طلاقي بعد شوي بسرررررررررررعة ادخلوا

[ميرندا حمضيات]

صباح الخير ....
يابنات انا تعباااااانة نفسيا وجسديا من حبيبي وزوجي اللي عشقتة واعطيتة بدل الفرصة 10
المهم هو خاين من اول ماتزوجتة وانا الان لية سنتين ونص واخر مرة كلمها امس العصر وانا بموت قهر
هذا من غير انة يشووووووف افلام سكسية
ويدخن ومايهتم بالصلاة
ودردشة بالشات
ومايغار علية
وطلعات وسهرات مع ربعة وانا عندي بيبي
انا صرت شكاكة وهذا الشك دامرني
ومايجيني الالما اطلبة
على فكرررررررة هو مغصوب علية
ايش رايكم اطلب الطلاق يمكن ارتاح على الاقل من همة
عاااااارفة اني احبة وامووووووووووت فية لاكن بنفس الوقت ماقدر اعيش مع خاااااااين
ضروري تحطون نفسكم مكاني

 

[تيميه]

ياحبيبتي الله يفرجها عليك

 

[صدق العطاء]

صدقيني ما حد راح يساعدك غير نفسك

كوني قوية وقولي لالالن أستسلم

من ناحية الافلام ...الله يتولاه هو من سيحاسبه

انت عليك النصيحة

اما الشات وغيره بيدك انت ...لاتكوني سلبية وضعي حد لهذه التصرفات

الغبية منه ...اخبريه انك راح تتنازلين عنه لو ماترك الحركات هذه

صدقيني راح تخسري لو سكتي

دمتي بصحة وعافية

لاتنسي ذكر الله
​

 

[دنيا المجد]

استخيرررررررررري او دخلي احد من اهلك في الموضوع والله يسخركم لبعض

 

[ميرندا حمضيات]

ردوووووووووو محتاجتكم ياخواتي

 

[ام رنومه]

الله يفرج همك

 

[ثاقبه]

الله يكون في عونك
اصبري وحلي مشكلتك بنفسك لا دخلين والطلاق ماهو حل وكثري من الاستغفار والدعاء والله يفرج همك

 

[ميرندا حمضيات]

يعني شلون ماهو حل ياأخت ثاقبة انا بموت قهر

 

[نور كندا]

لعلمك فقط ان الكثير من الزوجات يعيشون مع ازواجهم بهدوء مع نفس الاسباب التى طلبتى لها الطلاق هل تعرفين لمازا لانهم عرفوا كيف يتاقلموا مع الرجل ولانهم عرفو ان الرجل غير المراة يااختى الرجل لانام مع مرة ولاعم يضربك ليل نهار ولا عم ياتيكى مترنحا من الخمر اخر الليل ولاعم يجيب نسوان عالبيت ولاتزوج عليكى يااختى ازا بدك تكملى هالحياة معه على هالشكل كملى وازا بدك ماتتحملى تطلقى اما تغييره وتربيته وتقويمه فصعب انتى من يجب ان تتقبل وتتغير وليس زوجك

 

[ميرندا حمضيات]

هل انتي بعقلك ياكندا ذحين انا اشكي وتقولين انتي تغيري يعني اشوف زوجي يكلم بنت واسكت واقوووووول لازم اتعود
رجاء لاتردين على مواضيعي انتي ماحطيتي نفسك مكاني

 

[{ ع..بير]

عزيزتي الله يفرج همك وييسر أمرك...
استعيني بالله أولا وآخرا...خلي الطلاق الحل الأخييييييييير.....
اليوم يوم جمعة..اجلسي على سجادتك من بعد صلاة العصر إلى صلاة المغرب وادعي واشتكي لربك همك ..وصدقيني رح تفرج أمورك...
ادعي بقلب صااادق ومحتاااااااااج وضعيييييف..ادعي وابكي ...اشكي لله همومك...هو من بيده الفرج...
ادعيه يلهمك الصواب ويفرج همك...ويعينك على حياتك...
وإذا الرجل فيه جوانب طيبة تمسكي به لكن بشرط تغيرين نفسك وتشوفين وين الخلل...
يمكن الخلل في تعاملك معه...أوقات الرجل مايهرب للسلوكيات هذي إلا تكون المراة مقصرة أو فيه شيء في البيت مزعجة أو عليه ضغوط...في عمله أو مع أهله...
معليش فكررري بهدوء ...دامك تحبينه...ماقلنا اسكتي على سلوكياته ولاقلنا إنه صح..لكن أختي الغالية لاتحل المشاكل الزوجية بهذه الطريقة...
صدقيني مرينا بظرووووف أصعب ومشاااااكل أقوى في حياتنا الزوجية.. ..وكل أخواتي المتزوجات هنا كل وحده لها مشاكلها وهمومها مع زوجها لكن صدقيني الطلاق مو حل ...

أرجووووووك لاتستعجلين....وكلي أمرك لله ....واعطي نفسك فرصة تفكرين فيها وتتخذين قرارك بهدووووء وحكمة...وفكري بينكم ولد ...

أسأل الله العظيم رب العرش العظيم أن يفرج همك ويلهمك الصواب ...وأي مساعدة احنا حاضرين ..في مشورة أو رأي..
طمنيني بالله عليك...​

 

[نور كندا]

تغيرى بمعنى ان تحسنى مظهرك وجسمك واعتنائك بنفسك وثقتك بحالك وان لاتلاحقيه وهو يتكلم مع البنت وتهتمى بحالك وهو عندما يراكى احلى والطف واجمل واروق منها سيتركها ويرجعلك وبتكونى كسبتيه بزكائك اما ازا بدك تعصبى وتنكدى وتحردى فهى قد فازت عليكى وانا لااؤيد الطلاق باى حال من الاحوال يلى زكرتيها لانو فى احتمال ان تتحسن الاوضاع بشوية زكاء ودهاء وانا دائما اقول اسباب التى تجبرنى على طلب الطلاق هى ان يتزوج الزوج ولااحتمل الضرة وان يكون بيشرب خمور ومسكرات وان يكون يده طويلة وان يكون بخيل لايصرف على بيته وغير هيك اسباب تستطيع الزوجة التغيير والتفكير بحلول

 

[دانة الشام]

اذا ماعندك أولاد اعملي يلي بريحك كمان مامعقول تعيشي طول عمرك هيك يعني الانسان بعيش عمر مو عمرين !!!أما اذا عندك أولاد فكري مليوووووووووون مرة قبل اتخاذ أي خطوة.....خليه يشوفك إنك بايعتيه وخلص نفسك عافته علاخير من تصرفاته بركي بحس شوي ..؟؟؟؟استخيري ربك واكثري من الدعاء وقيام الليل عسى ربي يهديكي للصواب ويعينك على اتخاذ القرار الصح...بس عزيزتي ليش قاعدة عم تحبيه كل هل حب اذا هوي بهشكل ؟؟؟؟؟إلا اذا إنتي شايفي فيه إيجابيات تانية !!!!!!!!!!!!!!!!!!!!!!الله يوفقك بحياتك.

 

[همـــس الروووح]

هل انتي بعقلك ياكندا ذحين انا اشكي وتقولين انتي تغيري يعني اشوف زوجي يكلم بنت واسكت واقوووووول لازم اتعود
رجاء لاتردين على مواضيعي انتي ماحطيتي نفسك مكاني

ياقلبي مامعك حق نور كندا قصدها انك تتغيري عشان يتغير
يعنني اسلوبك هو اللي خلاه يروح لهطريق وخاصه انه مغصوب عليكي

اختي بينيله انو الف رجال يتمناك وانك مطلوبه وانك لمى رحتي للعرس خطبوك وكذا بتكبرين في عينه

ومن ناحية الغيره الرجال مايبين الغيرررره ابد
واذا غار عوفك حياتك من السب والاهانات يعني تحمدي ربك

واذا تبينه يغار عليك فيه طرق اقريها وتعلميها تخلي الزوج يغار ويبين غيرته عليك بس تحملي مايجيك بعد الغيره :10:

معليش غيري من نفسك باين انك قليلة خبره بهالمواضيع
ترى كلنا ماكان لنا خبره ويوم دخلنا بلقيس خذينا الخبره منه وصارت حياتنا اقل هواش وتصادمات وافضل وحتى الزعل صار مايطول مثل اول والحمدلله :7:

ربي يبارك فيك

 

[نور كندا]

كلام دانه الشام مظبوط ليش حاببتيه وعشقانتيه كل هالقدر وبعدها طالبه الطلاق والله غريب امرك يلى بيحب بيتحمل

 

[دياموند]

هلا يالغاليه
انا مريت بالي انتي فيه وطلبت الطلاق ودخلت اهلي بالموضوع
طبعا انا دخلت اهلي بالموضوع وطلبت الطلاق وانا احبه واموووت عليه سويت كذا علشان يتأدب
بس شوفي النتيجه اهلي وكبروا السالفه وفضحوه وانا بديت اخسره واهلي جالسين يطلبون الطلاق غصب عني والي تكلمه هي الي ربحت وانا انخرب بيتي
وبدل ماكنت اموت في الدقيقه مره من القهر منها يوم يكلمها الحين صرت اموووت بالدقيقه الف مره من هم فرقاه والله حبيبتي اذا انتي فعلا تحبيه ماتصبري على فراقه دقيقه
انا حاسه فيكي لاني مريت بالي مريتي فيه ادري انه الصبر مر والله مر بس الصبر على فرقاه وبعده امر الف مره
انا انصحك لاتطلبي الطلاق ابد ابد
وحاولي تشغلي نفسك وتقنعي نفسك انه لك انتي وهو زوجك وهي الي داخله مملكتك ادري صعب بس اهون من تخربي بيتك واهون من فراق زوجك وانتي تحبيه
حاولي تمسكي عليها شي بدون مايحس زوجك بشي
العبي لعبتك وخلي الكوره بمرماكي
راح يجي يوم ربي ينكبها وعليكي بالدعاء عليها والدعاء لزوجك بالصلاح
واذا مسكتي عليها شي وقتها تبدي تهدديها بالفضيحه بدون ماتعرف انك زوجته او تكلمي الهيئه تبلغي عنها
المهم لاتخربي بيتك ولاتفاتحيه لانه لو عرف انك عارفه وساكته راح يتمادى ولو عرف وطلبتي الطلاق اعرفي ان هذا القرار هو بدايه نهايتك
والله اني انصحك من كل قلبي
لاني مريت بهذا الشي
وانا الان في بيت الوالد من 3 شهور تخيلي واهلي رافضين رجعتي وهو يحبني وانا احبه
اااه وااااه ثم اااه ما اصعب الفراق وهمه
ادعيلي ربي يجمعني بزوجي يااارب على خير عاجلا غير اجل
وحسبي الله على بنات الحرام خرابات البيوت حسبي الله عليهم
انا حاولت ارسل لك ع الخاص بس ماقدرت

 

[{ ع..بير]

دياموند....

وربي دمعت عيني من قصتك...ياقلبي الله يفرج همك وييسر أمرك...
عليك بالدعااااااااااااء...في السحر وبين الآذان والإقامة...

الله يجمعك به قريب ويصلح شانكم ...
حاولي في أهلك إذا فيه جوانب طيبة وطالما إنك تحبيه...كلمي اللي قريب منك أو تحسيه يتقبل النقاش وفاهم...ممكن يساعدك...

طمنيني عليك الله يخليك..​

 

[مطرية]

عزيزتى

مثل ماانتى شايفه الخيانه صايره صفه ملاصقه للجنس الذكرى

يعنى لتتصورى لما تتطلقين راح تلاقين زوج وفى

كل مافى الامر الامور الها درجات

شوفى أذا بيحترمك ويحاول يخون من ورا ويهتمـ لمشاعرك

وانتى حاولى تستغبى أوقات

وأوقات تهدده

وماعرفت كيف انتى مغضوبه عليه

 

[رازيا]

زوجك يغازل .. خانك .. معه بنات في الماسنجر .. تعالي عندي الحل بس كوني قدها



أخواتي أقروا كل كلمه بتمعن
والله راح ترتاحين نوعا ما
عجبني الموضوع ونقلتـــــه لكم
قريته أكثر من مره

مساء الخير على جميع المحروقات المجروحات
إللي بداخلهم براكين لاتخمد
غضب و ألــــــــــم و حسره
أسئلة تحتاج لإجابات و إجابات
ليه تخون ؟
ليه تغازل ؟
ليه تكلم غيري ؟
أنا قايمة بكل واجباتك
أنا أعمل كل شي عشان أرضيك
أنا جميله ودلوعه
باطلع عنه أربيه
باطلب الطلاق
بابلغ أهلي
بابلغ الهيئــــه
باكلم البنات إللي يكلمهم
باتابع الأرقام إللي يتصل فيها
وبعدين ؟
بتنحل الأمور
لأ
لأ
حاسه بكل لحظة ألم تمــــــرون فيها
الغصه إللي تحرق حناجركم بالدموع
إللي تشهد عليها سجاداتكم و وسايدكم
بس خلونا نحكي بشوية عقل
كل وحده مجروحه تترك قلبها على جنب
وتحكم عقلها الزواج ماحيستمر وأنتي تتبعين مشاعرك وقلبك فقط
الزواج يحتاج لعقلك و ذكاءك و حكمتك
وأهم شي (( صــــــــــبرك ))
ولاتنسين قربك من الله
هو إللي يسمع نجوانا و يجيب دعوانا

أكتشفتي إن زوجك يلعب بذيله
أوكيه وش الجديد ؟
ليه الصدمه ؟
أغلب الرجال حالياً بهالشكل
نخرب على أنفسنا و لانحافظ على بيوتــــنا
ليه مخلين حياتكم الزوجية لعبة قط و فار
وسجين وسجان ؟
باصيده
باراقبه
باتابعه
بالعكس
الغباء نعمه في أحيان كثيره
أستغبي ماحتندمي إطلاقاً
لأن الرجل يكره المرأة إللي تتابعه
وتراقبه و تنتبه لكل شي
أنا لاحظت زوجي يرتاع لمايلاحظ مدى دقتي و نباهتي
فأصبحت أستغبي
لقيت أسهمي أرتفعت أكثر و أكثر
هذي هي طبيعة أغلب الرجال
يحبونــــك أضعف و أغبى منهم
وينفرون من ذكاءك
لأنه يحسسهم بالضعف
والرجل يكره هالخصله أمام زوجته
صدتيه يغازل
أعلنتي حالة الطواريء و الإستنفار
كنك ماصدقتي لقيتي عليه شي؟؟؟
وبديتي التخطيط للإنتقام
وجلستي عاد تجمعين الجديد
والقديم بتطلعينه على راسه
ولقى الشيطان مدخله لك
بدأ يثيرك و يستفزك أكثر
ويفتح لك أبواب شر لها أول مالها آخر
والنتيجه إنتي الخسرااااااااااااااانه صدقيني

الحلول ماحاطول عليكم
لأني حاسه بالبراكين القابله للإنفجار بأي لحظه
وهالكلام ماقلته إلا من تجربه شخصيه بحته
مايهمكم تعرفون مين صاحبتها
الأهم تعرفون النتائج
وإيش النتائج

الزوج مايكلم بنات نهائياً
جواله طول الوقت قدام زوجته
أي إتصال من بنت
أو رساله يوريها هي بنفس سامحه ومبتسم
تسوى عيونه
شايلها من عالأرض شيل
كل وقت و كل لحظه
يقول لها ماشفت أحد بحكمتك وروعتك
لوضعف بأي لحظه رمى الجوال عندها
أوقال لها كلمتني بنت اليوم
الماسنجر لماتجيه إضافه يبلغها و تضحك معه ويلغي الإضافه
لأن أحياناً ياخذون الإيميل من بعض مواضيعه
يحكي لها أي موقف يمر عليه ولوبالشارع أو بالسفر
صايرين مثل الأصدقاء مافيه حواجز أو أسرار أوغموض
هاه وش رايكم بالنتـــــــــــــايج ؟

بس ماجت إلا بعد صبر سنوات
وكفاح من هالزوجه و لحظات ألم مريرة جداً جداً كتمتها قدامه
ياما أستغبت
تعرف إنه يكلم بنت وتروح عنه
حتى ماينتبه إنها صادته
تجلس تلف تلف حوالين نفسها
وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها أكثر و أكثر تحاول تشغله
تشاركه بالنت
حتى يتعود يشاركها
تقول له شفت واحد طلب
إضافتي و أضفته طلع رجال وشته
طلع له قرون وينه هاتي إيميله
كنسلي مسنجرك
قالت له والله لويضيفني تريليون رجال غيرك مابي ولاأشوف

أرضت غروره
لما تلاقيه عالنت تجي تسولف معه حتى لومالها نفس
وماتتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
أستمرت على هالحال

كان يطلع من عندها مشوار
وتعرف إنه طالع يكلم
ماتتصل عليه تتركه ياخذ راحته كنها مادرت
لوتأخر تتصل حبيبي وش فيك تأخرت
(ماتقول معاك إنتظار)
ويرجع يلاقيها بأحلى صورة

أكتشفت إنه مسجل بمواقع الزواج
لأنها أسهل طريقه لصيد البنات
جت قالت له بعد أيام
حبيبي فيه موقع سجلت فيه أسمــه كذا كذا
أنهبل يوم عرف إنها مسجله فيه
لاعبته لاعبته لاعبته

كره هالموقع نهائياً و ماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت إنتباههم وش يشدهم
بس يحتاج منكم لفترات طويلة وكفاح حتى تنتشلوهم


ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه إذا ماخفت على مشاعري ليه أغار ؟

أجرحي و داوي
أجرحي و داوي

أسلوب الصراخ والمشاكل
والله يابنات ماينفع معهم النتيجه
جوالات ماتدرون عنها
مكالمات في أوقات طلعاتهم وحتى بالعمل
موكل مره زوجك بيكلم من جواله
ولاكل مره بتصيدي رقم ثاني
لهم طرقهم ومداخلهم
وأبواب الشر لين أنفتحت أنفتحت صدقوني

مكالمتك للي يكلمهم بتفتح لك أبواب
ليه تنزلين نفسك لوحـــــــده قذرة ؟
ممكن حتى تجرحك بالكلام
ممكن عناد فيك تتقرب له أكثر
أثقلــــــــــــــــــــــوا
إللي تبي تحافظ على بيتها و زوجها تثقل وتحكم عقلها وتقرب من الله
والله ماتندمون

بكره يجيبها لبيتك ماتدرين
بكره يسوي بلاوي مادرين
خلك نبيهه تابعي بحذر
حتى تكوني عارفه بكل الأمور
موتبقين على عماك
لين يدخل يابيده وحده متزوجها من علاقه
يامنومها في غرفتك
و أنتي عند أهلك مواعد بالعربي

لاإتصالكم بالهيئه بتنفعكم
أما بيرميك فبيت أهلك بحجـــة أتهمتيه و فضحتيه وشوهتي سمعته
والرجال لين حقد حقد
ولاطلعتكم لأهلكم بتنفع
ولاخناقك بينفع ممكن يطق بوجهك
ويقولك خلاص هذا أنا عاجبك هلا
ماعجبك طقي راسك بالجدار
(وأنتم أخبر ببعض هماجة الرجال وعنادهم وبجاحتهم)

أثقلوا و حلوا أموركم بذكاءكم وكيدكم
إللي تبي فعلاً تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
إن زان الرجال مازانوا البنات
مايخلون أحد بحاله
والدليل روحي معه لأي سنتر
وشوفي كيف يحلى في نظرهم
لمايشوفونه مع زوجته وتبدأ حركات الإستفزاز
حنا يابنات يامجروحات في زمن الفتن و الشدائد كل يوم يمر نشوف أعظم
هل نخرب على أنفسنا و لانحل أمورنا

أنتي لما تطبخين طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسرين

ولاتخليها تتسبك على نار هاديه
حتى لوميته من الجوع ؟
وتطلع زي الورد

العاقله بتفهم كلامي مضبوط
الله يعلم إني ناصحه لكم و متألمـــه للألامكم
موكل زوج ملتزم يخاف الله و يتقيه
ويوم مايلاقي إن زوجته ماتكفيه بيتزوج ثانيـه
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم
خلتني أكتب لكم اللي بخاطري
فهمتوني يابنات ؟
الموضوع منقــوول بعد ماشفتكم تشتكون من الخيانه
الله يبعد الخيانه عن بيوتكم و يسعدكم يارب

 

[قلبـي كبـير]

مااعرف اش اقول لك

بس بسئلك دامك عرفه انه مغصوب عليك ليه قبلتي فيه ..