قال اذا رحتي للممشى لا ترجعين للبيت

[شمعة لا تنطفيء]

بسم الله الرحمن الرحيم
زوجي دااااااااايم معصب ونفسيته زي الزفت
صرت احاول ارضيه واذا عصب ما أواخذه
وصرت ارسل له وانا بالدوام رسالة بالجوال وأكتب فيها
الله يعافيك اليوم لا تصرخ على
لأنه طول الوقت زعلان
مع انه ما يقعد بالبيت إلا وقت الغداء ووقت النوم
وغير هالوقت ولا بالأحلام
المهم
رحنا نودي عيالي لطيبيب الاسنان ولد وبنت
والحرمه اللي قاعده بالاستقبال متزينه
وحاطه عدسات وكاشخه ومزينه حواجبها
وأنا غيوووووووووووور
وهو قاعد يسألها عن الملفات
قمت انا وقلت أنا بروح لغرفة الانتظار حقت الحريم لأني ما أتحمل هالمنظر إنه يشوها وهي متزينه
أثر الرجال استانس وطووووووووووول عندها
ويسألها عن البطاقة حقت الدخوال على الطبيب
المهم أنا اسمع صوته عندها طول لدرجه ملفته لي
المهم دخلنا على الدكتور وطلعنا يوم خلصنا
أنا ما قلت ولا كلمه
وبعد ما رجعنا للبيت اتصلت عليه وقلت له متى توديني للممشى
لأني بديت امشي أحاول أنحف مع رجيم بسيط عشان هو وده انحف
المهم
قام يصرررررررخ بإذني أنت دايم تعطليني
وجاء بعدها وهو مكشر عشان يوديني
عاد أنا ما تحملت أصلا أنا معصبه منه لأني شفته رااااااايق مع الحرمه اللي بالاستقبال وهو دايم معصب عندي وانفجرت
وقلت شف يا رجال
أنا مائة مره قلت لك الصراخ ما احبه
وحنا قدامنا حياة وعمر وأنا طفشت من هالطريقه
واذا على الصوت أنا عندي حنجره تفجر سيارتك
(ما شاء الله)
بس أنا متربيه ولا ودي أصرخ عليك
وكل ما كلمتك معصب ولا لك خلقي
وهالحرمه اللي بالمستوصف أشوفك لصقت فيها
وما زهقت منها مثلي
ولا أعجبتك ؟
خلا ص أنا بسوي مثلها عشان أعجبك
(وهو طبعا ما يحب اني اتبرج مو دين بس يغار)
قام ولف بالسياره ورجع للبيت
قلت له أحسن بروح مشي انا وبنتي لين الممشى
قال إن رحتي لا ترجعين للبيت
قصده روحي لبيت أهلك
ورحت للممشى
وحنا راجعين بالطريق شفته بسيارته مر من عندنا
مع انه ما كان متوقع اني اروح بس أنا من التعصيب رحت
وهو لين هالحين ما جاء للبيت
هل أنا غلطت ولا هو غلطان؟
الله يوفقها اللي ترد
وهل الكلمه اللي قالها تعتبر طلاق ولا وشو؟​

 

[lemonade]

كلامج له حلو:icon30: لان بعض الرجال لما تنقلب زوجته اساكتة عليه ينصدم ويسوى لها حساب
لكن عنادج وروحتج للممشى ما عجبنى :schmoll:كان الأولى تسكتيين:shutup: وتمتصيين عصبيته
لانج بينتيله إنج ما هامنج وهاذى ضربة قوية لرجولنه :busted_red:
إن شاء الله ما يعنى بكلامه الطلاق ويا رب يصلح بينكم ويهديه

 

[الــحــلا]

ياقلبي المفروض مارحتي وعصيتي كلمته!
اولا الله يسخر زوجك لك ويحنن قلبه يارب>وحاولي ان شفتيه يضارخ ابعدي عنه او عطيه نظره او قولي ياقلبي مايحتاج صراخ تدلعي له وابتسمي كذا تسحبين غضبه>>الله يسخره لك ويسخر لي معكــ
مدري وش اقول بصراحه الا الله يرده لك ردا جميلا يارب العالمين
استغفري من هنا الى مايجي وان شاء الله راح يجي
وان قال شي رحتي او اي شي قولي احسبك تقول روحي ويرجعونك اهلك>>يعني لاتبينين انك فاهمه انه منعكـ ورحتي للمشى
الله يهاديه ويحنن قلبه عليك

استغفري كثير
استغفر الله الذي لا اله الاهو واتوب اليه

 

[@ مشاعر @]

اف اف اف والله مقققلعة ماعندك في أحد
بس صدقيني هالحركااات ما تمشي على الرجال
يحبووون الحرمة اللي تحتاج لهم وانتي بطريقتك بينتي له انك منتي بحاجه له
شوفي هو غلللط بس اسمحي لي بعد الل سويتيه أنا ما ألومه على أي تصرف يتصرفه
وبطريقتك رااح يقلب علييييييييييييك
والله يعينك على زعللله
عليك بالدعاء وأنا أختك

 

[شمعة لا تنطفيء]

أنا حاسه اني غلطانه وانا رايحه بس والله كانت الشياطين احسه تبي تطلع من راسي
وكنت حاسه اني بدفع الثمن غالي
بس ما قدرت امسك نفسي
والله يجزاكم خير

 

[ريماس الجنوب]

المفروض مارحتي ...........
لان الكلمه اللي قالها ممكن يسويها ويطلقك ......... والحرمه تدور الستر والبيت اللي يلمها هي وعيالها .....

 

[دوشه بلقيس]

شوفي حبيبتي اللي صار صااااااااااار
الحين لاتقابلينه اختفي عنه مايشوفك في وجهه عشان مايتذكر ويرجع يركبك الغلط نامي مع اطفالك وبعدين ترى انتي اللي كبرتي الصراخ في راسه ...لما يشوفك ترسلين له رسالة ترجي حبيبي لاتعصب علينا ومدري ايش صار الرجل ينتهز هذي النقطه بالضغط عليك...
وبرججع اقولك لاتكلمينه ولاتناقشينه خليك بعيده عشان تهدأ المشكله
لانك اذا جيبتي تعتذرين بياخذها نقطة ضعف ثانيه ويصير يهددك بالطلاق
واذا هو قالك ليه جيتي روحي بيت اهلك
ردي عليه اوكيه بس لما تنتهي عدتي اروح واطلعي بسرعه من الغرفه لاتحاولين تبدأون بالنقاش عشان ماتكبر السالفه ترى هذا احسن حل مع الرجل العصبي

 

[((رقة احساس))]

الله يحنن قلبه عليك..........:icon26:

 

[hot pepper]

الله يعينك .. مدري صراحه يستاهل انك تردين عليه بس مااتوقع ان طلعتك للمشى صح !

كثري استغفار تكفييييين عشان تفرج لك

 

[كلام الورد]

أحيانا يعتبر طلاق انتبهي ,, لأن فيه الطلاق المعلق اللي يقول الرجل اذا سويتي كذا فأنتي طالق ,,,
بس انتي ماصرح بكلامه قال لاترجعين البيت مدري الله اعلم بس اجلسي معه بهدوءوقولي له مااسباب انزعاجك
وعصبيتك وخل نفتح صفحه جديده وكذا

 

[نور كندا]

بصراحة كل شغلك غلط بغلط يعنى سكرتيرة ومتزينة وهو يسالها عن البطاقات وين الغلط عن جد ارى احيانا مشاكل ليس لها داعى تحصل من الزوجات وخراب بيوت بدون سبب مقنع وبعدين زدتى الطين بله عندما رحتى عالممشى والله ياعزيزتى الرجل بيشوف نسوان اشكال الوان مو كل ماتكلم مع سكرتيرة او موظفه بدك تعمليها مشكله والان بعد ماعملتى غلطتين مع بعض لن يكفيكى الاعتزار وطلب السماح منه واعتقد ان كلامه يعتبر طلقة يعنى كبرتى المشكله بدون داعى والنتيجة جاءت عليك الله يهديكى

 

[نواره99]

شوفي حبيبتي اللي صار صااااااااااار
الحين لاتقابلينه اختفي عنه مايشوفك في وجهه عشان مايتذكر ويرجع يركبك الغلط نامي مع اطفالك وبعدين ترى انتي اللي كبرتي الصراخ في راسه ...لما يشوفك ترسلين له رسالة ترجي حبيبي لاتعصب علينا ومدري ايش صار الرجل ينتهز هذي النقطه بالضغط عليك...
وبرججع اقولك لاتكلمينه ولاتناقشينه خليك بعيده عشان تهدأ المشكله
لانك اذا جيبتي تعتذرين بياخذها نقطة ضعف ثانيه ويصير يهددك بالطلاق
واذا هو قالك ليه جيتي روحي بيت اهلك
ردي عليه اوكيه بس لما تنتهي عدتي اروح واطلعي بسرعه من الغرفه لاتحاولين تبدأون بالنقاش عشان ماتكبر السالفه ترى هذا احسن حل مع الرجل العصبي

انا معاها

 

[محرومه من زوجي]

طلعت للممشى غلط..الله يهديك
لا تخافي ان شاء الله مو طلاق
لانه مالفظ كلمه صريحه للطلاق

 

[ست البيت]

يا حبيبتي انا طلعت من كلامك ثلاث اخطاء في حياتك الزوجيه الاولى انك سامحه لزوجك يرفع صوته عليك دائما وبينتي له انك تتضايقين من هالشي برسالة الجوال فمسكها عليك وصار يرفع صوته اذا حب انه يضايقك وحل هاذي المشكله انه اذا بدا يرفع صوته عليك قولي له وقف ياتتكلم بهدؤا ولا ماراح اجلس معك انا جنبك واسمعك مايحتاج ترفع صوتك
المشكله الثانيه ان موظفة الاستقبال حرمه كان المفروض انك انتي الي تتكلمين معها مو هو
المشكله الثالثه خروجك للمشى بعد مارفض هالشي انا رايي انك تتجنبينه هاليومين لين تهدا الامور واذا سالك ليش رديتي البيت قولي له لاني بالعده وانا سمعت ان الوحده ماتطلع من بيتها لين تخلص من عدتها بين له انك فهمتي من كلامه انه طلقك وخليك مثل صاحبة الطحين هاذي قصه لوحده زوجه عصبي جدا وهي بارده وحكيمه في يوم عصب عليها زوجها علشان سبب تافه ما يستاهل وقام يهاوشها وهي جالسه تنخل الدقيق علىشان تسوي العشاء وقال لها قومي روحي بيت اهلك انتي طالق وهي مسويه نفسه ما تسمع وبعد ماهدا قال لها ليش ما رحتي بيت اهلك يوم طلقتك قالت ماسمعتك كنت انخل الدقيق قال اجل انتي عالق ورجعها لذمته بنفس الليله هذا قصة مثل للي يسوي نفسه موفاهم ومايدري وش السالفه وهو قمه في الذكاء والحكمه يقال فلان ينخل الدقيق الله يكون بعونك وييسر امرك

 

[ياربي انصرني]

المفروض انك انتي اللي كلمتي موظفة الاستقبال

لا زم تتعلمين كيف تمتصين غضب زوجك لان واضح انه سريعالغضب

المفروض انك ماطلعتي للممشى واسئلي شيخ عن كلمته لان في بعض الكلمات يستخدمها الرجال كنايه عن الطلاق

 

[كيوت مامي]

ما ادري شاقووووووووولج ...الا الله يفرج همج

 

[شمعة لا تنطفيء]

شكرا لكم جميعا

 

[نون النسوه]

اسفهيه وهو ينفش من نفسه لان فيه رجال اذا حس انك خايفه زاد وبعدين طلعتك غلط في غلط

 

[جراده شياكه]

شفي انا بقلك شي بيجي يوم وبيقلك يالله روحي للممشا قليله انا بصراحه جسمي حلو وعاجبني هالشي ليش انحف واكذبي وقوليله انا انحف وحده امشي بين الحريم
حاااااااااولي تصبرين وتسكتين اذا عصب وتقومين تصرفين نفسك عنه عشان ماتتمشكلين معه الله يصبرك عليه

 

[@ملكة بلقيس@]

الله يعينك كان ودي اساعدك لاكن ماعرف