عندي ألف وميتين اقدر انميها ياسيدات الأعمال

[عاشقة الاحلام]

السلام عليكم ياجماعة الخير الموضوع ومافيه إن عندي الف ومتين ريال ودي اشتغل عليها ودي تزيد وتكثر .. لأني عاطله ماحصلت وظيفه ومليت اخذ مصروف من ابوي وامي وخواتي نفسي يكون عندي شي اعتمد فيه على نفسي ادري المبلغ تافه بس عاد وش السواة ربنا كريم ، ماادري احطها في اسهم او إلي عندها افكار ياليت ماتبخل علي ، ادعولي يارب اتوظف في الرياض وظيفه حكوميه تقر عيني فيها ويفرح قلبي بها يارب وتوفقني في كل اموري وتفتحها علي من اوسع ابواب رزقه..

 

[لـمـو]

كان ودي افيدك بس للاسف ماعندي خبره في الامور

 

[عاشقة الاحلام]

مشكوره حبيبتي لمو يكفيني مرورك الحلو .

 

[ضجة انفاس]

عندي لك فكرة اشتي فيها عطور وزيدي سعرها وبيعيها يعني جيبي شي بالجملة تاجرة شنطه مثلا

 

[الغلا غلاتك]

حولي تشتري شي بلجمله من شركه معروفه وظمنين منها مواي شركه

 

[شبيهةالورد]

وعليكم السلام ورحمةالله وبركاته اول شي لازم تسالين الناس وش الاشيى الي يحبون عشان تشترينها وتبيعينها عليهم مثل مكياج عطور شنط او بهارات وبراقع وطرح اذا كنتي من سكان الرياض ادلك على سوق اسمه حجاب رخيص من ناحية البراقع والطرح والبهارات يعني تاخذين ب500 تبيعينه 1200 اسالي مجرب

 

[شبيهةالورد]

موفقهههههههههههههه

 

[لتاليا]

الله يوفقك ويفتح لك باب الرزق​

 

[يارب اتزوج]

وربي انا مثل حكايتك

بس ماادري وش اسوي

 

[الهاشمية جداوية]

الله يرزقك وبارك لك في رزقك

 

[عاشقة الاحلام]

الله يسعد كل وحده ردت ويجبر بخاطرها .. وجزاكم الله خير على الدعوات الحلوه

 

[مــــرح]

شوفي ايش احتياجات اللي حولك .. مثلا لو عطور ابدأي في العطور بشئ بسيط .. ونفس الشئ انتي شوفي ايش ميولك ؟ عشان تقدري تبدعي في البيع والشراء .. الله يوفقك ولو حابه اي مساعده راسليني عالخاص وابشري

 

[بحر الورد]

اللهم اوسع رزقها وبارك لها فيه اللهم ااااااااااامين

 

[aicha-maroc]

حبيبتي إذا حابة ممكن تشتغلين معي في تسويق المنتوجات المغربية مواد التجميل الطبيعية أغراض الحمام المغربي ملابس مغربية أطقم السفرة والديكور بالكروشي حسب الطلب وكمان ملابس الأطفال والشنط وجرابات الموبايل لكل من تحب تكشخ بموديل خاص فيها أو طقم مع لبسها وكلو بالكروشيه وإن شاء الله مانختلف في النسبة وهكذا تقدرين توفرين مصروفك الشخصي وأكثر كمان إن شاء الله وحتى لو حابة تاخدين بالجملة فحعمل لك خصم حلو عشانك في أول الطريق ولساتك في البداية​

 

[Pink dreem]

انا كمان مثلك ابغي مشروع بسيط ابدأ فيه

والله يرزقك ويرزقنا

 

[doctor\mo]

اقولكوا بقى على فكرة حلوة انتوا ممكن تشتركوا مع بعضكوا وتعملوا مشروع للتجارة فالحاجات المطلوبه
وكل واحده توزع لمنطقتها

 

[رواجي]

انا عندي الحل ويارب يعجبكم

انتوا اكيد دارسين وتعرفون تقروون وتكتبون

ليه مادرسون الاطفال ولاتغركم الفلوس الكثيره حتى لو عالشهرلطفل ولماده واحده ساعه باليوم اللي و تقريبا يجي 8 حصص بـ 100 او 200

الفكره الثانيه
طبخ حلويات معجنات

الفكره الثالثه
ممكن اذا انت وخواتك تعرفون تستشورون الشعر وتسوون تسريحات خفيفه او ميك اب خفيف ممكن تفتحون مشغل بالبيت

وحطوا في بالكم ان لازم تصبرون صبرا جميلا
لاتعتقدون ان من اول شهر راح تنجحون وخصوصا بالاكلات



والله يوفقكم​

 

[عاشقة الاحلام]

الف شكر وفعلا الرزق يبيله صبر وتحمل ربي يجزاكم الجنه ويرزقني ويرزق كل بنات المسلمين يارب

 

[#سهارى#]

رحت ياقلبي لمهرجان اعراسنا في قاعة نياره واغلب المشاركات كانوا يشتغلون من البيت يعني ماعندهم محل ولا هم يحزنون
بعضهم كانو يشتغلون في تصميم ملابس وبعضهم تصوير والبعض حلويات من البيت وشغل ولا احلى ويوزعون كروتهم بالبازار والرزق من الله