في بيتنا نفاس...الي تبي تضحك تجي وتغير جووو

[غرام انسانه]

هل أنتِ عزوبيه تعيشي في وسط عائلتك ؟​

2- هل أنتِ موظفه أو طالبه ؟​

3-هل لديكِ أخوات متزوجات ؟​

4- ​

5- هل حصل في يوم من الأيام وعدتي من الدوام تعبانه وتافلـتن العافيه
وراسك يرجك من قلّ بركه لـ تتفاجئ بأصوات ضجيج صادره من بيتكم​

تصل إلى مسامعك قبل أن توطوطي عتبة الباب ؟​

6- هل حصل ودرعمتي لبيتكم لـ تستقبلك رائحة الحلبه المنتشره
في كل دعاسيق البيت في الداخل ؟​

7 -هل استيقظتي مذعورة من نومك الهادئ ذات ليلة على زعاق بزر توهـ
لحمه حمرا مابعد تعلم وشلون يصيح بإحترام ؟​

8 - هل زد رأيتي تجمهراً أمام باب حمام بيتكم - الله يعزكم - ويوم قربتي
شوي كودك تشوفي وش السالفه وبالطق والطقاق دخلتي راسك ​

من بين حشود المتجمهرين ولاهاي أمك واختك ​

ماسكين نفس قطعة اللحمة الآنفة الذكر وجالسين يسبحونها ؟​

9- هل سبق أن رجعتـي من الدوام لتجدين بيتكم مزدحم بالزوار ​

تسنه السيفوي ليلة رمضان ومن لمحت أمتس طرف خشتس ​

مدت لتس الدله بدون تفاهم وقالت قهوي العالم ؟​

إن كانت أغلب اجوبتك عزيز تـي القارئـ/هـ بـ نعم .. ​

فـ مبروووووووووووووووك​

في بيتكم نفاس ​

:
:​

ليه ياربي كذا !
يعني الواحد يقول اللهم لا إعتراض ​

بس ولو للصبر قالوا حدود​

ويا مصبر الموعود ​

كل يوم اقول بيجي رجلها ويقشعها هي وذريتها من عندنا ​

بس ماش ماحولك أحد .. ​

الله العالم الولد بيصير عمره سنه وهي توها نفاس ماقضت ​

يا جماعة الخير لا تفهموني غلط .. ​

انا احب اختي واقدّرها والود ودي ما تفارقني .. ​

بس احبها لحالها بدون الفوائد الي طلعت فيها من زواجها ​

ذا القرود الي معها
منيب اواطنهم !
عيال اختي ايه ما قلنا شي ! ​

بس فيهم بثاره وازعاج توازي بلد .. !
لا واذا تحملناهم وقلنا معليش توهم صغار والحشمه لأمهم مهيب لهم ..
ونبلع هالغثا الي يصير على شرف ذا النتفه الجديده الي جدعتها ..
تحسبونه يثمر والا يبين فيهم ؟ ​

من يصير طول هالنتفه شبرين اول كلمه ينطقها ​

ويقولها لك " كل تبن " !
>>
خلوّا خلوّا ذا على جنب مهب موضوعنا .. ​

الي غابني صدز هالـ 40 يوم الي اشوفهم ..
سبحان الله عمر الحريم ما احترموا مواعيد والا وقت الا بـذي !​

يتحروون الدقه بالحسبه .. 40 يوم بالضبط ​

مستحيل تنقص بس ممكن تزيد
40 يوم وانحن ما عندنا غير فاتحين باب و راديّن باب.. ​

مستقبلين زوار ومودعين زوار .. ​

مدخلين فلانه وبناتها ومطلعين فلانه وحريم عيالها ..
لا وكله كوم ​

واذا جت وحده الله يجزاها خير بزعمها راعية واجب ​

وتكت من عقب المغرب إلى 9 عندكم ​

وانتي يا حيل الله مالتس الا تدورين بهالقهوه والشواهي .. ​

واذا خلاص تكرمت و لبست عباتها وطلعت .. ​

ترجع بسرعه وترفع نقابها وتزف لتس الخبر العذب​

معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم​

<-- ماودكم تشوفون تعابير خشتي ساعتها​

مير الله يجزاتس خير راعية واجب !
الحين بناتتس عندهم التزامات ومشاغل ​

وبيسون الواجب حسب فضوتهم .. ! ​

بس اصحاب البيت عطّاليه ما وراهم شغل والتزامات ابد .. ​

على حسابكم هم ؟
قايلين لكم رقاصه انا ما تبدا ورديتي الا 1 بالليل و ورا !
نعبنو ابليسكم ترا فينا الطالب ​

وفينا الموظف مايرجع الا على حروة المغرب ​

وفينا المتزوج وعنده بيت يصاليه .. !
والأم مهيب بكل الأحوال بصحتها وفيها حيل تهابد ​

وتراكض لكم انتم وزياراتكم !​

ياخي خلوا جيتكم وحده وموعدها واحد .. ​

مهب كل القبيله تجي تزور وكل يوم وحده داخله لحالها .. ​

لعنــــــــــــــــــه ! ​

ماورانا الا انتم ؟​

<---- حولكم شي تخافون عليه ابعدوه عنها ترا
شاشت هالعبده ​

ماخليت شي عن امي .. ​

يمه حددي يومين بالاسبوع يجون العالم فيه !​

يمه مالها سنع تاركين الدعوه سايبه​

يمه ارحميني ارجع من الدوام ما اشوف ​

مالي خلق اغير ملابسي وش عاد اقابل هالأمم !
بس ابــــد ! ​

كان ذا الجدارن الي وراكم تنطق فـ هي ترد علي ..
مير اول كانت تقول​

يا كبرها عند ربي ! ​

تبيني اقول للعالم لا تجونا.. انهبلتي انتي ​

الحين انا قلت قولي لهم لا تجون ؟ ​

قلت حددي لهم يومين وفكينا من هالقلق !
" لا يا خزياه .. قولة لا تجون الا هاليومين ​

زي قولة لا تجون ابد ..
افرضي هاليومين ما ناسبوا العالم ! "​

اجل مناسبنا انحن الاسبوع كامل يمه ؟!
طاعوش انا ماعرف من الاسبوع الا الجمعه ولا هوب يصفى لي ؟!
هالكلام اول .. ​

الحين ابشركم مهيب ترد علي خير شر ..​

مقتطفات من أحاديث تدور في مجلس نفاس
:
:​

[ 1]​

" عسى ما تعبتي بس يا فلانه ؟ "
" لا الحمدلله تيسرت "​

" الحمدلله .. بس لا تعلمين احد لـ انسألتي ​

بسم الله عليتس ! ​

ترا عيون الناس مهيب ترحم وانا خالتتس ! "​

تعقيب / ​

اول شي يـ الخاله الملقوفه ترا هالسؤال مهب كلـن يسأله ​

يومتس توصينها ع الإجابه ! ​

يعني ولاده وش ظنتس ؟ ​

اكيد بتتعب بوقتها وعقب
خلاص .. المشكله ما يسأل الا ناس مجربينها .. ​

ملعون ابو التناحه ياشيخ !​

ثاني شي .. ترا حتى القطاوه تحمل وتالد ! ​

مهب حلى كل شي تلزقون فيه سالفة العين والنظله ..​

ياررربيه بس
:
::
:​

:
::
:​

[ 3 ]​

"
ما شاء الله وش سميتّوا الصغيره ؟ "
" دانه "
الحرمه الي تسأل وخشتها مايله والحتسي ما عجبها​

اييه .. مدري تسن الأسم مهنا زود ! ​

يا بنيتي مدري وش ذا الاسماء الجديده الي طايحين بها العالم ! ​

تعقيب / ​

ترا اصغر بنات الحرمه الي سألت .. اسمها غزل !!​

:
::
:​

[ 4 ]​

" الا يا فلانه ما قلتي لي وين ولدتي بأي مستشفى ؟ "
" المستشفى الفلاني "
" اييه زي اختي حصه ! عند اي دكتوره ؟ دكتوره هبه ؟ "
" لا والله .. عند الدكتور خالد "
الحرمه الي تسأل تنغز الي جنبها بكوعها ​

وتعض على براطمها وتتحلطم "​

يا خزيييياه .. كابتّن عفشها عند رجال ​

ياختي خلاص هالحريم ماعاد فيهم حيا
وراها ما ولدت عند حرمه .. وش حيث الرجال تولد عنده ؟ "​

تعقيب / ​

يقولون والعهده ع الراوي .. ​

ان خويتنا الي ماعجبها موضوع الولاده عند دكتور .. ​

جايها الطلق وهي بسيارة ابو جيرانهم ​

حيث ان رجلها كان كاشت في البر .. ​

ومالقت الا جارتها تستفزع بها .. ​

وما كان بين الولد والنور الا شوي
لولا ان ربكم ستر والشوارع كانت فاضيه ​

والا ان تسان صار مكان الميلاد
في شهادة الولد .. " سيارة ابو جيرانا "
الله يحرمّ ايديات امي نوره على النار .. ​

لو هي سامعه السالفه ان تسان تكش بيدينها وهي تقول ​

غربلهم الله .. شبكه تعاير منخل ! ​

:
:​

طيب الحين فيه سؤال يراودني عن نفسي​

ومضطره اسدحه بس رجاءاً صيروا متحضرين شوي ​

وماله داعي ترجموني بنعالكم <--- يا حياة الشقا متعوده
وجه إهانات​

الحين الوحده اذا ولدت وش تجيب ؟ ​

لا اشوف احد مستظرف وقايل تجيب آدمي
! ادري اننا محناب نجيب قطاوه ..
بس قصدي هالآدمي الي هي تجيبه من هو حقه ؟ ​

حق ابوه صح والا لا ؟
طاايب .. اسم الولد يلحق مين ؟ ​

يلحق اسم ابوه صح والا لا ؟
طااايب .. دام الدعوه كذا .. ​

ودام النفاس اصلا بسبب هالولد .. ​

ممكن احد يفهمني وش دخل مندوب اهل البنت يبحلون بها ؟​

ورا مهب اهل رجلها هم الي يصالونها ؟!
ياخي الولد ولدكم انحن وش دخلنا ؟​

والله ما خرب بناتنا الا امهاتهم !
تجي الام مطفيه النور
وطايره مليون بالحماس من تدري ان بنتها حامل .. ​

ماتخلي عطّار ما تزوره
ما تخلي شنق وداعوس ما تدعسق به .. ​

كل شي ينشرب والا يوكل والا يلهم تجيبه .. ​

وتفضي للبنت غرفه​

وتبلشنا نزلوا سرير ورقوا طاوله وجيبوا
مفرش ورجعوا ستاره .. ​

تقل اول مره يولد عندها احد ؟ ​

واذا هي اول مره
وشو له هالحمااس .. تراه نتفة بزر ونتق من بطنها ​

مهب اختراع الله يصلحكم
هذا انتم قبلنا حملتوا وجبتونا ​

وش حيثكم ما سوا فيكم اهلكم كذا ولا ضركم ؟ ​

بالعكس الوحده من اول لا اله الا الله صحتها فُل ​

وهي والده في البيت .. ​

ما ولدت بمستشفى وخذت لها سويت كامل اسبوع ​

وماغير تبطح وبلع بهالحلى والقهوه ​

حتى ولدها مهيب ترضعه ​

ومن عجائب قدرة الله في خلقه ​

ان الحرمة ما تحلى بعين رجلها الا لاصارت في بيت اهلها
يالهيس وهي عندك في بيتك ماانتب تناظر خشتها ..​

ويوم صارت نفاس عندنا
.. 24تبن ناشب لنا ! ​

ما عندنا شغله غيرك انت وحرمتك وعيالك !
ياخي تحبهم وفاقدهم ضفهم ورح بيتك الله لايهينك ...​

وابشر بلي يجي يشقر عليكم كل يوم .. ​

بس اعتقونا لوجه الله
ولا يرفع ضغطي الا لا صار جالس مع حرمته يسولفون في غرفتها ​

وانا بالصاله الي جنبهم اهجّد فروخ ابليس ​

الي يفترض انهم اطفال و الارجح انهم عيال اختي .. ​

يقوم واحد منهم يدخل على ابوه وامه ويزعجهم .. ​

ويجي ابوه الله يطول في عمره يكرشه بكل حنان ويقول له " ​

رح رح يا بابا لخاله ندى شفها تناديك "
لعـــنه
اول شي يا سبع البرومبا تراك ماكل في عيالك مقلب كبر راسك !​

اجل تبيهم
ينادوني خاله ؟ ​

عساهم ينادوني بإسمي مهب بشيـن ثاني ويسد !
ثاني شي وش قالوا لك انا ؟ خماّمة الضايع ؟!​

كل ما طق عود بعصى جدعتوا بزارينكم علي ؟ ​

انتم تدشرون وانا اتحمل نتايج دشرتكم ؟ ​

نفسيتي تعورني .. !​

كل ما ذكرت ياخي هالأجانب طقتني غلقه ​

وش زودهم عنا يا جماعة الخير
يوم ان الوحده فيهم تولد من هنا وتصك الجينز من هنا .. ​

ما توفي لها يومين الا وهي تقامز وتسوي رياضه​

ورا ها للي عندنا مهب تسذا
وراهم 40 يوم ما عندهم غير فرم بهالمرقوق والجريش ! ​

قال ايش .. ترمم جسمها قال ،​

مهب ترميم ذا ردم الله يحييكم
!
الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم ​

ناه بس شوفي ترا ذا الصور عقب ولادتها باسبوعين - ​

أأشر لها على صور لزوجة توم كروز - ​

قالت .. واذا ؟
لا تقارنين حبيبتي عيالهم هذولي عيال حرام !
<--------
يالهدره يالكمخه يالفاهيه .. ​

الحين نفاس ولد الحرام يفرق عن نفاس ولد الحلال !​

ياربيه بس !
اسعفوني .. أريد حلاً ؟
عموما انا بقوم الحين اصلي المغرب ​

وانزل استقبل الوفد الجديد ​

بس اتوقع اني ارجع اكمل تفلت
والله يابي مّر مهب صاحي .. ​

مهب رايح لين افرك البياله بجبهة وحده من هالزايرات !
يع اشم ريحة حلبه >ههههههه:31::31:​

منقووووووووووووووووووووووووووووووووووووووووووووووو ووووووووووووووووووووووووووووووووووول ​

 

[رقاااوي]

ههههههههههههههههههههههههههههههههههههههههههههههههههههههههههههههههههه
حلوه حلوه بس بعدين اذا صرتي مكانها لا تجين تتحكحكين عند امك انثبري في بيت زوجك ها
والله ذكرتيني بايام دراستي واخواتي لما ينفسو بس والله وناااااااااااااااااااااااااااااااااااااااااااااااااسه
كان مره حلوه بس الله لايوريكي كيف كنت اعصب عليهم واضربهم
بس انشاء الله احمل واروح عند ماما كماننننن

 

[كلي امل فيك]

ههههههههههه.....
الله يسعدك وربي ونستيني.....

 

[بدايات]

أحس الكلام ماله داعي
إذا إنت ما تحملتي أختك من بيتحملها ؟؟
ولاد الجيران
يعني تريدي أم الزوج تخدم أختك ؟؟؟
وبعدين مايجوز اللعن
وفعلا عيب دكتور يولد حرمه وإذا كان بالظرف إلي ذكرتيه كان خبرتي الحرمه وخلاص
وأغلب الوقت لما الزوج يزور زوجته هذا شي طبيعي فرحان بالمولود الجديد

 

[بدايات]

كلامي لصاحبة الموضوع طبعا

 

[ام الكناري]

ههههههههههههههههههههههههه حلللللوه

الظاهر هالكلاه هذا يحوسسس بقللللللب اختي لما نفست عندهم

 

[**ملكة بطيبتي**]

بدايـــــــــــات وش جاك على البنت خليــــها تفضفــض مافي نفسهـــا

بالعكـــس هي قالت انها تحب اختها وتموت فيهـــا ولاهي مستثقلت وجودها بس هي تقول انـــها تعـــاني لمن ترجع من دوامها وهي تعبانه ومو طايقه احد وتلقى الازعاج يستقبلها

انا حاسه فيــــــــك ياغراااااام شعوووور مريت فيـــــه بس فترة وتعدي *_^

 

[ظبي الشمال]

ههههههههه ذكرتني بأختي...

 

[مدام الدكتور]

هى عاداتكم هيك
احنا بنحمل وبنولد ببيت ازواجنا
وبيخدمونا اهل الزوج
وبيعملوا حفلات الاسبوع والطهور و....
بس ام الوالدة بتقعد عندها كم يوم حتى تسترد صحتها
وكل يوم بتزورها وحدة من اخواتها او زوجات اخوانها يساعدوها
كل هذا لمدة اسبوع بس
وبعدين تقوم ببيتها واولادها
وبكفى دلع

 

[مدام فلمبان]

هههههههههههههه
انا نفاس في بيت اهلي واخواتي كلهم عندهم دوامات
بجيبلك اخواتي يجاوبونك هههههههههه

 

[غرام انسانه]

أحس الكلام ماله داعي
إذا إنت ما تحملتي أختك من بيتحملها ؟؟
ولاد الجيران
يعني تريدي أم الزوج تخدم أختك ؟؟؟
وبعدين مايجوز اللعن
وفعلا عيب دكتور يولد حرمه وإذا كان بالظرف إلي ذكرتيه كان خبرتي الحرمه وخلاص
وأغلب الوقت لما الزوج يزور زوجته هذا شي طبيعي فرحان بالمولود الجديد

ردااا على النفسياااااااااااات اول شي الموضوع منقوووووول انتبهي زين لما تقرين
ثاني شي والاهم انا قلت الي تبي تضحك تدخل ماقلت الي نفسها بخشمها تدخل
ثالث شي يعني حتى انا اذا ولدت باذن الله بكون عند امي يعني وين بكون وبعدين تصدقين غريبه ان الزوج لما يزور زوجته يكون فرحان بالمولود؟؟
خبر جديد توني ادري عاد حمدلله والشكر بس

عموما كلك ذوق ...

 

[غرام انسانه]

ههههههههههههههههههههههههههههههههههههههههههههههههههههههههههههههههههه
حلوه حلوه بس بعدين اذا صرتي مكانها لا تجين تتحكحكين عند امك انثبري في بيت زوجك ها
والله ذكرتيني بايام دراستي واخواتي لما ينفسو بس والله وناااااااااااااااااااااااااااااااااااااااااااااااااسه
كان مره حلوه بس الله لايوريكي كيف كنت اعصب عليهم واضربهم
بس انشاء الله احمل واروح عند ماما كماننننن

موووبس بتحكحك عند امي ياحليلك من اليوم وانا اسألها متى تبين اجيب سريري حق النفاس هههههههه<<تجهز الدواااا قبل الفلعه


منوووره ياحبي لك,,,

 

[غرام انسانه]

ههههههههههه.....
الله يسعدك وربي ونستيني.....

ويااااااك يارب
وان شالله دوم الوناسه تلازمك ^_^

 

[غرام انسانه]

الباااااااااقين حبايب قلبي منوورين وحده وحده ونفره نفره
والله يهون عالكل يارب

 

[احب اطفالي]

والله ونستيييييني ضحكت لما قلت بس مسكينة هذي متعذبة ههههههههههههههه بس ان شاء الله الي كتبته بتحمل وبتنفس عند اهلها وبتحس بالكلام الي تقوله.

 

[احلى التفاصيــل]

تسلمين

وربي يهوون عليك يارب

 

[شامخه بحجابي]

سعدت بأبدااعات الكاتبه
وسلمت يداكي على النقل

 

[غرام انسانه]

منووووووورين حبايب قلبي
وربي يهون عليكم وييسر لكم كل معسر ياااااااااااارب...

 

[ام نصيب]

صادقه لماتكون الوحده بصحتها ومتعافيه مايخليها زوجهاتنام عند اهلها لما تطيح وتصير ماتقدر تقوم بعمرها على بيت اهلها والله عيب ضف عيالك ومرتك ببيتك والله امي وخواتي موخدم لحضرتك فيه شغاله وتطبخ بنفس الوقت جبها شهر يالحبيب مريح نفسه الزوج دايم ليه مو ولده مومرته وانتو يابنات لاتنفسوعند امكم نصيحه وسلامتكم

 

[مامت جود]

يااااااااااااااقدمها كنت تجي با الجولات با الملاحضات txt