قال لي كلمه تجرح..مدري بقصد والا بدون قصد وش اسوي؟

[جروووح55]

مراحب حبيباتي

استشاره

احيان مع سوالفي مع زوجي يقط كلمه توجعني
قصدي يقول كلمه تجرح من خلال السوالف
واحيان احسها دق

بس انا جنوبيه يهمني كل كلمه يقولها
احسها تجي في خاطر واظل كم يوم ابكي منها
ومااقوله
يعني ياما تجاهلت وياما تحطمت وسكتت


هالمره قهرني صج
قال شي ماله دخل في الموضوع اللي اتكلم فيه
وانتقدني على تصرف اشوف انه عادي جدا


وقررت افتح الموضوع مثل ما هو يسوي
واقوله وش يزعلني منه ووو

تتوقعون ينفع الاسلوب هذا مع الشمالي؟
يعني تنصحوني افتح معه النقاش
واقوله
فيه كلمه زعلتني منك امس
واتمنى ماتقولها ثاني ووووووو


والا بتنقلب ضدي وبيزعل


تكفوووووووووون ردو الله يجزيكم كل خير

:tears:​

 

[ميوسه]

عزيزتي

مع الشمالي اذا قالك كلام يجرح

ردي عليه بكلام يجرحه هو


هذا دواه

وراح يحرم يغلط عليك حتى لو كان من باب المزح

 

[غدير الكويت]

الشمالي يبيله اتوقفينه عند حده بقوه بس بدون صراااااخ

 

[queen lady]

مع الشمالي عزيزتي لازم تفرضين احترامك بدال المره عشرة.. قوليله انا ما اسمحلك تغلط علي اوتقلل من احترامي ,لان الشمالي معروف بلسانه الطويل وخصوصا وقت الغضب يجرح ويرمي كلام كبير وبعدين يقولك لاتاخذين علي وانا معصب لا معليش قوليله اذا بترمي كلام او بتغلط ياليت تترك المكان قبل ما تبدا بالتجريح لاني ماراح اسمح لك ابدا انك تجرحني بعد اليوم والا راح يكون لي تصرف ثاني معاك
وصدقيني الشمالي يحب المرأه ذات الشخصيه القويه واللي تفرض احترامها على الكل وعليه خصوصا جربي وان شالله يفيد معه والله يهديه ويسخره لك يارب..

 

[جروووح55]

الف شكر

بس ماقلتو لي
هل ينفع افتح موضوع انتهى
بس الالم اللي بقلبي ماانتهى


يعني اقوله انك امس قلت لي كذا
وقبل فتره رفعت صوتك علي قدام اهلك ووو

يعني افتح الموضوع والا لا

انا قصدي بفتح السالفه اني ابين له ان هالشي زعلني
وماابي يعيده ثاني

هل ينفع مع الشمالي

والا انتظر لين تجيني كلمه او تصرف واقوله؟؟


لا حرمت منكم يالغلا

 

[ميوسه]

عادي صارحيه بس لاتبكين
يكره الدموع يعتبرها ضعف

لازم تكون شخصيتك قويه معاه


موفقه

 

[وسن العلي]

انا زوجي شمالي شرقي..... اللي اعرفه عنه انه ما يحب المواجهه والمناقشه في امور راحت وهو كان غلطان فيها ...... وكمان ما ينفع تكلمينه وقت الغضب ما تجيب فايده ...... واعتقد على حسب تجربتي تجيبينها له اذا جا لها طاري وبالعتب اللطيف او تتعمدين تقولين سالفه مشابهه او قريبه منها عن طريقها تلمحين للي تبين تقولينه بطريقه غير مباشره هو ذكر ولماح وبيفهمها وبيعرف انها لسا بخاطرك وما بيتعمد يعيدها ان شاء الله مدري اذا فهمت علي او لا بس بقولك موقف صار لي يمكن تستفيدي
زوجي كان بداية زواجنا يحاول يهتم في امر اهله وعلاقتهم فيني مثلا يقولي انتي نزلتى تحت اليوم او لا ...... اف لسا ما نزلتي للحين ..... بتروحين معاهم ل.. او لا روحي احسن ..... طبعا انا فاهمه قصده بس كنت ما ابيه يدخل بامور الحريم تفاديا للمشاكل وامور اكبر منها بالمستقبل فقلت شسوي فكرت ولقيت الحل ..... كنت جالسه اتكلم مع صديقتي وهو دخل الغرفه وبعدين اعتذرت منها وانهيت المكالمه ... وشوي قلت له مسكينه فلانه.... طبعا هو ما يعرفها ابدا ..... الله يعينها على زوجها دعله ...قالي ليش قلت صاير زي الحرمه يتدخل بين الحريم وسوالفهم اللي ما تخلص سوي لامي كذا سوي لخواتي كذا انزلي عندهم روحي معهم جيبيلهم وهذا قوليه وهذا لا تقولينه ... الله يعينها شكله مريض وهي تقول ما تتحمل هالعيشه وبتروح لهلها؟؟؟؟؟؟؟؟؟؟ انا ما الومها مين يتحمل يعيش مع زوج كذا طبعه كريه الله يعينها عليه الله يخليك لي يا بو فلان انت مافيه مثلك والحمد لله انك من نصيبي؟؟؟؟ وبكذا صار ما يتدخل بسوالفنا ولا مواضيعنا ولا علاقاتنا ولما يصير شي يقول انا رجال شعلي منكم ومن سوالف الحريم حلو اموركن بعيد عني والحمد لله عشر سنوات الحين والوضع مستقر​

 

[جروووح55]

الف شكر حبيباتي

وسن انتي مدرسه

تعجبيني


تحياتي

 

[أحب الحياة]

ماشاء الله عليج يا وسن مخ