عروسه ومآكملتْ شهرين ابي فزعتكم حبايبي ضروري وفزعه الاخت ناعمه

[اصدق إحساس]

السلام عليكم ورحمة الله

اخواتي البليقيسات


انا من المتابعات لهذا المنتدى بس لظروفي وانشغالي ماشاارك


انا لسآتي عروس تو كملت شهرين بالضبط

زوجي طلع بالحييل عصبي وانصدمت بتصرفات منه خلآل شهر العسل ومرة ضايقتني

احس ايامها كآننا نعرف بعض من زمان يمكن لان صارت بين الاهالي مشااااكل وقت الخطوبة كآدت ان تنهي الزوآج

مو هنا المشكله

المشكله ان رجلي مسجل في منتديات كلها بنات ومسوين معه صداقه مدري مسوي معهم اتابعه من فترة وفترة

طبعا تسجيلة بالمنتدى من 2006 يعني تقريبا من اربع سنين بس والله مقهورة انو كل هالبنات يدخلون بروفايله

ويحتك معهم كل هالاحتكاك

ومرة فتح بريده قدامي لقيته مسجل بالفبس بوك والنت لوق مواقع تعارف

ماصدقت ومرة انقهرت لان شكله مره على نياتوو ومو مبين عليه هالحركات

غير كذا شفت بلآبه شعر وكلآم حافظه عنده من وحده وتناديه باسمه وانها ماتقدر تعيش بدونه وماراح يلقى مثلها ماشالتني رجلي يوم انها لقيت اسمه بالكلام

ومن هالحكي الطويل

طبعا حاط باس وورد للآبه وجواله

ثاني يوم صارحته قلت له شفت مواقع التعارف واسماء بنات لمن كنت ترسل تطلع اسمائهم

قال وحلف بالله ايمان انو مايدخل هالمواقع سجل فيها بس عشان تحميل برامج

وبالنسبة للبنات تجي اضافات يقول واقبلهم

وما اكلمهم اصلا كل اللي معي بلوك

علمآ باني من تزوجته ماقد شفته فاتح ماسنجره هذا وكنت اتمنآ احادثه وكذا

فقلت له عشان كذا ماتفتحه؟؟

جلس يحلف انو مافي غيرك ملآ عيني ومن هالحكي

ماني عارفه كبف اتعامل معه

هذا غير اني قلت له يضايقني نظراتك للبنات بالسوق لان نظراته مرة قوبة تفصيص ويتقفل مزاجي بالاماكن العامه بسبة هالشي

وقال وض قصدك يعني نظرتي شهوانية وزعل

وقالي انتي غيورة مرة وماني عارف ايش خلاص روحي السوق لحالك
وقال تشكين فيني ؟
ماني عارفه كيف اكسبه

وصعب احكي هالحكي لآهلي


انتظر ارائكم ومشورتكم حبيباتي على احر من الجمر

 

[أميرة الخليج]

عادي الموضوع بسيط

 

[زوجةاسير]

الله يسخر قلبه لك

 

[الجده الصغيره]

لا يالغلا توك بأول حياتك....بتمشيها بشك ومواجهه بيضيع من إيدينك...الرجال الزم ماعليه صورته ماتهتز عند زوجته


انتبهي دائما حسسيه انك وااااثقه فيه وانك متأكده انه لاااايمكن يسوي شي غلط...وتوكم متزوجين شوي شوي..بيتعود على وجودك وانت وشطارتك..اذا كنتي دايم معه وماتكثرين روحه لهلك بيتعود عليك وماراح يفضى لها الخرابيط


.بس المواجهاااات غلط الا بنواحي معينه وبطرق معينه..

 

[دمعة الذيب]

عااااااادي بالنسبه للرجال .. والفيس بوك كل الناس عندهم ويقبلون صداقات .. لا تحسبينه سوالف وخيانه
خلك واثقه فيه لا يلعب بعقلك الشيطان
ولاتتاثرين بالقصص اللي تقرين بالمنتديات

 

[ام رنومه]

الله يفرج همك
استغفر الله العظيم

 

[متزوجه ولكن]

ليه كلمتي وانتي تقولين ماعمري شفته فاتح ماسنجره
كان اسكتي يمكن طيش قبل زواجه
بالنسبه للسوق لاتاخذينه معك وريحي رااااااسك
انا حرمت روحته معي اروح مع خواتي
ومستعده اروح لحالي ولا يطير عيونه بالرايحه والجايه
ياختي الحريم بالسوق يفتنونك انتي مو عاد رجل

 

[الدينا]

والله حبيبة الموضوع بسيط ةعادي وواغلب الرجال كدا
انا برضو متلك عروس لساتني كيف صرلي شهرين وزوجي داخل على الفيس بوك ومواقع وهيك واعرف انه ضايف صديقات بس ماصارحته انا دايما اقولو اني واثقة فيه وانتي اعرف انا مش ممكن يعمل شي غلط ودايما ادكره بالدين وكيف الانسان المسلم والمؤمن يكون مع زوجته فالطيبون للطيبات والخبيثون للخبيتات وخليك واثقة من نفسك ودايما حلوة ونيفة وانيقة وماكثري معو جكي بخصوص البنات وهيك واذا لاحظتيه يشوف للبنات لا تحسسيه انك اتضايقتي حاولي تتغلبي على اعصابك وتصرفي انتي بدلع في السوق وسويى حركات حتى يركز عليك
انا مرات تظاهر بان رجلي وجعتني من الشوز او افك الاسكارف كانو بيوقع حتى يقولي شدي الاسكارف رح يوقع والناس اتشوف شعرك يعني دايما خليك ينتبهلك انتي بحركات جنونية كانو انتي مالك يد فيها

والله يصلحلك زوجك ويسخركم لبعض ولاتنسي الدعاء ودكر الله غفي كل وقات حبيبتي
الله معك ؟؟؟

 

[أم حميد..]

الله يسخره لج بس لو مافاتحتيه بالموضوع وانتي تقولين انه عمره مافتح ماسنجره ويمكن كان طيش شباب وانتي بعدج بأول زواجج وبيني له انج مهتمة فيه وانج ماتشكين فيه وواثقة فيه ثقة عميــــــــــا بتكبرين فعينه وكلميه انه ورا هالزواج عيال وشو ناوي يسمي البنت والولد لاجو وانه بيكون ابو عيال وغيره
.....انشالله أكون أفدتج حبيبتي.....^^

 

[دنيا المجد]

عزيزتي
انت توك في بدايه المشوااار ولا تهدمين بيتك بيدك..... اغلب الشباب مشتركين في مواقع النت لوق والفيس بوك وهذا شي عادي .... ثانياا انسي مااااضي زوجك وبما انه ماقد دخل هذي المواقع من يوم تزوجتي فهذا شي طيب...... وبعدين نصيحه لوجه الله لااااعاد تفتشين ورااااه اذا ماااخاف من ربه مابيخاااف منك وعليك بدعاااء له واكثري من الاستغفاررررر.....
لكن في حال انك شفتيه متغير عليك مقصر في حقوقك ممكن تمسكينه وتفهمينه بالشي الي ضايقك فيه واذا سواها بعد ماااكلمتيه روحي لاهلك

وبالنسبه لسوووق لا تعودينه انك تروحين لحااالك مهما صار او تروحين معا اهلك لان اهلك بيودونك مره مرتين بس بعدها بيطفشوووون واذا عالعيوووون فااغلبهم عيوووونه طويله ماااعليك فيها .....

الله يسخركم لبعض.............

 

[تلميذة مريم]

شوفي أنا ما أشجع الزوجة تفتش ورى زوجها لانها بتتعب بالنسبة للفيس بوك و البروفايل حق المنتديات مايعني بإنه راعي حركات وكلام عاطفي مع البنات كذا نظام الفيس بوك يحتم تضيفين أصدقاء حتى يتفاعلون مع اللي تكتبين وبعد البروفايل حق المنتديات كله خرابيط وردود ماتعني بالغالب شيء وحتى الكلام اللي كتب له مايعني بإنه يحب البنت اللي وجهت له ابيات هو مجرد يحب احد يمدحه فعجبه المدح فحفظة وتلقينه يتمنى لو أن زوجته تكون عاطفية وتتغزل فيه .. ثاني شيء بالنسبة للسوق زوجك كذا اسلوبه مايقصد شيء هو بصري وتواصله مع الناس بالبصر ويجذبه منظرالمرأة المتزينه فحسبي الله على اللي تتزين للسوق وتخرب بيوت الناس عموماً اللي عليك هو أنك تقللين تحسسك وتعتبرين هذا طبع مايقصد فيه شيء وتحاولين بالسوق أنك تجذبيه لك وتدخلينه يركز عليك كيف ؟ جربي تكونين معه رايقة وتمدحينه أو تخلينه يسولف وحتى تسمعين له بكل أهتمام وحب بدون مقاطعات بكذا بينسى اللي حوله لاني الرجل مايعرفيركز على كذا شيء بوقت واحد .
وحاولي تصححين نظرته لك بإنك غيورة وتكبتين الغيرة وتتصرفين بذكاء أنثوي وبعد لازم تقولين له بإنك تثقين فيه وبأخلاقه وانك تعرفين بإن نظراته مايقصد بها شيء لكن لان من الاداب أن الواحد يغض بصره وهذا يزيد احترامه ويزيد هيبته ولان النظر يتعب عقلة و أن اللي يغض بصره يعطيه الله فراسة ..ألخ
وبأنه أنسان نظيف لكن الناس يعتبرون البصبصة لقافة

زوجك جنوبي شرقي صح ؟

 

[مــــل قلبي ــك]

عااااادي ياقلبي لاتخلين لشك مكااااان بحياااااااااتك انتي تووووك بداية حياااااااااتك وان شاااااء الله راااح تكووونين سعيده فيهااا

 

[فردوس هوساوي]

حسبنا الله هو نعم الوكيل



الله يصبرلك فؤادك المسكين يالغلا

 

[أم ايلانه]

الله يفرج همك

 

[lo0o0lo]

شوفي لو هوحق لعب ليه يتزوج اهو ماتزوج الايبي يغير حياته انتي ساعديه لاتحاسبيه عالماضي ابدا اغلب ازواجنا كذا وبعدين الحمدلله تعدلوا0

 

[مَلآمِحْ حُلمْ]

الله يفرج همك و الله بصراحه
ما أدري شو بأقولك؟!!!!​

 

[أم سدين]

والله حال الناس تغير من بعد هالنت اشوف المشاكل زادت يعني كل اللي في المنتدا يشتكون توهم عرسان لا حول ولا قوة الا بالله كان الله في عونكم ما ادري ايش يبغا هذا الزوج ...........انا كذا انصدمت لما دخل بيتي النت تغيرت حياتي .تغير زوجي حالتي النفسيه تدهورت ماني قادره اصيطر على الوضع والحمد لله على كل حال

 

[محتاجة دعوة لي]

الله يسخره لك ويكفيه شر الحرام ويبعده عنه ويبعده عن بنات الحرام ويكفيه شر كل ذي شر

>>>تحلي بالصبر واكثري من الدعاء لــــه​

 

[فوفة الاموره]

عيشي حياتك دامك ماشفتي شيئ واظح عليه
عادي الفيس حبيبتي انا ادخله مافي مشكله

 

[المــهــا]

ربي يفرجها علينا وعليك وعلى المسلمين ياقادر ياكريم