عطوني حل مع هالمشكله

[دلوعه خجوله]

السلام عليكم
أنا بأدخل في الموضوع مباشرة
يابلقيسيات أنا لي متزوجه تقريبا سنه و9 شهور وساكنه عند حموله:8:
وما أدراكِ ما الحموله
المهم أنا بصراحه أعاني منهم ومن وحده من سلفاتي..
مواقف تصير لي وأنا المشكله ما أرد
وأكتم الغيظ بقلبي ولما أروح لأهلي أقولهم كل شي يصير وحتى صديقاتي المقربات لي أحكي لهم
وأنا لما أتكلم عليهم بعدين أتحسف أقول ليش أغتابهم وأعيش حاله نفسيه ثانيه
أخاف ربي يعاقبني مع العلم اللي يسوونه لي حمولتي كله خطأ وأشياء تخلي الواحد يطلع من طوره..
بس أنا أبي أغير ودي أطهر قلبي ما أبي أتكلم في الناس ولا أذكرهم لأحد بسوء الله يغفر لي ويتجاوز عني
الشيطان دائما ما يوسوس للإنسان
أرجوكم عطوني حل أترك هالعاده اللي ماصارت فيني إلا من بعد ماتزوجت

 

[غدا نلقى الآحبة]

عزيزتي بماانك عارفة غلطك واثم الغيبة فيجب ان تتوبي وتستغفري لك ولهم وتوقفي فعلك هذا فورا ..

ثم ان تتسامحي مع من اغتبتيهم ومو ضروري تقولي لهم انك اغتبتيهم وانما تطلبي ان تتسامحوا لاجل اجر التسامح والعفو او توصلي لهم بأي طريقة تلاقيها مناسبة ..

اما غيبتك وكلامك عنهم فهي بسبب القهر وعدم قدرتك على الرد عليهم ,,

و ان تكتمي غيظك فهذا شيء جيد ان احتسبتي الاجر وليس لانه ضعف منك .. و كتم الغيظ لايعني ان يهينوك وتتنازلي عن حقوقك بل ان اذوك او اهانوك ان تشجعي نفسك وتقوي شخصيتك وتردي عليهم باسلوب حسن يبين لهم غلطهم وسمو اخلاقك .. حتى لايبقى شيء بقلبك يقهرك وتكون النتيجة غيبة وكسب اثم ..

بعدين الزوجة الي تغتاب وتتكلم عن اهل زوجها امام الصديقات والناس تكون نظرتهم لها غير جيدة وفوق كل هذا الله يراك ويسمعك فانتبهي ..