طليقة زوجي وبنات عمه بيذبحوووني

[الــغــيره]

مرحباااا

شخباركن حبيباااتي

بصراحه عندي موضوع واريد اخذ مشوورتكن فيه لاني تعباانه منه

مشكلتي طليقة زوووجي وبنات عمه

بحكيلكم من البدايه واتمنى ماتملون

زوجي يوم كان عمره 20 تزوج من بنت عمه وقعد سنتين وتطلقوا لمشاكل بينهم بدون اطفال

وبعدها قعد 12 سنه ماتزوج والحين تزوجني

طبعااا انا وزوجي من جنسيه غير جنسيتي
وهو عايش في نفس ديرتي
بحكم شغله

المهم بعد الزواج نروح ديرته نجلس اسبوع ونرجع وفي هالاسبوع طليقته تلوع بجبدي

تخيلوا تقعد تتكلم عن حكاياتهم الجنسيه يوم كانت زوجته

تقعد تقولي شلون كان بالجنس معاها وشلون بشتهيها وغيره من الامور

انا اسكت ماعرف شقولها مابي ابين لها اني اغير او اني اتضاايق

امس كانت موجوده وتقولي انه فلان ( اللي هو زوجي) مره كان معاها واشتهاها وسوو مع بعض 8 مرات في نفس اليوم

وانا ماعرف شو ارد عليها غير اني ابتسم

انا جنوبيه غربيه

وزوجي شمالي شرقي

المهم
ودايما تدخل بلبسي ومكياجي تقولي فلان مايحب هذا او مايحب هاللون
تحسسني اني مااعرف شو يحب او شو مايحب

انقهر منها بس اخاف تصير بيني وبينها مشكله

لاني ضيفه عندهم اجي واروح ومابي اخرب علاقتي مع اهل زوجي

وعلى فكره طليقته تزوجت وتطلقت مره ثانيه


هذي مشكله
اما المشكله الثانيه

انه انا وزوجي عرفنا بعض قبل الزواج
يعني تزوجنا عن حب

وبنات عمه مو عاجبهن يعني متضايقات ليش تزوجني انا وانا مو من ديرتهم ولا اهلهم

((ذكرت قبل ان زوجي مشهور نوعا مااا )
يعني مثل مايقولون في الوسط الفني

المهم دايما بنات عمه اذا شافوني يحبون يتكلمون عن فشل الزواجات اللي كانوا اصحابها يحبون بعض قبل الزواج
وانه مايستمتعون وانه وانه

وانا ماعرف شو اقول

اجلس ساكته وبعدها اروح غرفتي ابجي

ع فكره اخوات زوجي وحماتي يحبوني وايد وعلاقتي معاهم حلوه

مشكلتي مع طليقته وبنات عمه

نصحوني شو اسوي كيف ارد عليهم

صرت اكره اساافر عندهم

وهو يشوفني متضايقه وزعلانه وعلى باله متضايقه اني جالسه عن اهله
بالعكس والله احبهم

بليييز ساعدوني

 

[أحساس امرأه]

خليك وااااااااااااااااااااثقة من نفسك وقووووية
ولتكلمت معاك كذا قولي ماسالتك وش تسوون استحي على وجهك ؟بس يكون عندك احد
علشان ماتقدر تكذب عليك .وبكل قوووة وحزم
ولاتبين انك متضاااااااااااااااايقة نهااااااااااااائي علشان مايمسكنها عليك كل مرة ؟
ولاتجلسن معاهم كثير خليك مع حمولتك اهل زوجك ؟ولاتبكين عند زوجك
لازم توقفينهن عند حدهن قبل يتماااااااااااااااادن عليك خليك قوية ولاتخافين ابدا

 

[تشكرات]

من البدايه لا تحتكي فيهم ايش دخلهم فيكي وبعدين طليقته جريئه وقليلة أدب كيف تسمحي لها تتكلم عن ماضيها مع زوجك .أعطيها كم كلمه ووقفيها عند حدها خليها تروح تتزوج وتدور غيره مالت عليها وبنات عمه عساهم العمى المفروض ما تسمحيلهم ابدا يقولوا رايهم بزواجكم ولا مقهورين عشان مااخذ منهم ...اسمعي عيوني لو فضلتي كدا ساكته بيركبوا عليكي ويطيروا الرجال منك ويمكن يكرهوا فيكي ..أقطعي العرق وسيحي الدم مو ناقص الا الغرب يتدخلوا في حياتك ...من الان أبدئي وقفي كل متطاول عليكي ولا تخافي او تستحي من أحد لانك على حق والله معاكي .

 

[الــغــيره]

احساس امراه
انا لو تناقشت معاها راح ابكي
يعني انا من النوع اللي دموعي بطرف عيني

عشان جذي مااحب ارد عليها ماابي تشوف ضعفي

وانا احاول مااقعد معاه بس هم في الفتره اللي اكون فيها بيت اهل زوجي يكونن موجودات اغلب الوقت بحكم يسلمن علي او يسلمن ع زوجي

المشكله انه زوجي حاس انه فيه شي وانا انكر اقوله مشتاقه حق اهلي وجي
وهو عارف انه في شي ثاني ومعتبرني اكذب عليه
وهو اكثر شي يكرهه الكذب

مو عارفه شلون ارضي الطرفين

 

[.PRADA.]

/

وشلون بيذبحونك وانتي قااااااااااااااااهرتهم بهالشكل حبيبتي العكس صحيح انتي اللي بتذبحينهم خخخخخ
تراهم مااااره محترين منك يا ماما خصوصا طليقته اللهم لا شماته تزوجت بعده وتطلقت يدريك ان العيب فيها الحمدلله والشكر بس ومنقهرة منك انك اخذتي زوجها وتبي تقهرك بااااي وسيله حتى لو كانت بالكذذب , وبعدين 8 مرات باليوم لووولز
والله لو انه حيوان مو انسان ماسواها ماشاء الله تبارك الله انتي زوجك وعارفته تتوقعين صحيح هالكلام ؟؟!!

اما بنات عمه يقولووون اللي يقولونه انتي معاه الحين وهذا اهم شي يعني بالعربي حامض على بوزهم !

بكل اختصار استمتعي بحياتك وعلى قول المثل الكلاب تنبح ماضر السما ​

 

[الــغــيره]

تشكرات
تسلميين لي الغااليه

بس مابي اسبب مشاااكل وانا ضيفه عندهم يعني انا مااشوفهم الا كل شهرين او ثلاث اشهر مره

وفعلا زوجته جريييئه جداا

يعني بوجوده تحب تتميع وتدلع

وانا اقعد سااكته او اروح غرفتي ابجي لحد مااشبع

 

[الخط الفاصل]

الشمالي صريح ليش انت غامضة معه...

 

[الــغــيره]

برااادااا فدييتج والله رفعتي معنوياااتي

حدي كنت متضااايقه وابي يخلص هالاسبوع واروووح بيييتي وارتاح

 

[اه من برد الشتا]

الصراحه طلقته جريئه يع شنو 8 مرات ردي عليه بس بسلوب حلو عشان ماتصير مشاكل كبيره وبنات عمه مالت بس عليهم هم يغارون منك خليك واثقه من نفسك اكثر وبقوه

 

[الــغــيره]

الخط الفااصل شو اقووله؟؟؟
اقووله طليقتك تتذكر بطلاتكم الجنسيه اللي كانت قبل 12 سنه؟؟

استحي مااقدر

او اقووله بنات عمك دايما يناقشون انه الزواج اللي عن طريق حب ومعرفه قبله ماراح يستمر

ماعرف شو اقووله

 

[الــغــيره]

اه من برد الشتااا

تخيلي وربي تقولي جذي انه قبل وااايد يشتهيها
قالت لي تخيلي سواا معاي 8 مرات حزتها ماطلعنا من الغرفه

انا ماعرفت شقول

ابتسمت لهاا وسكت

اصلا انربط لساني

 

[تلميذة مريم]

خذيها مني نصيحة اذا تكلمت تجاهليها ولاكأنها تكلمك حاوي تتشاغلين عنها فعلاً جرئية وقليلة أدبأم زواج من عدمه ينحج ماينجح هذا يعتمد على مدى حجم الشك بينكم إذا أنتي حاولتي تبددين شكوكه بوضوحك واخلاقك ان شاء الله ينجح

 

[الخط الفاصل]

مدري يمكن شوري غلط والله لو انا بمكانك أقول له ... وأبين له قد إيه بنت عمه قليلة أدب ماتستحي..

هذه جراءتها بوقاحة...

وربي الرجال لو بارك فوق زوجته 24 ساعة الزوجة ماتقول لأحد..حتى لو تطلقوا..

الرأي عندك ياوخيتي..إما إنك بكلمتين تسكتينها للأبد..أو تخبرين زوجك..عشان يعرف سبب ضيقك.

أما كلام بنات عمه عن الحب قبل الزواج اعتبري نفسك ماسمعتيه..وسنعي علاقتك بزوجك وأهله خليها زي الفل..

 

[جنون حبك]

قلة حيا لاتعطينها فرصه
صيري احلا منها بكل شي
حبيبتي اذا تدخلت في شي قولي لها زوجي يحبني كذا ويموت فيني ومااتوقع سألتك وش يحب
هالأشكال ماتنعطى وجه

 

[رمزالحب]

حبيبتي الغيره لاتقولين له اي من الكلام الي قالوه اذا قلتيه راح يفكرانك ضعيفه ولاتخذين حقك منهم عندك حل واحد اذاكنتي حساسه لهذه الدرجه السسسسسسسسسسسكوت والدلع امام زوجك هذاحل واحديقهرهم وقدماتقدرين خليكي مع امه وخواته وبتسمي لان مافيهم الى القهرمنكي شوفي نفسك عليهن البسي التكشخي وقولي لنفسك نه باعهاوشراكي واذاجاء وهي موجوده لاتعطينها فرصه اقهريهااذاكلمتيه هذايطفي النارالي بداخلك واذاتكلمت عن المواضيع الفاشله حقتها(والله لواني بمكانك كان ذبحتها الله ياصبرك الغيره فيني هي الي ذبحتني واناموناقصني شي الحمدلله)التوكلي على الله وتعاملي مع من حولك بطيبه وطنشيهن

 

[رمزالحب]

الغيره كوني قويه وثقه اهم شي

 

[رمزالحب]

لاتزعلي اهم شي الثقه

 

[رمزالحب]

اتمنى من الله انهاتتزوج وتذلف عشان ترتاحين

 

[الــغــيره]

تلميذة مريم فدييتج انا الحمد لله علاقتي مع زوجي جدا ممتاازه

ولا عمره بين لي انه يشك او شي

بالعكس معطيني كل الثقه

تسلمين لي ياقلبي

 

[الــغــيره]

الخط الفاااصل فديييتج المشكله ماعرف شقوولهااا

تسلمين لي يااقلبي على اهتمااامج لاخليت منج

والحمد لله علاقتي مع زوجي واهله ممتازه