عقدة زوجي

[ريماس1181]

السلام عليكم وووووووووووووووووورحمة الله وبركاته
زوجى عنده عقده ملازمته من اول زواجنا وهى اي شى اطلبه منه يرد علي ويقول تبين تسيطرين علي (تشيخين على)عقدني من هاالكلمه كيف احصل علي الي ابي دون مايحس اني ابي اشيخ عليه وطبعا هاذى عقده زرعتها فيه امه منذو بداية زواجنا لاتخلي المرة تشيخ -وعصبى مزاجي لدرجة لا يوديني ولا يجيبني عشان هله والناس مايقولون شايخه عليه ابي الحل مع هاالرجال الله يوفقها ويفتحها في وجهها الي تدلني

 

[طبيبة أسنان]

لا حول و لا قوة إلا بالله .. والله يا حبيبتي حاولي تجلسين معاه و تقنعينه بأسلوب حلوو ان الزوج لو دلل زوجته مو معناته انك شايخة عليه ..

و حاولي بعد تمدحينه قدام اهله او اهلك وهو موجود ..

والله يسخرهـ لك و يصلحه و يهديه ..

 

[معشوقه]

أقول يا أختي من له حيله فاليحتال تعلمي تحتالين عليه في طلباتك يعني لا تطلبين بشكل مباشر و خلي لطباتك مبرر و يكون أفضل لو تحسسيه إن الطلبات من أفكاره هو نفسه ;-)

 

[مشكلتي حساسه]

هذا قبل الزواج شكل واحد ناصحه لاتخليها تشيخ عليك وسمعها بحذافيرها ...مااقول الا الله يعينك

 

[صاحبةعيالي]

هذي طريقة كيف تتقنين الاقناع بالإيحاء ونشاء الله اكون افدتك

http://www.niswh.com/vb/t33874.html

 

[الجذابه]

شاوريه في كثير من امور حياتك وخذي بكلامه واعطيه الثقه بشكل كبير وقولي له انك تتطمنين لشوره ومعجبه فيه بهالامر عشان اذا عطيتيه رأيك مايوصفك بهالصفه وان قالها لك قولي له لو ابي اشيخ عليك واتسلط عليك مااخذ رأيك بأمور كثيره بحياتي وتهمني بعد .. كان اسوي اللي ابيه بدون مااستشيرك ..

لكن انتبهي انتبهي انتبهي تاخذين برايه وبعدين تسوين عكسه ولا ماتنفذين شوره ..

طبعا انت شاوريه بشغلات تضمنين فيها انه يجيبك بالاجابه اللي تبينها عشان ترضين وترضينه ..

شاركيه حياتك وحسسيه بأن له مكانه مهمه بالنسبه لك عشان كل مايعايرك تذكرينه بمنزلته وتطمنينه وتقولين له انا مااعطيك رأيي الا عشان ابي اشاركك مثل مااحب انك تشاركني ..

وطبعا ان رفض لاتزعلين وتتضايقين بشكل مبالغ عشان مايفهمك غلط ويقول هذي تبي تمشي رأيها بسهوله .. خليك سهله وبيصير سهل معك بإذن الله ..

اما بالنسبه لرغباتك وكيف انه ينفذها اشرحي له ان هذي رغبتك وماله اي علاقه بالتسلط وحاولي ان بغيت شي منه انك تاخذين رأيه..

مثلا هاه وش رأيك متى تبيني اروح لااهلي انا ودي اروح لهم مثلا باليوم الفلاني وانت طبعا ماحددت بس تكسبين شورته وثقته .. وخليه يحدد وانت نفذي دام هالشي مايضرك ومع التدريب بيصير سهل معك ...


ولكن اهم شي طمنيه وقولي له انا احب الرجل اللي مثلك يعطينا رأيه بدون مايضر احد او يسيء له ..

خليه ينبسط عشان يبدأ في تنفيذ طلباتك ولايحاول يضايقك ويثق فيك ..

والله يوفقك ويسخركم لبعض ..

 

[ريماس1181]

الله يعطيكم جميعا العافيه علي مشاركتكم لي في هاالموضوع

 

[بـ سـ مـ هـ]

شوفي حبيبتي

اذا مثلا تبغين تروحين عند اهلك قولي يالله مالي نفس اطلع مكان اليوم حتى اهلي دقوا علي ومحتارة اروح عندهم اولا

يعني لا تطلبينه مباشرة وتقولون(( ابغى اروح عند اهلي))

والسوق اذا تبغين شيء قولي اذا لبستي شيء قدامه (( والله ناقصني ملابس دلع للبيت وكمان ملابس برا لكن قاعدة اقول نمشي كمان شوي علشان الميزانية))

قوليها وانتي تلبسين ولا تناظرين فيه يعني انك مو قاصدة

وبعدها بكم يوم قولي ودي ننزل السوق ناقصني ملابس دلع

واذا نزلتي خذي ملابس للبيت ولبرا كمان

االموهم لاتطلبينه مباشرة

 

[ريماس1181]

تسلمين حبيبتى بسمه علي الرد

 

[شمس حياتي]

هذي طريقة كيف تتقنين الاقناع بالإيحاء ونشاء الله اكون افدتك

http://www.niswh.com/vb/t33874.html

والله الموضوع أكثر من رائع عن نفسي أستفدت كتيررررررررررررر

أختي حاولي تدشين وان شاء الله خير

مشكوره أختي (صاحبه عيالي) أفادك الله وأكرمك

 

[مشتاقه للماضي]

انا نفس حالتج وحاولت اكثير بس صدقيني احس ماكو فايده لانه يسمع امه اكثير ومهما سويت وصلح الحال يقعد معاها مره يرد الحال مثل ماهو