يعطيج العافية موضوعج وايد مفيد ...
انا بقولج عن خططي ... في بعض منها من النقاط اللي ذكرتيها ...
راتبي الشهري ... قسط للسيارة وقسط حق جامعة اخوي ومصروف حق امي واخوي
يبقى منه ولله الحمد احطيه ولا امس منه شي ... وحاولت اسوي تجارة واكسب ولله الحمد وماشي موضوعها يعني لي دخل ثاني ...
ناوين نبني وعندنا 3 اراضي بس مواقعهم ما تنفع كنا ناويين نشتري ارض في مكان زين بس صدر مرسوم توزيع الاراضي حق الحريم فتريثنا وقلت حق زوجي نطلع من هالشقة الكبيرة ونسير شقة اصغر قيمتها اقل ونوفر ... والحمدلله الحين انتقلنا شقة اصغر قيمتها اقل ...
فواتيرنا ندفعهم اول بأول التلفونات والكهرباء والماي عشان ما تتجمع علينا الديون ...
كان علي دين لثلاثة اشخص والحمدلله رديتهم باقي دين واحد باجر برده وكذا تخلصت من ديوني ... وعلى شهر خمسة القسط بيخلص وكذا بيزيد المدخول ولله الحمد ...
احتياجاتنا وسفراتنا الحمدلله ما نبخل على بعض بس كله من فلوس التجارة اما معاشاتنا نخليها لامور ثانية وداشين جمعية ونحصل منها مبلغ محترم ...
وبعد بندش جمعية اكبر هالمرة عشان نبني ...
والحمدلله على كل حال مع هذا مو باخلين على انفسنا لا في اللبس ولا في الشرب ولا الطلعات والنعمة ظاهرة على وجيهنا ...
اتمنى اني افدتكم ...