عروس. ولكن!!!!!

[Ladyy]

بسم الله الرحمن الرحيم
شخباركم بنات ؟؟
بدش بالموضوع على طول أنا متزوجه من سنه وخمس شهور
بدايةً تزوجت من واحد خارج جماعتنا وشافني نظرة شرعيه
ووافق تم الزواج بس اللي لاحظته انه مايتقرب مني كثير
يعني تخيلوا بشهر العسل ماجاني غير خمس مرات بس!!!
وبعدين صار يقعد كل اسبوع مرتين بعدين كل أسبوعين بعدين
كل شهر وكل مالها وتزيد المدة لين صارلنا الحين 7شهور مالمسني
حتى لمسه مع أني البس واكشخ والحمدلله أنا حلوه
وجسمي بعد بس الحمدلله على كل حال
كلمته كثير عن هالوضع طبعا ماصرحت بس لمحت وقال
انه شي عادي وفيه ناس كثير مثله ومع الايام يتغيرون
وغير كذا مايحب اهلي ولا يحب طاريهم ولا احسه يحبني بعد
لاتقولون لي سحر والا عين والا مدري شنو رحت وإياه لشيخ
وقال مافيكم شيء والشيخ يعرف اخوي دق عليه وقاله هالرجال
مافيه منه امل تبي نصيحتي خلها تشوف حياتها مع غيره
دامها صغيره.
شالحل يابنات قسم بالله احس أني بموت من الهم والتفكير

 

[مشاعر جنوني]

الله يعينك ياقلبي استخيري وربي ينور لك دربك

 

[خافيه غلاها]

لاحول ولا قوه الا بالله ماحبيت ادخل الموضوع وماارد
لكن عليكي بالدعاااااااااااااااااااااااااااااااااااااااااء و الله مافي شي صعب ع ربنا لكن الحي بالدعااء
عسى ربي يفرج همك يااااااااارب

 

[انوا رة الرياض]

ليش تعتقدين مايحبك يمكن يحبك لاكن مريض انتي استخيري وناقشيه في وضعكم قبل لايصير عندك اولاد الله يوفقك 0

 

[الامل باالله]

لاحول ولاقوة الاباالله
الله يكتب لك مافيه خير يااااارب

 

[MS.HNO]

ربي يفرج همك يااختي

 

[ملآمح طآغيه]

الله يفرج لك همك
وينور لك دربك
ويسعدك
ويكتب لك الخيره في امرك

ياحي ياقيووووووووووووووووووم​

 

[دافئة القلب]

شي غريب صراحه بس انتي اقري البقره كل يوم واستغفري ربي وادعي لاتيئسين روحي شيخ ثاني ماانتي خسرانه شي ترا مو كل المشايخ متمرسين ويعرفون صدقيني اذكر وحده اعرفها كانت مسحوره سحر تفريق ولما راحت لشيخ قال لزوجها زوجتك مافيها شي مريضه نفسيا وراحت شيخ ثاني والحمدلله ربي فك سحرها حتى الله يكرمكم استغفرت السحر بعد رقية الشيخ
لاتتسرعين بانك تتركينه مع ان سنه وخمس شهور كافيه انه يتأقلم معك
استخيري ربي قبل اي خطوه تقدمين لها

 

[Ladyy]

مشكووورين ياللي رديتوا علي الله يوفقكم ويسعدكم
بس والله استخرت واستغفرت كثير حتى سورة البقرة
قريتها شهر كامل والرقيه بعد استمريت عليها فترة
طويله بس والله تعبت خايفه حيل يضيع شبابي
بدون سعاده وراحة بال ولاحتى عيال.

 

[أسطورة قمر]

استخيري والله يكتب لك اللي فيه خير

 

[Ladyy]

بنات أنا أستخير بس المشكله مااحس بشيء
شسوي تعبت وربي تعبت
يارب رحمتك يارب

 

[*999*]

الله يفرج همك

 

[محبة مكة]

ادعي الله انه يقرب بينكم ويؤلف بينكم
وانتي حاولي تسوي لو اكلات
مرة حلى ومرة مالح
وشوية فصففص ومكسرات
حاولي تتقربي منه
واقرئي عن نمطه

 

[محبة مكة]

بس انك تتطلقي منه لا
لانه ممكن تتزوجي واحد اخس منه
ادعي الله في سجودك انه الله يسخره لك

 

[حلمي أنا]

الله يصلح حالكم يارب
اسمعيني اول شي استخيري عارفه بامرك بالانفصال او الاستمرار
وتاني شي ادعي ربنا من قلب بكل وقت وبصلاه الليل انه يكشفلك سبب بعد زوجك عنك
قولي يارب اكشفلي وجوه الحقائق
واستمري على قراءه سوره البقره
واستغفري ربنا كتير
لاتقولي سويت ومافي فايده استغفر الله ربنا مايضيع عمل احد
لمن تدعي خلي كل اعمالك خالصه لوجه الله
وحابه اعرف شي ايش السبب الي خلي الشيخ يقول لااخوك ده الكلام
اذا انتي تعرفي السبب وقوي تعرفي تقرري
واذا ماتعرفي انصحك تسالي لانه ممكن يكون بزوجك شي والشيخ يقول مافيكم
وكمان دوري عن السبب الي مخلي زوجك بعيد عنك
امكن اتصرفتي تصرفو ازعجه منك او اي شي تاني المهم دوري على السبب

 

[Ladyy]

أهلين. حبايبي مشكورين
بس والله أنا ماقصرت كل يوم البس واكشخ وبيتي
نظيف وانا بعد وطبخي حلو الحمدلله
مرات اقرب منه وحنا بالصاله يبتعد ويبين عليه
انه متضايق وحتى لما اقرب منه بالفراش يبتعد
اما الشيخ ياقلبي قلت لاخوي يسأله عن السبب
بس الشيخ قاله هذا مافيه لا عين ولا مس ولا سحر
اتوقع اللي فيه شي عضوي
ااااااه بس احس لو استمريت معاه على هالوضع
بخسر صحتي وبشرتي وشعري وكل معالم انوثتي
اللي تحاول جاهده أني أحافظ عليها
ربااااااااااه ارحمني واكتب لي الخير حيث كان
يارب يارب يارب

 

[وحيده في دنياي]

لو اني منك اشوف اللي يحبني ويسترني عن الحرام

الله يفرج همك

 

[ابي اسجل وبسس]

الله يعينك اختي
انتي استخيري وربي راح يكتب لك اللي فيه الخير
واكثري من الاعمال الصالحه
والله يوفقك

 

[الخنساء المعاصر]

انصحك تجلسي معه جلست مصارحة هل يبادلك الحب وما الاشياء التي تبعده عنك
وسبب كرهه لاهلك واحرصي على تاجيل فكرة الحمل الى ان تعرفي مشاعره تجاهك

 

[كحولة]

قعدي معاه وناقشيه بكل صراحه ، قوليله اذا كنت ما تبغيني قوللي وكل يروح لحال سبيله ، ما تنجبر روح على روح ، هذا اذا كنتي حاولتي قبل انج تتقربين منه بكل الوسائل ومافي فايده في هذي الحاله افضل شي المواجهه ولكن باسلوب طيب وعقلاني. الله ييسر امرج