طليقة زوجي تسبب لي مشاكل شسوي معاها؟؟؟؟؟؟

[حمرة اظافر]

سلام عليكم بنات شخباركم

مو عارفه اعيش في سلام طليقة زوجي مغربلتني
زوجي عنده بنت منها وكل اسبوع ياخذ بنتها زياره تسوي لنا اذيه

تقول لزوجي لا تخلي زوجتك تشوف بنتي ولاتلمس بنتي ولاتكلم بنتي ومعلمه بنتها كل شئ تقوله
عقب ماتمشي تستجوبها في كل شئ شسويتين وين قعدتين شفتينها لو لا كلمتش لو لا

وتتهاوش معاه وتدخلني في الموضوع وتقط علي كلام مافي اوسخ منه استحي اقوله

ماعندها الا انا في الحياة تبي تدمرني
ساعات احس انه زوجي ماعنده شخصيه يوقفها عند حدها وساعات اقول اذا اهلها مو قادرين عليها وابوها متبري منها ويقول لزوجي مالي خص فيها

وحتى ابوها تسب فيه وتقول له روح ادب نفس بعدين ادبني من بيقدر عليها دي مهدوده على حل شعرها


واللحين اجي على بالي ا رفع عليها قضيه قذف وسب
وادبها


وارد افكر واقول خلها تولي ماعلي منها في ستين داهيه فيها
اهي وبنتها

احقرها وخلها تقول عني الي تبي تقوله ولا ارفع عليها دعوه
​

 

[مَلآمِحْ حُلمْ]

كرري دعاء (( اللهم اكفينيها بما شئت ))
الله يجعل كيدها بنحرها و تدبيرها تدمير عليها​

 

[حمرة اظافر]

كرري دعاء (( اللهم اكفينيها بما شئت ))
الله يجعل كيدها بنحرها و تدبيرها تدمير عليها​

تسلمين حبيبتي
والله محد معكر علي حياتي غيرها

 

[مدنفة أوصالي]

ترى ما تستاهل منك هذا كله ، ولا تستاهل تعطينها من جهدك وتفكيرك

لأنها خلاص صارت بالنسبة لزوجك شي ماضي وانتهى ومرض ( الغيرة ) إذا استشرى

تراه متعب فالله يعينك اخيتي الغالية ، وادعي فعلا مثل ماقالت غاليتنا بنت المريخ ( اللهم اكفنيها

بما شئت ) واستغفري وحاولي انك تكونين الصورة المشرقة لزوجك بحيث لو شافها وسمعها

يتحمد الله ان عنده وحدة مثلك لسانها محفوظ ونفسها حلوة

وأخيرا غاليتي صورة معرفك ياليت تغيرينها عشان ما تكسبين فيها ذنب ربي يسعدك ويرضى عليك

 

[حمرة اظافر]

ترى ما تستاهل منك هذا كله ، ولا تستاهل تعطينها من جهدك وتفكيرك

لأنها خلاص صارت بالنسبة لزوجك شي ماضي وانتهى ومرض ( الغيرة ) إذا استشرى

تراه متعب فالله يعينك اخيتي الغالية ، وادعي فعلا مثل ماقالت غاليتنا بنت المريخ ( اللهم اكفنيها

بما شئت ) واستغفري وحاولي انك تكونين الصورة المشرقة لزوجك بحيث لو شافها وسمعها

يتحمد الله ان عنده وحدة مثلك لسانها محفوظ ونفسها حلوة

وأخيرا غاليتي صورة معرفك ياليت تغيرينها عشان ما تكسبين فيها ذنب ربي يسعدك ويرضى عليك

مشكورة حبيبتي
كلامك يسر القلب بحاول اطبقها بس انا صرت عصبيه من سببها
وكل ما اقول لزوجي لاتكلمني عنها ولاتقول لي شنو قالت
لازم يتصل فيني وقول لي شنو صار

بالنسبه لصورة المعرف مب راضيه تتبدل حاولت كذا مرة تتغير عندي واهني ماتتغير

 

[رفيقة النجوم]

أختي الغالية خلي زوجك يضعلها حد ولا يصير من فمها لفمه أي كلام نهائيا هي مطلقة
وصار رجل اجنبي عليها وإذا يقدر يرسللها البنت مع اي احد حتى لا يشوفها ابدا ولازم مايجري بينهم
اي لقاء واي حديث
ولا تنسي يا اختي كل واحد في الحياة له نصيب وافر من الهموم والمشاكل فتحمدي الله أنتي مصيبتك
في طليقة زوجك والحمد لله ليست المصيبة في ان زوجك يريد ان يرجعها إنما المصيبة انها تسبكم ومصيرها أن تمل او تنشغل عنكم او تتزوج
وفقكم الله
ولا تنسي كما ذكر الأخوات اللهم اكفنيها بما شئت وكيفا شئت اللهم اجعل كيدها في نحرها واجعل تدبيرها تدميرا عليها وأشغلها في نفسها عنا
والسلام عليكم

 

[RRFF]

خلي بنتها عندها
ليه عايشه معاكم

 

[تلميذة مريم]

اذا هي فعلاً قذفتك ارفعي عليها قضية حتى ترتدع

 

[الوردوالياسمن]

عليك بالدعاء

 

[فيافي 2]

وفيه ناس تتعب من زوجة الطليق يعني لاكذا ولا كذا

 

[ايام غربه]

ياختي طنشيها ولا تردي بس لبعرف كيف يوصلك كلامها يعني هي تكلمك والا بنتها توصل على العموم الحقران يقطع المصران​