عطوني حل تعبت منه حسبيييييييي الله

[المظلومه39]

يااخواتي وش اسوي مع زوجي الى الان معلقني تقريبا سنه وثلاث شهور الرسائل مايرد علي والمكالمات مايرد وش الحل وهو شمالي تعبت منه ولا ادري وش يبي يايرجعني لعيالي او يتركني . لا تقولون ارجعي انت هو اللي مطلعني وعنده زوجتان غيري ماذا افعل معه ابوي مايبي المحاكم وقد كلمنا ابوه مرتين والى الان ساكتين انا ابي اعرف وش يبي ؟حسبي الله على كل ظالم الله لا يوفقه بالدنيا

 

[الجواااان]

طيب خلي امك تكلم امه تقول ولدكم رجال ويعرف الاصول يايرجعها او مع السلامه مو يخليها كذا معلقه

 

[المظلومه39]

طيب خلي امك تكلم امه تقول ولدكم رجال ويعرف الاصول يايرجعها او مع السلامه مو يخليها كذا معلقه

اول المشكله انا كلمت امه ونسيت وش قالت بالضبط وامي ماابيها تكلمه لان امي تعبانه فيها سكر وضغط . حتى لو كلمنها مااتوقع تفيد بشي ,

 

[nany2009]

الله ييسر امورك يا عمري
ويفرجها عليك
اكثري من الدعاء وان شاء الله ربي بيبعتلك الحل وجربي توسطي اي شحص اما يردك او انفصال بالمعروف لكن حرام كده يعلقك
حسبي الله علي كل ظالم

 

[ƹۣۗжۣۗʒقلب عبود]

الله يسهلك امورك وارسلي له مسج وش النهايه ماتبيني مابيك ...

 

[ƹۣۗжۣۗʒقلب عبود]

اكتبي له بمسج ترى من باعني بعته وانا ترى ما تصل الا ابي النهايه ..

وابي احط حد للي صاير ...
انا عارفه اني مالي قدر عندك بس عيالك مالهم قدر بعد.. واعتقد مالهم قدر لو لهم ماتطنشهم سنه وثلاث شهور..


اللي ابيه منك اما امساكن بمعروف او تسريحن باحسان


يا انك تحط حد للي يصير ..او المحاكم بيننا انا قلت ابو عيالي ومابي امرمطك واجرجرك قدام

الناس من قااضي لقااضي .. بس الظاهر انت تبيها

معليش تحمست <<<

 

[المظلومه39]

اكتبي له بمسج ترى من باعني بعته وانا ترى ما تصل الا ابي النهايه ..

وابي احط حد للي صاير ...
انا عارفه اني مالي قدر عندك بس عيالك مالهم قدر بعد.. واعتقد مالهم قدر لو لهم ماتطنشهم سنه وثلاث شهور..


اللي ابيه منك اما امساكن بمعروف او تسريحن باحسان


يا انك تحط حد للي يصير ..او المحاكم بيننا انا قلت ابو عيالي ومابي امرمطك واجرجرك قدام

الناس من قااضي لقااضي .. بس الظاهر انت تبيها

معليش تحمست <<<

يعطيك الف عافيه والله انك صادقه بس مافهمت لو لهم ماتطنشهم سنه وشلون قصدك عيالي . عيالي عنده وليس عندي . مااقول الا الله يوفقك

 

[ƹۣۗжۣۗʒقلب عبود]

ايه اقصد عياله يالله وليه عنده ؟

كم اعمارهم ..

 

[المظلومه39]

ايه اقصد عياله يالله وليه عنده ؟

كم اعمارهم ..

انا خليتهم عنده اكبرهم 9 سنين . صعب اخليهم عندي مسؤليه وامي وابوي مايتحملون ازعاجهم ولا عندي احد يوديهم للمدرسه احسن شي عند ابوهم خليه يتحملهم .

 

[جودي@]

شرفي علية رجال ابوك واعمامك او اخوالك وخليهم يروحن لابوه (عمك) في بيتة ويحسمون الموضوع ويشوفون اخرتها مع زوجك اللة يعينك

 

[ƹۣۗжۣۗʒقلب عبود]

الله يسهلك امورك ...

 

[مايصحش هالحتسي]

الله يفرجلك همك وكربتك ادعي ربك واستغفري
وخلي احد من اقاربك يتوسط مابينكم اما ترجعون ولا كل واحد بطريق

 

[المظلومه39]

شرفي علية رجال ابوك واعمامك او اخوالك وخليهم يروحن لابوه (عمك) في بيتة ويحسمون الموضوع ويشوفون اخرتها مع زوجك اللة يعينك

جزاك الله خير الله يعافيك . ان شاء الله ابحاول مع ابوي يكلم ابوه حسبي الله عليه من رجل

 

[المتغيرة للأفضل]

الله يعينك أختي خلاص انت لاتكلميه خلي ابوك يرسله احد من الناس الي يحترمهم زوجك ويكلمه بموضوعك اما امساك بمعروف او تسريح باحسان اما يخليك كده معلقه فهذا حرام ابوك المفروض يتحرك وينادي ابوه ويشوفولك حل .الله يوفقك اختي ويصلح بينك وبين زوجك

 

[حصاد الالم]

الله يكون بعونك

عليك بالدعاء وكثرة الاستغفار

 

[شوفتك جنتي]

ايه كلام البنات صح لازم الموضوع هذا ينحسم جمعي اهلك وعزوتك وخليهم يروحوله
يا امساكن بمعروف ولا تسريحا باحسان
وعيالك انسيهم هو مكلف فيهم خليهم معاه وانتى عيشي حياتك
ويمكن يتقدملك ابن الحلال الي يقدرك ويحبك
انا ادري ان الاولاد كسرت ظهر بس والله راح يعيشو مع ابوهم احسن
انا قريب راح اكتب قصتي مع ابوي ومع زوجت ابوي ومع امي
اتمنى انك تقريها وبعدين راح تشوفي ان ربك رب كبير وعظيم مايضيعك ولا ينساكي
ثقي في الله تماما وارمي حمولك على الله
ولا اوصيكي الصلاه والاستغفار

 

[المظلومه39]

هلا اخواتي ارسلتله رساله امس ولا رد واليوم ارسلت وقلتله الى متى وانت معلقني قال قرب الفرج ان شاء الله قلتله وش قصدك بقرب الفرج ولا رد علي . وش تتوقعون يابنات من رده . وقد ارسل لي قبل كذا نفس الكلام