فديت اسامة
New member
- إنضم
- 5 مايو 2009
- المشاركات
- 28
مرحبا بلقيسيا ت اخباركم حبيت اتشاركوني في هذا الموضوع احيانا تكون عندنا عادات وتقاليد تربينا عليها جيل بعد جيل بس هي في الواقع مو من دينا ولا في عليها دليل من سنة نبينا ولي اريد اقوله لكم هو انا نحنا لازم نحاول نغير هالعادات ونثقف ونوعي اهلنا وعشان مع الزمن تتلاشى هالعادات ... اتمنى التفاعل منكم وكل وحدة تعرف عادة من هالعادات تقولها لنا وتحاول تحط لنا حلول لتغييرها للابد.. وانا راح ابدي بلي عندي ..
مثال: ان الاب مايزوج بنته الصغيرة لحد ما تتزوج الكبيرة وهذا مومن الدين ومن سلبيات هالعادة ان البنت ممكن تعنس ويتأخر زواجها لان الكبيرة لسى ما جى نصيبها.....
اما المثال الثاني والاهم ولي احس ان اهلنا كثير متمسكين فيه –مادري اذا موجود في باقي دول الخليج- بالنسبة لبلادي عندنا اذا دفع العريس مهر 4000 للعروس اجباري يدفع 100 لكل 1000 يعني400 لل4000 وهكذا كل ما زاد المهر ولازم يسلمه لام العروس بعد ليله الدخله لانها حافظت على بنتها عذراء .. وانا لما تزوجت كان مهري 7000 يعني زوجي لازم يدفع بعد الزواج700 طبعا هالعادة مالها اي اصل في الدين والله يعين الشباب المهر كبير وباقي ترتيبات الزواج وبعد هالعادة .. بصراحة حاولت اغير و اول حاجة سويتها اني حاولت ابصر امي وافهمها ان هالشئ مو من دينا ولو تربينا عليه وجبت لها مقال بالجريدة عن الموضوع وكان فيه لقاء مع مفتي بلادنا ينفي هالشئ وانه غلط .. واعتقدت انها اقتنعت.. وقبل الزواج قلت لزوجي لا يحسب حساب هالشئ .. وفعلا تم الموضوع وتزوجنا وبعد فترة قالت ليش مادفع زوجك الدين ليش احنا ما تعبنا عليك ما ربيناك وحافظنا عليك ليش هو جايبك من الشارع بكيت من كلامها وقلت جزاء تعبك بتاخذيه بالاخرة بميزان حسناتك .. موبلفلوس .... المهم بلموضوع اني حاولت اغير وقدرت ولو اني تعبت لحد مانسيت امي الموضوع وان شاءالله بعد تنساه للابد فزواج اختي الصغيرة....
شاركونا بتفاعل وسمحولي اذا ما ارد او يتاخر ردي لاني ما ادش كل يوم..
