ذكريات جميلة
New member
- إنضم
- 14 نوفمبر 2008
- المشاركات
- 15
السلام عليكم ورحمة الله وبركاته
حبيت أخبركم مشكلتي وإن شاء الله أحصل اللي يفيدني في حلها ( وأكيد ما بتقصرون )
أنا متزوجة من خمس سنوات تقريبا ،تزوجت عن حب ، وعندي طفلين ، عايشة مع أهل زوجي للآن ومرتاحة معاهم الحمد لله..
مشكلتي في زوجي وطبعه اللي للحين ماني قادره أغيره واللي ما قادره أستحمله بعد ، زوجي عصبي جدا لدرجة انه يقول لي اي كلام وقتها بدون مراعاة لشعوري ، يعني عادي يهيني ويجرحني بالكلام حتى قدام أهله أو اي أحد، أو حتى في الشارع ، مع اني أحاول دايما اني أبعد عن كل شي يخلي يعصب ، والله اني حتى صرت اخاف من اي كلام أقوله بس علشان مايعصب ، ما آخذ راحتي في الكلام أبدا وخاصة اذا طلبت منه طلب .. وياريت يعصب على أشياء تستاهل .. يعصب على اشياء تافهة لاتذكر :no: والله يخليني أكره عمري وأكره العيشة معاه .
إذا كلمته في الموضوع طبعا بالليل يوم يكون رايق شوية ، أقوله انه لازم تثمن كلامك قبل لا تقوله واحترمني شوية قدام الغير، يقولي خلاص إن شاء الله ، لكن دون ن جدوى ..
مشكلتي الثانية يا أخوات في برنامج زوجي اليومي واللي أكون فيه أنا في المرتبة الأخيرة ،
يعني طبعا الصبح في الدوام واذا ما في دوام يكون راقد ، والظهر يطلع يروح العزبة أو المزرعة ، والشغل فيها من هواياته المفضلة ، ويقضي كل الوقت فيها للمغرب ، يرجع البيت يقعد شوي مع عياله وأهله ويطلع بعدها عند الربع في المقهى ويرجع للبيت الساعة 12 على حسب القعدة ، المهم انه نادرا جدا اذا يوصل قبل هالوقت ، وأنا بس قاعدة أنتظر متى يدخل علي الغرفة ، مع العلم انه اخوانه متزوجين بعد ومعنا في البيت بس مسويين ألف حساب لحريمهم ،أما زوجي فأهم شي عنده الربع وطبعا السفر ضروري معاهم كل سنة ، مع اني أزعل وأعصب عليه عشان ما يسافر لكنه ما يسمعني ..
اذا طلبت منه شي عادي بيوديني لكن بحدود الامارة اللي ساكنه فيها ، يعني ما يوديني بعيد أبدا عشان ماتضيع أشغاله في شي فاضي ، حتى مرة ولده كان مريض وخبرتني ربيعتي انه في دكتور وايد ممتاز بس بإمارة ثانية ، تخيلو ما رضى نروح لأن المكان أونه بعيد وأخذه على دكتور قريب منا ، كأنها الامارة الثانية بالهند ..:no:
مطلع لي روحي ، انتو تعرفون كل وحدة تحب تطلع طلعات محترمة مع ريلها ، وخاصة انه امارتنا ما فيها أشياء كثيرة نروح لها ، وطبعا زوجي المصون ما يحب ياخذني مكان بعيد ، واذا أخذني مرة ، بعد صياح وزعل وهواش ، وبعد لازم تتأجل السيرة عشرين مرة .. وبعدين نروح
تعبت من الكلام مليت يوم أكلمه يقول لي خلاص بتغير .. لكن يومين بس وترد ريما لعادتها القديمة ..
ماني عارفة شو أسوي مع هالإنسان :sad_1:
ساعدووني الله يخليكم وإن شاء الله في ميزان أعمالكم
حبيت أخبركم مشكلتي وإن شاء الله أحصل اللي يفيدني في حلها ( وأكيد ما بتقصرون )
أنا متزوجة من خمس سنوات تقريبا ،تزوجت عن حب ، وعندي طفلين ، عايشة مع أهل زوجي للآن ومرتاحة معاهم الحمد لله..
مشكلتي في زوجي وطبعه اللي للحين ماني قادره أغيره واللي ما قادره أستحمله بعد ، زوجي عصبي جدا لدرجة انه يقول لي اي كلام وقتها بدون مراعاة لشعوري ، يعني عادي يهيني ويجرحني بالكلام حتى قدام أهله أو اي أحد، أو حتى في الشارع ، مع اني أحاول دايما اني أبعد عن كل شي يخلي يعصب ، والله اني حتى صرت اخاف من اي كلام أقوله بس علشان مايعصب ، ما آخذ راحتي في الكلام أبدا وخاصة اذا طلبت منه طلب .. وياريت يعصب على أشياء تستاهل .. يعصب على اشياء تافهة لاتذكر :no: والله يخليني أكره عمري وأكره العيشة معاه .
إذا كلمته في الموضوع طبعا بالليل يوم يكون رايق شوية ، أقوله انه لازم تثمن كلامك قبل لا تقوله واحترمني شوية قدام الغير، يقولي خلاص إن شاء الله ، لكن دون ن جدوى ..
مشكلتي الثانية يا أخوات في برنامج زوجي اليومي واللي أكون فيه أنا في المرتبة الأخيرة ،
يعني طبعا الصبح في الدوام واذا ما في دوام يكون راقد ، والظهر يطلع يروح العزبة أو المزرعة ، والشغل فيها من هواياته المفضلة ، ويقضي كل الوقت فيها للمغرب ، يرجع البيت يقعد شوي مع عياله وأهله ويطلع بعدها عند الربع في المقهى ويرجع للبيت الساعة 12 على حسب القعدة ، المهم انه نادرا جدا اذا يوصل قبل هالوقت ، وأنا بس قاعدة أنتظر متى يدخل علي الغرفة ، مع العلم انه اخوانه متزوجين بعد ومعنا في البيت بس مسويين ألف حساب لحريمهم ،أما زوجي فأهم شي عنده الربع وطبعا السفر ضروري معاهم كل سنة ، مع اني أزعل وأعصب عليه عشان ما يسافر لكنه ما يسمعني ..
اذا طلبت منه شي عادي بيوديني لكن بحدود الامارة اللي ساكنه فيها ، يعني ما يوديني بعيد أبدا عشان ماتضيع أشغاله في شي فاضي ، حتى مرة ولده كان مريض وخبرتني ربيعتي انه في دكتور وايد ممتاز بس بإمارة ثانية ، تخيلو ما رضى نروح لأن المكان أونه بعيد وأخذه على دكتور قريب منا ، كأنها الامارة الثانية بالهند ..:no:
مطلع لي روحي ، انتو تعرفون كل وحدة تحب تطلع طلعات محترمة مع ريلها ، وخاصة انه امارتنا ما فيها أشياء كثيرة نروح لها ، وطبعا زوجي المصون ما يحب ياخذني مكان بعيد ، واذا أخذني مرة ، بعد صياح وزعل وهواش ، وبعد لازم تتأجل السيرة عشرين مرة .. وبعدين نروح
تعبت من الكلام مليت يوم أكلمه يقول لي خلاص بتغير .. لكن يومين بس وترد ريما لعادتها القديمة ..
ماني عارفة شو أسوي مع هالإنسان :sad_1:
ساعدووني الله يخليكم وإن شاء الله في ميزان أعمالكم