طلبتكم حبايبي لاتكسفوووني...عااااااجل

[الدمعة الخجولة]

حبيباتي البلقيسيات بغيت أستشيركم قبل زواجي اللي حيكون بإذن الله بعد شهر ونص..

كثير من صاحباتي اللي حملوا من أول شهر زواج نصحوني إني ماأستعجل بالخلفة من البداية يعني أستمتع بأول سنة زواج..المهم قالولي على حبوب الياسمين وعلى العازل وحساب أيام التبويض .........الخ
المهم أنا بصراحة ماتحمست أبداً للحبوب مع ان قريبتي استخدمت حبوب الياسمين حوالي 5شهور واللي وصفتها لها دكتورة وتركتها وبعدها بشهر حملت وتقول ماحصلي منها أي أضرار ولله الحمد..

المهم حبايبي أنا قلت موانع طبيعية ولاحبوب كله ولاصحتي ماراح ينفعني الرجال..
بغيت منكم الحساب الصحيح والدقيق لأيام التبويض متى تكون بعد أول أيام الدورة ..
هل صحيح هي اليوم 14و15و16و17 بعد أول أيام الدورة أفيدوني رجوتكم للي بتمشي على هالطريقة أو عندها معلومة أكيدة عنها...وحكون مبسووووطة كتييير من إفاداتكم ..

ودمتم حبايبي ....​

 

[ليلكيه]

عزيزتي


طريقة الحساب او الجدول انا استخدمها وتنجح معي ولله الحمد

ولكن يجب ان تكون دورتك منتظمة

وتكون بان تحسبي من اول يوم للدورةوتكزن ايام الخطر يوم 14 وقبله 3 ايام وبعده 3 ايام

ولكن حبيبتي سيكون صعب تطبيقها في الشهور الاولى للزواج الا اذا تعاون معك زوجك في ذلك

 

[تيماء3]

الف مبروك مقدما
الحساب حبيبتيلازم يكون في انتظام في الدوره وهيه تختلف شوى بعد الزواج في ناس يحصل لهم لخبطه
يمكن ماينفع انصحك بالعزل بيكون افضل الحلول واامنها

الله يوفقك

 

[رعبووب555]

ما انصحج تأجلين الحمل
بتكونين مشتاقه للحمل واحتمال يكون اساسا عندج تأخير من الله
وحبوب منع حمل ما انصحج فيها ابدا لان في ناس تناسبهم وفي ناس لأ حتى ولو الدكتورة تقولهم
بعضهم يمتنون وبعضهم يتأخرون في الحمل اذا خذو الحبوب
اعرف وحده خذته 1 سنو وتأخرت في الحمل 2 سنه لما تركت الحبوب
انا اخرت الحمل وندمت انصحج لا تأخرين
او اخري كم شهر بس بالعزل الطبيعي
والله يحقق اللي في بالج وفي بالي يارب

 

[الدمعة الخجولة]

عساني ماانحرم منكم يالغاليات
أختي ليلكية هل تقصدين انتظام الدورة يعني تكون تجي كل شهر أو انها تجي في نفس اليوم من كل شهر؟؟
لاني ولله الحمد تجيني الدورة كل شهر وطول الدورة تقريباً منتظم..يعني مابين كل دورة ودورة يكون في أغلب الأحيان تقريباً 25 يوم أو اكثر ...أفيديني جزاك الله خيراً...

 

[ربانة بحر]

اضم صوتي لاخواتي وما انصحج بالحبوب لانج توج بنيه وبعضهم تسبب لهم مشاكل وتأخير او حتى العقم
عافانا الله منه ...
اما عن العزل ويكون:
1- بالواقي الذكري معظم الشباب ما يحبونه لانه يسبب لهم حكه ويقلل من متعتهم
2- بالقذف الخارجي ونفس الشي الشاب اللي توه معرس ما يحب هذي الطريقه
لانها بتفوت عليه نص المتعه هذي اذا ما كان كلها (فانسيها )
3- العزل ايام الاخصاب واللي تكون في الاغلب ما بين 13 و 19 يوم تحسب من اول ايام الدوره الشهريه
ولازم تكون دورتج منتظمه يعني تجي كل 28 يوم او كل 30 يوم

والاحلى اللي تجي كل 28 يوم وتقريبا يكون الاخصاب في اليوم 13 من اول ايام الدوره
بعضهم تجيهم الام خفيفه صوب الخاصره او المبايض وقت الاخصاب نفس الام الدوره لكن خفيفه يمكن تحسينها او لا

لكن من التجربه ان الشباب ما يقدرون ع هذي الوسائل بعد الزواج مباشره لانهم هذي الفتره كلهم نشاط وحيويه

اخر شي ما تقدرين تسوين عزل الا بمشوره ريلج واذا وافق راح تكون السالفه سهالات....

والله يوفقج ويبارك لج فعرسج وحياتج