حاصرته المشاكل تهرب منها و مني ..هو طبعه جيه .. يتهرب من المشاكل و يخاف من المواجهة .. ما كان يكلمني و لا ايي صوبي ابد خلال هالشهرين حتى !! ما حسيت أبدن أني متزوجة بمعنى الكلمة .. كل ما اقرب منه سواء عشان أرمسه أو أحضنه يقولي لا تعورين راسي و من هالكلام ..
المهم ..
ف يوم من الأيام كنت توني رادة من بيت اهلي و ما ياه صوبي و طردني و طرشني ببساطة بيت أهلي .. عاد لا تسألوني ليش لأني اروحي ماعرف .. و كان أسوأ يوم ف حياتي و مب حابة أقول الطريقة ..
الله يسلمكن صبرت عليه بعد هجره لي لمدة طويلة .. بس بعدين تعبت .. أنا أصبر و عيوني جفت من كثر ما اصيح و هو مب حاس .. سرت المحكمة و طلبت الطلاق .. وهو طبعن ما حضر الجلسات .. قتلهم طلقوني غيابي بس قالولي بطولين .. جان أدق ع أمه و اقولها ييبي ولدج غصب ..
المهم هو يا عقب .. المهم قالي بطلقج و بريحج مني .. الموجه الأسري حاول وياه و قاله هاي حرمتك و تفاهم وياها و من هالكلام .. ف الجلسة اللي عقبها قاللي أنا تغيرت و ودرت البنات و بشتغل و بحسن و ضعي .. قتله يمكن ها كلام ما بيتطبق .. فأجلت موضوع الطلاق عشان اتأكد من كلامه .. صرت أرمسه ف الفون كم يوم و كان يحاول يكون طيوب و مهتم و يسأل عني اونة .. حسيته يباني .. وقاللي ردي البيت .. المهم من يبت طاري المواضيع المهمة مثل موضوع ربيعاته وانه لازم يوقفهن عند حدهن .. قالي لا تعورين راسي .. قتله تعبت منك ومن هالكلمة .. لا تعيدها وقتله بخليك و بندت .. تخيلن عقبها ما اتصل ابد !! ولا حضر الجلسة اللي عقبها .. اذا انا غلطانه لأني ناقشت هالموضوع فخبروني ..
يمكن رمست طول الوقت عن سلبياته هو حنون بس عيوبه أكثر من ايجابياته .. يوم يكون ف وضعه الطبيعي يهتم فيني و يحن علي ويكون حبوب و مبتسم ..بس هو ما يكون ف وضعه الطبيعي الا يوم يكون باله مرتاح .. و الحين مشاكله وايد .. وهو مضايق .. ما عطاني فرصة أساعده من كثر ما يهرب مني .. يتم طول الوقت بره البيت لأني موجودة و يوم تركت البيت صار مبركن ف البيت ..أعرف انه ما يبا أي علاقة تصير بيننا بس أنا كنت عروس وقتها و كنت اتلبس و اكشخ و هاللي علموني عليه .. انا لو تطلقت فبنهي شي ما كان موجود أساسا .. ما كنت متزوجة عشان اتطلق .. الموضوع بس ورق .. أنا أحبه واااايد و هاللي صبرني .. بس للصبر حدود ..
ريلي من النوع اللي ما يحب حد يناقشه ف أي موضوع .. و رده يوم تناقشينه معروف .. لا تعورين راسي !! .. عاد أحس الحياة الزوجية فيه أشيا مهمة وااايد و يبالها مناقشة و قعدة .. يوم كنت مالجة كنت أسايره بس الحين ماقدر .. غير عن هذا هو ما يتحمل المسؤولية .. عاد ها نتيجة تربية أهله ..
خواتي .. تحسن هالريال فيه أمل انه يتعدل ؟!؟!؟!.. و لو ذرة أمل ؟!؟! .. لاني تعبت منه و خلاص كنت بطلق بس هو ما حضر .. قلت يمكن خيرة فحبيت استشيركن .. سوري لأنه افكاري مكركبة بس من كثر التفكير راسي تلخبط .. حاولت اختصر لانه سالفتي طويلة و لو اقول التفاصيل ما بخلص ..
و السلام ختام