عروسة الــ (17) ..!!

[أم عمآر]

بسم الله الرحمن الرحيم

السلام عليكم ورحمة الله وبركآته

أخوآتي العزيزآت ...


أنا أبلغ من العمر 17 سنه .. وزوآجي هذه السنه ...

خطيبي يبلغ من العمر 26...

مشكلتي ..

"إذا أتكلمت معاه على الهاتف .. أحبه جدا .. وارتاح في الحديث معاه ...
لكن إذا جا يزورني فينتابني احساس بالنفور منه ..
ع الرغم من أن جميل .. ومثقف جدا ..
لكني انفر من حركاته .. ومن نضراته وكلماته .. فقط إذا جلست معاه:dunno:

.
.
وأول يوم كنت على وشك أني أفسخ الخطوبه
لولا أني كلمته على الهاتف وحسيت براحه وتراجعت عن قراري ..

ما اعرف السبب ... في هذا الشعور الغريب وانا بقربه ..."

أخشى أن تتفاقم المشكله أكثر ... قرب الزواج أو بعده ... لذا أتمنى منكم مساعدتي بأسرع وقت

وشكرآ جزيلا

ودي /:in_love:

 

[* Um Jawad*]

حبيبتي

يمكن لآنه جديد عليج و بعدين انتي صغيره واااايد
في التلفون لآنه بعيد و صوته بس إلي يوصلك
و لما يكون قريب ( اذا كنتي ممتلكه) عادي يشوفك بنظرات جذي و جذي لآنك حلاله

مع الأيام بتتعودي عليه و تذكريني

الف الف مبروك

 

[* Um Jawad*]

و فرق العمر له دور بعد حبيبتي

يعني هو ناضج و عارف و مطلع اكثر منك

هذا شي حلوووو انك تتدلعي و تتغنجي

و هذا الخجل إلي فيج محبب بس عاد لا تفرري الريال منج

الله يجمعكم على خير انشاء الله

 

[نور الدنياء]

الله يوفقك طولي فترة الملكه شويه عشان تعرفين شعورك والف مبروك
شغلى قران بصوه مرخي باي غرفه من البيت مو عنده
والافضل ايات الرقيه الشرعيه
جربي كل ماجاء من غير ماتقولين له
وان شاء الله يزول هذا الاحساس

 

[باقة امل]

حلاته يطالعج بهذي النظرات ..تدلعي وخلي ويهج سير احمر بيموت عليك ....اخ لو ترجع بي الايام كان جننته

 

[أم عمآر]

مشكورين حبايبي ...

أختي ام جواد .. يمكن صح ما تعودت ..

أنا مستغربه من نفسي مع اني احبه كثيير بس نضراته مممممممم

هو جاني حوالي 5 زيارات

وفي كل مره اتهرب او اني اطلع من عنده وما عاد أرجع وابوي يصرفه ..

ان شاء الله احاول اتأقلم مع الوضع ..مشكوره

نور الدنيا ... ما اضن يكون فيني نظره او شي والقران يرييح من دون صح كلامج يجزاك خير

باقه امل ....ذكرتيني بأمي يااااااااااحلوك ... بس دخيلك ما بدوخه كثر ماهو دااايخ ههههههه

 

[درة العروس]

اختي الغاليه ....... ام عمار
اللي تحسيه عادي ........شي جديد وماتعودتي عليه عشان كذه تحسي هالاحاسيس ....
بس صدقيني يالغاليه مع الوقت بيخف هالامر وبيصير عادي
حاولي انك تعودين نفسك عالوضع الجديد ..... وتعيشين اللحظات لان اللي يروح ماعاد يرجع
استغلي الوضع لصالحك ...... وحسسيه بخجلك ودلعك بس خير الامور الوسط ... يعني لاتزوديها .....ههههههههههه
الله ييسر لك ونفرح فيك ........

 

[جراده شياكه]

انا كنت زيك بالضبط اذا جاء يجيني حالتك واموت اكلمه بالجوال هذا لانك مو متعوده تجلسين مع رجالحتى لو انك متعوده تجلسين مع محارمك وملكت وعمري 17 الله يوفقك وانسي الحاله

 

[غدير الكويت]

ترى هذي الايام حلوووه لاتضيعيها على نفسج الخوف والزوج من حقه يطالعج وتقبلي منه وشاركيه نظرات الحب والموده عشان ما يطالع بره
الله يوفقج وألف مبروووك​

 

[&الماس&]

اولا الف مبروك على الخطوبه.....والنفور اللي تحسينه لان الوضع جديد عليك طبيعي ماراح تتقبلينه بسرعه ....لكن نصيحتي لك عيشي هالايام بالطول والعرض لان بيجي لك يوم وتتمني ترجع هالايام وتتدلعي على زوجك وتحسي بطعم العسل بدون مايمنعك حياء.... وانا هنا اقولك استحي بس على خفيف لاتزوديها... استمتعي مع خطيبك خليه يطالعك على راحته وانتي خجلانه ....تقربي منه علشان تعرفين شعورك بالضبط مادام انكم على البر .... الله يوفقك ويسعدك ويسخر لك زوجك وجميع المسلمات.

 

[ام لمار90]

غاليتي ام عمار

بالنسبه لشعورك اعتبره طبيعي يمكن لان عمرك صغير شوي لكن هذا مو سبب رئيسي

وانتي يمكن تحبين كلام الحب والهمسات اكثر من انك تجلسين معه وهذا طبيعي ونظراته اذا كانت اعجاب او نظره اخرى فهذا شي مايخوف حبيبتي لان هذا طبع الرجال وهذا التعبير الي عندهم

وان شاء الله بعد الزواج بترتاحين اكثر

الله يوفقك حبيبتي ويسخره لك

 

[* Um Jawad*]

ها أم عمار

طمنيني عليج انشاء الله في تحسن

شكلك ما شاركتي اكثر

اكييييد المطالعه بعض الأحيان يكفي في هذا المنتدا الرائع

 

[احب بلاحدود]

ترى هذي الايام حلوووه لاتضيعيها