في شي يساعد عشان احمل بتوائم

[ساميه]

السلام عليكم ورحمة الله وبركاته
انا صار لي 8 متزوجه وللحين ماحملت في بدايت زواجي قلت بدري والحين زوجي مسافر وان شاءالله بيرد عقب 3 شهور وودي احمل بتوائم

مع العلم ماعندنا حد بالعائله انجب توائم غير جدتي اللي هي ام ابوي

ومن طرف زوجي خالاته وزوجت خاله يعني ممكن اخذ الوراثه من اهل زوجي واحمل بتوائم ولو كل شي بيد الله سبحانه وتعالى

وايش الاشياء اللي تساعد على الحمل بتوائم ولا الحمل بشكل عام من اكل اشياء معينه ولا حبوب
والابره المنشطه زوجي رافض يقولي كل شي بيد الله
وياريت ماتبخلون علي اللي عندها خبره ولا معلومه من هالناحيه
وادعو لي بالذريه الصالحه
انتظر ردودكم

 

[نواره99]

وااااي انا خاطري بتوام بعد صج انه تعب بس واااايد حلوو
انا سمعت عن كلوميد بس مو شرط تجيبين توام اذا خذتيه
ياليت الخوات يفيدونا

 

[ساميه]

وشو الكلوميد هو حبوب يعني
وينكم بنات وهاي انا اول مره اطلب شي بقسم الحوامل ياريت اللي عندها خبره ماتبخل علينا برد ولو بشي بسيط

 

[(أم راكان)]

هلا حبيبتي انا الحمدلله عندي بنوتين توم بس ماخذت ادويه ولاشيء
والكلوميد علاج تنشيط المبايض والله يرزقك يارب​

 

[محرومه من زوجي]

حبيبتي الكلوميد حبوب منشطه ولكن ليس تأكيد التوأم
وقد تسبب تكيس المبايض

والأفضل الابر التفجيريه...

الله يرزقك الحمل العاجل ياااااااارب

 

[ام براخيش]

حبوب كلوميد زميلتي استخدمتها وجابت تؤام بنات مثل القمر بس هذا شي بيد الله

 

[ريحانة القلوب]

الله يرزقك ماتتمني يارب

 

[ربي اشفيني]

وانا زيك ابغى طريقه عشان احمل بتوم لا ن فرص الحمل عندي بتقل كل ما تقدم عمري وترى عمري25يعني اذا دخلت الثلاثين ممكن مايعيش الجنين بسبب مرضي(واكيد كل شئ بيد ربنا بس الواحد يسوي الي عليه)

 

[ساميه]

وش هي ابره التفجيريه مره اختي قالتلي عنها بس ماعرف شسمها ومره قلت لزوجي خاطري بتوائم ويصير اضرب ابره هاوشني

بس لو باخذها اشلون وشسم الابره ومتى لازم اخذهها

وجزاكم الله خير على اللي ردو علي ودعولي

 

[نواره99]

اختي اسالي دكتورتج الي تزوينها وهي بتقولج
انا ان شاء الله بكره باخذ موعد مع الدكتوره وبقولها عن رغبتي بتوام وبقولج وش صار معاي
ولازم تشوف حالتج كل وحده وغير يمكن مب زين الابر عليج والله يسهل علينا

 

[ساميه]

انا ماراجع عند اي دكتوره وانا بمنطقه مافيها دكاتره وايد وواذا ابغي دكتوره زينه لازم حد يوديني وانا حتى زوجي محد يعني صعبه اشوي

والي يسلمج الين رحتي اساليها شنهي فايدة الابره وشنهي اضرارها الجانبيه واشلون تناخذ ومتى لازم اخذها

 

[a7la meme]

بسم الله الرحمن الرحيم ..

اختي العزيزه حبوب الكلوميد تعتبر من المنشطات بس لازم تكون باستشارة طبيب والافضل لك مراجعة طبيب
انا متزوجه لي ست سنين وتو الحمدالله يااارب توي حملت وحاليا بالشهر الثالث والحمدالله ماخليت دكتور وماخليت شي الا وسويته استخدمت الكلوميد والابر المنشطه وسويت تلقيح بس مانفع معاي هذا كله من سنه ونص تقريبا لكن الحين رجعت تعالجت عند دكتور ثاني والحمدالله بفضل الله ثم بفضله حملت بتوأم الحمدالله لك يارب ..

دعواتكم لي والله يرزق كل وحده ماحملت بالذريه الصالحه ..
تحياتي

 

[نواره99]

انا ماراجع عند اي دكتوره وانا بمنطقه مافيها دكاتره وايد وواذا ابغي دكتوره زينه لازم حد يوديني وانا حتى زوجي محد يعني صعبه اشوي

والي يسلمج الين رحتي اساليها شنهي فايدة الابره وشنهي اضرارها الجانبيه واشلون تناخذ ومتى لازم اخذها

ان شاء الله راح اسالها اذا حصلت موعد قريب لان زحمه عليها وبخبرج
بس لازم تسالين الطبيب قبل لا تاخذينها ع الاقل تكشفين اخاف يضرج ع حسب الحاله بس انا بقولها عنج وان صعبه انج تروحين عند دكتور وجي وبقولج ايش تنصح اوكي:msn-wink:

 

[ساميه]

الله يتمم حملج يارب ويرزق كل وحده ماعندها اطفال
انا مو انه عندي مشكله بالانجاب لا الحمدالله للحين مادري بس شهر واحد جربت احمل وماصار حمل وزوجي للحين مسافر
وبس قلت ان شاءالله يوم ايي بودي احمل بتوائم لانه شغل زوجي صعب سنه مسافر برى وثلاث شهور عندي

 

[ساميه]

ان شاء الله راح اسالها اذا حصلت موعد قريب لان زحمه عليها وبخبرج
بس لازم تسالين الطبيب قبل لا تاخذينها ع الاقل تكشفين اخاف يضرج ع حسب الحاله بس انا بقولها عنج وان صعبه انج تروحين عند دكتور وجي وبقولج ايش تنصح اوكي:msn-wink:

تسلمين والله يوفقج بس ها عيل انطرج اوكي

 

[نواره99]

اي خلاص ان شاء الله ارد عليج في هالموضوع خبرج الرسايل احذفوها مشكله والله
المهم ان شاء الله متى مارحت بخبرج

 

[ساميه]

:in_love:

ننتظر

 

[ساميه]

:sadwalk:

 

[نواره99]

خلاص الاربعا موعدي بروح وبخبرج

 

[ساميه]

ان شاءالله انطرج وتكون الاخبار ساره
بس ها انطريني نحمل مع بعض ههههههههه