علاج الحريم ( بين مأيد ورافض)

[شباصه ورديه]

السلام عليكم
ابي افتح موضوع مهم جدا يمكن البعض يأيدني والبعض يرفضه
وهو الطب العربي
يعني علاج الحريم للي دورتها مو منتظمه او اللي تبي تحمل
في بعضهم ماينفع معاهم علاج ودكاترة ومضادات ومقويات ويكونون اساسا مافي شي يمنع الحمل:no:

الصراحه انا ماجربت الطب العربي عند الحريم لكن الصراحه اعرف حريم وايد جربو ونفع معاهم والحمدالله
لكن في ناس يرفضونه ومو مأيدين هالشي ماني عارفه ليش يقولون خرابيط واشياء مو صحيحه

حبيباتي انا اؤيد هالشي يعني اذا مانفع الوحدة مايضرها وياما سمعنا عن حريم الله يجزاهم خير عالجو بنات وحريم والله يجزاهم خير
انا اتكلم عن اللي سمعته من صديقاتي والله
لكن ليش اكثر الناس الحين ينكرون الطب هذا مع انه اكيد ومعروف
الصراحه المفروض نفتخر بالطب هذا :clap:
لكن للاسف في ناس دخلاء على الطب هذا :icon28:وخربو على ناس وايد
المهم احب اعرف رايكم بالموضوع هذا؟
وتحياتي​

 

[عزة نفسي]

اذا كانت المعالجه عندها ذمة وضمير وفاهمه انا اشوف انها تفيد حتى في الحالات الصعبة
وش كثر القصص اللي تاءيد هالعلاج وعلى قولتك الله لا يحرمنا هالعلم

 

[أبرار سالم]

الصراحه أنا ما أؤيد أبد علاج الحريم .. اذا ما كانت دكتوره وعندها شهاده
نخاف منها ،، صحيح في علاج بالأعشاب وحريم أول كل شي يعرفون بس
الحين الدنيا تطورت وصار مجال العلم كبير فليش نتعب أنفسنا على جهل

راح أقولج سالفة قريبتي ،، تقول كانت تتأخر عليها الدوره وعندها أساسا ملف
عند واحده من الاخصائيات النسائيه بس هي حبت تجرب بعمرها لعلها تصيب
دخلت على المرأة في بيتها وتقول أنها طلبت منها تنسدح على الأرض وتحسس
جسمها من فوق الملابس فقط بالنظر
ماشاء الله المرأة عيونها أشعة ليزر>> بسرعه حددت المشكله وحلهااااا
قالت لها شوفي يا بنيتي انت عندج الرحم مقلوب تعالي أول يوم الدوره ولمدة 3 أيام
أعيد لج مكان الرحم >>> أسرع عمليه بالتاريخ :crazy:
المهم قريبتي صدقت وراحت في اليوم المشؤوم وقالت شفتوا الذبيحه لما تكون بيد
الجزار شنو عوار شنو صراخ ... تقول الله لا يبارك في ذاك اليوم ،،،،،
النتيجه الدوره انقطعت لمدة سنه ،،، تخيلوا الجهل لمدة سنــــــــــــــه ،، الله وأكبــــر
لما راحت للأخصائيه وأشتكت لها الحال وأن المره أضحكت عليها قالت حرام اللي سويته
بنفسج انتو لي هالدرجه جهل شوفوا السونار رحمج طبيعي ليش تتعبثون وتروحون
للحريم ،، وبعدين معروف حزة الدوره الرحم ضعيف شلون تروحيلها وتضقط عليه ،،،،

أضع هنيه تجربتها علشان بس تعرفون أن مو كل مره تسلم الجره والحمد لله على العافيه​

 

[شباصه ورديه]

السلام عليكم

شكرا على مروركم العطر

اختي ابرار مثل مافي دكاترة زينين في دكاتره للاسف يصيبون المرأة بالعجز ومشاكل خطيرة

وهذا اقول لج من ناس اعرف

مثلا:

في ولادتي الثانيه ولدت عند دكتورة معروفه جدا

جدا وكثير يروحون لها علاج

لكن فاجاتني انسانه زارتني وهي موضع ثقة لما

قلت اسم دكتورتي المعروفه انصدمت وقالت انا

وصديقتي من عمر ولدنا مع بعض وجبنا بنات

وهي ولدت عندها وصارت لها مشاكل بالولادة

وكان لازم الدكتورة تعمل قيصرية عشان المرأة

تعبت حيل وزاد النزيف لكن تركتها الين انفجر

الرحم لاحول ولاقوة الا بالله وهي بكريه

ومن بعد بنتها ماشافت الضنا عقبها

وبنت انسانه اعرفها كانت تريد تحمل ولازم علاج

وعالجت عند دكتور معروف ((كنت اراجعه

واتوقع منه هالاشياء)لانه كبر وصار معروف

حييييل
وعطاها ابرة ماتناسبها والبنت طاحت غيبوبه

ورفض المستشفى حالتها ودزوها حكومه والقضيه

بالمحكمة والدكتور ولاهامه الموضوع

صدقيني اختي اعرف ناس وااااااااااااااااااايد

عالجوا عند حريم ((( ثقة ))) والله رزقهم

وكل انسان له وجه نظر

تحياتي​

 

[نايس هواوي]

زميلتي في المدرسه لها اكثر من 8 سنوات ماجابت عيال ولمار احت للمسشفيات مافادوها بشي بس راحت تدهن عند حرمه وقالت لها عندك ميلان في الرحم وبعدها حملت وجابت بنت وبعد البنت حملت وجابت توأم والحمدلله

 

[شباصه ورديه]

صحيح خواتي

مولازم نكون عالجنا عند حريم والحمدالله على كل شي

لكن احيانا كثيرة الطب ماينفع وعلاج الحريم يييفيد (حريم ثقة ويخافون الله)

شكرا عالمرور العطر

تحياتي

 

[أبرار سالم]

أختي الكريمه .. ذكرت في ردي السابق أن مو كل مره تسلم الجره وأكيد
اللي لهم باع طويل في العلاج العربي نجحوا في تجاربهم ولكن الحرص واجب
حتى الأطباء يقعون في الخطأ ولكن الفرق بينهم وبين الناس الشعبيين أن خطأ
الطبيب غير مقصود وتحميه شهادته وعلمه بس الناس الشعبين اذا أوقعوا الناس
في مرض أو بلاء يكون ذنبهم عظيم لأنهم عملوا التجارب من غير بينه وعلم ...!!

راح أذكر لج تجربتي الشخصيه مع علم الأعشاب والخطأ اللي أوقعت نفسي فيه

قبل جم سنه كان عندي شغف وحب لدراسة الأعشاب والبحث في أسرارهااااا
ومن كثر حبي وفراغي أحضرت معي كتب كثيره في الدوام وقلت أدرسها أحسن لي
من القيل والقال ،، طبعا عرفوا البنات اللي معاي نوع دراستي وقاموا يسألوني في
هذا المجال ولأني أعزهم وبينا صداقه كبيره أرد على أسالتهم ويا ليتني ما رديت
قام تزيد النسبه وصرت مشهوره عندهم وكأني صرت أخصائيه أعشاب وكل مره تجي
الوحده فيهم أنا عندي هالمرض شنو علاجه .. وأنا أفتح الكتب لهم وأجـــــــــــــــــــاوب
الحاصل ... ان جت مره وحده وقالت بصوت عالي انت شنو سويتي فيني قلت لج أبي
علاج لأن الدوره تتأخر وذكرتيلي( اليانسون ) ومن عقبها الدوره جتني مرتين بالشهر
قلت لها شوفي حبيبتي لا تصرخين أنا مثلكم كاتبه لاني طبيبه ولا شي
أنتم اللي سألتوني وأنا جاوبتكم من الكتاب مو من خبرتي فلا تحطون علي مشاكل أنا في غنى عنها .. وعقبها كرهت هذا العلم وصديت عنه فتره ..
لكن لأني حسيت فيه علم ممتع قمت أقراه وأتدارسه في البيت
وشنو أكتشفــــــــت ... من خلال كلام الدكاتره في الكتب ان الأعشاب مثل الأدويه المفروض نتعامل معاها بحرص .. يعني غلطتي وغلطة زميلتي أنها
شربت اليانسون طول الشهر والمفروض كميه معينه في أوقات معينه .. كذلك أكتشفت أن البذره المفروض نحللها نشوف هي ميته ولا حيه وهذه عن طريق الماء نختبر البذره ، كذلك تأخذ الأعشاب بالبذور مو مطحونه ، بس بعض الحريمــ الله يهديهم يعطونا الأعشاب مطحونه وهذا غلط لأنه الفائده اللي فيها تطير بسرعه فلازم نطحنها نفس الوقت ...
وفي مشاكل كثيره في تعاطي الأعشاب لو ذكرته ماراح أخلص ،،،،،


الخلاصـــــــــــه ::::

أن الحين في زمنا صرنا أكثر وعي وفهم .. وقبل لا ناخذ أي دواء سواء من الطبيب أو الناس اللي عندها خبره نسأل هذاالدوى شنو مكوناته ، شنو سلبياته .. هل هذا الطبيب أو الخبيره أهل الثقه ولا لاااااااا ...

سامحوني على هذه المداخلات بس حبيت أذكر سلبيات تجربتي في هذا المجال​

 

[شباصه ورديه]

السلام عليكم

اختي ابرار اشكرج عالرد

لكن ليما الحين مهما زاد علمنا نلجأ للعلاج الشعبي

مثال

النفاس:
لازم ادويه واعشاب مطحونه على اساس انها تفيد

وانا بصراحه ماعندي فكرة عن الاعشاب ( بس اخذ اللي اقدر عليه وقت النفاس وهو قليل)لاني اكره الاعشاب

واشياء وايد ماذكرها الحين

لكن حلو موضوع دراستج واهنيج عليه

ماتدرين يمكن نستفيد منج بالمستقبل ويصير لج صيت

مشكورة عالمرور العطر

تحياتي

 

[To0o0oFee]

حبيباتي انا والده ولي 31يوم مسويه عمليه تجميل ولين الحين ماطاحت الخيوط اللي من جوه ابي منكم مساعده وانا بروح لزوجي بعد خمس ايام بليزززززززز ابي الرد بسرعه