طريقتك للبر بوالديك "أفكار مميزه للبر"

[كنت"أتمنى]

السلام عليكم ورحمة الله وبركاته ،

خواتي ..

ما يخفى عليكم أثر بر الوالدين في تربية الطفل :34:، بمعنى ان الطفل لما يشوف كيف أمه وأبوه باريين مطيعين لجداته وجدوده أكيد رح يعيد نفس الأسلوب لأمه وأبوه لما يكبر :39: ..

فمن هذا المنطلق :2:..
ودي تكتب كل عضوة ، أكثر وأكبر شي قدمته أو سوته لوالدينها وتعتقد أنهم كانوا راضيين عنها وقتها..:1:

الهدف نجمع أكبر قدر من الأفكار المميزة " غير المعادة " للبر ..

لاتنسين أن أي فكرة تكتبينها وتسويها غيرج رح تاخذين مثل أجرها ( من سن سنة حسنة فله أجرها)

عني أنا:
امممم ... ابوي يفرح كثير لما ادخل البيت وابوس راسه .. وامي تفرح لما تكون مشغولة بحاجة وأكمل عنها..

يالله دوركن ..

 

[ام رنومه]

الله يعطيك العافيه ويخليهم لك
انا يفرحوا لما اجيب لهم شئ وانا افرح كماااااااااان

 

[لولو2010]

يفرحون لما اتصل عليهم يوميا واحضر لهم هدايا

 

[اريد-اسجل]

امممم اممممم
بالنسبة لي انا مرة لما كنت في آخر سنة من المرحلة الثانوية ((عمري ما راح انسى هالموقف))
كنت جالسه فالصف و المعلمة كالعادة اول شيء تكتبة التاريخ ........
ولما تكتبته كان 21-3====>يعني يوم الام
مع اني كنت انتظره هاليوم بفارغ الصبر, لكني نسيت
قلت بخاطري اوووه انا الحين فالمدرسة وما يميدي لي اسوي شيء للوالده
.........
.........
وش اسوي!!!!!!!!! وش اسوي!!!!!!!
.........
.........
اخذت ورقة بيضاء A4 و رحت للكل معلمة علمتني و قلت لها اكتبي شيء عني تبغين تقولينه لامي و لو كان شيء ما هو زين
وكل معلمة عطيتنها قلم بلومن ثاني وكان شكل الورقه الوان والخطوط من كل بستان
المهم
رجعت البيت,, ولما شفت امي يالسة المساء مع اخواني واخواتي برا في حديقة البيت
جيت من خلها وحضنتها وقلت لها انا بعطيج شيء انتي تعبتي علييييييييه 18 سنه والحين لج الحق تشوفين نتيجة تعبج
و قلت لها الورقة....
.............................
ولما انا اقرا الورقه لفتفت ليقيت عيون الوالده مليااااااااانه دموع ((فديت دموعها يا ربي)) والكل اللي متاثر و اللي يبكي واللي........
و طبعا انا مت من الصيااااااااح
خذت امي الورقة وحطتها في خزنة الذهب (قالت امي هذه اغلى شيء فحياتي)

طولت ادررررررررررررري
بس حبيت اخبركم بموقف اثر فيه وفي امي وفي الكل​

 

[حنين الحجاز]

روعه فكرتك اختى كتابت معلماتك على الورقه الله يخليلنا امهتنا وانا اهلي يفرحون اذا جبت لهم هدايا اوكلمتهم بالتلفون الله لايحرمنا منهم

 

[سهام اليل]

موضوع رائع
انا بقولك تجربتى مع اطفالى
اطفالى اذا رحت لاهلى او اهل زوجى يستحوون يسلمون او يسلمون بليد فقط

بس اذا شافونى احب راس امى ويدهاا
قلدونى ع طوووووووول
الان ماشاءالله يسلمون قبلى
واذا بطلع من عند اهلى يسلمون ع امى ويحبون راسهاا ويدهاا

اتمنى انى افدتك
واذا تذكرت شي رجعت وكتبته

 

[AL GUMAR]

موضوعك واجد حلو ياعمري ..تصدقوا نعمة ان الوحدة تقدر تحضن وتعبر عن حبها لامها بالكلمات
بس انا امي ماتحب هذه السوالف ابدا ..والله احس بالغيرة لما اشوف اي ام تحضن بناتها ..هي من لما احنا صغار تخبرنا ما تحب الحضن او البوس ابدا ..بس احنا نعبر عن حبنا لها بالهداية ونمشيها بالاسواق ونبر بها

 

[حضي المنسدح]

فكره حلوووووووووه
بدون تكاليف

 

[سيدة ( أعمال )]

أنا أبوي ينبسط لما أمدحه .. وأخليه سيد الرجال ومافيه مثله .. << شمالي شرقي
وأحلى شي عنده التهميز ^^<< مساج

......

وأمي تفرح لين شافتني أنتقد حركات (النص كم ) تزيد ثقتها فيني .. وكمان لين شافتني طموحة ومهتمة بالمستقبل ..

وكمان الهدايا لها أثر حلو ..

وأهم شي تبينون حبكم للناس اللي يحبونهم ترا هذا من البر ..

 

[صمود بنوتة]

الموضوع غايه في الروعه بس تدرون شنهو مشكلتي استحي اسوي بعض التصرفات معا امي لانها ماعودتنا على كذا وها لشي والله مضايقني بس الحين انا جالسه اطبق على بناتي اعلمهم يحترمون الكل واولهم امي وابوي لازم اخليهم يبوسون ايدهم وراسهم الله يخليهم لنا يارب ,

 

[غدوو وبس]

االله يعطيك العافيه على الموضوع انا متعوده اول مااقوم من النوم اقبل راس امي وابوي وبعد حتى لو طلعت مكان لو قريب وجئت لازم اقبلها على راسها على فكره كل عايلتي يعملو كذا لمي حتى اشوف عيال اخواني وخواتي يقبلو راسها وكذلك اذا رحت السوق مستحيل اشتري شي لي ولااطفالي واترك
امي لازم اشريلها مابيها تحس اني اغلي احد اكثر منها واحس انها تنبسط الله الله يعينا على برها بس

 

[تفاءل]

تنبسط امي لما اسوي لها قهوة العصر

 

[*judy*]

اذا ذكرت امي انها بدها شي تشتريه اجيبلها اياه ازا خرجت قبلها و قبل لانزل على السوق اكلمها ازابدها شي اجيبلها اياه معي وحلو لو مرة بالسنة اطلعها معي واعزمها على مطعم

 

[كنت"أتمنى]

الحمدلله

:24: ماشاء الله تبارك الله

انا غبت وتوي اقرى ردودكم

الله يرزقنا واياكم بر والدينا ..

ماشاء الله افكاركن حلوة وبعضها مميزة تبارك الله

تعقيب بسيط : اكثر من اخت ذكرت انها تستحي مثلا تبوس راس امها ، انا اقول لكم عن تجربة شخصية انا كنت مثلكم! لكن حاولت وحطيت على نفسي شوي ، ولقيت ان امي وابوي الحين هم الي ينتظرون البوسة :31:
لاتحرموهم من هالشي



وانا اقرى جتني فكرة انه لو جمعنا عدد حلو من الأفكار المميزة يبقى نحصرها ونخليها في موضوع لحاله ، ونحاول نرسله كصدقة جارية في ايميلاتنا .. بس الهمة الهمة يابنات ..
اشرايكم في الموضوع؟

جديد أفكاري :
1ابوي الله يحفظه يسافر للعمل كثيرا ، ففي كل مرة يرجع يلقنا كتبنا له بطاقة جماعية ، كل واحد من العايلة يكتب له اشكثر له وحشة ، وهالكلام من حنا صغار ، مرة كنت ابي اعطيه ثوبه ففتحت دولاب ملابسه لقيت جميع البطاقات من حنا صغار معلقين ورى باب الدولاب !( البطاقات صار لها اكثر من 10 سنوات )


في انتظار ردودكن

 

[عالم اخر]

اهم شي احترامهم وتقديرهم وعدم الرد عليهم ابدا حتى لو كان الحق معنا
وايضا ابوس على رأسهم اذا زرتهم انا واطفالي عند الدخول والانصراف
وفيه حركات اسويها مع الوالده مرررره تنبسط منها مثلا اذا زارها ضيوف احضر لها اطباق تقدمها للضيوف ( حلا او موالح او عشاء ) أوتاخذها معها اذا زارت احد
واذا طلعنا نزور وحده والده او اي احد اخذ لها سلة شوكلاته واكتب في الكرت انها منها وتقدمها هي
* فيه حركه حلوه تبسطها بعد اشتري لها كرت شحن للجوال تشحن فيه جوالها
* فيه بعد طريقه حلوه هي تخصيص مصروف شهري تقدمينه للام اوللاب حسب استطاعتك واذا حسيت انهم محتاجين شي احاول اوفره لهم على قدر المستطاع
* تاخذين لهم الاكلات المرغوبه عندهم مثلا القرصان او ورق العنب او كليجا ،كراث (ههههه امي تحبه )،او اكلات low fat قليلة الدسم ،اوشاي اخضر فاخر، ماء زمزم ........... وانتم ادرى بوالديكم
* تقديم الهدايا لهم والتنويع فيها مثلا اقدم لهم مصحف بخط كبير وواضح واطبع لهم الاذكار بخط كبير وواضح واعلقها بالقرب منهم اواقدم لهم جهاز جوال سهل الاستخدام
* البر باصدقائهم والتواصل معهم

ويارب ترزقنا برهم ورضاهم عنا ومهما فعلنا فنحن مقصرون والله المستعان
والله يحفظهم ويخليهم لنا يارب ويمتعهم بطاعته
وعــــــــــــــــــــــــــــــــــــــــــــــــذرا عــــــــــــــــــــــــــــالاطـــــــاله
احببــــــــت افادتكم​

:icon26:​