غلطانه لو لاا؟؟

[دلوعة عاشقها]

السلام عليكم

ببتدي على طول بالموقف الي صار لي اليوم بصراحه احس روحي مقهوره حدي

بقولكم الموقف وقولوو لي صح الي بسويه لو غلط

انتو مثل خواتي الكبار نصحووني الله يخليكم

\
\
\

اليوم كالمعتاد قعدت الصبح بصلي ونفس كل مره اتصلت فزوجي عشان اقعده لصلاه الفجر ويروح المسجد وقطعت صلاتي من النص لأنه خفت تقوم الصلاه واهوه راقد ومايلحق يصلي بالمسجد ... فقمت واتصلت فيه وجان يعطيني بزي آنه انصدمت لأنه كل مره اتصل فيه يرد علي وتالي نصكه بس هالمره غير

قمت خليت تلفوني سايلنت ورحت رقدت وانه ميته من القهر ومن التفكير ... اقول شسويت عشان يصكه وامس بالليل توني مكلمته عادي مافينا شي

المهم قمت الظهر الساعه 12 وجان اجوف مكالمتين منه ومارجعت اتصل فيه ورحت صليت وتريقت وقعدت ع المنتدى وع الساعه 1 اتصل فيني ... رديت عليه .. جفته قاعد يسولف عادي ويضحك وانه مقهوره ... قمت قلت له ليش صكيت التلفوني بويهي الا يقولي ترا متصل مرتين عشان اقولج السالفه ... قلت له شنو اهيه السالفه

الا يقولي امي راقده بحجرتي لأنهم يعدلون البيت وكذا ... ولين رن التلفون عبالها المنبه وصكته فويهج

عاد انه قلت له ماراح اقعدك مره ثانيه لأنه امك معاك واخاف ازعجكم وكان يبين علي مضايقه
وتالي رجعت اتصلت عليه وقالي مشغول

بس قبل شوي رد اتصل يمكن 3 مرات واخر مره رديت عليه الا تمينا نتنتاقش بالموضووع ويقول ماكان له داعي تزعلين وكذا

مادري انه غلطانه ومكبره الموضووع الا شنو ؟؟؟

شوروو علي

 

[الزين القصيمي]

حبيبتي مكببببببببرة الموضوع ..
طيب قال لك سبب وأضن انه منطقي .. خلاص انسي عادي يابنت الحلال بكرا تصكك مصيبه تجلسين سنين تعانين منها احمدي ربك ولاتدورين مشاكل .. حبيتي انتي

 

[@أحلى من ألحلى@]

ياحياتي انتي عادي ليه زعلانه بالعكس مافي شي يضيق الصدر
بعدين امه مو منتبه وانتي انسي السالفه ولما يتصل كلميه بدون زعل ولا ضيق وقبل لاتقفلين ذكريه إنه يحط المنبه بجواله ولما يقعد ويطلع برا يتصل عليك او يرسل مسج
وبعدين هو ليه مازعل لما اتصل عليك ومارديتي صيري مثله لادققين كبري عقلك حبيبتي وناظري للموضوع من الطرف الإيجابي إنه لما قفل الخط رجع اتصل عليك في الصباح مرتين يبي يقولك السالفه عشان مايكون بخاطرك شي لانه يحبك ​

 

[احساسي احساس]

والله مكبرة الموضوع واييييييييد مو شوي حتى لو هو اللي صك عادى نا يم ما علية حرج

 

[حكايا روح]

إلا مكبره ومكبره الموضوع مررررررررررررة ماله داعي كل هالزعل والقهر اللي انتي فيه

 

[دلوعة عاشقها]

خلاص اتصلت فيه واعتذرت منه
ادري انه يحبني وانه احبه بعد
شاسوي حساسيتي واايد من صوبه

تسلمون لي يارب

 

[entesar88]

حبيبتي .... ترا الرجال مايحب البنت النكديه واللي توقف عند كل كبيره وصغيره ...

بالعكس خلي كل شي عادي ... ومشي الامووور ..ولا تتكلمين اللا اذا حسيتي ان كرامتك انهانت ... هنا بس وقفي وتناقشي ..

اما الامور اليوميه العاديه التافهه .. انا انصحك انك ما تناقشينها ...والحياة الزوجيه عبارة ن تنازلات ...منك ومنه ...

وكوووونه اتصل عليك وحاول يفهمك ..هذا يعني انه مهتم لامرك ...لذلك .. لاتحطين ببالك وعيشي حياتك بالطول والعرض..

والله يوفقك

 

[ام اليتيم]

بصراحـــــــــــــــــــــــــــــة مكبرة الموضووووووع مرة الامر عادى . نصيحة لاتكونى نكدة تضخمي الامور عشان لايمل منك خذى الامور ببساطة واللة يوفقك

 

[قمررر20]

زين اتصلتي فيه واعتذرتي بصراحه زودتيها ومافي شي يزعل
حتى لو اتصلتي عليه بتقومينه لصلاة الفجر وعطاك بيزي وش فيها عااااااااااادي يمكن نايم ومايبي يقوم يصلي
وبكيفه هو وربه يحاسبه انتي اللي عليك سويتيه وبس
وبالاخير يطلع السبب ان امه راقده عنده وكمان استمريتي بزعلك !!أمرك غريب
تبين نصيحتي ترى الرجال يعطونك مهله يتحملونك فيها وبعدين يملون انتبهي لحياتك مع زوجك ولاتدققين بأتفه الامور والله يوفقكم ويسخركم لبعض وسامحني اذا جرحتك او كان ردي قاسي

 

[شموخ حور]

هههههههههههههههههههههههه فديت قلبك اركدي بس بلا دلع الا مكبرتها ونص 00 لا تدققي على اتف الاسباب 00 قال لك وش السبب خلاص ليش مكبره الموضوع 00 لاتصرين حساسه مره 000 يعني لوواجهتك مشكله اكبر وش بتسوين 00حنا واجهنا اكبر من كذا ونقول بسيطه مشي مع انه عارفين ان الرجال هم غلطانين بس زي ما يقلون الحياه تسليك 000 يعني فديتك ابدا ماله داعي 00وبس الله يسعدك ويوفقك ويحفظ لك زوجك

 

[عابرة في الحياة]

صرااحة انتي الغلطانه اولا واخيرا

مالوو داعي تكبرين الموضوع

ولا تزعلين ,,,

 

[دلوعةزوجي]

وربي مافي شي يزعل لو واحد غيره كان قال بالطقاق انا ماغلطت
انتبهي كبريها بتكبر وصغريها بتصغر

 

[..ضباب..]

من النك باين انك دلوعه
بس ترى يالغلا الدلع الماصخ مب زين
يعني لاتزعلين من امور تافهه
خليك لما تزعلي على شي كايد حتى مايتعود على زعلك
يلا بلا دلع استسمحي منه هههههههه​