عرااايس تعالوا هووون

[اوتارالكمن]

السلام عليكم ..

كيفكم يابنات ياعرايس ياحلوييين..وحشتوووني ..

كيف الامور والتجهيزاااات ..ان شاء الله كلو تماااااااام..؟؟

بسألكم حبيباتي ..ياللي بجده ..تعرفوا صالون باتشي قوتشي؟؟

من زماان قفل لانو ممنوع غير سعوديه تفتح صالون .هذا صالون لبناني..

ماعلينا ..كان عندهم كوفيره بالمكياج اسمها مدام منى>> لبنانيه..

دحيييين بعد ماقفلوا المحل صارت تشتغل لحالها ..على فكره ( تقول انها عملت للفنانه مروه

ونانسي وهيفاء وورتنا صورهم بالميك اب).. انا توكلت ع الله وحجزت عندها انا وامي واخواتي

لانها كمان بتجي للقاعه..اختي الكبيره حجزتهالينا..واقنعتني مرره فيها وتمدحها كثيير وبعض

البنات .لانها كانت تجي للجامعه بالبازار..!!

ميييييييين جربت عندها بلييز يابنات ابغى اشوف تجاربكم ؟!!عشان اتطمن اكثر ..

على فكره اللي تبغى تعرف سعرها للعروسه 3500.. وللناس العاديين 500 وخمسين

على فكره يابنات فاكرين الصوره اللي وريتكم هيا وقلتلكم بسوي نفس اللي بالصوره بالميك اب؟!!

وريتها وقلتلها ابغى مكياجي زي كذا ..شافت الصوره وقالت آه هذا عمر صديقي هوا اللي

عملها !!..عمر هذا كان معاها بلبنان يشتغلوا سوا ..فرع بلبنان وبدبي وبجده <<اللي يقولوا انه

قفل وصارت تشتغل لوحدها ..


انا قلت كل اللي عندي عشان العرايس يستفيدوا اللي تبغى تعرف ,,بس لاتنسوا سؤاااالي

ميييين جربت عندها شخصيا ..بليييز لاتطنشوني زواجي قريب ..الله يسعدكم اجمعيييين

:32:​

 

[اوتارالكمن]

ع فكره 3500 للمكياج والشعر ..عندها وحده بتساعدها بالشعر,,

 

[تنتووونه]

حبيبتي والله ما اعرفها بس ما حبيت اخرج من غير ما ارد
اللله يوفقك
​

 

[اوتارالكمن]

مشكوره تنتونه حبيبتي ,,الله يسعدك ياسوكرا

 

[صعب المناال]

ماعندي خلفيه عنها ان شاء الله البنات يفيدوكي
وتصيرين احلى عروسه

 

[حبي ميدو]

الله يوفقك وييسر امورك

 

[انسه طفشانه]

حبيبتي انتي من جدك بتسوين على عماك؟
معرووف الناس الي في جده يسوون بروفه قبل ماتحجز
يمكن شغلها مايعجبك
روحي لها وخليها تسوي لك برووووووووووووووووفه
ولو تبغين رقم وحده تسوي مكياج حلووووو اسمها عفت
اعطيكي رقمها
موووفقه

 

[دلوعه راقيه]

حبيبتي مو غالي 3500 للشعر والميكب بس
الله يهديك وان شاء الله تطلع احسن مما توقعيييييييييييييين يارب

واذا هيا تعمممممممل بكج ياريت ترسلي رقمها اما مكياج وشعر بالنسبة لي غالي مرة

 

[انوووثه]

لازم سوي بروفه عشان تقتنعين انا سمعت بوفاء العلي بجده وشغلها خيال​

 

[أطعم بنوتة]

امممم بصراحة ما اعرفها

موفقة حبيبتي

 

[ღ♥المخروشـہ♥ღ]

وعليكَم آلسلآم ورحمة الله وبركَآته
بخـــير جعلكَ بخـــير
يآلغـــلآ مآبعرفـهآ
الله يسسسسسسسسسسسسسعدكَ​

 

[مجنونته رسمي]

الله يوفقك ويجعلك قرة عينه من مكه بس ماحبيت اخرج بدون ماارد..

 

[soOo baby]

قلبو ممكن ترسلي لي رقمها
اذا سويتي عندها تعالي النا بعد الزواج وخبرينا ربنا يهنيك ويسعدك وتطلعي ملكة بيومك ويعجبك محروسك *_^

 

[fooof]

ماعندي فكرة إ ن شاء الله البنات يساعدوك

 

[اوتارالكمن]

مشكوررررررررررين ياحبيبات البي..الله يسعدكم وحده وحده والله ماعندي وقت ارد على كل وحده اعذروني

يااحلى عرايس..

ان شاءالله بعدالزواج اقولكم كيف شغلها اذاحلو او لا..

وبالنسبه للي قالت سوي بروفه ..لاماترضى تقول اناشغلي معروف انو حلو .وثقه.

اناخلاص دفعت العربوون !!

دعواااااااااتكم ليا يابنات وانو محروسي يعجب فيني مرررررره ويشوفني اجمللللللل عروووس..ولكم المثل​