عذرا مملكتي الغاليه

[ناداني ولبيته]

السلام عليكم ورحمة الله وبركاته
كيف حااااالكم؟؟؟
ابغى شوركم يابنات
انا متزوجه من سنتين وعندي طفل طبعا حياتي مستقره نوعا ما
يعني تصير مشاكل زعلات بس ماتطول كثير
بس مره زعلت رحت بيت اهلي
احب زوووووووجي بجنون بس اشك فيه
طبعا هالشك ماجاء من فراغ
مره كنت متنومه بالمستشفى وانا حامل لما طلعت لقيت بالسجل انه مرسل لوحده مطلقه يعرفها قبل الزواج ولما سألته خبرني بالموضوع انها هي ارسلت اول وهو قايل لاعاد ترسلي
المهم غير شريحته وانا اخذت الشريحه الاولى
ومع الوقت انا زاد شكي بس اشيك ع الجوال اول بأول والابتوب بعد
مع انه قليل طلعاته من البيت
قبل 3 ايام كنت نايمه واول مره يسهر لحاله الصباح لقيته حاط ايميل سري
وعرفت من سجل المحادثات وبعد خمنت الرقم السري وطلع صح
فتحته مالقيت احد
وظليت مراقبته وماضاف احد ولا قالي انه عنده ايميل
امس جاته اضافه من وحده ع الايميل المعروف ووراني ع طول انا سويت لها حظر وكنت بروح لاهلي
فطلعت وكلمته قلت امسح الايميل نسيت لامسحه
وانا ما حذفته متعمده كنت متاكده انه بيضيفها
المهم فتحت ايميله السري والصدمه لقيته مضيفها
ماقدرت اخذ بنصايحكم اني ماواجهه
جتني رجفه فظيفه بكل جسمي
دقيت عليه قلت تعال بروح لبيتي
وجاء وبالسياره انفجرت كل كلمه تطري ببالكمم مي زينه قلتها
وهو بعد ماسكت قال انتي غثيثه انتي قلق انتي بس تفتشي وراي
رحت باخذ اغراضي واغراض ولدي قال ولدي ماتاخذنيه
بس خوذي اغراضك مابي شي من ريحتك
جمعت اغراضي
قال طيب وش وضعك قلت ابي اتطلق
حلف انه بس فضول بيعرف ان الايميل لواحد من اصدقائه ولا لا مع ان
الايميل باسم بنت<<<الايميل باين جديد ان مابه اي اصدقاء بلمف التعريف
جلس يحلف انه يحبني ومافيه بقلبه غييري هوماعاد يكرر ه لشي واي يصير يكون بعلمي
يابنات بس انا استغربت وحنا نتناقش قال تعالي للغرفة النوم<<-----
المهم بعدها عطاني وعود كثيره
وانا من امس ماتكلم معه زي اول خليتها رسميات بس
هو جنوبي غربي هل تصرفي معه صح؟؟
مع ان بالاول قلت باصبر عليه وماكشف الايميل السري الا بعد ماشوف نيته بس ماعرفت
والغريبه اول مره يصير نقاش وماتنزل دموعي وابكي
هل معقوله ان نفسي عافته؟؟واصرت احبه زي اول

 

[المــهــا]

الله يفرجها لي ولك وللمسلمين ياحيي اقيوم

 

[(قطر الندى)]

الله يفرج همك.

 

[كلي حنو]

ياربي كتبت كلام وش طوله وانمسح اووف ..

 

[ناداني ولبيته]

المها-- قطر الندى-كلي حنو
الله يسعدكم ويفرج همومكم بعد

 

[كلي حنو]

هلا خيتوو ..

شوفي يالغلاا انا ما اقولك باللي سويته غلط ورحتي ..

وقلتي حق زوجك اللي شفتيه .. وطلعتي كل اللي بقلبك ..

لا والله انا معك بكل اللي سويتييه ويااه .. لكن اللي ماعجبني فييك

انك رحتي دقيتي ع زوجك وقلتي له تعال ابي ارجع البيت ..

واول ماركبتي السياره عصبتي عليه وقلتي له كلام ماينقال ..

يعني انتي وش عرفك ان زوجك وقتها كان مرووق او باله موشوش شووي ..

المفروش انك دخلتي البيت توكلتي ع الله وجيتي وقلتي له

ممكن اقولك ع شيء .. او ممكن اقول شيء ..

هو بجي وبقولك تفضلي قولي ..

انتي وقتها راح تقولي له كل اللي بخاطرك وكل اللي شفتيه منه ..

وكان قلتي له انا صحيح احبك ولا استغني عنك ..لكن مدري لييه

صرت ذي الاياام اشك فيك قولي له لاتزعل من كلامي ..

لكن هذا اللي انا اشوفه .. قولي له مو تبيني افتح لك قلبي ..

اذا قالك ايه قولي له اجل هذا كل اللي بقلبي اني صايره اشك فيك

وتصرفات بالمره شككتني فييك .. مو ع طوول اول ماركبتي قلتي له ..

بالامانه وش استفدتي لما قلتي له عن اللي بخاطرك وش سمعتي منه

ماسمعتي الا كلام يغث ولا كان ودك تسمعييه ..

تدرين ان مره انا ويا زوجي صار كذا ع خلاف بيني وبينه ..

طبعا هو كان بيت اخته وقتها .. دق علي عشان يجي يأخذني اسلم ع اخته

انا قلت له مالي مزاج اجي قالي وش فيك ماحبيت اني انكد عليه

الجلسه واقوله وش فيني قلت له مافيني شيء .. قالي تعلميني فيك

قلت له مافيني شيء قالي طيب تجهزي وبجي امرك وانا والله ماكان لي نفس اروح

عشان مايقولو ان فيني شيء وان ما ابي اجي .. هو جاني بعدين

وقالي بالسياره وش فيك قلت له ولا حاجه .. ما ابي اقوله عن اللي فيني

لاني اعرف نفسي لو بقعد اقوله كل شيء يمكن مارحنا بيت اخته

قلت له ولا حاجه يووم اللي رجعنا البيت قلت له وش فيني ..

بالعكس ماصار حاجه ولا سمعني كلام يغث او يسم ..

بالعكس تقبل هالشيء برووح رياضيه ..

انا مو مع البنات اللي تقول اسكتي لاتواجهي زوجك او مدري وشوو

يعني اذا ماواجهتيه وسكتي متى راح تقولي له عن اللي بخاطرك ..

بتقعدي كل موسوسه ليه اجيب لي الهم والضغط ع حساب منوو ..

اقوله احسن من اني اسكت له واقوله ..

تدرين ان زوجي قالي ان الحياه الزوجيه ماتنجح الا اذا صار الزوج وزوجته متفاهميين ..

انا اعطيك اقرب مثال ..

مثلا الزوجه شافت ع زوجها حاجه المفرووض انها ماتسكت له ..

تروح وتقوله اليوم انت سويت كذا وكذا وكذا ..

نفس الشيء الزوج اذا شاف من زوجته حاجه يرووح ويقول لها مايسكتو المفرووض ..

صدقيني كذا الحياه الزوجيه راح تستمر ولا راح تحصلي فيها اي مشاكل وتعب ..

راح تواجهي مشاكل بسيطه لكن مو مثل اللي نسمعه هنا بالمنتدى ..

والله يوفقك يارب ويسعدك ..

​

 

[ناداني ولبيته]

مشكوووووووووووووووووره حبيبتي كلي حنو
ادري كلامك صحيح والمفروض اواجهه بس بهدوء
بس والله ماقدرت كنت بوقتها منشل تفكيري
وكل همي ابرد حرتي
وحااااطه براسي ماقعد عنده
ربي يسعدك يالغلا

 

[جونار]

يإختي بنات الحرام ماخلو بنات الحلال في حالهم
والله اعرف وحده بيشتري لها زوجها لاب ورافضه
جاب لها بلاك وباعته
تقول اخااااااااف زوجي يستخدمهم
تكنوخراب
الله يستر علينا ويحفظ أولادنا وازواجنا من كل شر

 

[ناداني ولبيته]

هلا جونار ربي يحفظك
انا زوجي مايعرف بالابتوب ولا شي انا علمته
من زواجي جبته معي من بيت اهلي
واللحين افكر ابيعه بس احس يشغل فراغي
واتواصل مع خواتي ع المسن
جونار --الله يسخرلك زوجك ويبعد بنات الحرام عنه

 

[كلي حنو]

ادري ان وقتها انتي مو عارفه وش تسوي ..

واخرتي هالشيء عشان تبردي حرتك فييه ..

من القهر اللي فييك .. ولو اي وحده مكانك سوت مثلك يمكن ..

وبعضهم لا راح يسكتوو ويفكروو ويقولوو حق ازواجهم وهم مروقين ..

بس ما انصحك تكلمي زوجك رسمياات بس ..

وان حبك له يقل لا يالغلاا خليك عاديه ..

والانسان وانا اختك يغلط ولا فيه احد مايغلط بهالدنيا ..

ولا عيب ان احنا نغلط ونساممح ..الغلط وانا اختك

والعيب من انه نعرف هالشيء غلط ونمشي علييه ..

انتي قلتي له وفهمتييه ع كل شيء ..

خلاص قولي له نفتح صفحه جديده .. واي شيء يصير له يجي ويقولك

وانتي بعد اي حاجه يصير لك قولي له .. وعوديه ع هالشيء ..

قولي له لازم نكوون صادقيين الحين مع بعض عشاان بعدين

عيالنا يكونوو بعد صادقيين معناا .. وقولي له ادري انك غلطت ولا فيه انسان معصووم عن الغلط

بس قولي له اتمنى ماترجع للغلط مره ثانيه ..
​

 

[ناداني ولبيته]

كلي حنو
كلامك بلسم والله
انا من النوع اللي مانسى بسهوله
واعتبر حركته ذي جرح لي
والجرح اكيد بياخذ وقت عشان يطيب
وبالرغم اني امووووووووت فيه وهو بعد يحبني
بس خلاص من امس طااابت نفسي منه
احس مافي مشاعر تجاهه

 

[كلي حنو]

ماعلييه اضغطي ع نفسك ..

صحيح قهر واهانه لك .. لكن الواحد وش يسووي ..

اذا هو ندماان عاتي خلي علاقتك معه .. ولاتكبري الموضوع وانا اختك

ترى هالشيء بعدين حتى انتي تتحسفي علييه ..

هذا الزواج تشوفي يووم حلو ويووم مر .. لكن الاياام اللي راح تجيك مايدريك

يمكن كلها اياام فرح وسعاده .. سامحييه وانا اختك اذا رب العالمين

يسامح احنا يالبشر منو نكوون عشاان مانساامح الشخص ..

افتحي معه صفحه جديده وعطيه خبر من الحين اذا شفتي علييه شيء

مره ثانيه قولي له صدقني مارااح اسامحك وحتى لو سامحتك قولي له حبي لك

راح يخف خلييه مايسووي هالحركات مره ثانييه .. بس اذا اول مره يسووي كذا

سامحييه وانا اختك .. صحيح قهر تشوفي كذا من زوجك لكن ماعليه الواحد يسامح مره ..​

 

[ناداني ولبيته]

كلي حنو--
اكيد بسامحه بس شوي مو اليوم
وهو وعدني انه اي شي يصير راح يكون بعلمي
مشكووووووووووووووووووووور يالغلا

 

[ما العمل]

الله يوفقك ويخدل من ظلمك

 

[ثمرة العطاء]

الله يسعدك ويبعد المشاكل عنكم
والخوات ماقصروا .. وقد ماتقدرين تعوذي من ابليس ولا تخليه يهدم بيتك ويخرب بيتك
الشك موزين يابنت... وانتي في بداية حياتك وصار بينكم ولد
راجعي ايام زواجك وبداية حملك وكيف كان حبك لا تعطي مجال ان حبك لزوجك ينقص
والله يوفق الجميع​

 

[سموالذوق]

الله يفرجها عليك

 

[ام رنومه]

الله يفرج همك ياااااااارب

 

[ناداني ولبيته]

مشكووووووووورين خواتي ربي يسعدكم
ويفرج همي وهمومكم
ويسخر لكم ازواجكم

 

[ريري الشرقيه]

ياختي انتي وحده من الف الا من ملايين انتي قاعده تدورين وراه لاتدورين له رب مكلف بحسابه اسألي نفسك انا اللي مكلفه بحسابه هل انا اللي لازم اسجل ذنوبه ربي وكل ملائكه بالشي هذا تسجل وربي المحاسب انا زيك كنت من النوع اللي أدور ورا زوجي وعلى طول اول مالقى شي اواجهه ماصبر وتصير مشاكل وتصير فجوه بيننا لكن انا وش استفدت اولا مشاكل ونفسيه لي ولعيالي ولا انحلت المشكله وكل واحد منا بجهه والشيطان مبسوط مرتاح لكن اتركي الشك واستودعيه الله وادعي بصلاتك بالهدايه والصلاح
وتذكري احنا ما نتجرأ ونحاسب لكن ننصح بالإسلوب الهادي الرقيق بوقت رايق وشوفي النتيجه هتكون كيف مختلفه الله يبعدهم عن الحرام .

 

[ناداني ولبيته]

مشكوره الغاليه ريري
ادري ان الخطاء مني لان ماعندي صبر نهائي
واعصب بسرعه
ومن كثر ماحبه احسه ملك لي مابي احد ياخذ منه لو بكلام او رساايل
وابي اوضح له اني مو غبيه يسوي اشياء من وراي