عطر الأماكن
New member
- إنضم
- 9 مايو 2009
- المشاركات
- 57
السلام عليكم ورحمة الله وبركااته
ادخل في الموضوع واتمنى من كل أمرأه تتحلى بالشجاعه والقووه عندما تتكتشف الخيانه تتخذ موقف حازم يدل على قوتهاا وفي نفس الوقت حكمتهاا..
اخواتي البقيسيات بالرغم من اكتشافي خيانه خطيبي من قبل اسبوعين ولكني احمد ربي واشكره على هالموقف اللي اكيد يوجد وراه حكمة من رب العباد له الحمد والفضل ...
أخواتي اطلعكم على حياتي العائليه قبل الزوجيه انه لما اكتشفت خيانته لي كنت امر بوقت عصيب وهو انه اختي وزوجها بيتطلقون وهو كان يدري بكل اللي يدور ولكني فاجئته بردت فعلي
اكتشفته يكلم أمراه متزوجه على المسنجر وانه كان على علاقه معاها من قبل مايخطبني ومن كلامه معاها حسيت انه يبي يرجع اللي بينهم وهياا اكيد مابترفض
الموهم اخذت المحادثه وفتحتها له وواجهته وانصدددددددددددددددم ماتدرون اشكثر انصدم بطلتها جدامه وقلت له شنو ذي ووقفت له وقفه كلها عزة نفس وقوه وحطيت عيني بعينه عشان اكسر عيونه تدرون ليش>>>>>>لانه يقولي يموت فيني ويقولها ايحبها اكثر وعطاني الامان وهو يلعب من وراي وانا حشى مو مقصره معااه واقولها بكل ثقه ماقصرت معاه
المهم خليته يصير ضعيف و راويته قوتي وطيبتي في نفس الوقت خليته يعرف شنو راح يخسر
ماصرخت عليه كلمته بهدووء وقلت له عطني رقمها وقام يترجاني مااكبر الموضوع >>>>من صغر الموضوع عشان اكبره
واتصلت لهاا وهددتهاوسكرت الخط بويهااا
المهم طلعت من عنده وانا ولا دمعه نزلت مني مابي ارويه انه كسرني
قام يلاحقني طووووول اليوم بس يبي يتفاهم >>>>على فكره ماحسست اهلي ولااهله بالوضع لأن الله الهادي وما ابي احد ياخذ فكره عنه
وبعدين ياني وقعدت معاه ابي اجوفه شيقول >>>بعد مابي اكون ظالمه
وقام يصيح ويعتذر بغى يحب ريلي عشان اسامحه في ذي الوقت عقب ماراويته قوتي قمت وصحت وانا ادري انه بيحتتتتتترق لين جافني اصيح((((((على فكره صج انه جفت المحادثه والحجي ولكني كنت متأكده انه يحبني ويموت فيني وحسيت كلامه لها مجرد حنين للماضي ولكني كبرت الموووضوع عشاان يراجع امره ويعرف قدري))))وعارفه انها غلطه واقدر مثلي ملثل وايد نسوان يسكتون ولاجنهم جافوو بس عشان يحطني جدام عينه في كل خطوه
لما صحت هووو تحطططططططططططممممممم وقام يترجا وقلت له بس ماابيك>>ابي اجوف ردت فعله >>مع اني انا بعد اموت عليه:icon26::icon26: ومستحيل اتنازل عنه لوحده منحطه ...
يوم جافني اني عايفته قالي انا ماقدر اعيش بدونج و مابي اهلي واهلج يحزنون بسبتناااا تدرون اشقلت له
7
7
7
7
7
قلت له اناا مستحيل اعيش في تعاسه عشان ارضي غييري >>>هني تحطم زوود وعرف انه جدام وحده قوويه
صدقوووني هالحجي مااقوله لكم غرور ولكن كله جفته في عينه
انزين عقب كل ذي وكثير من الكلاام قلت له سامحته ولكن قلتها باحتقار ويوم ثاني يتصل بعد كل ثانيه يعتذر
قمت انا واتصلت لأستشاريه وعطتني نصيحه من ذهب وقالت لي انتي كل ماكبرتي الموضوع خليتيه يتذكرها اكثر اتصلي له وكلميه عاااااادي وانسي الموضوع وهذي اللي صاار
كلمته ورجعت له وعاملته احسن من قبل خليته مايعرف وين ايحطني وين ايشيلني والحين لو ابي عيونه يعطيني ايااهاا
كتبت قصتي انا وخطيبي لمجرد الفضفضه ومن عندها النصيحه فلتنصحني ويجزها رب العالمين السعاده واليسر
وادعووو لي الله يسعدني ويسر حياتي ولجميع المؤمنين والمؤمنات ياااااااااااارب العالمين