طليقي ومكالماته وابوي!!

[خاني قلبي وحبك]

بنات مشكلتي

انا مطلقه

تزوجت عمري 16

طبعا زوجي يحبني بس انا رفضت لين طلقني مع ذلك احبه

بعد انا طلبت منه الطلاق

الحين بعد سنه من الطلاق رجع

لي الحين عمري 18

كبرت وتغيرت تفكيري وعقلي

مدري شلون خربت بيتي

انا احبه

يوم جاء كلم ابوي يرجعني

انا كنت رافضه وامي كذلك تقول روحي له مانساك بعد هالسنه

ولاتزوج دليل يحبك

انا رفضت لعب علي ابليس

المهم

حطيت شروط وفاها كلها

الا سالفه الفلوس حلف لي انو ماعنده وان اللي بينا عشرة مو فلوس

وانا ادري عن ظروف زوجي انها صعبه

بعدين جاء بعد يومين وقاله ابوي عن الشرط وجلست معاه المهم حاول يقنعني انه

يبيني وانا بغبائي مدري شلون كنت افكر

كان المهر 30 الف بعدين رحمه ابوي وقال 15

وقال لك من هنا 6 شهور

طلع

بعدها دقيت عليه اتأكد انو جواله مفتوح وكنت وقتها مافكرت ارجع له

جد دايم يقولون لي مغروره والحين تاكدت

كلمته في الجوال

وارسل رساله يود دقيت عليه وسكرت

قال عارف انه انتي وسماني بدلعي

وبعدها ضعفت وكلمته

وبعدها تفاهمنا وقالي عن ظروفه واصلا ادري عن ظروفه

تنازلت عن الشرط

بشروط غيرها

بعدين فجأة ابوي غير رأيه قال مانبيه هذا بخيل ومدري

ايش وانه كذا وكذا وهو ماشاف شي عليه

واول ياما كان يوقف مع ابوي

بس حصلت بينهم مشاده كلاميه اخر مره معه بعدها حقد

ابوي الله يسامحه

القهر يوم وافقت انا رفض ابوي

توني مكلمه امي وقهرتني وقالت مافيه لاتحاولين ماراح تأخذينه

حتى لو جاب شروط

انقهررررررت

وكلمت طليقي وعلمته انو ابوي رافض

من طيبه قال خلاص بحاول

وبيحاول

وبيجي يوم الشبت يكلم ابوي بعد

اللي يقهرني ابوي يقولي ارجعي يوم وافقت رفض

ادري ان كلمته غلط

ولاتقزلزن راح يشك فيني مدري ايش لا

زوجي اعرفه يحب الاشياء هذي

مع انو محافظ

انا شسوي اكتب لك من هم

ابيه واحبه وهو يحبني

:8::8::8:

انا اخاف على نفسي من الفتنه وربي يابنات مااكذب عليكم

تربية امي وابوي لنا غلط

بس الحمدلله حفظني ربي

بحجابي وديني

وكل شي نبيه عادي

لا رقيب ولاحسيب

تعبت اجامل

والكل يأكل ويشرب فيني

شسوي عطوني رايكم

لاتقهروني بالردود كونوا معي​

 

[روعــــــــة]

اختي مو غلط تكلميه ادعي ربك انه يرده وانه يهدي سر ابوك ولو اصريتي على اهلك انك ترجعين مافيها شيء دا زوجك وماحد يلومك
ولو مارجعتي ممكن تتزوجي معدد وماتدري متى يجيك غيره واقنعي امك واهلك بهاد الكلام انك ماتبغي غيره وما تبغي معدد
والله يوفقك ويوفقني .

 

[همسني الشوق]

الله يقدم مافيه خير
مادري احس انوه با المشاكل هذي ما تسرعين قبل كل شي استخري
لا تستعجلين ابوك افهم منك با الامورااا هذي
وما انصحك اتكلمين طليقك مو من محرمك

 

[المتغيرة للأفضل]

الله يسهل لك الخير واتصالك به صح وواضح انه يحبك وشاريك فلا تفرطي به وحاولي مع اهلك ان شاء الله بيقتنع الوالد عندما يعرف كم هو نادم ويحبك

 

[دنيا الأمومه]

انا بصراحه لو بمكانك اروح اكلم ابوي بنفسي واقول انا مطلقه يعني يمكن ماأتزوج واحد على طموحي وهذا طليقي ورجع لي وماراح يجي لي احسن منه يعني يابيجي مطلق قبلي ويمكن يتزوجني من هناء ويرجع زوجته الاولى من هناك يعني فكر واستخير يابوي قبل لا تتهور ويروح عمري ومااتزوج واحد ارغب فيه

 

[روعــــــــة]

الي تقول طليقك مو محرم يعني احنا مانكلم محلات وطلبيات وسواقين
يااختي هذا زوجك انت اولى الناس فيه .

 

[جودي سر وجودي]

الله يوفقك لما فيه الخير تمنيت طليقي يكلمني ويرجعني استغنى عني الله يسعدك

 

[ملكة بإحساسي]

الله يسهل أمورج يارب وإن شاءالله الله سبحاانه وتعالى بيساااعدج
والله يقويج ولو مهما صااار أمج وأبوج ورضاااهم أهم شي في الدنيا واحنا ما نقدر نقولج عاندي امج وابوج يمكن هم عندهم نظرة انتي مو شااايفتها,,
عليج بقراااءة سورة البقرة كاااملة يوميا وسورة يس في صدر النهااار وإن شاااءالله الله عزوجل وحده سبحاانه قااادر يساااعدج يا قلبي هذا أقوى حل في الدنيا تدعي الله سبحااانه يفرج همج وتصلي قيااام وتدعي في الثلث الأخير من الليل وابكي وتضرعي لين الله واشكي همومج له الله سبحاانه وقولي اذا هالريال بذكر اسمه خير سخره لي ورجعه لي يارب العالمين ولو شر اصرفه عني واصرفني عنه وابدلني بخير منه عااااجل غير آآآجل يارب العالمين وان شاااءالله الله بيسااعدج والصبر مفتاااح الفرج

الله يسهل عليج يا قلبي

 

[الجوهره11]

شوفي يا بعدي
1- لا تيأسين انتى صغيره وتوك عمرك 18 يعني حاولي الين توصلين الى اللي تبين
2- الشي الثاني لازم لازم لازم تعرفين ليش ابوك رفضه مع العلم ان عذر ابوك غير مقبول قولي ليش ؟ لان ابوك هو اللي خفف عليه ال30 الف وخلاها 15 معناته ابوك ماهمتوه القروش والفلوس عشان كذا انا احس ان فيه شي اكبر من البخل بس حاولي تعرفين وشو
3- اقطعي مكلاماتك بطليقك مهما كان هو انسان محرم عليك تكفين انتبهي من هالطريق ترا مابوه اشين منوه خلي الشك لا تقولين اعرفه وماراح يشك بي انتي راقبي ربك اول
وانتبهي تحسسينه ان هو ابدا من اهلك او اهم منهم لان البنت يا اوخيتي ما يرزه ولا يرفع قدره الا اهله وقسم بالله من تروح الام والابو تكسر ظهيراتنا يالحريم مهما كانو قاسين
الله يخليهم لك ويحفظهم يارب ويسخرهم ان شالله
4- و تالي الليل لا تخلينوه قومي وصلي واطلبي اللي مايخلي رب العالمين ادعوني استجب لكم واقرني دعائك بالرضاء مهما كان ربك ارحم بعباده اللي بوه خير لك يبي يصير لك واللي بوه شر يبي يبعدوه عنك
عسان نفعتك ان شالله ويهدي سرك ويفرج همك ومشكلتك ويفتح لك ابواب رزقوه و كل هالمسلمين يارب
استودعتس الله

 

[الخط الفاصل]

لا تزعلي مني إنت لسة مانضجتي فكريا وعاطفيا..انسانة متقلبة الرأي والمشاعر.
خليك مع رأي أبوك هو أبعد نظرا منك وأكثر حرصا على مصلحتك..أكيد الوالد لمس منه مالايرضي غير رأيه فيه.

 

[خاني قلبي وحبك]

اعذريني حبيبتي غلط ونص وحرام شرعا

انا اعرف بس ابليس حسبي عليه

 

[خاني قلبي وحبك]

ادري اني كلمته غلط

بس هو انسان عادي بالعكس يحب اني اهتم فيه

المشكله تركته يوم اعلنتهها توبه لله سألت الله يثبتني

ويبدلني خيرا منه

يوم رجعت ممن السفر غصب لقيت رقمي يدق عليه

مع اني كسرت شريحتي الاولى

آآآآآآآآآآآآآآآآآآآآآآآآآه بس ساعدوني

ماابي اسوي غلط

وامي تقول انا راح اكلم ابوك ترجعي له

تعبت ابوي يبغا ارجع له بس يقول برد كرامتك

اول

شسوي تعرفون مر الحرام في قلب صاحبه

اتمنى وحده متدينه تاخذ بيدي

والله ربي يفرج همها

فرجت هم مسلم

 

[مليك قلبي]

ياااحبيبتي والله الرجااال شااااريك

ادعي وادعي من قلبك ربي يحن قلب ابوووكي عليك

 

[نور الشمعدان]

هههه
عزيزتي انتي لسا صغيرة
ولا وافقتي عليه الا لمن ابوك رفضه,,, اكشن
استشيري امك
لنها ادرى بكل تفاصيلا لموضوع
وطيعي شورها
انا ودي اقول احزمي امرك
لكن فعلا حاسة انك مو ثقة
اقصد لسا صغيرة ويبغالك من يبصرك
الحياة مو احبه ويحبني
ويحب ناقتها بعيري

استشيري امك
وتعالي قولي لنا وش ردها
خلنا نفكر سوى

موفقة
تحياتي