عندى مشكله

[فتاه]

السلام عليكم

عندي مشكله انا عصبيه وايد بسرعه اعصب وولدى عمره شهرين وايد يحن ويزن لدرجه انه ينرفزني يعني اذا صاااااااح يفضحنى عند بيت اهل زوجي انا ساكنه فوق وهم من يصيح الكل يسألني زين هو طفل لازم يصيح الكل يقول صوته عااااااالي شفيه والحين اذا صاح انقهرررر بلييييييييز لاحد يزفنى قمت اضربه شسوى من القهر شلون اتحمل حتى يدى تألمني من الضرب وبعدين اقعد اصيح شلون ضربته ويكسر خاطرى شسوى عطوني حل :tears:

 

[حور وحبها منثور]

الاولادحبيتي يبلهم صبر اصبري واحتسيي الاجرولاتحرجي نفسك امام اهل زوجك

 

[قمر زوجي]

مسكين عمره شهرين وبتضربيه حتى يدك بتوجعك والله حرام عليك
حبيبتي ما عليك في كلام الناس هذا طفل لازم يبكي ويصرخ ويعبر عن مشاعره وانتي لازم تصبري الله يهديك

 

[ليلكيه]

كيف تضربين طفل عمره شهرين؟؟؟؟

انتبهي اختي فقد تتسببي له في عاهة او ارتجاج في المخ

هل تريدين من طفل عمره شهرين ان يفهم سبب ضربك ويتوقف عن ازعاجك؟؟؟

ربما تقصدين سنتين

وحتى سنتين صغير جدا ولايجوز ضربه

ابحثي عن اسباب بكائه وحاولي التغلب عليها

 

[galaxy5]

حرام عليج اختي هالطفل ماله ذنب وشو عرررفه بالضرب كل اليهال يصيحوون وبعدين اصبري واتحملي وابتعدي عن الضرب شو فايدة الندم عقب

 

[تــ زرقاءـــوته]

اوووووووووف ,, حرام عليك

انتي لمن تعصبين تذكري انك بنعمه ,, ربي رازقك بطفل ,و غيرك يتقطع قلبه يبي هالطفل

احمدي ربك ,, انتبهي لولدك ,, الله يعينك ويصبرك

 

[اورقانزا]

حرام عليك ربي يسالك علية
طولي بالك علية عشان لما يكبر يحبك
انا ولدي بيكمل السنة واحيانا لما اضربة ازعل علية
واحزن وخصوصا لما اشوفة نايم مسكين بريء
ممكن يكون جيعان ولا بدو غيار او حران حاولي تعرفي سبب
بكاه الله يحفظك

 

[فتاه]

مشكورين حبايبي توني اشوف الردود

للأسف ولدى عمره شهرين يا ليلكيه موب سنتين !!!!!!!!!!

الحين احاول اتحمل واتذكرر كلامكم اذا فقدت اعصااااااااابي مو اهل زوجي يقهروني من انزل الكل يقول شفيه يصيح والا بيطلع شيطاااااااان اذا كبر افففففففففففف

 

[الورد الصبوحي]

حرام عليكي شهرين وتضربيه ما عليك من اهل زوجك معقوله ما يعرفوا ان هذا طفل وفي سنه لازم يبكي لان بطنه يوجعه او جوعان تحملي ما عليك من احد حاولي تقرين عليه وتهللين وصدقيني بيسكت ........

 

[ام احلى عبود]

اختي الاطفال اول ثلاث شهور غالبا بيكون عندهم مغص لذلك دايما بيبكو هاي الحاله طبيا اسمها متلازمة الثلاث شهور انت طولي بالك عليه اذا بدك اكتبي عباره ايجابيه وعلقيها في المكان الي بتكوني دايما فيه تذكري انه الطفل الصغير ما عنده لغه اخرى يعبر فيها غير البكاء عن اي شي سواء تعب جوع مغص حر برد اي شي ودايما تعودي انك تلتمسي لابنك العذر انه اكيد في شي زاعجه الله اعطاني اياه هبه ونعمه عشان اسعد واشكره عليها انا عن نفسي صرت لما بدي اعصب اتذكر صورة ابني وهو نايم وانه مسكين اكيد مزعوج من شي ابني عمره سنه ونص والله يقدرك وتشوفيه رجال صالح يارب.

 

[حلاوة المدينة]

مشكورين حبايبي توني اشوف الردود

للأسف ولدى عمره شهرين يا ليلكيه موب سنتين !!!!!!!!!!

الحين احاول اتحمل واتذكرر كلامكم اذا فقدت اعصااااااااابي مو اهل زوجي يقهروني من انزل الكل يقول شفيه يصيح والا بيطلع شيطاااااااان اذا كبر افففففففففففف

(( المال والبنون زينة الحياة الدنيا والباقيات الصالحات خير عند ربك ثوابا وخير أملا ))
واضح انك جديدة في عالم الأمهات هل تعلمين غاليتي أنك أعطيت نعمة كثير يتمناها ومستعد لدفع الغالي والثمين ليسمع صراخ طفل في بيت كأنه بيت أشباح الأطفال حياة البيت
اتقي الله في نفسك وفي طفلك ولا يعني أنه طفلك أنه يمكنك التصرف معه بحريتك الكاملة
لو علمت الجهات المعنية عنك وما تقومين به لأعتبروه عنفا أسريا تستحقين بسببه أن يؤخذ منك طفلك هل تتحملين ذلك ؟؟؟؟؟؟؟؟؟؟؟
أنا آسفة لقسوتي عليك ولكن لابد من ذلك فقد كنتي أكثر قسوة مع طفل لم يتعد الثلاثة أشهر عزيزتي الأمومة فن ومهارة لا تتقنها جميع الأمهات عزيزتي الحيوانات أكرمك الله تحافظ على صغارها هل رايت قطة يوما تضرب قطتها الصغيرة ؟؟؟ كلا بل تدافع عنها بشراسة لو فكر أحد بلمسها فقط لمسة وأنت تضربين هذا الملاك الصغير لأنك تنزعجين من كلام الآخرين ؟؟؟ عجبا الطفل الطبيعي يبكي ويصيح اذا كان بكاءه كثير ومتواصل اعرضيه على طبيب بدلا من ان تتسببي له بخطر أكبر ؟؟؟؟؟؟؟؟؟
ارجوك أختي توقفي فورا عن ضربه وأعلمي ان الله يراقبك فيما وهبك من نعمة فإن لم ترعيها حق رعايتها فقد يعاقبك الله بالحرمان منها ؟؟؟؟؟؟؟ فهمت أعتقد انني أوجعتك بكلامي ولكن لصالحك اختي ولأنني أعتبرتك أختي أو ابنتي
الأمومة صعبة والجنة جزاء الأم الواعية التي تستحق فهل ترغبين بها

 

[الورده الشرقيه]

حبيبتي من تجاربي مع طفلي
يمكن يكون ولدك فيه مغص ببطنه ويبكي كثير عشان كذا
تلاقين عند العطار اعشاب فيها سكر نبات ويانسون واشياء ثانيه
اغليها له وشربيه اياها بالرضعه حقته
بس لازم يكون دافي موحار
او ممكن الحليب اللي تعطينه اياه فيه رغوه كثيره فيتكون عنده غازات
وتتعبه
انا كنت استخدم سيميلاك وكانت رغوته كثيره
وغيرته واشتريت رونا لاك دلتني عليه الدكتوره
الحمدلله مره ارتاح عليه
وكل ماتحضنين ولدك ولاتنومينه ولا لو صحى من النوم كل هالاوقات
وحتى لو رحتي لاحد او ركبتي السياره
اقري عليه المعوذات
سوي ياقلبي كل اللي قلته وباذن الله بيتغير ولدك
بس انتي خليك صبوره
وطويله بال
ولو قالوا حمولتك شكله بيصير شيطان لاكبر اضحكي
ولاتزعلين وقولي اكيد بيطلع شيطون على ابوه
خوذي الامور ببساطه ولاتزعلين عمرك
ترا الدنيا سهله بس للي يفهمها صح
وموفقه يالغلا

 

[كربوش]

حبيبتي ولدج خايف من اهل زوجك ومستغرب منهم علشان جذي يبكي عادي اول ما تنزلين خليه بحظنك لا تعطيه لاحد حتى يتاقلم مع الناس راح تقولين صغير وما يعرف لا حبيبتي هو يعرف عدل ويعرفك من الف ام صدقيني عن تجربه
ولما تنزلينه عند اهل زوجج غيري حفاظته وبدلي ملابسه وعطيه رضعته خليه مرتاح
ونطرين ردج

 

[فتاه]

تسلمووووووون حبايبي مشكوووورين علي الرود
أنا الحين تغيرت أتذكر كلامكم وبالاخص أختي ((حلاوة المدينة)) كان يبي لى كلام قااسي علشان اوتعي
الحين هو كبر شهر وصار احسن قريب بكمل 4 شهور أن شاء الله وانا الحين رجعت الدوام وتعرفون ماشوفه 8 ساعات واذا قعد يصيح اتحمل مو مثل قبل لاني ما شوفه وقلبى يتقطع عليه
((كربوش)) حبيبي ياريت اذا نزل يقعد يصيح الا يسمعونه وهو فوق واذا نزلت قالوا يصيح
وانا ما انزله الا هو رايق كل شئ مسويه له
((الورده الشرقيه)) الحين اذا قالوا لي بيطلع شيطان اقول لهم بعيش مع اعيالكم اكيد بصير مثلهم بضحكه وينطمون ههه لانهم قاهريني الحين محد يتكلم
((ام احلى عبود))((الورد الصبوحي)) يسلمووووووو

 

[قطوره تدى]

ماقصروا الاخوات بكلامهم
الامومه يبغالها صبررر
تحملي عشان هالنونو الا تعبتي في حمله وولادته

 

[مرسـى]

مشكورين حبايبي توني اشوف الردود

للأسف ولدى عمره شهرين يا ليلكيه موب سنتين !!!!!!!!!!

الحين احاول اتحمل واتذكرر كلامكم اذا فقدت اعصااااااااابي مو اهل زوجي يقهروني من انزل الكل يقول شفيه يصيح والا بيطلع شيطاااااااان اذا كبر افففففففففففف

وشو فيها لو قالوا هالكلام..يعني محاسبين ع كل كلمة مزح أو حتى جد ..يقولونها..؟!!
طيب وانتي ليش تتحسسين .. ؟؟
خلك كووول وعااادي..
ويا حبيبتي ليش الجنة تحت أقدام الأمهات..مو لأنها مكلفة بأمانة وعليها تأدي أمانتها بأكمل وجه..
أتعجب من امهات هالجيل :blush-anim-cl: !!
ما فيهن صبر مووووووووووووول .. الحمدلله ع كل حال ..
ويلا عن الدلع الزايد..وقومي بدوورك..وحافظي ع النونو العسول..:icon26:

 

[*سما*]

اش بدك من اهل زوجك مايهمك شي خليهم يحكو من هناااااااااااااااااااااااااااااااااااااا

لبكراااااااااااااااااااااااااااااااااااااااااااااااااااااااااااااااا


احسن خليهم ينزعجو... واذا قالولك بكرا ليطلع شيطان قوليهم احسن مايطلع درويش والناس تاكل حقه

ابدا لا تحطي كلام الناس في اذنك طنشي حتى ترتاحي ...

في طبيعة اطفال ببكو كتير بسبب المغص ولما بصير عمرهن اربع اشهر ببدأو بهدأوو

انا اطفالي من كتر ماببكو بدقو علي الجيران بسألونا اشفي عندكن الظاهر انو ما عتسمعو اولادكن عببكو

وبعصبو وبعيطو علينا طيب انا اش بطلع بيدي اساوي يعني انا بدي ياهن يبكو ولا انا مبسوطة عليهن ... بس انا بطنشهم

ومابهمني شي يبئا ينزعجواا

اختي حرام تضربي ابنك.. شرعا لايجوز ضرب الاطفال

يعني انتي آآآآثمة عند الله سبحانة وتعالي على كل ضربة مو على كل ضربة على اهمالك له على عدم اهتمامك به

اش بدو يكون موقفك يوم القيامة امام الله سبحانه وتعالى لما بدو يسألك عن الامانة يلي حملك ياها هل رعيتيها حق

رعايتها هل حافظتي عليها اش بدو يكون جوابك ؟؟؟؟

فكري شوي لانه الله سبحانة وتعالى اعطاك ابنك وحملك هي المسؤلية فأنتي لازم تكوني قدها

ومو تجي تقولي اهل زوجي ووومدري مين

شو بدك تقولي لربنا ياربي كنت بتضايق من اهل زوجي فكنت بضرب ابني حتى يسكت فكري شوي هذا اسمه منطق او عقل

حرام عليكي

فكري شوي احسن مايجي يوم وتتندمي لاسمح الله

 

[عدت الصبر اصبر]

هلا والله اختي فتاة

اولا ضروري تتحملين صياحه وذي طبيعه في الاولاد

وبعدين اهل الزوج دايم كذى بس اتبعي معهم مثلي اسلوب التطنيش ولا تردين

اذا سالوك قولي مدري وبس...

اما الضرب مرررررررررره غلط لانه مره صغير ولا يفهم الضرب ولا الصراخ عليه كمان

بس حاولي تحسسينه بالحنان صدقيني راح يهدا اذا بكي حطيه على صدرك ودخليه غرفه
هادئه..

تحياتي ... وعدت الصبر اصبر

 

[التا ئبة*]

ويللك من ربي تضربين طفل عمررره شهرين
معقوووله ما فيه في قلبك رحمه هذا وانت أمه
وين الإنسانية الحيوانات وهي حيوانات تحن على أولادها وتضحي عشانهم وتخاطر بنفسها عشانهم
وانت الإنسانه الفاهمة والعاقلة تضربين طفل عمره شهرين لدرجة إن يدك تعورك من شدة الضرب
والله حراااااااام الأمومة فيك
عشان ترضين أهل زوجك المتخلفين إلي قاعدين ينتقدون طفل عمره شهرين ليش يبكي
حسبي الله ونعم الوكيل ياترى هلحين شصار للولد

 

[التا ئبة*]

بالله عليك أبوه راضي بالي قاعدة تسوينه