علموني كيف اعبر عن مشاعري...

[umm_reem]

السلام عليكم...انا عضوه جديده بينكم..وعمليه صار فتره ...

ياليت تساعدوني في حل امر مضايقني شخصيا...وهو..اني صعب علي اقول كلام حلو لزوجي؟؟؟صعب لدرجة احس ثقل بلساني؟؟؟رغم اني ما اقصر في المسجات.في المسجات ابدع...
.واثناء الاوقات الحميمه تطلع كلمه او كلمتين..عالسريع....

مادري احس مرات اني ما احب زوجي بسبب الخيانات اللي صارت رغم اني عديت هذي المرحله...لكني احس ببيني وبين نفسي انه مايستاهل مني المحبه والكلام الحلو..وايد عليه...
ويمكن السبب اني تربيت في وسط عائله جافه جدا في المشاعر....

زوجي مو متضايق من هالناحيه...بالعكس واثق جدا اني احبه...لكن مادري كيف اعالج فيني هالعيب؟؟؟:dunno:

 

[نسائيات]

رد : علموني كيف اعبر عن مشاعري...

اختي باين من كلامج انج مجروحه وجرحج في قلبج بعده ما اختفى وهذا اللي مخلنج ما تقدرين تقولين كلام الحب لزوجك ومن غير في التلفون ترسلين لانج ما راح تشوفين وجهه ولا ردت فعله تخافين لو قلتي احبك يضحك عليج او تجرحج نظرته ...................
اعتقد انج محتاجه استشارات عند الاستاذه عشان تعيدين بناء ثقتج بنفسج يعني قول احبك وانتي واثقه منها و خلج قويه يعني مهما صدر منه لا تهتمي وراح تلاقين انه راح يستانس فيها انشاء الله

 

[صــدى الصمـت]

تعبرين عن اي مشاعر الحب!!!

كيف تعبرين بها وانتِ مب مقتنعه انه يستاهل منك هالكلام وهالمحبه

وحاطه حاجز هالخيانات بينك وبينه !!!

يالغاليه انتي اول شئ صفي قلبج من ناحيته والكلام بدون تصنع بيطلع من لسانك لانه قلبك هذيك الساعه بيصرخ بها

 

[القلب الكبير]

رد : علموني كيف اعبر عن مشاعري...

كلام الخوات حكاويناو صدى الصمت لا يعلى عليه

تدرين انا قبل مثلك تماما .. بدأت ارسل مساج بالاول .. ثم بالتدريج اوصفله شعوري و انا اكلمه بالتلفون .. تدرين حتى كنت اغمض عيني بقوه عند قول هذه الكلمات
.. ثم بدأت اقولها في الاوقات الحميمه .. اما الآن الحمدلله الله فتحها علي .. و صار اهوا اللي يبدي بالكلمات هذه و اذا ما رديت عليه يسألني اشفيج ما قلتيلي شي اليوم ؟!

و اهم خطوه تعملينا انك تاخذين نصف ساعه باليوم اتكونين بجو هاديء و مرتاحه و تجلسين بغرفه لوحدك مع صوت موسيقى هادئه او اي صوت تعشقينه و يعطيك شعور بالراحه .. و تتخيلين زوجك بأوضاع جميله و كلمات جميله ... او تتذكرين مواقف جميله حصلت لك او حتى مواقف تتمني ان تحصل بينك و بين زوجك ... ( يجب التركيز بقوه على هذه التخيلات )

والله انا جربتها لمده اسبوع .. شوفي تأثيرها عليك و على نفسيتك و علاقتك مع زوجك .. و دايما يا حبيبتي خلي الافكار الحلوه و التفائل ابالك .. ولا اتنكدين على عمرك باشياء انتهت و راحت و اصبحت من الماضي

بالتوفيق انشالله

 

[umm_reem]

رد : علموني كيف اعبر عن مشاعري...

حكاوينا
انا فعلا بروح عند الاستاذه ناعمه عقب العيد..عشان اعالج هالمشكله...لكن حبيت استفيت من تجاربكم..ونصايحكم....

تعتقدين ان هالمشكله لها علاقه بالثقه بالنفس؟؟؟وترى فعلا جرح الخيانه تخيليني استخسر فيه المشاعر



صــدى الصمـت...
مشكوره اختي عالنصيحه..وفعلا اذا الكلام مابيطلع من القلب ماراح يوصل اصلا..لكن انا اتكلم عن المرحله اليايه...ان شالله بفتح صفحه جديده...بعد ما احس اني اقدر اعطي...




القلب الكبير


مشكوره ياعزيزتي عالمشاركه..ومشكوره اكثر عالنصيحه والتجربه اللي ان شالله راح استفيد منها

 

[نسائيات]

رد : علموني كيف اعبر عن مشاعري...

طبعا اختي للخيانه دور كبير يخليج تستخسرين اقل القليل من المشاعر عليه تقولين اهذا ما يستاهل هذا يخدعني حتى يمكن ما يحبني يقص علي
وتحسين انه تعبيرج عن مشاعرج ضعف ممكن يستغله ضدج
اختي انتي محتاجه تثقين بنفسج اكثر وتكوني قوية

 

[umm_reem]

رد : علموني كيف اعبر عن مشاعري...

حكاوينا...ياعزيزتي انا واثقه من نفسي لكن مو واثقه فيه هو....

 

[الحنونه]

تعبرين عن اي مشاعر الحب!!!

كيف تعبرين بها وانتِ مب مقتنعه انه يستاهل منك هالكلام وهالمحبه

وحاطه حاجز هالخيانات بينك وبينه !!!

يالغاليه انتي اول شئ صفي قلبج من ناحيته والكلام بدون تصنع بيطلع من لسانك لانه قلبك هذيك الساعه بيصرخ بها

مثل مل قالت الخت صدى الصمت ولازم تتعدين هذي المرحله

 

[احلام ورديه]

الخيانه .. اااااااااااااااااااااااااااااه من الخيانه

شوفي يالغاليه اكيدفي شي غلط .. يعني اذا تاب بتحسين

وبعدين في البدايه يكون فيج شك و عدم ثقه ومع الايام تبدا الثقه ترد مره ثانيه

بس مو مثل اول .. اهم شي انج تكونين واثقه من نفسج وقويه وما تحسسيه بعدم الثقه

لأنه اذا حس بشي بتكونين في مشاكل انتي في غنى عنها وسلااااااااااامي​

 

[غيثية دلع]

الخيانة شي صعب بس الريال ما يفكر بعقله المهم عندة راحته أنا عايشة هاللحظة وحاسه فيك يا أختي

 

[رشروش]

الموضوع من 2006 ليش رجعتو تشاركو فيه والله غريبين

 

[مون لايت]

الله يعينج اختي ويفرج همج ............