بنت من البحرين
New member
- إنضم
- 27 يناير 2010
- المشاركات
- 6
السلام عليكم ورحة الله وبركاته
اولا اعذروني عزيزاتي اني اول مرة اشارك بالمنتدى ومو عارفة وين احط مشكلتي
مشكلتي هي زوجي ما اعرف اشوفوه ولا اكلمه يعني يرجع من الشغل ويتغدا وبعدين على طول يطلع من البيت على الساعة 3 ونص او 4 وما يرجع الا الفجر وايام الاجازات لين الصبح على الخمس وانا عندي ولدين وماشاء الله عليهم حركيين ودايما بمشاكل ومايدري عني ولا عن عياله شي
حتى مكالماتي مايرد عليها بتاتا الصراحة شكيت به انه متزوج وانها تاخذ منه تلفوناته وماتعطيه الا لين طلع عنها بس ماقدرت امسك عليه شي
وانا على هالحال من 3 شهور والحمدلله انا مو مقصرة معاه اي نعم اشتغل بس ارجع قبله واطبخ الغدا وبعدين اجهز نفسي واتعدل والبس وهو ما كنه يشوفني ويطلع وحتى لما يرجع اكون لابسه ومتعدله ولو اكون نايمه ومانشوف بعض ولا يرد على التلفون كلمته مرة وثنتين وكلمت أمه وكلمته قال لها كيفه ومحد له حق يسأله وين يروح.
المهم عيال مرة يبون يكلمونه ولا راضيين ينامون الا يكلمونه اتصلت عليه مرة وثنتين ولما حرقت تلفونه رد بعد ساعة شصاير قلتله العيال يبون يكلمونك كان يتحجج يبي يسكر المكالمة لأن معاه حد بس انا احترق قلبي خذت عيالي ورحت بيت ابوي وهناك قلت لأبوي على الموضوع وراح يكلمه رد على ابوي أنه هذا وقته الخاص!!!!! تخيلوه وقته الخاص من العصر لين الفجر يعني تقريبا 12 ساعة وأكثر وقال حق ابوي هو مو مجوع عياله شنو يبون بعد...
وانا لحين كتابتي للمشكلة لي 4 ايام ببيت ابوي وهو لا حس ولا خبر ولا سأل حتى عن عياله...
من يقدر ينصحني شاسوي معاه او يدلني على حل لمشكلتي
وسامحوني اذا طولت عليكم
اولا اعذروني عزيزاتي اني اول مرة اشارك بالمنتدى ومو عارفة وين احط مشكلتي
مشكلتي هي زوجي ما اعرف اشوفوه ولا اكلمه يعني يرجع من الشغل ويتغدا وبعدين على طول يطلع من البيت على الساعة 3 ونص او 4 وما يرجع الا الفجر وايام الاجازات لين الصبح على الخمس وانا عندي ولدين وماشاء الله عليهم حركيين ودايما بمشاكل ومايدري عني ولا عن عياله شي
حتى مكالماتي مايرد عليها بتاتا الصراحة شكيت به انه متزوج وانها تاخذ منه تلفوناته وماتعطيه الا لين طلع عنها بس ماقدرت امسك عليه شي
وانا على هالحال من 3 شهور والحمدلله انا مو مقصرة معاه اي نعم اشتغل بس ارجع قبله واطبخ الغدا وبعدين اجهز نفسي واتعدل والبس وهو ما كنه يشوفني ويطلع وحتى لما يرجع اكون لابسه ومتعدله ولو اكون نايمه ومانشوف بعض ولا يرد على التلفون كلمته مرة وثنتين وكلمت أمه وكلمته قال لها كيفه ومحد له حق يسأله وين يروح.
المهم عيال مرة يبون يكلمونه ولا راضيين ينامون الا يكلمونه اتصلت عليه مرة وثنتين ولما حرقت تلفونه رد بعد ساعة شصاير قلتله العيال يبون يكلمونك كان يتحجج يبي يسكر المكالمة لأن معاه حد بس انا احترق قلبي خذت عيالي ورحت بيت ابوي وهناك قلت لأبوي على الموضوع وراح يكلمه رد على ابوي أنه هذا وقته الخاص!!!!! تخيلوه وقته الخاص من العصر لين الفجر يعني تقريبا 12 ساعة وأكثر وقال حق ابوي هو مو مجوع عياله شنو يبون بعد...
وانا لحين كتابتي للمشكلة لي 4 ايام ببيت ابوي وهو لا حس ولا خبر ولا سأل حتى عن عياله...
من يقدر ينصحني شاسوي معاه او يدلني على حل لمشكلتي
وسامحوني اذا طولت عليكم
