فيه احد مثلي

[مازال حبك عائشا]

يابنات انا محتاره لاني عارفه انا شماليه ولا جنوبيه لاني كوكتيل

بس حاسه اني القرار اي قرار احتار فيه

بالاخير اختار دون قناعه

ومتعبني هالشئ ياهل ترى فيه احد مثلي وفيه حل

لاني ابدي رأيي بس عشان مايقولوا ماتعرف

بدي اكون مستقله ذاتيا

وشكرا الف شكلر للي تتطمني

ع فكره انا غربيه​

 

[دلـــوعـــة]

عادي
انا كثير مرات اتردد بقراراتي واحس راسي بينفجر لين اختار
حتى مرات على اشياء تافهة .. مثلا بالسوق احتار بين بلوزتين وبنجن مو عارف شو اخذ فيهم
وانا جنوبية شرقية
وشي طبيعي تكونين كوكتيل
يعني اذا انتي مثلا جنوبية مو معناه انك مافيكي شي من الشمالي لاااا
يكون في صفات من الشمالي بس الغالب هو جنوبي
يعني انا جنوبية لان الصفات الغالبه من الجنوبي بس فيني صفات من الشمالي عرفتي ؟

 

[دلـــوعـــة]

اما من ناحية مستقلة ذاتيا
مادري شو تقصدين .. يعني مستقلة عاطفيا ً ... ؟؟
اهتمي بنفسك واسعديها
استمتعي بكل اللحظات حتى لما تكونين مع نفسك
بعطيكي مثال لانسان مستقل عاطفيا ويحب نفسه
مثلا واحد حب يروح مطعم مع صاحبه عشان يغير جو ويستمتع ... واتفق هو وصاحبه وحددوا موعد
وقبل الموعد بفترة صاحبه اعتذر لانه ماراح يقدر يروح معاه
في هالحاله الانسان المعتمد على غيره بالسعادة تلقيه صابه احباط وملل ويقول خلاص عيل بكنسل الروحه كلها شو اروح اسوي بروحي ؟؟
اما المستقل عاطفيا عادي يقول بروح المطعم واستمتع بالاجواء هناك وآكل الاكل اللي احبه وانبسط واستانس
انا قادر اسعد نفسي بنفسي مو ناطر حد يسعدني
يعني اذا صاحبه راح معاه خير وبركه وينبسطوا سوا واكيد القعده مع الاصحاب حلوة
بس اذا ماقدر صاحبه يروح معاه مو معناه انه يقعد طفشان وكئيب ويحرم نفسه من المتعه والطلعه لا
يروح ويستمتع ويقول مرة ثانيه بروح انا وصاحبي
هذا المثال سمعته من الدكتور ابراهيم الفقي الغني عن التعريف بهالامور
الاستقلال الذاتي والعاطفي يلزمه ثقة بالنفس
يلزمه تفاؤل
يلزمه استمتاع بنعم الله حولنا في كل الاحوال
يلزمه استرخاء ونقاء ذهني
يلزمه فكر واعي يبسط الامور ومايكبر الاشياء ويضخمها ويتنكد بسببها
الزوجة المستقلة عاطفيا .. تستمتع بصحبة زوجها بالبيت
بس اذا صار ظرف وراح .. ماتقد تتحلطم وتزهق وتكره الدنيا وتسود الحياة بوجهها وتقول راح اللي يسعدني
لا .. تلقى اي شي يمتعها سواء هواية من هواياتها او استحمام او عناية بالنفس او طبخ او اي شي تمتع نفسها فيه وتحس بسعادة ولما يرجع زوجها تكون بشوة ومستانسة ومرحه وتستمتع بوقتها معاه
اتمنى تكون وصلة الفكرة

 

[مازال حبك عائشا]

يعطيك العافيه دلوعه ويحفظك ربي

حراجع البوصله واقول لك شو الاكثر

 

[مازال حبك عائشا]

يا عزيزتي طلعت جنوبيه غربيه

يعني التردد بسبه الجنوبي اللي متموضع فيني

يسلموا يالغلا