طليقى يريد يزوجنى بالسر

[ملكه احساس]

بعد ان تطلقنا مده سنه ونصف سنه تزوج بامره اخره وعاد الي بعد زواجه بخمس شهور يطلب منى ان ارجع اليه بالزواج بالسر على اهله وزوجته فقط هل اعود اليه ام ماذا اشرط عليه لانه جربت حياه مع اهله الحشريين اصبحت الان احن اليه حقيقه شاورا علي ماذا افعل ربما انا فى حاله ضعف .

 

[جرح الشوق]

لو كان فيه خير ما طلقك من البدايه بس قع
ي مع نفسك وفكري عدل تقدري تعيشي معاه بعد فراق دام مده انا مدري شو سبب طلاقك لكن انتي ما تحملتيه وانتي ع ذمته راح تتحملي الحين وعنده زوجه ثانيه حسبيها عدل وقلبيها زين ف مخك وصلي صلاه الاستخاره واكثري من الاستغفار والله يقدم اللي فيه خير

 

[لمعةالماس]

يااختي اذكان الطلاق قدوقع بثلاث طلاقات فلايجوز لابسر ولاعلان حتي تنكحي زوج غيرة والله اعلم

 

[الالوان الجميله]

ليش ياحبيبتي تتزوجون بالسر مسويه شي غلط علشان يكون زواج بالسر
لا والف لا ماانصحك زواجك يكون بالسر اذا ياحبك وشاريك زواج يكون علني

 

[سكنات في القلوب]

ليه ترضين بالمذله بعد ما كنتي علني تكوني في سر اذا وافقتي ادري انك تنزلتي عن حقوقك وتعيشي في قهر وندم اذا اهو يبيك ويحبك بيرجعك علني مو في سر واستخير ربي يوفقك

 

[*..الحلوة..*]

استخيري ربج زين واحس انه مب غلط انج ترجعين له بس شو الحكمة من السر ؟؟ يعني هالشي اني الخسرانه اذا وافقتي عليه ولازم تفكرين عدل يعني هو اتغير وصار عنه غيرج مب مثل اول انتي بس له هو كثري من الاستخارة وراي لا تتنازلين عن حقوقج وطلبي زواج علني يكفي انج بترضين ترجعين على ضرة

 

[بنوتة الطائف]

لا توافقي ابد

 

[مجموعة آمال]

واضح إنو سبب طلاقه لك بسبب أهله
عشان كذا يبغى يتزوج بدون علم أهله
لازم تحسبيها مضبوط وهو غنك راح تكوني الزوجه الثانيه
وراح تتنازلي عن أشياء كثيره أساسيه وكماليه
ومادامك تعرفيه ويعرفك استخيري وتوكلي على الله

 

[مطرية]

مو مكفيه ترضين بالضره

كمان فى السر؟

ليش زوجتها الثانيه احسن منك فى شنو

ويخاف على مشاعرها ويحسبلها حساب وانتى لا؟

ترضين لحالك المذله؟

حبيبتى لو تنزلتى عن حقك هالمره راح تكونين مذله طول العمر

 

[صاحبة السمو ء]

ممكن تقولن لنا ليش طلقك

 

[سنكرس]

يقول الشاعر:
إذا أرخصت نفسك عند قومٍ ....
فلا تغضب عليهم إن أساءوا !
حبيبتي:
لا ترخصي نفسك لأي كائن حتى وإن حنيتِ له وتقطعت أوصال قلبك من حبه.
صدقيني ستسقطين من عينه وسيجدها عليك يعايرك بها ويقول أنت من رضيت بالعودة لي في الخفاء وتحملي النتائج.
قولي له بالحرف الواحد:
أنا بنت ناس ولي أهل وأقارب إن أردت العودة لي ففي العلن وعلى رءوس الأشهاد وأولهم أهلي وأهلك وزروجتك
وخلاف ذلك لاتحلم بعودتي لك .
صدقيني إن كان راغباً بك سيعمل المستحيل ولن يأبه للآخرين ورأيهم ،وإن كان يريدك لمتعته ولتسلية نفسه فليذهب يلعب بعيداً عنك.

 

[أم الأقمـــــار]

والله بجاحه مطلقك وبيرجع بالسر!!

صدق اللي اختشوا ماتوا

.
.

اكيد انه يبي يقضي شهوته كم يوم معك وبيطلقك ولااحد يدري

انتي المفروض من طلبه هذا تعرفين انك رخيصه عنده لابعد حد

.
.

يكفيكم غباء

اذا يبيك يجيك علن غصب عن اهله وغيرهم

 

[ندى3]

لانه خايف على بيته وزوجته يبغاك بالسر وش موقفك لو زوجته حست بالموضوع وقام وطلقك كذا بيكون جرحك جرحين خليه يخبر اهله وزوجته انه بيرجع لك واذا كان قدها بيتزوجك بس لاتتنازلين عن حقك والله يوفقك

 

[ابتسامه مهجوره]

هزلــــــــــــــــــــــت00والله المسلسلات تحكي واقعنا عز الله مابالغوا ولاكذبوا

 

[يابعدي ياأنا]

ليش طاقم ؟؟؟؟؟؟؟

 

[شطيفه]

صراحه .....ماعندك سالفه عفتيه وهوخالي وبترجعين وعنده وحده والله مارح تنامين اليل كله وهو عنده والاراح تسامحين نفسك على العمله هذي بتكون كبر غلطه في حياتك سرحيه وخليه ينتبه لبيته وزوجته ونتي عيشى حياتك بعيد عنه مادام طلقك وختار وحده ثانيه خلاص مومالك مال مال غيرك ياحريم بسكم تجريح في الحريم كل وحده تاخذ زوج الاخرء ليمته بنكون عند هذى المستوى ارحمو الجنس اناعم نفثت طاقتم من الجري وارى الازواج خلك مثل الي يقول ربابتي فوق فني ون طرالي بغني خالي من الهوس والهوس بعيد عني

 

[وميض الحزن]

لا ترجعي الا وانتي رافعة راسك
يكفي طلقك ودار ضهره عنك ولما شبع ومل من الجديدة
تذكر وجودك
عزيزتي لو فكرتي ترجعي لاترضي بالدل والاهانه لنفسك
ومادامه يخاف اهله للحين ويعمل لخواطرهم الف حساب
اعتبري ان اسباب مشاكلكم مازالت موجودة وراح تكون نفس الاسباب اللي ممكن تفرز طلاق جديد لا وازود عليها انك زوجته بالسر
ولاراح يشفع لك لاحب ولا مشاعر
حبيبتي نصيحة من اختك ومن قلب اقولها
لاتقبلي عرضه
ولو يبيك مستعد يتحدى العالم عشانك ويشتري خاطرك اللي كسره
ولاتقبلي بالقليل ولاتستهيني بكرامتك ومشاعرك

 

[نور1199]

ماشااااااااء الله انتى الاولي وترجعي في السر وهى الثانيه في العلن ؟؟؟

ايش جابرك ترضي بلذل ؟؟

ياشيخة لاتخافي اضغطي عليه وقوليله ارجع في العلن وشكله يحبك ولا ماكان فكر يرجعك ولو ضغطي عليه شوية بيرضى بلعلن لانه شكله سوا مقارنة بينك بينها وجات في صالحك انتى

 

[تناهيد الجروح]

عجيب امرك!!!!!!!!!!!!!
كل هذا مطلقك ومتزوج عليك وبيرجعك بالسر<<< لا وبعد حانتله وتبينه؟؟؟؟احس عنوني بتنط من كثر الاستغرااب
الله يكملك بعقلك يااااختي راجعي نفسك زين الله يعوظك باحسن منه وهو لاتفكرين فيه ابـــــــــــد.

 

[تلميذة مريم]

لو يبيك بخلي أهله غصب يرضون لكن بما أنه مخفيه عن أهله وزوجته فهذا بيرجعك مؤقت ! ليش سر! من شروط الزواج الاعلان