عروس الغفلة ... بأمس الحاجة لكم

[~عيون الريم~]

السلام عليكم



إلى جميع اخواتي الي شاركوني همي طوال الشهرين الماضية


الى كل وحده دعت لي


وارسلت لي على الخاص تسألي اش جديدي


ارفع اكفي الى السماء وادعوالله ان يوفق لكل منكن بحياتها


ويسعد قلبها


ويفرج همها


ويحقق الي ببالها



ولكل الي مو عارفين بقصتي


انا عروس الغفلة لي 10 شهور من زواجي


عشت مع زوجي 8 ش


وشهرين ببيت اهلي بسبب ضرب زوجي لي بدافع الغيرة والشك


زوجي ولله الحمد يحبني وانا احبه


لكن الغيرة دائما سبب مشاكلنا



جديدي .....



ان زوجي الي ما كلم هذي الفترة ولا ارسل


اخيرا ارسل يوم الجمعة الي راح على جوال ابويه وامي هذي الرسالة



( السلام عليكم .. حيث اني بعت كامل اثاث الشقة ... وحيث ان المشتري سيأتي الخميس القادم لاستلام الاثاث


وحيث ان لأبنتكم ملابس وكتب ... لكم اسبوع لأخذها والمفتاح جاهز متى ما تبغون)



أنا صدمت!!!!


زوجي الي تاركني كل هالمدة


ارسل هالرسالة ؟!!



ردينا (انا احنا جايين بكره ناخذها وقلنا لك من ثاني يوم طلعت فيه بنتنا انا نبي اغراضها)



المهم رحت انا وامي وابويه عشان ناخذ الأغراض



وقفنا قدام الشقة الي انكتب عليها (شقة للإيجار)


ونزل زوجي من سيارته قدامنا


أول ما شفته حسيت بحنين..خوف..حزن.. ....مشاعر مختلطة صعب اوصفها



دخلت شقتي

شميت فيها ريحة حلوووووووووة


ريحة زوجي..بيتي..مطبخي..ذكرياتي..



تحسرت على كل شي


اثاث جديد


ملابسي بأوراقها


التحف


المطبخ الي لسى جديد ومواعيني الي اغلبها ما استخدمتها



واكيد اول شي على نفسي الي لسى عروس



امي شافت زوجي

في وضع وصفته بحزن شديد


وتقول شكله كان يبكي



أخذت اغراضي كللللللللللللها


وطلعنا

كنت طوال الطريق ادعي


ان الله يرده لي ردا جميلا


ان كان لي بحياتي معه خير



وصلت البيت

على طول على غرفتي بكا وشلال دموع غير منقطع

خاصة لمى شفت صور زواجي



بعدها قمت توضيت وصليت ركعتين


دعيت الله فيها بالخيرة والقناعة والصبر والرضا



فتحت الايميل حصلت زوجي داخل متاح


وغير النك نيم الي كان حاطه قبل إلى اسمه الحقيقي


وشال التوبيك الي كان يغثني فيه طوال الفترة الماضية


ماهمني لو غيري ياخذ مكاني .....بقايا صيد الذيب ما تاكله غير الكلاب



سبحان الله ماادري كيف تشجعت ودخلت وكلمته!!



كتبت له:



السلام عليكم


أخيرا غيرت التوبيك


من زمان كنت حابة اتفاهم معاك


لكن هالتوبيك كان حاجز بينا


وهو يناقض صفاتك الرجولية الشهمة



قال : اش تقصدين



قلت : انت الزوج الأبي الغيور .. ترضى بكلب يحل مكانك


وعلى فكره انا بعدك ما بأبور



الحمد لله جمال وعلم وادب


وكتبت له قصت ام سلمة لما بكت موت زوجها


فقالوا لها: ادعي بهذا الدعاء ...(اللهم اجرني في مصيبتي هذه واخلفني خيراً منها)


قالت : ومن هو خير من ابي سلمه


فأبدلها الله من هو خير منه وخير الخليقة كلها .. رسول الله عليه الصلاة والسلام


مو كلب!!!!!!!



قال :وانتي دعيتي بهالدعاء


قلت : اكيد



قال : خلاص انا والله ما بذكرك الا بكل خير ولي رجاء..احذفيني من الايميل وانا باحذفك



قلت :طيب لكن بسألك بالله وتجاوبني



قال : لا تسأليني بالله يمكن مااقدر



قلت : تقدر... سألتك بالله العلي العظيم انت حبيتني بيوم من الأيام



قال : يشهد الله اني غرقت في حبك..


واني حبيتك حب ما حبيته لمخلوق


انا اشوفك في كل مكان


اشوفك بكل حلم احلمه


انادي بنات اخوية باسمك ..



المهم يابنات بكى

وما قدر يكمل وقطع الاتصال وقال بارجع احادثك بعد ساعة



بعدها صار يسترجع كل ذكرياتنا بتفاصيلها .. وصف فضييييع


اكتشفت فعلا انه يحبني وانه ما نسيني



وصار يحادثني ب6 ساعات

يروح الوقت ما نحس فيه


وكانا لسى بايام الملكة


وكله كلام حب وهيااااام



الجديد...


1- قالي لازم نتقابل عند الشيخ (ابوك يجيبك.. وانا باسبقك)


2 - اعترف انه مريض بالغيرة والتأثر باي قصة تسير للناس ..ويخاف انها تصير لنا ...قال اسألي لي عن أي مركز ارشاد زواجي ونروح مع بعض




وعاهدني يحاول يتغير .. ويقول انا سعادتي معاك .و باسوي المستحيل المهم نعيش مع بعض




المصيبة............



لمى سألته وين بنسكن بعد ما سلمت الشقة


قال ببدروم عند اهله الى ان يعلي بيت اهله !!


والبدروم انا اعرفه غرفة نوم وحمام وشبه مطبخ وصاله فقط...


علما باني قبل ما ازعل منه عند اهلي استاجر دور كبير بحوش كبيييييير ودفع الفلوس وكنا بننقل بالأسبوع الي طلعت فيه عند اهلي




انا انصـدمت !!!!!!!!



قلت: كيف بكرة بيجينا اطفال وين نحطهم



قال عادي



المهم يلف ويدور يبغى ياخذ عليه كلمة اني متضايقة من سكني عند اهله



قلت له: انا شرطت عليك بعقد الزواج شقة



قال: هذي شقة



قلت : لا تحت الأرض وما تكفينا



قال : بسألك لو ما عندي الا هالبدروم مابترجعين لي بسببه؟؟؟



قلت : والله لو انك ما تقدر لأعيش معك لو بغرفة أو خيمة حتى .. لكن انا وانت موظفين وعندك محلات واراضي وخير الحمدلله


عشان كذا ما باعذرك



قال : يصير خير



يابنات .... اهله لعبوا براسه خلوه يسلم الشقتين.. ويسكني عندهم بالبدروم


وبدل ما نعمر بيت مستقل لوحدنا زي ما اتفقنا ... يقول بيعلي بيت اهله ونصير فوقهم


طبعا انا كنت باساعده بالفلوس النص بالنص مقابل انه يكتب نص البيت باسمي ...لكن الحين نعلي بيت اهله ؟!!! مستحيل ادفع ريال..


وبنجلس كل الفتره هذي ببدروم؟؟ّ



بنات ساعدوني



كيف اقنعه؟؟؟؟


.. علما بانه يقول : لو انك تحبيني ترضين باي شي ..المهم تكونين معي



ويقول: اجلي سالفة السكن الحين..خلينا نروح للشيخ ونروح دورات ارشاد



قلت: اول شي تعال عند ابويه وتعاهد قدامه انك تحاول تتغير وما تزيد تعيد الضرب والشك ..



قال: طيب



انا مرررررررة محتارة وماادري انا صح او غلط اني اكلمه من ورا اهلي


وكيف اقنعه بالسكن؟؟؟؟؟

 

[~عيون الريم~]

رفع
وينكم بنات

 

[نــور عـيـونـه]

اللي تسوينه صحييييح 100%

يا أختــي انتِ و زوجك تحبوون بعض وهو سمع لأهله بمافيه الكفاااااية وافترقتوا وبعدتوا عن بعض واتعبتوا قلوبكم انتوا الإثنين..

حبيبتي الآن زوجك ندماان وهذا هو يمد يده لك ويطلبك تروحون لشييخ وتروحون لمركز إرشااد يعني يبغى يتعاااالج لأنه شااااريكِ ومستعد يعمل المستحيل حتى تعيشون بسعادة..

بالنسبة للسكن في البدروم طبعا هذا شيء مو مقبول وهو الآن يبغاه لأن اهله زنوا علييييه واقنعوووه بالسكن فيه..

لكن لاتنسيين إنكم بتشوفون إستشاريين أسريين وهنااك خبريهم بهذا الموضوع وهم بيحلون المسأله معاه يعني بيفهمونه كيف لازم يحط حد لأي احد يتدخل في حياتكم سواء من أهله أو أهلك..

يا أختــي حبكم كبيير ما شاء الله أنصحك تعطينه فررصـــة ولاتتخلين عنه بسهوله هذه المرة طالما إنه متحمس ويبييكِ..

بالنسبة لأهلك علميهم بالهداوة وقولي لهم إنكم بتروحون لشيخ علميهم إنكم شاريين بعض و إن زوجك صاادق وجااد..

صدقيني بيرضون لأن مافي أهل يبون الطلاق لبنتهم أكيد يحبون يشوفونك سعيده ومستورة ببيت زوجك..

عليكِ بالإستخاااارة قبل كل شيء والله يجمع بينكم في خير ويبعد عنكم كل شر



​

 

[دمعة الغيمه]

يااختي دامكم تحبون بعض ليش ماتعيشين وياه باي مكاان؟؟؟
وش فيها لو بنيتم فوق بيت اهله؟؟؟؟؟يمكن مايستاهلون لكن عشان زوجك

 

[ليونه]

والله الي تسوينه صح واهنيك على ذكاءك بس لاتخلينه يغرن حبك له بالبيت واستمري اسعدك الله وجمع بينكم بخير000

 

[نــور2010]

الله يوفقك ويسعدك يارب ويجمعكم على خير ويرزقكم الذرية الصالحة

 

[~ريما~]

ياقلبي عليك انتي وياه الله يسعدكم ويسخركم لبعض

 

[حب بلاحدود]

ألف ألف مبروك الله يسعدكم مع بعض

 

[انا اعترض]

بالعكس

جاريه

تكسبين فيه اجر ..

بيتحسن ان شاء الله لانه يبغي يتحسن .. هو اللي طلب يروح مشتشار اسره .. يعني يبغي يتغير .. وراح يتغير ..
وانتي كلمي المستشار انج تبين بيت بروحج بطريقه هو يقنعه مو انتي اللي تقولين .. وكل شي بيستوي .. خليه مستانس ويوم مستانس بيسوي لج كل شي . هذا رايي والله اعلم

 

[رودالينا]

قطعتي قلبي الله يعينك

 

[ياربي انصرني]

استخيري قبل ان تتخذين اي قرار-----وبما انه يريد مركز للاستشارااات وعنده استعداد يتغير خليه يروح لابوك ويقوله عن رغبته 000ثم يعااالج نفسه عند طبيب نفسي 000 وبعد كذا الامر لك اذا بغيتي ترجعين وتسكنين عند اهله000

والفلوس اللي كنتي تبنين فيها النص بالنص ---اشتري لك شقه بالتقسيط---تنفعك مع الايااام وتكون باسمك
ولاترجعين حتى تتاكدين من انه تغيير وترك عنه الغيره والامور اللي تنكد عليكم عيشتكم --كوني معه واحتويه ولكن بعقل
لاتندفعين خلف العواطف000 واستعيني بالله والله المستعااان000

 

[أنا قلب زوجي]

ياعسل الله يسعدك ووفقك مع زوجك ويخليكم لبعض ويردكم رد جميل لعض
شوفس ياقمر مافيها شي تروحي لبيت اهلة في بدروم لو فين يسكنك تقدري تخلي بيتك جنة حاولي تكسبي اهلة في صفك تحبيبيهم فيكي اصير لو صار شي بعد كدة يصير يوقفوا معاكل لاسمح الله
ملاحظة : انتي متأكدة انة ندماااان وحابب يرجعك لانة يحبك ولا بس لانك زوجة وخلاص واستخير الله والله الموفق

 

[همسـ(أنثى)ـات]

لو انا منك ما ارجع له .. حبيبيتي الشكاك طول عمره شكاك ما راح تعيشين معه صح وراح تذكرين كلامي ..

 

[هدهد الشرقيه]

انتي صح 100% من رائي تحلين سالفة السكن معه قبل الرجوع له حليها وخليك عقلانيه لاتطيرين بعجة الاشواق
والحب بعدين بيروح كل هالكلام وبتظهر المشاكل على السطح
تقولين انه مقتدر يعني مهوب بضعيف عشان يسكنك بقبو ؟؟!!
اذا يبيك وشاريك يحكم عقله ويعرف ان القبومايصلح للسكن والسالفه سالفة منطق وعقل ماهو مين يمشي كلامه
على الثاني

 

[فراشة طائرة]

زوجك يحبك وخطوتكم بالرجوع لبعض ممتازة
وبالنسبة للسكن بالبدروم انا اشوف لا لانه لو سكنتوا ببدروم الان راح يتكاسل ولاراح تطلعون بشقة بيقولك انتظري الين يخلص بيتنا ومتى بيخلص البيت الله اعلم
اعيدي النظر والنقاش بالنقطة هذي والله يصلح الحال بينكم

 

[جراده شياكه]

الله يفرج همك يارب

 

[الشتاء الدافئ]

انا من المتابعين لقصتك من البدايه لانها شبيهه بقصة اختي وسبحان الله رجعها زوجها امس بعد طلاق ثلاثه شهور وبعد ماقرى عند شيخ وبرر لها انه طلقها من شدة حبه لها وحس انها مسيطره على حياته واهله كان لهم دور كبير وحاولوا انه مايرجعها لكن ماقدر يعيش من غيرها ومع انها مجروحه نصحناها انها تتمسك فيه بعد ماانعدل واتأسف وعوضها عن اللي صار ونصحناها تتنازل شوي وتطنش اهله وتطلعهم من حياتها لان مصيرهم فانين ولاهين في حياتهم وماراح يبقى لها الا بيتها وزوجها ونفس الكلام انصحك فيه لانك مثل اختي.... اسكني معه مؤقتا وتحملي والحب يحتاج التضحيه واعتبري هذه التضحيه الكبرى من اجل من تحبين ولو تأملنا اللي صار من اخذ اغراضك والانفصال النهائي الى العوده والتعبير عن الحب ..شئ رائع ونفتقده هذه الايام..... ولا تعلقي كل امور حياتك على الناس والدنيا ولكن توكلي على الله واكثري الدعاء ان الله يسخر لك زوجك ويغير رأيه في السكن ويمكن يبغى يختبرك ويتأكد من حبه لك وماتدرين يمكن يكون محضر لك مفاجأه ويسكن في الدور اللي اخترتوه من قبل وحتى لو رفض انت موظفه تقدرين تقنعيه تاخذون قرض وتشترون بيت ملك ان شاءالله لكن لوعلى بيت اهله اكيد لاتدفعين معه ولكن باسلوب اقناع جيد.... وبعدين لا تفكرين كثير في المستقبل استمتعي بفرحة رجعتك لزوجك وركزي شوي عشان تجيبين له طفل باذن الله يقربكم من بعض اكثر ويملا عليكم حياتكم ويغير خطط السكن ولا تنسين الدعاء والصدقه والاذكار والله يتم عليك السعاده.

 

[زوجه رجل مهم]

الله يوفقكم ويسعدكم

 

[وسامي اسلامي]

عن تجربه حكمي عقلك






عن تجربه لاترجعين حكمي عقلك وشوفي نفسك انت قادره على تغييره والصبر على اهاناته والا انهي الموضوع قبل ماتربطكم العيال وتصير تنازلات اكبر ورغبته بالسكن مع اهله حتى تكوني تحت المراقبه وهادي اول التنازلات وكل شي بينبني عليهاالله يكتب لك الخير ويسدد رايك ولا تتواصلي معه بعد القرار لانه الواضح انك بتحكمين عواطفك وهاد مصير يحتاج الى عقل

 

[حناني متعبني]

ياقلبي انا من متابعات قصتك من البداية

قسم بالله اني اقرا القصة وعيوني كلها دموع فرررح

الله يوفقكم ويتمم لك على خير

وياقلبي دامنة معاهدك خلاص ارضي بالمكتوب وشوفي لمن هم اقل منكم

ولا تنسين عليك بالدعااااااااااااااااء الدعااااااااااااء الدعاااااااااااااااء

ويسعدكم ربي والله اني محتاجة دعواتكم يالغوااااااااالي